教你醫生不會告訴你的乳癌秘密，做一個唔會後悔一生的決定
究竟乳癌治療要點樣揀？先可以保留乳房同時又保命保健康？入黎教你5個乳癌醫生不會告訴你的秘密，做一個唔會後悔一生的決定⋯⋯
剛確診乳癌嘅你
圖片來源：hksar.org
第一樣野你感覺到嘅係恐懼同絕望
「點解會係我？」
「我仲有好多野未做，唔可以咁快離開～」
「我走咗，我仔女點算？我老公點算？」
喊出黎，即管喊出黎，喊出黎會舒服啲，唔需要收埋自己嘅感受。當你坦蕩蕩地面對自己嘅感受，我地先可以重新出發去面對乳癌嘅挑戰，打贏呢場仗，攞返屬於自己嘅健康。
當醫生宣佈乳癌確診的一刻，你一定三魂唔見七魄，咩都聽唔入耳。當你回過神黎，第一樣要搞清嘅係乳癌嘅期數同屬性，因為呢兩樣野決定咗你有冇得醫，決定咗我地條路應該點走落去。
下面就係唔同期數嘅單張，佢地就係你嘅地圖，一幅帶你走出迷陣、逃出生天嘅地圖。慢慢對一對自己乳癌嘅期數、屬性，你就會知道黎緊有咩難關等緊你，我地要點做先可以克服呢一啲難關，黑暗盡頭嘅光景究竟係點樣樣。
醫生話我係第零期乳癌（原位癌）
https://www.breasthk.com/pamphlet/pamphlet-stage0.pdf
醫生話我係第一期乳癌
https://www.breasthk.com/pamphlet/pamphlet-stage1.pdf
醫生話我係第二期乳癌
https://www.breasthk.com/pamphlet/pamphlet-stage2.pdf
醫生話我係第三期乳癌
https://www.breasthk.com/pamphlet/pamphlet-stage3.pdf
醫生話我係第四期乳癌
https://www.breasthk.com/pamphlet/pamphlet-stage4.pdf
醫生話我係咩乳癌類型話
https://www.breasthk.com/pamphlet/pamphlet-cancer-type.pdf
乳癌手術
如果要做手術嘅，先去睇咗youtube 片先，我會教你保唔保留到個乳房？洗唔洗切曬成個胸？如果要切曬又點算？
有時間想了解多啲嘅就去睇埋D文章與及同路人嘅留言，你就會知道點去做一個唔會後悔一生嘅決定。
乳癌病理報告
做完乳癌手術之後，我地要學識睇自己個病理報告。因為只有透過了解自己個病理報告，我地先知道，手術究竟做清未？究竟乾唔乾淨？
同埋個報告隱含左兩個重要嘅資訊，講緊就係個期數同埋個屬性。只有透過知道呢兩樣野，我地先知道之後條路點行落去嘅。
去YouTube睇片，睇下病理報告裏面唔同嘅細項，究竟點樣去分析：
初步了解完D細項之後，就睇進階片，教你點樣幫自己算一算命：
如果算完命都仲係灰色地帶，就了解下自己啱唔啱做乳癌復發基因測試，睇下可唔可以避過化療呢一劫：
乳癌化療
如果要做化療嘅，你要有定心理準備呢個係成場仗最難捱的一關，不過放心，絕大部份病人都可以捱得過嘅。冇錯，係要捱架，不過會過，呢個係有期徒刑。當你完成之後，回想轉頭，呢段只係人生一段插曲。
都係先睇 youtube 片，我會教你點樣打大佬：
未有觸及嘅細節，就去睇埋D文章，你就會知道點黑暗盡頭就係出口。
乳癌標靶治療
如果要做標靶治療嘅，你要有定心理準備呢個係最貴最燒錢嘅治療，動輒幾十萬走唔甩，好彩嘅係佢嘅成效同價錢成正比，絕對係救你一命嘅好幫手。同埋政府係有資助嘅，香港仲未去到冇錢冇得醫嘅地步，放心。
未有觸及嘅細節，就去睇埋D文章，你就會明白點解我話佢係救你一命嘅好幫手。
乳癌電療
如果要做電療嘅，唔好比個名嚇親，D人成日將佢同化療撈亂。電療相比化療，舒服好多，只係曬吓太陽，絕對係性價比之皇。
未有觸及嘅細節，就去睇埋D文章，你就唔會再搞錯電療同化療。
乳癌荷爾蒙治療
如果要食抗荷爾蒙嘅，唔好比佢要食5至10年嚇親。如果日日食，佢可以保你5至10年冇事嘅，佢仲唔係你嘅護身符、你嘅開心藥？做乜要怕佢？直頭要擁抱佢添啦！
未有觸及嘅細節，就去睇埋D文章，你就會同抗荷爾蒙藥講聲I love you。
香港的乳癌治療資訊
圖片來源：selih.si
歡迎來到香港的乳癌治療資訊，一個充滿愛、喜樂、同埋希望嘅香港乳房健康網站。
要講乳房疾病，首選當然係乳癌，當大家面對突如其來嘅乳癌侵襲，無不感到沮喪、痛苦、孤單、同埋絕望⋯⋯
呢度希望透過輕鬆嘅表達方式，深入淺出大家要知的、實用的、「香港的乳癌治療資訊」。
從網絡世界散播正能量，為嘅係希望大家在苦難中能感覺到「甜」，在孤單中能感覺到「愛」，係呢度重新搵到「希望」。
呢度有齊你需要打贏呢場硬仗嘅所有野，呢度就係你嘅救生圈，加油！
香港乳癌及乳病治療中心 