面對乳癌挑戰的妳
呢度有面對乳癌挑戰的妳所要知嘅野：乳癌睇咩醫生、乳房檢查三步曲、乳癌點分期、香港乳癌存活率、乳癌點樣醫、乳癌手術點樣揀、乳癌化療需知、乳癌標靶治療、乳癌電療、乳癌荷爾蒙治療、乳癌CDK4/6抑制劑、乳癌補骨針、乳癌免疫治療、乳癌食療、乳癌中醫治療、有咩人幫到手⋯⋯
面對乳癌挑戰的妳
「乳癌醫生」系列主要教你有事搵咩科醫生、去私家好、定排公立好、點樣排期可以排快D：
「乳房檢查三步曲」系列教你乳房檢查嘅3個重要環節，唔好做錯或者做漏：
乳房造影檢查 （ 乳房X光 ／ 超聲波 ） － 乳房檢查三步曲2
「乳癌分期」教你點分自己乳癌係咩期數，心裡有數先能夠安心作戰：
「乳癌分類」教你點分自己乳癌係邊類，了解多D自己個病，做好治療同保養：
「香港乳癌存活率」一個最多人想知、最多人問、最多醫生唔想答嘅敏感話題：
「乳癌治療 － 我需要用咩方法醫」系列比你一個整體治療大方向，宏觀咁睇吓醫乳癌5大法寶「手術、化療、標靶治療、電療及荷爾蒙治療」幾時用，邊樣啱自己：
「乳癌治療攻略」系列進一步幫你諗埋作戰大綱，一於看圖識字／按圖索驥，睇住自己第幾期，就知條路要點行落去，以後唔洗再怕「有乳癌點算好？」：
「乳癌手術」系列教你乳癌手術嘅一切：開刀安唔安全？有咩方案你揀？點樣揀？
「乳癌化療」系列教你乳癌化療嘅一切：我需唔需要化療？用咩化療好？有咩副作用？點處理？希望你見到呢個世界，原來黑暗盡頭係一片光明⋯⋯
「乳癌標靶治療」系列教你標靶治療嘅一切：點配合化療？費用貴唔貴？有咩副作用？
「乳癌電療」話你聽電療同化療有咩分別？過程係點？有咩副作用？有咩後遺症？費用幾多？清楚了解之後你就知道原來鬼片冇鬼，原來唔洗驚⋯⋯
「乳癌荷爾蒙治療」話你聽點解要食抗女性荷爾蒙藥？有咩藥揀？點食法先最啱你？食幾耐？幾多錢？有咩副作用？希望你日日keep住食，藥箱都變成首飾箱⋯⋯
「乳癌荷爾蒙標靶藥CDK4/6抑制劑」教你管腔型乳癌患者的新希望，唔好錯過可能救返你一命的CDK4/6抑制劑⋯⋯
「乳癌補骨針」教你醫生不曾告訴你的補骨針三大妙用，唔好錯過可能救返你一命的補骨針⋯⋯
「乳癌免疫治療」教你如何釋放自己的天然抗癌潛能⋯⋯
「乳癌食療及食物禁忌」話比你聽咩食得、咩唔食得、點樣補身？原來西醫都有戒口⋯⋯
「乳癌中醫治療」話比你聽中醫得唔得，幾時先可以試中醫：
「保險魔鬼細節你要知」教你喺未對抗乳癌病魔前，如何對抗保險公司陷阱：
「乳癌同路人分享」系列，等過來人帶領你越過乳癌幽谷（歡迎投稿，與同路人分享你的喜怒哀樂）：
「乳癌支援」系列等你知道有咩人係你最沮喪嘅時候幫到你手：
香港乳癌及乳病治療中心 
請問若抽針化驗確定是有癌細胞，通過乳房磁力共振後，醫生決定用全乳房切除，請問再需唔需要去見多一個醫生的意見？謝謝回覆。
咁要視乎你信唔信那位醫生嘅建議，信就唔洗，唔信就問多個醫生。
謝謝您！想請問是否香港或澳門醫，醫療水準都會一樣？
我本身唔熟澳門醫療體系，而且問題太空泛／籠統，係唔可以咁樣比較兩地嘅醫療水準。
謝謝您回覆。我下星期三會入院星期四造手術右乳全切，如冇擴散就會即時重建。是即入鹽水矽袋。家人覺得香港醫療好些，想我回港看多一個醫生的意見，但我覺得，如果在澳門抽針結果是有癌細胞，醫療的結果都會是一様，即是切除。所以我選擇了在澳門醫。請問我這個想法有沒有錯？謝謝您意見。
你意思是淋巴擴散嗎？
醫生話做乳房切除時會即時抽林巴組織化驗，若擴散就不能即時做乳房重建。另外有朋友説現在香港有3D機可即時照和知第幾期，建議我回港確定才決定做乳房切除手術。除非我不信抽針化驗結果，若不是我應該相信化驗結果而不需要再做一次3D機。請問抽針化驗會否有機會出錯？謝謝回覆。
去照遠端器官有冇擴散嗰D機叫PET scan或者CT scan，不過睇淋巴有冇擴散都係前哨淋巴準確D。
有人嘅地方就有機會出錯，不過抽針化驗出錯嘅機會係十分罕有。
做唔做PET scan同信唔信化驗結果係兩回事。唔信抽針結果嘅合理行為係再抽多次針（不過如果冇合理懷疑抽針出錯，咁做係浪費自己時間／金錢）。另一方面，信抽針結果係唔影響「做唔做PET scan」嘅決定。
十分謝謝您意見！我其實還有問題，就是如果加入鹽水矽袋後，坐飛機有冇問題？例如水袋擴大？還有入美國安全撿查，會否有問題？例如體內有異物？謝謝您的耐性解答，您的網頁對我十分有幫助！
坐飛機／安全檢查冇問題。
謝謝您！
請問乳房重建、鹽水矽袋、可否永遠保留體內，永遠不取出來？
理論上係得，不過實際上二三十年後可能老化要換。
請問老化也不取出可以嗎？謝謝回覆！
如果唔介意變型，理論上可以，當然要睇當時實際情況。
謝謝您！
請問是否乳房切除後或重建後、如加入矽袋，或切除林巴後，永遠不能浸溫泉？因為我聽到一個護士説的。不知原因是什麼？謝謝回覆！
如果全切淋巴，怕淋巴水腫，係會建議唔好浸溫泉。主要怕血管因熱力擴張，淋巴液回流唔切（即係入嘅多咗，出口仲係咁窄），加劇水腫。
矽袋就怕高溫變質，不過主要係外置義乳先怕。內置矽袋理應冇咁怕，因為你自己皮膚都唔會頂得順太高溫。
十分感謝您對我們的關心、耐性和付出！謝謝您！
您好，今天我見了腫瘤科醫生，他說若腫瘤超過1cm，他們建議我做四次化療加食五年藥。若我拒絕化療也可以只吃五年藥。他給我兩星期考慮。我擔心化療後自己唔知可否照顧自己！我要多些勇氣面對。因我自已一個人住。我右乳全切，現重建中。我的朋友建議我回港問多一個醫生建議。我希望聽聽您的意見。謝謝您！
你已經做了手術，病理報告應該有齊囇所需資料，唔明白「若腫瘤超過1cm」的意思，超過就超過，唔超過就唔超過，冇話「若」字。你帶齊報告去睇多個醫生攞意見，對你係百利而無一害。
對不起，我腫瘤是超過1cm，所以他建議4次化療和吃五年藥。
究竟建唔建議化療，係一個好複雜嘅判斷，有好多因素要睇，並唔係單睇腫瘤大細就可以簡單決定。你可以參考上面化療嗰一部份，病人要知嘅野已經包括曬係度，唔明嘅地方就要靠醫生幫你決定。我唔想好簡單咁講一句「打啦」或者「唔打啦」，因為咁樣塘邊鶴式嘅回應並唔係一個負責任嘅表現。
謝謝！
您好醫生，醫生對我說當我完成四針「每三星期一針」，再過四星期便可幫我換入永久矽袋。請問化療完後最好有幾多星期後才適合做手術？謝謝您！
如果唔洗電療，四星期後OK。
謝謝您！
醫生話打四次化療和吃五年藥，若拒絕化療也要吃五年藥。請問若我選擇吃五年藥，其間若有事才化療。這個選擇可行嗎？
要視乎點界定「有事」。如果有事係指局部復發，仲有得根治時，化返療「希望」補救到。但如果有事時係擴散咗／根治唔到時，化返療係補償唔到。
謝謝您回覆！我想請問手抽血有冇次數限制，例如一個月可以抽幾多次？因我在這四個己抽了四次血：如成人保健檢查、婦科檢查、手術前、化療前。五月婦科復診前又要抽血。我所知化療期間也要抽血！我右邊乳房全切加兩粒林巴。我所知右手不可治療，即是不可在右手抽血。以後抽血只可在左手、我擔心左手血管可以受多少次抽血！謝謝您的回覆！
冇次數限制。其實你右邊只係切咗兩粒前哨淋巴，可以當佢正常手咁看待，抽血係冇問題嘅。只係有得揀時，當然揀更加正常嘅左手黎抽。
謝謝您、即是我右手可以拿重物都不怕水腫？對不起，我還有問題，有朋友説在化療之前吃雲芝可提升免疫力，做化療時冇咁辛苦。唔知係唔係真的？謝謝、謝謝您！
只會話有得揀就揀好手黎用，但冇得揀時做咗前哨淋巴嘅手唔係你想像中咁脆弱／咩都唔做得。
雲芝／靈芝等等中草藥有冇效／有冇根據就見人見智，要求佢地好似西方醫學咁做曬研究／實驗／對照係不切實際，所以西醫好少建議服食呢D中草藥（因為都唔知得唔得，尤其喺呢個咩都講求證據嘅evidence based medicine 年代）。但你問中醫呢，呢D中草藥就有根有據，可能由黃帝年代幾千年前已經用起，西醫話冇用因為西醫唔識野／貨。所以結論係講個信字，信則有不信則冇。我嘅立場係化療期間盡量避免，費事節外生枝（怕佢搞到酵素高，抽血唔合格）。到完成曬化療，你鍾意點補身都得。
醫生建議我打ACx4Cycles和吃五年Tamoxifen。也可拒絕化療只可五年藥。我可否電郵我的腫瘤報告給您，我希望您可以給我意見！謝謝您！
唔好喇，網上電郵問病並唔係一個正規／理想途徑，我唔想有任何角色／利益衝突，建議都係問返自己醫生／問多個醫生意見。
請問我三月十九日造了乳房切除手術加兩粒林巴冇擴散。澳門醫生建議打4枝AC針加吃五年藥，因他説打化療可有機會曾加5%不覆發的機會。我也看了兩位香港腫瘤科醫生，他們說不需要化療，因幫助不大，但他們都建議25次電療，因切出腫瘤的邊緣margin只有0.1cm，如果有0.2—0.3cm會比較理想。因我一個人住，怕化療傷身和不能照顧自己，聽到不需要化療已經很開心。請問因我現重建中，內有擴張器，電療後要休息幾耐才可以進行手術換上永久矽袋？同埋電療時間性，是否越早做越好？十分感謝您為我們分擔壓力！
電療在做完乳癌手術半年內做就已經OK。至於永久矽袋，則完成電療後半年以上才做。
您好醫生，又係我，今天見了澳門鏡湖醫院腫瘤科醫生，關於電療的，他説電二十五次，但電完後皮膚會纖維化，我要十號見山頂外科醫生，問他這會否對我之後換永久矽袋有影響，我現有擴張器。他們説多數人是重建後才來電療。請問若我換了永久矽袋才電，要術後多久才可以電？若換了永久矽袋才電，會對身體有冇不良影響嗎？十分感謝您的回覆！謝謝您！
正正就是怕纖維化，所以先要先放擴張器電療時用。唔會呢個時候放入永久矽袋。
若纖維化對外科手術換回矽袋是否有一定困難？對不起，因不明白。謝謝回覆！
有困難的，但正正因為有困難／問題，所以就想換袋時一併手術處理（界返鬆佢）。而唔會呢家先換袋、後電療、之後一世有纖維化硬咗問題。
請問我應該選擇電十六次定係電二十五次好呢？因為香港QE會電十六次，而澳門鏡湖就會電二十五次。 同埋想請問我現在應該開始吃五年藥、定係完成電療才吃？感謝、感謝！我除了祈禱外，唯一可以求救的人只有您 Breast HK！
兩個方案效果冇大分別，當然電少D次數方便D，詳情參考乳癌電療大解構－原來唔洗驚。
如果唔洗化療，藥就可以而家開始食。
我今天下午見了鏡湖腫瘤科醫生，他説平衡風險，0.1cm紙口位可電可不電，有得選擇我很開心！ 我選擇了不電，他建議我盡快開始吃五年藥。一切決定都需要很大的勇氣和信心！謝謝您Breast HK！
今天取了藥、Tamoxifen ‘Ebewe’ 10mg 30Tablets. 早、晚各一粒、即毎天吃二粒。 因我見你網上寫是一日吃一粒。請問為何我要吃二粒、有什麼不同？
只係包裝問題，Tamoxifen準確D講係一日食20mg，如果你的包裝是20mg一粒，就一日一粒，如果包裝是10mg一粒，自然一日食兩粒。
謝謝您，请问我同時飲補鐵水，有冇問題？ 我現在飲緊抗貧血藥、Ferrum Hausmann Syrup Pharmaceutical form oral solution Oral iron therapy，每日5毫升。謝謝回覆。
冇問題。
您好，若纸口位只有0.1cm，請問我是否需要接受電療十六次？ 請問Tamoxifen可否放雪櫃存放？感謝您！
唔適宜單憑你所提供的資料去判斷，太多野欠缺。
Tamoxifen 藥廠係建議儲存喺室溫20-25度。
早晨醫生，請問擴張器可放體內多少時間？有沒有限期？因我電療後要等皮膚痊癒。謝謝您回覆。
沒有明確期限，如果一直相安無事，可以繼續存放體內。
謝謝您！☺
您好，醫生:請問手術後，第一次飲水，是否不可以好似平時咁飲，例如要用飲管，同不可以喝下，要吐反出來，等自己適應了，才可慢慢嘗試？
飲水冇任何禁忌。
您好，醫生，現身體內有擴張器，注滿鹽水，現感覺硬硬的。請問可否坐飛機？因怕澎漲。感謝回覆！
坐飛機沒問題。
你好，今年39歲，2015年1月確定第一期乳癌，做了局部切除腫瘤手術，電療+化療+食荷爾蒙藥，2016年2月發現擴散至第4期，心情比較差，現在有什麼可以做。
去睇吓乳癌四期治療攻略 － 末期仲有冇得醫？
乳癌復發治療攻略 － 求生大作戰
你好！朋友媽媽70歲，個多月前摸到右乳12:00有硬塊，照後抽針證實invasive ductal carcinoma grade II, ER8 PR5, Ki 65% Her2 neg, FNA, R axilla positive, PET scan right axillary node level 1×2
外科醫生建議先化療，上星期見了政府腫瘤科建議打 4AC+4TC, 每3星期一次，但要排至起碼月尾才開針，所以決定先在私家打1-2針（或最多AC 4 針）再在政府醫院銜接，但私家醫生說因ki 高，可考慮2星期打一次，另加特強（或6枝普通）升白針，請問以病人年紀來看，有需要改以2星期打一次嗎？
每兩星期一次的打法（dose-dense，DD）主要用於三陰性乳癌，朋友媽媽荷爾蒙受體陽性，其實冇證據支持dose-dense好D。
感謝你的回覆那我們就照舊每三星期做！
我想請問上2個星期確定係乳癌 腫瘤有4cm咁大 會唔會好大機會擴散左？ 同埋下2個星期會做手術切除乳房 做手術前有無咩野食係唔可以食？例如雞 牛肉等
腫瘤係大，如果怕擴散，就應該手術前做PET scan／CT scan／Bone scan。另外手術前冇野要戒口，只係唔好食中藥。
PET Scan即係？
正電子掃描。
你好, 本人47歲, 早兩天, 我被確診為三陰性乳癌, 右邊乳房有3粒3cm以上的腫瘤, 及有2粒4.5cm以上的腫瘤在淋巴位, 醫生話屬第三期, 如進一步檢查, 確認有擴散, 便屬末期, 醫生建議先化療, 再做全乳切除, 但我唔想做全乳切除, 只以切除腫瘤, 但醫生話唔建議, 因容易復發, 請問是否真的要全乳切除? 沒有其他方法.
我現時在公立醫院做治療, 我之前睇過你們發表過的文章, 話重建乳房可以保留乳頭, 是否真的? 因政府醫院給我睇的重建乳房只是一團肉, 我沒有辦法接受, 可否盡快回覆, 謝謝.
要視乎嗰三粒腫瘤的位置，同埋對化療的反應，先可以話係咪冇其他方法。
保留乳頭乳暈全乳切除術近十年漸漸興起，外觀效果確實比傳統全乳切除（犧牲埋乳頭乳暈）優勝，至於技術上做唔做到、安唔安全，要評估過先知。
醫生, 您好. 我上個月做了Stereotactic Guided Vacuum-Assisted Right Breast Biopsy. 結果發現有 two foci of LCIS, “show grade 2 nuclei in solid pattern”, LCIS 5mm in the maximal dimension. 主診醫生建議要做手術, 及在做手術前先做一個乳房MRI, 手術是將鈣化位置及附近組織切除.
我想請問, 是否必定要做手術? 有其他治療的方案嗎?
謝謝.
要視乎上次微創目標大致刨清未？同埋LCIS 係classical type 定pleomorphic subtype？呢兩個因素會影響洗唔洗做手術。唔做手術就係淨觀察。
您們好！
我今年55歲，今年27/1確診乳癌，本安排一月底做手術，但PET Scan結果證實輕微擴散到肺部及內淋巴。
細胞檢查顯示：
Oestrogen receptor positive
Progesterone receptor positive
c-erB2 oncoprotein negative
High profilerative activity
乳腺科醫生根據我的細胞檢查，推薦我用一種新藥，忘記了藥名，我沒有接受因爲非常昂貴，就服他處方的Femara。
因為我是HA肝膽胰科及糖尿科長期病人，就排期見過東華醫院乳腺外科。12/3初診瑪麗腫瘤科，醫生贊成服用Femara，並建議一起服用標靶藥Palbociclib，治療效果會更好。
我了解過這標靶藥副作用都不少，加上價錢昂貴，而且不是限定週期服用，除非無效，不然要一直服用下去。感恩已找到相關的藥物資助計劃。
但仍然有疑慮：
我是否適合Femara+Palbociclib？
我6年前割除了整個胰臟+十二指腸，是一型糖尿病人，每天打胰島素針，吸收功能較弱，要服用消化酵素，體質偏瘦弱和肝功能也輕微弱，
希望您們能給我一些寶貴意見。謝謝
合適。
醫生，您好。
我向請問為何在大陸的病理報告上有vascular tumor thrombus，脈管癌栓，而在香港的病理報告上看不到。
這個指標是否重要?
謝謝
要上文下理。
你好, 我因乳頭溢液問題 (大力按某一位置會有少許透明帶黏性水珠在乳頭溢出), 剛在公家抽完粗幼針，位置1是C2 良性, 請問良性變惡性機會是否不高, 甚至沒有直接關係? 位置2是C3 papillary lesions, 但因那位置的乳頭溢液問題持續, 醫生建議全身麻醉做手術, 在乳頭位置開刀割除……. 我掙扎如果唔做手術, 我忍受乳頭溢液問題, 是否可行? 謝謝
唔建議觀察，papillary lesion 可以係癌黎嘅，所以做手術好D。
醫生你好，我媽咪今年3月25號於私家醫院做了左邊全乳手術，腫瘤大小是1.6cm，前哨淋兩粒初次顯示無問題，但最後報告顯示其中一粒有癌細胞 the largest tumor cluster measures 0.238 mm across microscopic ally. 1. Estrogen receptor and progesterone receptor are positive also Allred score 8/8 and 5/8 respectively. 2.C-ERBB-2 oncoprotein expression – equivocal (score 2/3) 3.Ki-67 proliferation index upto 20 %. 再測試了是否需要標靶藥，結果是 her2 negative。 4月頭外科醫生轉介去見同醫院的腫瘤科醫生，腫瘤科醫生表示我媽咪什麼治療也不做有7成機會康復，如果做化療加藥物治療可達8成至9成，但我媽咪是一個極度膽小的老人家，擔心淋巴有小小的癌細胞問需不需要電療，醫生一口拒絕了，認為沒需要，至於化療計劃醫生只表示會用 taxol. 打12針收12萬，再問醫生就不耐煩不想答，媽咪沒即時回覆在私院接受化療，想了解一下再決定，政府醫院的腫瘤科是排了5月27號才去見才去見第一次，不知會是什麼時候才安排到化療，她想問問你有冇什麼意見，麻煩醫生
淋巴微感染可以唔洗電。
每星期一針Taxol 係好選擇。
本人2012年患乳癌（當年38歲）, 在德國治療, 順序做了化療, 电療, 手術（只切除腫瘤）及五年荷爾蒙治療, 已完全康復, 而医生診斷為BRCA2型. 後2020年本人母親亦患上乳癌（當年64歲）, 切除了一边乳房. 今年一月底本人妹妹亦患上乳癌（今年43歲, 已婚, 无小朋友）, 医生抽針後断定為1/2期乳癌, 淋巴未有腫脹情況, 医生基於家族遺傳因素, 建議双乳全乳切除, 我想问馬医生, 需要這样狠去做双乳切除手術嗎？不能夠只切除局部乳房或單边乳房嗎？
如果妹妹都係BRCA2突變，兩邊全切係最徹底做法，局部／單邊得唔得就要臨床評估。
馬醫生你好, 我38歲 6月27號翻刀做了右邊乳房切除, T1aN0M0 stage1A, ER + / PR + / HER2 – / Ki67 20%
Sentinel lymph node, negative for malignancy in 2 lymph nodes (0/2)
Invasive carcinoma of no special, histologic grade 2, size 5mm in greatest dimension
Invasive carcinoma margin >10mm from all margins
Ductal carcinoma in situ, grade III (high). Estimate overall size (extent) – multiple foci, size of individual foci ranging from 0.1-0.6cm in maximal diameter present in 4 serial slices of previously excision cavity (at least 4cm in greatest dimension from medial to lateral extent using gross and mircroscopic evaluation)
Margins : uninvolved by DCIS
Distance from closest anterior margin 3mm
Distance from posterior margin >1mm
Additional findings: Remaining breast with microcysts and columnar cell change with micro calcification. No residual invasive carcinoma
見了腫瘤科，建議我做25次電療，原因係DCIS Distance from posterior margin >1mm唔理想
請問馬醫生你的建議, 電療有需要做嗎? 另外Tamoxifen建議食5年定10年. 謝謝
要視乎手術醫生割得徹唔徹底，徹底就唔使電，唔徹底就最好補電。食藥5或者10年都可以。
多謝馬醫生回覆，手術醫生話我胸肌薄，再切就到肌肉。
肌肉可以割嘅，不過好有可能醫生嗰刻唔知咁貼。都係嗰句，如果手術醫生認為徹底就唔洗電。
馬醫生，我今日第二次見腫瘤科，醫生強烈建議我做電療。我亦接受了。手術在泰國做的，我住的城市沒有電療設備，要飛去曼谷做，我想不如返港電這樣可以嗎？6月27號手術，下星期才安排電療排期會來得及嗎？時間上容許我這樣決定嗎？如我選擇在曼谷做，醫生說兩星期內可以開始第一次治療。
可以返香港電。
馬醫生，我見左QE腫瘤科了，醫生説我不需要電療，他說我已經全切加上病理報告話底床冇癌細胞，invasive只有5mm 第一次手術已經做清，好早期發現，只需食5年Tamoxifen。馬醫生你認為呢？
可以。
馬醫生，我今年47歲未收經，2019年確診乳癌pTla(m) ， 前哨淋巴無感染。ER+ve PR+ve ，c-erbB2 Score0， Ki67 2%。本身有類風濕關節炎，5/2019開始
食tamoxifen。請問抗荷爾蒙藥食5年還是10年好呢？HA現時有無傾向那個年期？
你個病好早期，5年都已經足夠。
Hello, I am 64 years old and diagnosed with Stage 1, grade 3 breast cancer in my left breast in June 2024. I am a Hong Kong resident but immigrated to the US since I was 12. I retired end of 2023 and moved back to Hong Kong. After learning that I have cancer I flew back to the US for surgery and treatment since I do not have health insurance in Hong Kong. I had lumpectomy performed on July 12 and confirmed cancer has not spread to lymph nodes. I will begin chemotherapy and target therapy on Aug. 14 followed by radiation therapy. My cancer is triple positive so I am HER2+. My treatment plan is Paclitaxel plus Herceptin for 12 weeks, then continue with Herceptin for one year. I plan to complete chemo and radiation here in the US but was wondering if there’s any way I can go back to HK for Herceptin treatment only. I understand Herceptin is self-pay and very expensive. Can you please let me know if I can do phase 1 treatment in the US and continue with phase 2 treatment in HK? If so, how can I go about continuing treatment and how can I apply for financial assistance? I am retired and do not have any income nor I have any assets. Greatly appreciate any advice.
You can come back to Hong Kong to continue your treatment at any time. In order to enroll in the public system, you will need a referral letter addressed to the oncology department of a public hospital. If you need to apply for financial assistance, you should inform the doctor in charge so they can refer you to a medical social worker, who will help you with the application.