乳癌化療需唔需要 － 著數計算機火併乳癌基因測試
上一篇講到病理報告有八大重點，去界定乳癌惡定唔惡。咁如果自己一D因素惡一D因素唔惡，咁結論即係我嘅乳癌惡唔惡呀／乳癌化療需唔需要呀？原來呢個世界上有樣野叫「著數計算機」同埋「乳癌基因測試」⋯⋯
國際指引
病理報告八大重點，假設每個重點都有三個可能性（唔惡／一般惡／好惡），已經有6561個組合，重未計每一點重要性都唔同。你就咁睇更係好複雜，就算醫生睇都好複雜，點記得邊個組合要化療邊個組合唔洗。
「醫生都唔記得？咁醫生點決定我需唔需要化療？」
醫生唔記得細分組合姐，記得大方向咪得囉。醫生會做嘅就係跟據一D國際指引去將你歸納為三類：
1）乳癌唔惡：即係低危，冇咁易復發（漏水），食5－10年藥得喇。
例如腫瘤小（T1）、淋巴冇受影響（N0）、荷爾蒙受體好反應（ER＋／PR＋）、非HER2型（HER2－）、生長速度慢（low Ki67）、腫瘤組織學為一級（Grade1）、冇入侵附近小淋巴管小血管（LVI－）、及年老病發。
2）乳癌一般惡：灰色地帶，唔知化療利多於弊、定弊多於利。
例如腫瘤唔太大唔太細（T1／T2）、淋巴冇受影響（N0）、荷爾蒙受體好反應（ER＋／PR＋）、非HER2型（HER2－）、生長速度一般（average Ki67）、腫瘤組織學為二級（Grade2）、冇入侵附近小淋巴管小血管（LVI－）、及中年病發。
3）乳癌好惡：易復發，化療利多於弊，要做化療加埋其他合適嘅輔助治療。
例如腫瘤大（T3／T4）、淋巴受影響（N1-3）、荷爾蒙受體冇反應（ER－／PR－）、HER2型（HER2＋）、三陰性型（ER－／PR－／HER2－）、生長速度快（high Ki67）、腫瘤組織學為三級（Grade3）、有入侵附近小淋巴管小血管（LVI＋）、及年輕病發。
「咦？有灰色地帶？」
係，就係當八大重點一齊考慮時，達唔到一個共識／傾向，醫生就唔能夠咁簡單建議你做／唔做化療。佢會睇重D其他因素（你嘅意願／身體狀況）。
著數計算機
「咦，我正正就係灰色地帶喎，唔知利多於弊定弊多於利，咁點決定化唔化療好？」
腫瘤科醫生傳統黎講就會「寧枉無縱」，醫癌症喎，更係有殺錯無放過，化咗療先算。
慢慢地當經驗越來越多，醫學越來越進步時，醫生發覺「有殺錯」呢個方向都唔係好係路，就成就咗一D「著數計算機」去計吓究竟唔同化療組合喺唔同人度（萬千組合）有幾大著數，其中最出名最多醫生用嘅就係Adjuvant Online。
圖片來源：Adjuvant Online 截圖
Adjuvant Online www.adjuvantonline.com 係一個經過驗證嘅網上計算機，專比醫生用去計吓十年內乳癌病人幾大機會復發／死／因乳癌死。之後再加上唔同化療組合／荷爾蒙治療嘅資料，就會知道統計學上做咗化療／荷爾蒙治療後十年內乳癌病人幾大機會復發／死／因乳癌死。咁醫生就有D實在／個人化少少嘅資料解釋比病人聽化療有幾大著數。
注：
1）佢要用Java，即係iPhone/iPad 係用唔到，要用返電腦。
2）佢冇中文版，要睇得明簡單英文先得。
3）佢要登記先用得，不過唔洗錢同冇規範。
4）佢係喺外國人中驗證準確，香港人唔知，不過我地冇理由相信香港人特別D／化療效果有好大出入。
5）佢仲係2005版，未更新，冇考慮近年嘅標靶（HER2）發展。所以如果HER2＋型嘅，大過1cm已經值得做化療，唔洗計。
6）佢係設計比醫生用，唔係比病人用，不過如果自己學識咗，有得免費屋企上網評估吓，點都好過信無憑無據嘅三姑六婆／收費嘅江湖術士幫你算命。
我地一齊去睇吓點樣用：
先登記（Register）
圖片來源：Adjuvant Online 截圖
再登錄（Online access）
圖片來源：Adjuvant Online 截圖
揀乳癌（Breast Cancer），同意用Adjuvant Online 8.0 版本
圖片來源：Adjuvant Online 截圖
入你嘅乳癌資料［我地假設你57歲、本身健康、荷爾蒙受體陽性（ER＋）、組織學二級（Grade2）、侵入性癌2.5cm、淋巴冇受影響（N0）］，之後就可以揀死亡率（mortality）或者復發率（relapse），其他藍色數字唔好搞佢（10 year risk, Hormonal therapy, chemotherapy, combine therapy）。
圖片來源：Adjuvant Online 截圖
之後就揀不同治療嘅成效（Adjuvant Therapy Effectiveness）：
Horm：一般人用Tamoxifen（Overview 2000）
Chemo：用第二代化療 2nd Generation Regimens（咩叫第二代遲D喺乳癌化療選擇 － 咁多組合點樣揀？會講）
最關心／最緊要當然係死亡率，咁我地揀咗死亡率之後，就會得出呢幅圖：
圖片來源：Adjuvant Online 截圖
你會見到原來100個咁樣病歷嘅病友未來10年，有17個會因為乳癌而走咗，有4個就因其他原因走咗。
如果佢地剩食抗荷爾蒙藥Tamoxifen，10年就會有5個救得返留得低。
如果佢地剩係打第二代化療（乳癌化療選擇 － 咁多組合點樣揀？），10年又係會有5個救得返留得低。
如果佢地雙管齊下（又打第二代化療又食抗荷爾蒙藥），10年就會有9個救得返留得低。
「即係咩意思？化療有幾大功效／著數？」
假設你肯食藥（大部份人都肯，因為好溫和），做化療比到你嘅額外著數係10年100人救返多4個人（9－5＝4）。有咗呢D資料，你／醫生就能夠比較有根據去諗吓究竟化唔化療好（化療有冇著數），定係剩係食藥已經夠。
乳癌基因測試
「我個腫瘤科醫生建議我做個四萬幾蚊嘅乳癌基因測試，咩黎㗎？」
四萬幾蚊嘅乳癌基因測試，主要係針對荷爾蒙受體陽性（ER＋）、淋巴冇受影響（N0）、比評為一般惡、肯打化療、又頂得順嘅乳癌患者。醫生會將你切咗出黎嘅乳癌組織送去外國做進一步測試（本地冇得做嘅呢D高科技野），驗一驗究竟你嘅乳癌惡唔惡，復發／死亡嘅機會率。如果復發／死亡嘅機會率高，醫生就會建議做化療。相反如果機會率低嘅話，剩食藥就夠。
乳癌基因測試好多唔同公司都有出，其中最出名最多人用嘅係OncotypeDx安可待乳癌腫瘤基因檢測 (https://oncotypedxhk.com/)，另外一個外國都好多人用嘅叫MammaPrint（香港就少D人用）(http://www.agendia.com/healthcare-professionals/breast-cancer/mammaprint/），詳細係咩／技術細節其實你唔洗知／唔洗煩（叫得你做得呢D測試嘅醫生都係識野㗎喇，放心信佢啦），總括黎講就係比幾萬蚊去買多D資訊（你嘅乳癌有幾惡），從而估計做唔做化療好。
「乳癌基因測試都幾貴吓，咁我比唔比錢做乳癌基因測試好？免費著數計算機唔夠咩？」
免費著數計算機其實好多時都夠用，就好似買衫咁，大中細碼大部份人都啱著。
不過有D人會嫌中碼唔夠修腰／貼身，想再好D／想再啱身D又唔介意比錢，咪度身訂造靚衫（乳癌基因測試）。
如果你嘅乳癌擺明好善良（細碼）或者好惡（大碼），根本唔洗嘥錢做乳癌基因測試，度身訂造都係留返比D一般惡（中等身型）嘅人啦。
如果你本身死都唔肯打化療／頂唔順化療，又係可以慳返呢筆錢。
呢D乳癌基因測試同乳癌遺存基因測試（BRCA）大家都係基因測試，不過係唔同野黎，唔好搞錯。
阿爸係男人，李嘉誠又係男人，不過阿爸唔係李嘉誠。
乳癌基因測試係基因測試，乳癌遺存基因測試又係基因測試，不過乳癌基因測試唔係乳癌遺存基因測試。
實際操作
做完手術，有晒病理報告就問乳腺科醫生／自己對吓第幾期，另外睇吓有冇乳癌惡嘅八大因素，去評估自己高唔高危復發／死亡。
低危就唔洗做化療。
灰色地帶就用著數計算機計吓，有錢就做乳癌基因測試，之後先決定做唔做化療。
高危就睇自己意願同埋身體狀況，如果許可，就做化療。
下一步⋯⋯
當你知道要做／肯做化療，乳腺科醫生就會轉介你比腫瘤科醫生。由腫瘤科醫生去同你詳細傾吓用咩化療藥／成個療程係點。
你上網搜尋吓化療藥，呢個又話打咗AC針，嗰個又話佢打TC針，頭都大晒。
下一集我會同你講吓乳癌化療藥物 － AC針？TC針？乜黎㗎？
香港乳癌及乳病治療中心 
想問下我份report KI-67 係 15%, 但形容係 high profilerative index, 請問15%係屬於很惡嗎？
唔可以只睇一個項目就話乳癌惡唔惡。情況有如學生考試，你唔可以只睇一科數學，就話佢叻唔叻／係唔係考第一。要宏觀D，睇晒8大項目（詳見乳癌化療時間－手術前做？手術後做？）先可以下一個判斷。
不過如果你只睇Ki67呢科，佢其實係成個頻譜（spectrum），零至一百。咁我地都要定一個合格分數，國際間冇一個標準。有D醫生簡單D，用14%做分界，咁所以你15%就叫做high proliferative index。國際指引（例如St. Gallen Guideline）就細分3類：15%或以下都叫善良，16%到30%叫一般惡，大過30%叫好惡。咁當然40%惡過30%，50%又惡過40%，如此類推。臨床惡嘅90%都見過，所以你嗰D就算叫high proliferative index都唔係真係好high。
Breast HK,
多謝你的解答。以下是我的情況，請問化療的機會大嗎？
我剛過了三十四歲
T1, 淋巴沒問題
腫瘤11mm
Grade 3
Her2 negative
Er 240
Pr 200
ki 67 15%
此外，我聽過口服化療，香港有這種療法嗎？有沒有只限用於那一種乳癌？
34歲病發，已經叫高危，香港女性平均85歲壽命，你仲有51年路要走，要保用咁耐，一定做足D防漏進取D好，而且後生頂得順化療，一定做化療好。
如果一模一樣嘅腫瘤發生喺75歲嘅婆婆身上，建議會完全唔同，保用10年就食藥都夠喇。
其他指標其實唔錯，只係唔滿意Grade 3 腫瘤，所以建議打TTC x 4就夠。如果有錢，有D醫生可能會建議做埋OncotypeDx乳癌基因測試先決定化唔化療。其實唔做測試都已經估到9成要做化療，呢筆錢可以慳返。
口服化療香港當然有，第一線得一隻，叫Xeloda，藥力同副作用都溫和過吊針，所以主要係比D老人家要化療，但身體頂唔順吊針咁激時用。因此唔啱你情況用，你後生頂得順，當然同乳癌搏命進取D吊針。
Breast HK,
聖誔快樂！
主診醫生都建議我做化療，建議打 ACx4 + T x4, 共8針，每針再加升白血針，每隔兩星期一針。這個做法相比只打TTCx4有大分別嗎？
此外，我真的很害怕化療，如果我只做電療加五年荷爾蒙葯，復發機會會相差多遠呢？
謝謝！
TTC x 4 係第二代化療，DD AC x 4 + Taxol (Paclitaxel) x 4 係第三代化療，詳情可以去睇 乳癌化療選擇 － 咁多組合點樣揀？，你主診醫生咁建議你，因為佢覺得你頂得順8針，同埋後生所以搏到「最」盡。
講分別就幫你用Adjuvant Online 計吓：
第二代化療加食5年Tamoxifen：10年復發率：16% 10年乳癌死亡率：8%
第三代化療加食5年Tamoxifen：10年復發率：14% 10年乳癌死亡率：6%
剩食5年Tamoxifen： 10年復發率：29% 10年乳癌死亡率：13%
唔化療唔食藥： 10年復發率：44% 10年乳癌死亡率：19%
你睇到第二代同第三代10年有2%分別，即係100個人10年先有2個人有額外著數，值唔值咁而打多四針？好睇個人意願，如果真係好怕化療，TTCx4已經有98%功效，所以我之前咁建議你。
另外，2012年有大型研究出咗，10年Tamoxifen 係好過5年，你咁後生應該食足10年好D，遲D講到荷爾蒙治療再詳細D講。
Merry Xmas~
Breast HK,
多謝你詳細分析，令我明白很多！
由於私家化療太昂貴了，正要求主診轉介私家醫院。
我在本月十一號已完成手術。在公立醫院排期見醫生再安排化療，需要時間很長嗎？擔心會錯過黃金治療時間。
謝謝！
唔會等好耐，你啱啱先做完手術，轉介得黎啱啱好。記住喺轉介信寫明幾時做完手術，等分流醫生可以比個合適嘅期你。見完醫生揀好計劃（你而家都心裏有數），抽埋血做埋心臟檢查（想快可以私家比＄2500做埋就咩都唔洗等），一兩日後已經可以開始化療，絕對唔會錯過黃金治療時間，放心。
謝謝你既解答。聽到需時禁短，心裡又點擔心。
速戰速決，一條心向住終點直奔，時間好快過，好快就可以過返正常生活，祝妳身體健康。
Breast HK,
謝謝你既鼓勵，如果每個醫生也像你這麼熱愛幫助病人，病人就不會覺得無助了！
今日到公立排了期，下星期四見腫瘤科醫生，希望會遇上像你一樣好既醫生陪我渡過這難關。
Breast HK,
你好，我現36歲，確診有乳癌3A期，已決定做化療，我現在睇開的乳腺外科醫生診所可直接做化療，但之前睇既另一位外科醫生refer左我去睇腫瘤科醫生，咁其實我係外科醫生既clinic直接做化療同去腫瘤科醫生度做化療又有冇唔同呢？睇腫瘤科會唔會好d呢？
只有腫瘤科醫生先受過統一／系統性「用化療藥」嘅訓練，所以正規做法係去腫瘤科醫生度做（好似買魚梗係去街市魚檔買，人地係專賣魚呢樣野），咁你就可以預期得到合水平嘅治療。
咁點解有外科醫生打埋化療？最主要係想提供更好嘅病人體驗，全部野都喺晒佢度做，一條龍服務。情況有如超級市場賣埋魚，等D顧客方便D，唔洗走黎走去。
咁超級市場D魚靚唔靚？水平參差好難講，識揀可以有好野，唔識揀可以好瀬野。
咁外科醫生打埋化療好唔好？水平參差好難講，好嘅／比心機進修／經驗豐富嘅外科醫生用化療可以叻過腫瘤科醫生。相反，如果遇著差嘅／半桶水／只為賺錢嘅外科醫生，可以搞到一鑊泡。
假設幫你打化療嘅外科醫生水平ok，術前化療喺佢度打確實有助計劃之後手術點樣做，術後化療喺佢度打呢我就見唔到有咩額外好處／過人之處。
所以係邊度打化療，視乎邊個醫生比到信心你，同埋鍾唔鍾意一條龍服務。
Dear Breast HK
我睇到對上提到，「黃金治療時間」，其實係咩？因為我做咗手術一個月，應該重有2星期先開始化療。我會唔會錯過咗呢個黃金治療時間？
多謝你嘅寶貴時間！
其實冇話「黃金」唔「黃金」，一般醫生建議做某某療程，通常都建基於某某研究話咁做有效。好似烹飪咁，你想整到食譜（某某研究）咁嘅味道（治療效果），梗係原汁原味跟足食譜指示來做。通常D研究一般講緊化療就做完手術後三個月內開始，電療就手術後六個月內開始。如果遲過呢段所謂「黃金治療時間」，醫生都唔知仲建唔建議你做化療／電療好，因為成效已經難以估計。
Thank you Breast HK你咁快回覆，十分感謝！而家明白！
Dear Breast HK
我一直都想問吓second opinion, 因為我身在外地，會係呢度接受治療，希望會做治療都做得安心。
41歳，一個月前做手術，一個1.1 cm, 另外一個0.9cm。割咗 4 個淋巴核，其中之一有癌細胞。G2。荷爾蒙-ve。我所知就係咁多。 大概2星期後開始化療。
治療方案：
4 x EC, 每3星期
休息2、3星期
12 x Taxol 每星期
休息一個月
電療，星期一至五，6星期
Tamoxifen 至少5年
化療前會放一個portacath係心口，用嚟滴藥。
我睇到其他戰友嘅療程無咁長，所以想知道我個方案係咪有殺錯，無放過呢？另外會唔會在更先進嘅方法？
希望Breast HK你有時間解答我嘅問題，謝謝！
資料唔足，只可以盡量答：
首先你要搞清楚嗰粒有癌細胞嘅淋巴狀況：你只係割得4粒淋巴，估計係做前哨淋巴，如果前哨淋巴明顯有癌細胞（癌細胞大過2mm），係應該再割清晒D淋巴先穩陣。如果D癌細胞好少（細過0.2mm），先可以唔再割，所以第一樣野要做嘅就係返去睇返病理報告粒淋巴癌細胞有幾大。
第二樣有矛盾嘅地方就係荷爾蒙受體，你一方面話冇荷爾蒙受體，一方面話醫生建議你食Tamoxifen，呢樣野係唔應該嘅。你要搞清楚，多D資料先可以評論治療恰唔恰當。
Dear Breast HK
今日攞咗報告，約見醫生只有嚟緊星期五有時間。 所以我未問關於淋巴，可能以下嘅Histology 有講：
pT1cm (1.1 cm; 0.9 cm) pN1a (1/4SN) G2 R0 L0 V0
ER 12/12 PR 12/12 HER-2-new: 1+/1-2+ FISH: neg KI67:11%
希望夠料可以解答我嘅問題，如果唔夠，要等星期五我見醫生時再問。
多謝你寶貴嘅時間！
如果係pN1a即係淋巴嘅癌細胞大過2mm，理應再做手術全部淋巴割清佢。
ER同PR香港醫生常用2個主流系統，Allred score 就8分滿分，H score 就300滿分。你12／12我估係用immunoreactive Remmele score（IRS），香港並不常見，不過滿分即係陽性（要食Tamoxifen）。
會唔會係咁，上次打藥照淋巴，只見到有4個有顏色，所以割晒4個。全部淋巴會係所有腋下同胸附近所有割晒？係咪好多個？我記得做完手術問過醫生，佢話割咗4個咁樣ok。
係咪要等我再問清楚啲， Breast HK你先可以評論？
唔該晒！
我地講所謂割晒淋巴，係指第一第二組腋下淋巴，大概十幾二十粒。有時有D人少D，但最起碼都要有六粒先收貨。你嗰4粒只係前哨淋巴，有一粒有癌細胞大過2mm，應該要再做手術。
你係邊度做手術？
Ok, 唔該晒Breast HK, 我星期一再問清楚。
手術我係德國做，治療都會係呢度。咁我而家係咪要再等見醫生，問番淋巴使唔使再割，先至再決定化療、電療嘅程序？
咁樣真係好慘，又要再做手術。
外國咁做就唔奇，尤其係美國。佢地咁做係建基於一個係2011年2月發表嘅研究（ASCOG Z0011），話前哨淋巴如果只係2粒或以下有野，而又係做局部割（即係會電療），切唔切晒餘下淋巴嘅治療效果係「冇分別」。呢個研究真係有劃時代性，因為自始有醫生真係連前哨淋巴確診有癌細胞都唔再割。你問我，我就唔信呢個研究嘅，因為仔細睇，個研究有好多問題。最大問題佢定義「冇分別」為75%都叫冇分別，發水成份好高（即係小朋友同你講考75分同人地考100分冇分別），前設一錯，佢計咩數都只係數字遊戲。
呢個問題聽落都好嚴重，我明早會揾過間醫院攞second opinion。本來一心信呢間醫院，唔好多心，早啲上路，早啲完成療程到終點，睇嚟而家有排都起唔到步。
Thank you Breast HK, 我再有進一步消息會再麻煩你，十分感謝你嘅專業意見！
Hello Breast HK,
剛剛見完另外一間醫院嘅醫生，佢都建議應該再割多6-10個淋巴核先叫安全，因為我還年輕。但佢睇完我手術後，腋下條根一舉起手就會扯住，佢就話我嘅手術只割4粒淋巴嘅話係做得好唔好。咁嘅情形就唔好再割住，先做化療，因為做完手術已經6、7個星期。再睇遲啲如何。
另外化療，佢話應該FEC x 4 + T 定唔知TT(唔係好聽得清楚， 但最主要係佢都覺得我個療程係唔係好洽當。
我醫生亦話如果我覺得太長，可做TEC x 6,但會對心臟唔好，所以都係 EC x4 +Taxol x12 好啲。而電療係先25次全個胸，後再5次局部。
另外化療前會打止嘔針，唔會點嘔，只會覺得口裏有金钃味道。
Breast HK 你有何意見？請指點我迷津，而家有點迷失！
如果你全乳房切除，有時唔關腋下淋巴手術做得好唔好，隻手舉起都有可能覺得扯住。第二位醫生覺得做咗化療再算，我都同意呢個做法可行，因為你做完手術已經7星期，如果再等第二次手術，可能又用2－3星期，跟著康復又用3－4星期，搞吓搞吓真係第一次手術後3個月都未開始化療，咁樣唔係幾好。如果決定做化療先，用你16－18星期，都已經差不多手術後半年，又係時候趕住電療。電完仲做唔做淋巴手術真係已經進入「無人地帶」，偏離常規太多，冇人知邊種做法先係對你最好。
化療你應該用第三代，你可以睇返「乳癌化療選擇 － 咁多組合點樣揀？」。香港我地會用FECx3＋TTx3，或者DD AC＋P。我唔會建議打TEC咁激，療程唔係特別短，但辛苦好多（對比其他組合，佢並唔係特別傷心臟，只要組合一有A／E就會傷）。你個ECx4如果係二星期打一次，加埋每星期Taxolx12，即係同香港DD AC＋P差不多。
電療建議正路。
我唔係全乳房切除。而家申直手向前到膊頭位咁高已經好明顯見到腋下有條根扯住到手臂內則中間。
EC我3星期一次，Taxol每星期。應該轉唔轉呢？FEC x 3 +TT x3 , 共6針 同我而家16針差好遠。到我開始電療已經係9月。重想問，我呢個EC + Taxol 係香港常見嗎？
EC三星期一針屬於第二代，香港唔常見咁打，因為效果又唔係好過其他第二代，又唔係打得少針過人，所以香港如果用第二代通常都用方便D嘅TTC x4，貪唔洗咁密返醫院。而淋巴有擴散，香港通常用第三代化療。
咁有無得做手術整番好條根佢呢？
電療會唔會又隔開得太耐？
好難講，因為要現場評估／檢查先知發生咩事，先能夠對症下藥。一般黎講，手術後活動能力差咗，係因為疤痕形成扯住，通常都係靠運動／物理治療幫助，冇咩手術可以做。
如果化療順順利利／冇留班，咁電療應該啱啱好，趕得切。
謝謝Breast HK你嘅解答！ 我今日出發了，我都希望順利！
2014年1月因 ILC 做完局部切除, 不過化驗結果要再切 (close margin 0.7mm from lateral side (inferior, larger tumour)), 今次政府醫生提議全切加重整, 原本計劃局部加電療！但睇報告個日, 個醫生話我化療都係Marginal case. 叫我諗諗. 我諗就係你講的灰色地帶, 我睇完個網都係弄不清楚, 有一些資料有, 有一些資料又無, 你可以比點意見我嗎?
43 歲
Invasive lobular carcinoma, Grade 2 (3,1,2) (modified Bloom and Richardson)
T2 N0 M0
Mitoses amount to 15/10 hpf in the smaller and 12/10 hpf on the larger tumour.
Superior nodule:
ER+ (Allred score >2)
– intensity : Moderate staining (2)
– Percentage of nuclei positive : 66-100% (5)
PR+(Allred score >2)
– intensity : Moderate staining (3)
– Percentage of nuclei positive : 66-100% (5)
HER-2/neu oncoprotein : Negative for over -expression
– score : 0 (no staining or incomplete faint membrane staining within 2)
Inferior nodule
ER+ (Allred score >2)
– intensity : Moderate staining (2)
– Percentage of nuclei positive : 66-100% (5)
PR+(Allred score >2)
– intensity : Strong staining (3)
– Percentage of nuclei positive : 66-100% (5)
HER-2/neu oncoprotein : Equivocal for over-expression
– score : 2 (incomplete circumferential and/or weak / moderate staining within 10% of invasive tumor cells
MIB1 staining : 25-30%
E-cadherin negative
我對號唔到入座 >.<! 可以比些意見嗎?
首先，真係要再切，因為margin唔夠1mm，咁樣唔穩陣，第時會易D復發。另外本身ILC係鬼鼠D，難D割得清，你已經有兩個源頭，醫生叫你全乳房切係一個合理建議。當然，你想搏多一次嘅話，都冇話唔可以試多一次局部再割。
至於化療方面，你最主要要搞清楚下面大粒腫瘤嘅HER2情況，而家係2分，要做一個（FISH test）先知係咪HER2型。做咗FISH就返去問醫生結論，未做FISH就返去提醫生做返。
如果係HER2型，而你個腫瘤又大過2cm（T2），會建議化療加標靶TTCH。
如果唔係HER2型，返黎再問，到時教你點做。
唔該晒你答得真快 🙂 我決定下星期接受手術了, 切就切喇 加埋重整, 醫生話約8粒鐘, 當瞓一覺。,
如果無做FISH TEST, 今次割再做? 有用咩? 會唔會因為範圍細所以化驗無咁準?
唔係今次先做，係用返上次割出黎嘅標本就做到，部分公立醫院要收返成本$2000。
HER2最後報告係 Negative, 唔駛電療, 但要化療DCx4, 是正常結果嗎? 仲有無得選?
你最大個腫瘤1.8cm，所以係T1cN0M0，stage1A。咁早期做唔做化療好，呢個情況正正就係灰色地帶，唔介意比$35000嘅，就返去叫醫生幫你做OncotypeDx乳癌復發基因測試，等有多D數據幫你／醫生做決定，如果你好介意化療尤其有用。
如果嫌乳癌復發基因測試太貴／唔太抗拒化療，我都同意TTC(DC)x4 係一個好選擇，因為你個情況唔理想／相對高危嘅地方有：
1）43歲相對後生
2）Proliferative index Ki67去到成30%，即係腫瘤都生長得快。
3）兩個腫瘤源頭。
咁嘅情況都係進取D做化療穩陣D，4針已經係最低消費。
最後幫你用AdjuvantOnline計計數，
第二代化療加食5年Tamoxifen：10年復發率：8.4% 10年乳癌死亡率：3.1%
剩食5年Tamoxifen：10年復發率：15.8% 10年乳癌死亡率：5.5%
唔化療唔食藥：10年復發率：24.8% 10年乳癌死亡率：8%
以上資料應該足夠幫你做決定。
Breast HK 多謝你的意見.
Breast HK：
真是非常感謝你為這個網頁付出了那樣大的努力，專業及無私地分享乳癌的有關資訊，讓我們對乳癌這個疾病有所認識和了解，你的心意和貢獻，絕對令我們敬佩和感謝！
我的太太兩星期前剛做了部份乳房切除手術，據外科醫生的說法，腫瘤是屬於1c期，但由於在前哨淋巴發現有一小點(0.3mm)的細胞擴散，故做了切除一組共18粒淋巴。部份簡略的病理報告如下：
Prognostic Parameters
Histological type – Mucinous carcinoma
Site – Left breast, 3 o’clock
Size – 16mm
Histologic grade – 2
Mitotic rate – Low
Peritumoral angio-lymphatic invasion – Absent
In situ component – Small amount of (about 10% of tumor) low grade ductal carcinouma in situ is present around invasive tumor, nuclear grade 2, in cribrifom and micropapillary patterns without comedo necrosis.
Nodal status – 1 out of 18 lynph nodes (1/4 sentinel, 0/14 non-sentinel) show metastatic mucinous carcinoma, 0.3mm, no extracapsular invasion.
Specimen margins – Not involved (closest 3mm from anterior margin, all other more than 5 mm)
Pathological stage: pT1cN1mi (TNM/AJCC 7th edition)
Histopathology Report Summary: (Left breast invasive carcinoma)
ER Positive Allred: 8/8 H-Score 300/300
PR Positive Allred: 5/8 H-Score 40/300
Ki-67 proliferation marker status: Low proliferation index 10%
HER2 oncoprotein overexpression: Negative 1
我太太十分擔憂及不願意接受化療，但她可接受電療及5年賀爾蒙藥的療程。就以上她的情況，想請問：
1. 是否一定需要做化療？
2. 可否比較一下”化療 + 電療 + 5年賀爾蒙藥” 與 ”電療 + 5年賀爾蒙藥” 兩者的治療效果的差別大約如何？(因 Adjuvant! Online 並未能計算加入電療的效果)
3. 外科醫生亦建有議她去量度淋巴，請問量度淋巴的作用是甚麼？
非常謝謝！
Ken
太太幾多歲？有其他病患嗎？
Breast HK：
太太60歲，一向健康良好，無有其他病患。冇吸煙，冇飲酒。半退休生活，間中做兼職教育培訓工作。家族十兄弟姊妹，她排行第五，一年前她65歲的二家姐(在內地生活)也做了乳癌手術(3期,左邊全切)。
得到你這麼迅速的回應(特別已是在夜深零晨時份)，實在感動！感激！
做唔做化療要睇化療有幾大著數？太太個情況其實係合適做先進D嘅乳癌復發基因測試OncotypeDx，不過要$35000。
如果唔想咁貴，傳統我地就用Adjuvant Online計一計。因為N1mi都係屬於N1，所以我用T1N1去幫你計：
1）唔化療、唔食藥：10年死亡率：16.6%；10年復發率：36.2%
2）打第二代化療、唔食藥：10年死亡率：12.8%；10年復發率：27.2%
3）唔化療、食5年Tamoxifen：10年死亡率：11.8%；10年復發率：24%
4）打第二代化療、食5年Tamoxifen：10年死亡率：9%；10年復發率：17.7%
你會睇到「化療加食藥」相對「剩食藥」，所提供嘅額外著數著實不多（10年只減低2.8%死亡率），太太不願意化療，我覺得係一個可以理解嘅選擇。
你問「可否比較一下”化療 + 電療 + 5年賀爾蒙藥” 與 ”電療 + 5年賀爾蒙藥” 兩者的治療效果的差別？」，冇得咁比較，因為太太係局部割，電療係必須，冇商討空間。
至於「量度淋巴」我唔清楚是什麼意思，你要問返自己醫生他所指嘅係咩野。
Breast HK:
您好！本人42歲，確診一期乳癌 (invasive ductal carcinoma, size: 15mm, stage: T1c N0 (sn,i-) 早前已做了兩次手術，包括乳房腫瘤切除及前哨淋巴 (切咗5粒，證實冇擴散） 跟據前哨淋巴化驗報告，外科醫生話必定要電療及吃藥，並轉介我到政府醫院見腫瘤料醫生。可是我的外科醫生話我的case好 marginal，可以做甚至不做化療，叫我自己考慮下。她也提議我做oncotype Dx test. 由於價錢十分昂貴，我check緊保險包吾包。若吾包應該不會做。
由於過去一個月不斷做化驗、手術，身心疲累，現在仍要苦惱要否化療。個人想法是不想做化療，除了擔心有side effect, 亦考慮不做的話十年後病發率跟做相差不大。請問您可否提供意見作參考？
Histological type: invasive ductal carcinoma
Size: 15mm
Histologic grade – 1
Nuclear grade – 2
Mitotic rate – low
ER score:
PS: invasive component 5 / in-situ component 5
IS: 3 / 3
PS + IS: 8 / 8
Allred score: positive / positive
Corresponding H-score (0-300): 280 / 290
PR score:
PS: invasive component 5 / in-situ component 5
IS: 3/ 2
PS + IS: 8 / 7
Allred score: positive / positive
Corresponding H-score (0-300): 260 / 160
Ki-67 index:
invasive component 22% / in-situ component 3%
Interpretation : high / low
HER 2/c-erb B2 over expression:
Score: invasive component 2 (equivocal) / in-situ component 2 (equivocal)
Thanks
Mimi
你而家欠一個重要資訊，就係HER2 status，你係2分equivocal 即係唔知係咪HER2型。
你而家要做嘅返去叫私家醫生喺切出黎嘅樣本度做FISH test，之後先決定點做。
如果HER2 ＋（陽性），要做化療加標靶。
如果HER2 －（陰性），我都傾向做化療，主要你後生（42歲）同個腫瘤都惡嘅（Ki67成22%）。
我的外科醫生已告訴我不用做標靶治療。btw我唯有做FISH test.但它和oncotype test 有乜分別？
除非你已經做咗FISH，如果唔係，你嘅外科醫生係唔能夠肯定你係咪HER2型，亦即唔應該話你聽究竟「做定唔做」標靶治療。
FISH 同Oncotype Dx係兩樣唔同嘅野：
FISH係當cerbB2 score 2時睇吓係咪HER2型。
Oncotype Dx 睇乳癌復發風險，用化療有冇幫助。
明白，多謝您
對不起，要再問多少少。剛從報告見到以下資料：
Average number of HER2 signal per nucleus 2.15
Average number of CEP17 chromosome signals per nucleus 1.75
Ratio of average HER2 signals / CEP17 probe signals 1.23
Interpretation: negative, with HER2/CEP17 ratio <2.0 and HER2 signals<4.0
以上數據可否解讀作HER2 status? If yes 是否仍然要做FISH?
呢個就係FISH test，結果係非HER2型。
你個case用adjuvant online計，化療都真係好marginal，如果唔做Oncotype Dx，就睇你同腫瘤科醫生取態。進取嘅，做化療；保守嘅，唔做化療。我個人傾向進取嘅多D，因為adjuvant online係冇考慮到你Ki67高呢個因素。
Thanks a lot.
你好！我終於做了oncotype DX test. Recurrence score 係10，這個分數是否真的不用化療
10分即係低危組別，比得咁貴做個測試，當然會信佢－唔洗化療。
my situation is ER neg histologic grade 3 tumor size 3.9 mm, 3.8 mm, 2.3mm and 1.7mm , ki67 index 75%, i tried to use the software and not sure what should input for nodes involved and would like to know if i should do chemo or not. my age is 45, please advise
你要問返醫生淋巴有冇受影響先知。
no impact
你個情況尷尬D，我傾向打少少化療，例如TTCx4。
你冇講到HER2 status，如果係HER2+，你最大嗰粒都係3.9mm （T1a），現階段仲未有強烈證據話要打Herceptin，但我地又知佢惡（HER2+ 同埋high Ki67），所以打少少化療好D。
另一方面，如果係HER2-，假設PR都係negative，就係三陰性乳癌。雖然就話腫瘤細，但有成4個源頭加埋high Ki67，都係傾向打少少化療。
我的淋巴沒受影響,her2 positive score 3, should i undergo chemo.? what is the marginal benefit
好似上面咁講，我傾向打少少化療，例如TTCx4。
你最大嗰粒係3.9mm （T1a），現階段仲未有強烈證據話要打Herceptin，但我地又知佢惡（HER2+ 同埋high Ki67），所以打少少化療好D。至於有幾大著數，比唔到個實數你，上面adjuvant online係仲未加入／考慮HER2因素。
你好，我媽咪今年53歲，1月頭發現右邊乳房有癌細胞，1月19日做了部分切除，同時割了2切前哨淋巴，沒有擴散，3.1cm,所以是T2N0,之後報告是三陰，ki67超高（60%）grade 3,醫生就建議打4針Docetaxel(Taxotere) Cyclophosphamide,每隔3個星期打一針，之後再加電療，想問如果以我媽咪報告所顯示指癌細胞係好惡，咁打4針係米比較保守，會唔夠？
因為我媽咪一心諗住打完4針就得，我怕到時會失望。
另外前日睇左MRI同正電子嘅報告，各樣都ok,只是照到另一邊乳房有一點1.X cm的點因為手術前照超聲波同乳房造影都無話左邊有，琴日就照多次超聲波，今日報告話係水囊，要定期觀察，想問點解會有水囊？手術前點解又照唔到？
另外想問下正電子掃描是否全身器官同骨都照到有無癌細胞？連腸，胃個啲器官都照到？
報告唔係好惡，起碼淋巴冇事，係唔滿意三陰性同ki67姐，所以我覺得你醫生建議TTCx4好合理。
水囊冇得解，就好似暗瘡咁，有D人有，有D人冇。手術前係咪真係照唔到，定係照到不過醫生冇講／唔在意，要睇返報告先知。
乳房水囊 ／ 水瘤 － 有冇危險㗎？
正電子掃描一般由頭臚底照到去大脾，大部分地方都包曬，除咗個腦。腸胃係包到，不過本身係難睇D嘅，因為佢會不停郁（蠕動），令到影像唔清晰。
但grade 3唔係都叫好惡？
我上網睇有啲人話dose dense(兩星期一針) 4AC + 4T 方案對三陰病人效果很好？咁我媽咪只打4TC咁會唔會無咁好？
即係正電子會連子宮都照到？咁照唔好腸胃，咁如果腸同胃都癌細胞米照唔到？係米全身淋巴都照到？胰臟同膽個啲照唔照到？
MRI係米腦，舌頭，口腔，頭頸都照得晒？
另想問抽血邊一個數據係指癌症指數？白血球低過幾多為之低？
唔好意思我好多問題問
乳癌有幾惡，唔係只係睇單一因素。
Dose dense 呢個組合係喺三陰性乳癌有淋巴擴散我地就咁用，你媽咪未洗用到第三代化療。
乳癌化療選擇 － 咁多組合點樣揀？
子宮、大部分淋巴、肝膽胰臓都照到。腸胃有局限唔係問題，因為我地知道乳癌喺絕大部分情況下，係唔會擴散去嗰度。
MRI係每一部份去計，照邊部分自然睇到嗰部分嘅野。
CEA同CA15.3係癌指數。
白血球幾低為之低，呢D技術性嘅野交返比醫生處理。
真的非常感謝你快速的回覆，在㥬惶時你的這個網站真的幫助很多，提供很多非常實用，謝謝
Breast HK:
您好！本人39歲，確診一期乳癌 (invasive ductal carcinoma), 剛做完全乳切除，由於病理報告有灰色地帶，所以醫生建議需要食荷爾蒙藥5年，亦叫我做基因測試決定是否需要做化療。另外我於9年前已經因為乳癌0期而做了一邊的全乳切除，以下是我的情況，請問化療的機會大嗎？
淋巴沒問題
Type: NST
腫瘤1.7cm
Grade 1
Intermediate nuclear grade
Her2 negative
Er 8
Pr 8
ki 67 25%
c-erbB2 overexpression 1
非常感謝
如果做基因測試，就等埋個報告先決定。
如果唔做基因測試，就打4針化療（TTC），主要係唔滿意歲數同Ki67。三十歲有乳癌（雖然係原位癌），係好後生（即係惡），而家三十九歲又黎多次，我話你係低危組別你都唔信啦，所以打化療穩陣D。
I see…tks a lot!!
雖然高危，但是可以幫我在綱站計下分嗎？之前想計，但唔知點解裝不到JAVA，萬分感謝！
幫你用Adjuvant Online 計咗：
1）唔化療、唔食藥：10年死亡率：3%；10年復發率：18%
2）唔化療、食5年Tamoxifen：10年死亡率：2%；10年復發率：11%
3）打第二代化療、食5年Tamoxifen：10年死亡率：1%；10年復發率：6%
打化療又冇我開頭諗咁大著數，不過Adjuvant Online係冇考慮到你30歲已經有乳房原位癌，同埋Ki67都係高呢一點（通常Ki67高都係Grade 3，但你就係Grade 1，所以Adjuvant Online 可以低估咗你隻乳癌嘅生長速度）。
Many thanks!!!! You are really nice!!! I have sent my tumor sample to do the OncotypeDx test and waiting for result.
醫生你好,
家姐於2015年3月11日第一次做局部切除,由於報告出說切不清,3月16日再第二次手術.3月17日出院,報告出了說割清所有癌,3月21日到乳腺科醫生取病理報告,醫生說家姐可以選做不做化療,可考慮做一個安可待基因檢測,大約三萬多.醫生還說:期數是1B,割出來的癌最大係18MM,最細係0.3MM,淋巴切咗六粒,有一粒有事,己切清曬.可以食荷爾蒙藥,還說隻癌唔係惡癌黎.現已排期政府醫院3月31日見腫瘤科.現有以下些問題:
1. Histologic grade – 3(Bloom & Richardson).
2. Nuclear grade 2.
3. Mitotic rate – High
4. Pathological stage: T1c(m) N1mi (TNM/AJCC 7th edition)
5. ER-290, PR-280, Ki67-13%, HER2-1)
以上那些數字代表什麼?
對不起太多問題,謝謝幫忙.
代表隻癌嘅特性，詳見：
https://www.breasthk.com/neoadjuvant-vs-adjuvant/
謝謝回覆,我會用心睇.
想問一問手術後報告有一欄寫住”focal lymphovascular permeation present”係咩意思？係米即係淋巴有事？好嚴重？
入侵附近小淋巴管小血管（LymphoVascular Invasion LVI）：有入侵 （LVI＋）惡，冇入侵（LVI－）冇咁惡。LVI唔等如淋巴有擴散。
我就是看來看去都找不到LVI這個資料。即是報告指出是LVI+?
Present即係LVI＋。
真的非常感謝你快速的回覆，其實我媽咪已經打完第4針TTC,電等待一星期後去度位做電療，只是昨天我在整理東西時再看了一次報告，看到這一欄之前沒看到的，不太明白，所以又再留言問。
這個網站真的幫助了我們很多，由一開始確診時徬徨，驚慌下看到這個網，你用生動簡單方式讓我們明白很多深奧的知識，慢慢度過了艱辛漫長的化療，希望之後電療不會太辛苦。謝謝你無施的奉獻。謝謝。
我真的希望媽媽不會復發再受苦，但我媽復發的機會好像很過—53歲，三陰，3.1cm,割了2粒做前哨，無感染，T2N0M0,Grage 3, ki67 60%, high proliferative activity, LVI +。所以都擔心。
最高興就係知道呢個網站真係幫到你地。
本人46歲，stage 1, estrogen receptor score both positive ,progesterone receptor score positive, Ki-67 is both low proliferative index,HER2 is Negative, , tumor A 1.5cm tumor B is 1.3cm invasive ductal carcinoma ,NPI 5, Moderate Prognostic Group p TNM-T1c N0 . 右乳全切，切了2粒林巴冇擴散。医生建議4針AC加五年Tamoxifen. 也可只吃五年藥。請問若我選擇吃五年藥，風險大吗？謝謝您回覆！
Tumor grade?
幫你用adjuvant online計：
1）唔化療、唔食藥：10年死亡率：3%；10年復發率：18%
2）唔化療、食5年Tamoxifen：10年死亡率：2%；10年復發率：11%
3）打第一代化療、食5年Tamoxifen：10年死亡率：1%；10年復發率：7%
Modified Bloom & Richardson system grade I (out of 3 grades) , Nottingham Prognostic Index (NPI). LOW GRADE DUCTAL CARCINOMA IN SITU in both tumor.
謝謝您的回覆、因跟據我的腫瘤化驗報告，其中一粒切出來的邊位，只有0.1mm。標準最好係0.2~0.3mm, 所以醫生建議電療二十五次。想請問不電療的風險大嗎？謝謝回覆！
冇得咁樣評估唔電療風險有幾大。
我今年45歲，2014年4月完成局部切除。
CA right breast – lower-outer quadrant, stage 1A – (p T 1c N0 M0)
histology: invasive ductal carcinoma – G3：poorly differentiated (BCT + SLNB; ER Allred 5, PR Allred 8, c-erB2 score 3)
原計劃術後化療、電療、抗賀爾蒙療程及標靶治療。
6/2014 開始化療，原定 TTC X 4 ，但打第一針已呼吸困難，打升白針也出疹及勁骨痛，痛到不能起床，第二針時，雙腳腫脹呼吸困難，到打升白針時，雙手腫脹得似肥媽双手，痛得似想爆開一樣，全身出疹加上曾發燒，入院後，政府醫生話我好敏感，尤其對升白針，結果建議我打AC x 2 取代未完成嘅兩針TTC.
打AC 第一針後，又於唔打得升白針，我嘅ANC 得0.1，結果要隔離，跟住醫生同我傾，繼續打第二針AC 嗎？還有當時打化療後，我雙腿無力，要坐輪椅，佢話唔肯定是否化療藥影響，但我繼續還有31次電療、18次Herceptin, 5 年Tamoxifen, 都有番咁上下治療，問我仲博唔博打果第二針AC? 因預計白血球會插水，又唔打得升白針，所以最後我揀咗唔打第二針AC.
宜家我完成咗
TTC X 2 + AC X 1
電療 × 31
Herceptin 13/16
On Tamoxifen
我無做哂4針化療，我估計我的復發率會比做高啲，咁我使唔使補番做埋最後一次？
冇呢個時候（過咗成年）黎「補做返」呢樣野，化療差一針半針唔會差好遠，主力係herceptin。一年herceptin應該係17或18針，你寫16係有特別原因？
Breast HK
謝謝你咁快回覆。我係打錯字，herceptin係18針先啱。你話主力係Herceptin係因為Her 2 + 嗎？
而Grade 3 醫生話好惡，我睇你的資料都係最惡果種，復發率高，但唔知有幾高呢？
我地知道HER2＋嘅乳癌有落herceptin同冇落嘅分別係好大嘅，所以herceptin稱為主力。
其實不用／唔好太執著單一指標「惡定唔惡／復發率高定唔高」，可以做而你又頂得順嘅治療，你已經好乖咁跟足醫生指示去做，對於一D控制唔到命運嘅野，由得個天去決定。忘記乳癌，重新投入正常生活，好好享受／珍惜每一日。
謝謝你呀！其實一路以嚟，你嘅資料幫我做咗好多決定，我都係積極面對，盡力而為，結果都係交比上帝決定。
我一路醫病時都關心唔同嘅病友，用你講嘅資料祝福唔同嘅病人，大家都覺得你好好！我下個月都會去南亞國家做義工，珍惜每一日可以扶助弱小嘅機會。不過，人係要做準備，知道活著每一日都係恩典！
祝福你！
醫生你好！本人太太剛做左乳全切，今年64，剛出報告如下:
二期
大小2.6cm
無淋巴擴散
oestrogen recepter (+)
progesterone recepter(-)
her-2:ampified equivocal 2/3
ki67 low proliferative activity
外科醫生話要4次化療，18針一年標靶。
問題1:個瘤是否好惡？
2:既無擴散為何要標靶，剩做化療一或標靶可否？
3:標靶政府藥物册現有否？
4:本人入不到計算生命機，可否煩代一看？
以上有勞處深感謝醫生大德。
1）惡定唔惡係相對概念，客觀就係第二期。
2）標唔標靶唔係淨係睇有冇擴散，簡單黎講，腫瘤大過1cm而又有標靶受體（HER2+）就會建議用。你太太要做FISH test先知有冇標靶受體，因為2／3即係唔知有定冇。
大部分情況化療同標靶都係捆綁式一齊做，效果好D。
3）政府有標靶藥，但要自己比錢。太太腫瘤大過1cm，合資格申請資助。
4）HER2+又大過1cm嘅話唔洗計都知做化療／標靶好D。
自己慢慢參詳以下文章：
乳癌二期治療攻略 － 做手術先？做化療先？
乳癌標靶治療 － 乳癌HER2型點樣揀？
多謝閣下回覆，補充一項
c-erbB2 immunohistochemistry.equivocal.score.2/3
是否代表Her-2 是陽性，為何那麽不肯定？
silver in-situ hybridization for HER-2 oncogene::amplified.是否就代表陽性？
是否有何測試需補做？謝謝！
已經做咗SISH，係HER2+陽性。
感謝回覆，如做了化療及標靶，存活率有幾多呢？請諒我太煩。
冇一個實數比到你，因為adjuvant online係冇考慮到HER2及標靶因素。
醫生，内子要明天做全身pet ct.不需顯影劑，但他在45天前曾做nm scan.緊乳房部份，不知會有輻射影響大嗎？聽説做一次pet ct等同四百次x光是嗎？很擔心！
什麼是「nm scan緊乳房部分」？
净scan乳房部份
什麼是nm scan？
其實重点想知咁短期可否照两次？谢
當我唔知nm scan係咩時，我又如何去評論短期可否照兩次「唔知咩」。
nuclear medcine scan.
太太本開始化療，他在私家做切乳手術曾做nm scan.僅照乳房部位，在45天前，
咋日見化瘵医生，话照肺時看到有一舊疤深色咗，此疤乃小时不知如何所得，因太久忘记了，但上次约一個月在私家照過肺冇問題，而今化師本建議做音通ct.看清的，後因排太久再建議出外照pet ct全身但無雖顕影剂，担心會否做um不久又做pet ct是否輻射量大？
另舊疤深色咗是否癌已轉移？谢！
老實說，對於理解你的描述我有困難。我只可以話，我看不出有何理由不能做PET scan，輻射量是可以接受的。
另舊疤深色咗是否癌已轉移？谢！
pet ct 出了，一切ok.，感恩，内子今天開始ttch x 4.18 支標靶，在此感謝醫生建立此站，令我們了解及明白如何事後準備，在此十分十分感謝，上天祝福您。
Dear Breast HK,
醫生您好，我今年39歲，已于12月中做了局部切除手術，病理報告如下：
Left axillary sentinel nodes no.1 and no. 2 – No evidence of metastatic carcinoma
Invasive ducal carcinoma, NOS type, with
Maximal tumour dimension 11mm,
Grade 2/3, modified Bloom and Richardson grading
No metastasis in two sentinel lymph nodes,
No lymphovascular permeation seen,
No direct or Pagetoid involvement of covering skin,
pT1cN0(sn) stage
Estrogen receptor – strongly positive
Progesterone receptor – strongly positive
C-erbB-2 oncoprotein expression – Negative
Ki-67 proliferation index – 25%
手術后看過兩位腫瘤科醫生。第一位醫生建議治療方案為：
電療＋荷爾蒙治療Tamoxifen+化療TC(taxotere & Cyclophosphamide)x4療程
另一位醫生建議：
電療＋荷爾蒙治療Tamoxifen，傾向不用化療(即使病人接受化療也是TCX4)
我想請問下以我的情況來看，評估利益與風險后，是否需要化療，接受化療的邊際利益是什麼？
另外，兩位醫生也提及Oncotype Dx test, 請問是否值得做此test 呢？萬一測試結果是灰色地帶又如何？
謝謝！
我傾向選擇第一位醫生的建議，39歲咁後生加埋Ki-67 25%，都係做埋化療穩陣。
Adjuvant Online而家update緊，4/1/2016之後先入到去新版，而家幫唔到你計邊際利益。
OncotypeDx如果唔想打化療，就值得做去睇吓自己的選擇係咪正確。如果已經一條心決定打化療，就可以慳返D錢。
醫生謝謝你的意見，期待你幫我計一計邊際利益。謝！
醫生，又是我。除暫時性的副作用外，想請問打化療TC針對身體有沒有長遠的副作用呢？例如體質變差，加速衰老等。
另外，皮膚黑指甲變質等副作用，需多少時間才會回復正常呢？
打T針大部分副作用都係暫時性，唯一長遠可能都仲會覺得手掌腳掌麻痺。「唔會」話長久體質變差／加速衰老。
指甲嗰D就幾個月回復正常。
謝謝您醫生
醫生你好。今天再睇多個專科醫生，他都是建議hormone+RT+chemo. 但他說化療是每星期一針，共12星期，藥力較輕嗰款。請問你知不知道是那一款化療組合呢？和我之前兩個醫生推介的4xTC針那一款怎麼比較呢？
可以睇成同一樣組合，佢只不過將三星期一次嘅Taxotere 拆成每星期一次嘅Taxol，4針Taxotere變成12針Taxol，類似少食多餐，會舒服一D。
多謝您醫生。
醫生你好。請問化療期間可否服用蒲公英根dandelion root 呢？聽説蒲公英根裏的lupeol 對化療有幫助(http://www.ncbi.nlm.nih.gov/m/pubmed/17875721/?i=79&from=lupeol%20and%20chemotherapy)
另外，也想請你幫我計算一下做化療的邊際利益
Invasive ducal carcinoma
Size:11mm
Grade 2
No metastasis in two sentinel lymph nodes
pT1cN0(sn) stage
Estrogen receptor – strongly positive
Progesterone receptor – strongly positive
C-erbB-2 oncoprotein expression – Negative
Ki-67 – 25%
39歳
治療方案：RT+hormone+optional chemo TC x4
謝謝。
我對蒲公英根沒有認識，個人認為化療其間都係唔好搞咁多野，多一事不如少一事。你引用的文章不足以支持你的聽聞［一、佢講緊頭頸癌（唔同癌已經唔可以混為一談），二、仲要係老鼠模型（有排都未證明到人體有效），三、講緊cisplatin化療（乳癌唔用的），四、2007年的研究到而家都未有update，通常都已經胎死腹中］。
AdjuvantOnline 都係仲未入到去，計唔到住。
收到了。醫生多謝你。
醫生您好，我的療程是TC X 4。我已于4月8日打了第四支化療針。升白針亦于療程的第四至十四天完成(因白血球低，所以多打四支)。但是，從療程的第十天起至現在(療程的第十八天)，我一直感到胸口痛，胸口有壓迫感及呼吸較平時困難，請問這反應是否正常？因為我在打第一至第三支化療針后也沒有此反應。
雖然我睇唔到咩原因TC會引起以上病徵，但講到底胸口痛、有壓迫感、呼吸困難都係一D要小心的病徵，所以負責任的建議都係會叫你去揾醫生檢查清楚，咁先係比較穩妥嘅做法。
醫生!!! 我睇到呢到，見到醫生你仲有回覆（因為我見你講”Adjuvant Online而家update緊，4/1/2016之後先入到去新版”，我岩岩都想入但發現入唔到），我覺得突然好有希望咁！我想問，我係做術前化療，個腫瘤縮得唔太多，醫生建議我打Herceptin外再加Pertuzumab，值唔值得咁做？因為都好貴。同埋要打埋Pertuzumab係咪意味住我係三期？先謝!
如果醫生咁建議，而經濟又負擔得起，係好值得打雙標靶，我眼見好多病友有非常好反應。
打唔打埋Pertuzumab 同第幾期冇一個必然關係，想知第幾期，要自己去對一對TNM staging。
乳癌三期 － 我係咪第3期？
首先好多謝你仲係好熱心咁幫我地 d 病友，你呢個 site 真係超級有用，我差唔多每個星期都要重温，因為我真係越睇
越安心，由好驚好慌到唔驚唔慌欣然去接受治療都係因為睇左個 site，仲要見到你仲有覆我地，實在超級感恩。
其實我都睇左＂乳癌三期 － 我係咪第3期？＂好多次，但我唔知係咪有＂腋下淋巴有4粒或以上擴散（N2／N3）＂ ，因為醫生Ａ無話過係三期（我見佢寫過 “at least stage 2″），醫生Ｂ就話係三期，我都好迷失。醫生Ｂ話一期到三期都係咁醫所以佢叫我唔洗理係咩期數，但期數有影響存活率嘛，所以咪仲研究緊囉。。。
另外我想問，個 size 係 4cm 係咪大幅度咁縮既機會微? 唔好介意我問 d 咁白痴既問題，因為我呢一刻有少少灰心。。。
打得術前化療的腫瘤，個個都起碼有返咁上下大，呢條路上你並不孤單。如果同D藥夾，4cm並不是問題。
多謝你咁快既回覆，尤如黑暗中的明燈 。預祝你 Happy New Year!
醫生我想問多一個問題，Pertuzumab 係咪都要吊足一年定係睇送食飯到咁上下可以停？如果係後者都好ｄ，前者者我會先暈底，唔通真係要搞到賣樓 :<
要睇吓咩情況下打Pertuzumab。醫學發展日新月異，呢一刻2015年12月（如果你係未來讀者睇返轉頭，小心資料有誤），如果係術前打Pertuzumab，就打6套化療加雙標靶，之後手術，再之後單Herceptin 吊足一年。如果係乳癌四期打Pertuzumab，就雙標靶無限吊，直到乳癌不再受控／身體頂唔順／荷包頂唔順為止。
而家Pertuzumab係後加，係咪化療要延長呢？謝謝！
化療唔會延長，Pertuzumab要視乎醫生點決定，可能打少D就返，或者往後移（即係手術後先補返欠嗰D）。
多謝你醫生，我希望加左藥會有好 d 效果！
唔好意思，問多一個問題。＂如果同D藥夾＂ 既話係咪應該頭一兩針就已經會縮好多？我有個護士朋友話睇過ｄ文獻話有ｄ人去到第四針至會縮。實在有點擔心。
人人反應唔同，如果頭兩針已經有好好反應，我地就叫佢同D藥好夾。但如果冇反應，我地會3至4針先下結論叫佢做唔得，始終藥物唔係仙丹，都要比合理時間佢去工作，先評論佢得唔得。
我唔小心病左，以往感冒我都只係睇某一個醫生至斷到尾，今次我唔敢亂睇醫生，但腫瘤科醫生開比我既藥我食左都未好，我咳左幾日就甩肺又唔想又留班，係咪真係唔可以出去再睇醫生呢？好煩呢。。。
化療緊有咩事最好去醫院，起碼可以抽下血／檢查清楚。一般你去睇家庭醫生，佢知道你化療緊，都會叫你返醫院。
Breast HK,
本人已經做了左邊乳房全切手術一個多月，也轉介了去公立醫院。因為病理報告結果在灰色地帶，所以決定了付三萬多元做 OncotypeDx. 結果會在2日後（即4月15日）覆診時才知道。
本人希望可以不用做化療，希望 Breast HK 可以為我用Adjuvant 計算利弊，好讓我有心理準備。非常感謝！
病理診斷如下：
– sentinel lymph node biopsy: negative for malignancy (0/4)
– tumour size: 3.4 cm
– infiltrative duct all carcinoma, grade II
– lymphovascular and perineural infiltration present
– no satellite tumour nodule
– no Paget’s disease on nipple
– positive for oestrogen receptor
– positive for progesterone receptor
– negative for HER-2 gene amplification
– Ki-67: 15%
– CA 15.3 : 9.6
既然已做OncotypeDx，就信佢多過Adjuvant Online，到你有報告／有需要時再上黎問。
您好！
本人今年49歲於 24/2 剛完成切除部份右邊乳房手術
切8粒淋巴，其中一粒發現有0·1mm癌細胞
6/5 於東區完成30次電療 (25+5)
請問私家醫生建議食 Tamoxifen 5年，而政府建議不須，現請問我應該食定唔食
術後報告：
原位癌
ER positive Allred 3/8 H-Score 7/300
PR negative Allred 0/8 H-Score 0/300
Ki67 high proliferative index 36%
Her2 (c-erbB-2) positive score 3
第一樣要搞清楚嘅係病理報告，原位癌理論上唔會擴散至淋巴，因此如果你冇覆述錯嘅話，就要覆檢手術標本去睇清楚真係冇侵蝕性癌。如果真係搵唔到侵蝕性癌，下一步就要照清楚右邊餘下乳房真係冇其他可疑源頭，呢個時候可能要照最靈敏的乳房磁力共震。
假如真係乜都搵唔到，結論又冇變嘅話。我會建議照食5年Tamoxifen，雖然知道ER唔高分，得到嘅成效冇高分嘅咁好，不過淋巴有微量擴散（呢個係唔好象徵），食咗幫得幾多得幾多。
醫生您好。本人今年45歲，剛做了局部乳房腫瘤切除及兩組淋巴全割除。病理報告如下：
Invasive ductal carcinoma
Size – 12mm
Histologic grade – 3
Nuclear grade – 3
Mitotic rate – high
Peritumoral angio-lymphatic invasion – absent
Nodal status – 1 of 28 axillary lymph nodes contains metastatic carcinoma (size 0.8mm without extracapsular extension)
Pathologic T1 c N1mi
ER – positive, 8/8, 290/300
PR – equivocal, 4/8, 0/300
Ki-67 – 55%
HER2 – negative, score 1
看來癌細胞很惡(grade 3)，生長速度亦很快 (55%)，雖然期數是1B, 電療及化療是否不能避免? 另我做手術前兩天已照pet mr scan, 原先照唔到淋巴有癌細胞，但開刀時醫生發現有癌細胞，請間全部淋巴切除是否正常做法，因我見很多患者都只係割幾粒，而不是全部！
有勞回覆。謝謝！
電療因為你揀局部割，無可避免。至於化療，睇牌面都係會建議做（淋巴有擴散，雖然係微量，但始終係有；Ki67又高），不過如果你真係好抗拒打化療，就會建議比三萬幾去做OncotypeDx，睇吓會唔會咁好彩發現原來自己係低危復發，去合理化唔打化療的決定。不過如果OncotypeDx都係話中危、甚至高危復發，咁只好認命去打化療。
前哨淋巴手術中途發現有癌細胞，大部分情況下都係切曬兩組淋巴，呢個係最大路做法，你個情況好正常。
醫生你好! 本人41歲, 剛做了手術並於昨天收到病理報告為T1c N1a, 醫生說是1B期, Histologic grade – 2, nuclear grade – 3, nodal status – one of 26, specimen margins – not involved. ER : PS -5, IS – 2, Allred score : Positive, H- score – 135.
PR : PS – 5, IS – 3, Allred score : Positive, H- score – 300. Ki-67 index – 5%, interpretation – Low. HER2/c-erbB2 overexpression : Score (Interpretation) – 2 (Equivocal).
Summary (Left breast invasive carcinoma) : Estrogen receptor – Positive, progesterone receptor – Positive, Ki-67 proliferation marker status – Low proiferative index.
醫生說可能要做化療, 但我真係唔想做, 如根據此報告, 是否可以唔做, 謝謝!
T1cN1a係2期a，並不是1期b（T1cN1mi先係1期b）。
乳癌二期 － 我係咪第2期？
淋巴有擴散，已經會建議打化療同埋電療。
另一樣要搞清楚嘅係HER2 status，要做FISH test，如果係HER2型，更加要化療加標靶治療。
乳癌類型巡禮 － 與你細數HER2型乳癌的歴史
謝謝醫生.
佢有份HER2 GENE AMPLIFICATION IN SITU HYBRIDIZATION ANALYSIS如下~
METHODOLOGY : Ventana INFORM HER2 Dual-ISH DNA probe (silver in situ hybridization)
Results (Based on invasive tumor component) :
Average number of HER2 signals per nucleus ~ 3.63
Average number of CEP17 chromosome signals per nucleus ~ 2.20
Ratio of average HER2 signals/CEP17 probe signals ~ 1.65
Interpretation (Base on 2013 ASCO/CAP criteria):
Negative, with HER2/CEP17 ratio <2.0 and HER2 signals <4.0
呢個唔知等唔等如FISH TEST, 如以上報告是否就不是HER2型乳癌?
醫生有建議做另外一個叫腫瘤基因表現測試, 呢個有係唔係真係有需要做? 做左又可以睇到d咩呢?
謝謝!
你呢個係SISH，同FISH功能一樣，佢話你唔係HER2型。
「腫瘤基因表現測試」我相信佢係講緊OncotypeDx，有冇需要做視乎你有幾抗拒化療。佢可以話到比你聽你大唔大機會復發，大機會復發就做化療，細機會復發就免咗做化療。不過做咗OncotypeDx都可以模棱兩可，因為復發指數可以唔高唔低，咁就浪費咗金錢。
比我係你，如果唔太介意化療，就唔做OncotypeDx，直接打化療算，慳返D錢。相反，如果好唔想化療，就比錢做OncotypeDx，希望多D證據支持自己唔做化療嘅決定。
我今天見了腫瘤科醫生，建議先做4次TTC，之後再做電療加荷爾蒙藥。想問問因我有擴散至淋巴(有一粒0.8mm)，是否須要做第三代化療比較好？
微量擴散N1mi，TTCx4都可以，未必洗用到第三代化療。
My mum is 60yrs old and she just got breast cancer and operation to remove the tumour in May and below are the report finding after operation(局部切除及前哨淋巴）:
Invasive ductal carcinoma grade 3
Size of tumour 0.6cm
No lymphovascular permeation by tumour
No extensive in situ carcinoma component
Resetion margin: negative for mailgnancy
Sentinel lymph node: no evidence of metastasis
Estrogen reception negative
Progesterone reception negative
C-erB2 oncoprotein overexpression negative
High proliferative activity (Ki-67:40%)
三陰，Ki -67 高，but small size， 請問值得化療嗎？
如果身體狀況良好，打TTCx4。
你好，本人母親現年64歲，體重為39.8kg，30/6/2016已經做了全右乳切除手術，病理報告如下：Tumour about 4.2cm，T4，ER++, PR-, Heu0, Ki 67 50-60%
請問需要接受化療的機會高嗎？她個人不願意的。麻煩你給予意見，謝謝。
T4即係起碼第三期，如果身體可以，係會建議化療。
感謝有啲個平台可以比我問清楚，知多d。本人4-7-2016做了左邊乳頭腫瘤切除手術，7-7-2016收到外科醫生病理分柝係惡性腫瘤1.3cm grade 3, 於是揾乳腺專科醫生再了解後，安排14-7-2016 再做手術切清周邊範圍及前哨淋巴等及凍片化驗（醫生解釋切部分復發機率並不一定高於全乳切除）到了今天再到醫生聽病理報告：T1 (1.3cm) N0 ( 淋巴冇擴散）Grade 3 Her2型 Ki67(25)
本人今年才37歳，醫生建議化療6次+標巴1年+電療，療程適合我嘛？另外再需要食藥嗎？（因為手術前提到食10年）復發機率高嘛？（因為本人實在擔心冇機會照顧今年才1歲既細仔及9嵗既哥哥）另因化+標+電之醫療費用對本人實在寵大，巳提出轉介政府醫院合適嘛？但又怕排好耐，盼能幫忙??希望藉此感謝您既分柝意見，令我安心
化療6次+標巴1年+電療：療程合適。
至於洗唔洗食藥要視乎有冇荷爾蒙受體（ER/PR），觀乎手術前提到食10年藥，應該係ER＋（即係要食藥）。
應付唔到私家醫療費用，當然返去政府醫院，手術已經做咗，已經過咗樽頸位，大把時間慢慢排政府，唔會阻遲治療，放心。
你好：我42歲，5月中在東區醫院抽粗針時醫生說是原位癌，但7月頭做完局部手術後醫生話有1.2mm侵蝕癌及紙口切不清，醫生說要再切及切前哨淋巴，但要排期到8月18號才可以做，我很擔心等時間是否太長會否擴散出去呢?我需要化療嗎？很心急想得到你回覆，謝謝！
究竟會唔會因等待至8月18日而擴散開去，冇人會知／講得實。如果真係得1.2mm侵蝕性，就應該等得，擴散機會好細。「咦？咁你又話冇人會知？」，問題係你而家話未切清麻，咁冇人可以講得實仲有冇／仲有幾多侵蝕性癌殘留係乳房度。萬一如果仲有好多留喺度，結論可以差天共地。
洗唔洗化療要等最終病理報告先可以作實，因為淋巴情況係一個重要的影響因素。
你好！多謝你咁快回覆！手術前超升波報告說我淋巴無事及我也摸不到硬塊，現醫生說因原位癌裡有一粒1.2mm的侵蝕癌所以要切前哨淋巴化驗及切不清要再切，以你經驗看我淋巴是有事多還是冇事多呢？我現去照pet scan可以看到其他地方有擴散轉移嗎？1.2mm照到嗎？另醫生說因1.2mm侵蝕癌太細所以抽粗針時是有機會抽不到的對嗎？或是二個月內由原位癌轉變為侵蝕癌呢？哪種機會大些？（手術前做過x光、超升波、MRI及抽粗針是原位癌，超升波報告硬塊是20mmx7.2mmx15.1mm）其待你回覆！謝謝你！
其待你回覆多謝你！
聽落去似只有1.2mm侵蝕性而原位癌的部分未切清，照經驗前哨淋巴有事機會好細。
而家照PET scan淋巴／其他地方都仲係準，不過乳房部分因為最近啱啱做完手術，準確性會打折扣。
似太細一開始抽唔中的機會大。
你好！萬分多謝你的回覆！
一知道太太得了乳癌，心情十分惶恐，週圍上網查看，雙眼變成大熊貓 (捱夜看資料及?)。
謝謝你的詳細解釋，令我清楚明白安排情況，本來混亂惶恐的心情定了下來，像跌進崖裡遇到一片踏腳石！
你還救埋我這個男人！?
欣賞愛護太太的好男人??，祝太太治療一切順利。
Breast HK
真係好感激你share咗咁多非常有參考價值嘅乳癌資訊。
我媽媽最近剛剛確診乳腺癌，上個禮拜剛做了右邊乳房嘅改良根治切除手術。
她嘅情況是：乳癌腫塊大小：18mm左右；癌細胞沒有擴散至淋巴，也沒有擴散至身體其他部位（但沒有做骨CT，因為醫生話唔至於去到咁嚴重）。
Nottingham Grade2, Ki67(10%+); 荷爾蒙受體水平為positive；Her2為2+；媽媽現時為54歲。
根據你之前share的資訊，媽媽現時是不是應該屬於乳腺癌一期？
我想用Adjuvant Online來計算，可惜無法register，唔知道你可否幫忙計算一下媽媽需唔需要做術後的化療和吃藥？或者是電療？
由於媽媽現在還在住院階段，身體比較虛弱，她個人有點抗拒接受化療，所以想知道化療對於她來講是利大於弊還是弊大於利。
期待您的回答！萬分感謝！！
Lo
pT1cN0M0屬於第一期，荷爾蒙受體陽性，食藥為必需。至於值唔值得做化療取決於HER2 status，2＋要做FISH test 先可以評估到。
多謝你咁及時嘅reply.等FISH test結果出來后會馬上告知。現在想問下，如果萬一HER2 為positive的話，是否表示乳癌比較惡？一定要做化療？謝謝！
如果HER2 positive，係比較惡，T1c已經會建議化療加標靶TTCH。
仲有就係，考慮到你的資料提及到Adjuvant Online計算係未考慮到HER2的情況，唔知道你可否根據現時的報告情況，幫忙用Adjuvant Online計算一下結果呢？謝謝你！！！！！
Adjuvant Online未開返，我都login唔到。
唔知Adjuvant Online幾時開翻?，開了之後還可以麻煩你幫忙計算嗎？謝謝！
唔知幾時，有需要就返黎呢個家，幫得到一定盡力幫。
Hi Breast HK, 媽媽的情況做了FISH test, 結果顯示是negative。是否表示不需要做標靶？咁還有必要做化療嗎？不知道Adjuvant Online計算機現在是否可以使用？如果可以的話，可以拜託你幫忙計算一下嗎？萬分感激！！！
標靶唔需要。
Adjuvant Online未開返，用第二款（predict.nhs.uk）去計算，淨用荷爾蒙已經足夠，唔洗化療。
唔該曬！！！
我媽咪10月24做右乳全切，做了前哨5粒，化驗後先個其中一粒有事，0.35mm,醫生說不用再做手術要化療
我媽咪55歲，期數是T1N1mi,瘤1.9cm
ki67是65%，Er120/300 +,pr130/300+,不用打標巴，her2是陰性，私家做手術，現在政府做化療，做完手術一個月要再等3星期才可做化療，是否太遲？
醫生給了2個方案，1）fec x3 TT x3 2)tac x6
最後我媽選了tac x6 ,但聽你說這是最辛苦組合，我怕媽咪承受唔到，我媽辛苦左一世，可能想早d解決，所以選了TAC x6,
我媽咪是不是很嚴重會復發，醫生要建議呢2個咁辛苦既組合，同時醫生話再做手部手術同電療都冇必要。但因為癌細胞速度快，我怕我媽手部沒有做淋巴手術，手術後成7-8星期先化療，擔心手部淋巴還有癌細胞，也擔心復發。謝謝醫生解答??
手術後三個月內開始化療都ok，現在進度仍然達標。
T1N1mi, stage 1B其實好好治癒率，唔好太擔心復發。N1mi我也同意不用再切，國際趨勢如此。至於電療，大部份放射科醫生都唔電N1mi，只有少部分進取的會選擇電，冇數據話邊個啱，純屬醫生取態。
醫生你好，我媽媽今年60歲，1月4手做了左胸局部切除手術，報告出了，但不太明白，想請教一下你之後的療程，需要化療嗎？報告如下︰
Invasive Ductal Carcinoma,
pT(1c), pN(0), G(iii). Deep margin was (1.5)cm,
ER(+), PR(-), C-erbB2 score(0).
謝謝
灰色地帶，三個選擇都可以：剩食藥／OncotypeDx／化療TTCx4。
咁我應該點揀？
因為2月2號會在QE見醫生，想先問一問你意見。
另外，請問報告是甚麼意思？是her型嗎？
唔係講一句就揀到，等你見到QE醫生同佢傾。報告係第一期荷爾蒙受體陽性乳癌，不是HER2型。
你好!
我是42 歲，2A三陰，淋巴冇事，Ki67~55%, Grade 3，全乳切
私家醫生建議我，EC x4, Paclitaxel x4(2 weeks一次)，我覺得是進取，right?
不知政府醫院方案通常會如何?有冇得跟此方案?
屬於進取。政府都冇通常方案，睇一間間，不過9成唔會同你打dose dense （兩星期一次）的方案。
多謝你!咁我是否進取好d?因為我小孩子還少，我希望有一次安心的療程，當然我明白不能計算的情況好多。
好難憑你三言兩語就幫到你決定，不過我相信你自己心?已經有答案。
深深感激你!
Breast HK, 你好
我今年45歲，今年二月初做咗乳房局部切除，腫瘤11 mm ，沒有擴散到淋巴，化驗結果： low grade IDC, pT1cN0(an), ER score 270, PR score 210, C-erbB-2 negative, Ki-67 = 25%, Oncotype test result = 15.
我現在進行電療中，同食抗荷爾蒙藥，但係我唔知好唔好做化療好？請你給我意見，謝謝
OncotypeDx 15分唔洗打。
10分感激你的意見，多謝
但是，我的Ki-67 是25%，又化療會有幫助嗎？
做得幾萬蚊OncotypeDx 就要信佢，佢已經包括Ki67在內5個驗生長速度的基因。
如果這讓，我可以不用食抗荷爾蒙藥嗎？一定食十年嗎？謝謝
要食抗荷爾蒙藥，唔好誤會。
明白了，但怎樣定要食5年或十年呢？謝謝
如果侵蝕性癌，Tamoxifen 就一般建議食十年。
醫生你好，我剛剛手術全切除左邊乳房，化驗結果如下：
乳房腫瘤1.7cm, 淋巴找到一粒2.5mm
ER & PR +ve; HER2 -ve
Histologic and Nuclear Grade 3
Ki-67 是27%
想請問
1）是否要做化療、電療、及食荷爾蒙藥？
2）化療應該用什麼組合？
3）是否好容易番發？
另外植入的矽袋好像令到兩邊乳房有高低不同的情況出現，請問有沒有補救方法？:(
1）是
2）第三代化療，例如FECx3 + TTx3。
3）容唔容易係相對概念，冇得咁抽象咁講。
4）重做。
醫生你回覆得真快。謝謝你！
因為主診醫生話我個癌細胞「好惡」，應該是因爲histologic and nuclear 都是grade 3?
咁請問我點樣可以令到自己番發嘅機會減到最低？因為唔想以後提心吊膽過日子…
Tumor grade只係一個好次要因數。
做齊醫生建議的輔助治療，就係減低復發的最佳方法。
明白，謝謝你！：）
醫生你好，我太太(年齡46)剛剛手術除去右手邊部份乳房，化驗結果如下：
乳房腫瘤2.1cm, 前哨淋巴沒有癌細胞
ER 230
PR 210
HER2 -ve
Bloom & Richardson Grade 2
Ki-67 是30%
現在正猶豫做唔做化療，想聽聽你的意見，謝謝。
有錢就做OncotypeDx先决定，冇錢就打TTCx4。
醫生你好！今天太太見完腫瘤科醫生，關於進行電療，佢認為私立醫院較公立好，稱私立會電25次，還會每次電都調整輸出，依有關部位curve而電，能夠深入皮下，冇咁傷皮膚，更有效；而公立只會電15次，每次電均千篇一律，一個角度一刀切電，所以療效一般，令我及太太大惑不解。
要搞清楚私家所講的係咪Tomotherapy。
早晨醫生，確定是tomotherapy。我們在網上找到很多tomotherapy的資料，有很多優點，但治療費用高昂，要睇餸食飯。想請教一下，以我太太的情況，接受tomotherapy治療，得到的好處比起公立醫院的治療，會否更多？
現階段（2017年4月），我會建議要電胸腔淋巴（internal mammary chain, IMC）的病人，Tomotherapy有其優勢。至於唔洗電IMC的，傳統的已經足夠，殺雞唔洗用牛刀。
謝謝你的快速回覆!
醫生，手術報告中有提到occasional foci of lymphovascular invasion within tumor，是否意味我太太要電IMC呢?
唔等如。
謝謝!
醫生您好。我今年34歲，右胸全切手術於4月中完成，淋巴無感染。病理報告重點如下：
Multifocal
Largest invasive tumor 17mm
Margins clear
Grade 1
LVI+
ER 300/300
PR 300/300
C-erbB-2 score 1
Ki-67 10%
瑪麗腫瘤科醫生說根據醫院指引，LVI+係high risk factor，雖然其他指數無大問題，都建議我做化療。年紀輕反而唔係主要因素。
現想請教醫生：
1）可否略略解釋LVI+代表了什麼？這因素跟復發的機會率有怎樣的關連？
2）如不打算做OncotypeDx test，醫生您是否都傾向我做化療？
3）腫瘤科醫生建議打TC x 4或FAC/FEC x 6，請問您的意見如何？
1）LVI 即係lymphovascular invasion，講緊腫瘤有冇入侵乳房?面的淋巴管／血管，你可以睇成佢係淋巴擴散前的一步，以前好興睇呢個因素去決定洗唔洗電療（唔係化療），近年已經慢慢式微，唔太看重佢去決定做唔做輔助治療，所以你見D online calculator係唔考慮呢個因素。
2）如果用nhs predict 去計，打化療10年先賺得1%存活率，所以傾向唔打。
3）唔打。
非常感謝醫生抽空解答。想問的是：
1）我常見到醫生您說”年輕病發已經算係好惡”，通常會建議年輕病人打化療。點解我這個case醫生會傾向唔打化療？係純粹以nhs predict個result做判斷還是其他原因？
2）除咗Adjuvent Online同OncotypeDx test，重有無其他calculator/方法可以計到十年復發率而唔單止係存活率？
3）a. 醫生您認為OncotypeDx test有多可靠？
b. 就我這個case而言，您認為值得做這個test去決定是否化療嗎？
對不起，有很多問題，希望得到醫生嘅意見同指引。謝謝！
1）純用年紀去區分係一個好粗略的指引，你有齊資料，當然用nhs predict 去計一計，計得就自然信佢。
2）存活率緊要過復發率好多，復發的最終結果就係反映係存活率度，無需執著於復發率。
3a）呢條問題好難量化，不過整體黎講，我係信佢嘅，因為佢最多研究支持。
3b）有錢就做，冇錢就唔做。
醫生您好，我最終都做咗OncotypeDX test，recurrence score係7，所以決定唔做化療喇。再次感謝醫生抽出寶貴時間給予意見。祝願工作順利，生活愉快。
本人今年70歲，四月初確診乳癌，四月尾做前哨手術，因前哨淋巴有0.03cm癌細胞所以已做全乳連淋巴切除手術。想求教需不需要做化療，化驗報告如下：
左邊乳房2粒腫瘤：2.1cm , 1.5cm
淋巴冇受影響（N0）一粒有 0.03cm
荷爾蒙受體好反應（ER＋／PR＋）300/300
非HER2型（HER2－）
生長速度慢（low Ki67）3%
腫瘤組織學為一級（Grade1)
年老病發（70先初發，身體並無其它毛病，應該頂得順化療）
多謝！
0.03cm 就唔係N0，係N1mi。其他指標都ok，70歲唔需要化療咯。
謝謝那麼快的回覆！不好意思，想再請問一下電療是否需要呢？
電療則見人見智，理論上N1mi都係屬N1類別，即係要電療，但好多腫瘤科醫生覺得咁係做過龍，尤其你已經全淋巴切除，我個人傾向唔電。
非常感謝您的回覆。
想再請問:
腫瘤科醫生說我有轉移, 已是Stage 2B, 所以必須化療, 是真的嗎?
曾有醫生說2年内有69%的復發率, 是否正確？
萬分感謝!
我唔會將期數同化療劃上等號，佢只係其中一個考慮因素。
幾多復發率唔敢講，adjuvant online 未開返，nhs predict 只計存活率。
醫生，我的病理報告如下，請問我值得做化療嗎？可唔可以給我意見，謝謝
Grade1 invasive ductal carcinoma，NOS
pT1C maximum dimension of invasive component =1.9mm
Peritumoural lymphovascular permeation present
Scanty associated intermediate grade ductal carcinoma-in-situ
Resection margin clear
Invasive component:
Oestrogen receptor and progesterone receptor positive
c-erbB2 oncoprotein not over expressed
High proliferative activity (invasive component)
Left axillary lymph nodes (axillary dissection)
Metastatic ductal carcinoma present(1out of 11)
Oestrogen receptor (Allred score=8/8 and score=290/300) and progesterone receptor (Allred score=8/8 and H score=290/300)
The staining for c-erbB2 oncoprotein is negative (score =0/3). About35% tumor cell nuclei express proliferation marker Ki67.
In-site component:
The in-site ductal carcinoma cells are positive for oestrogen receptor(Allred score=8/8 and H score =290/300) and progesterone receptor (Allred score =8/8 and H score=300/300). The staining for c-erbB2 oncoprotein is negative (score =0/3). About 7%tumor cell nuclei proliferation marker Ki67.
要搞清楚淋巴擴散的Size係幾大。
0.6cm
打化療。
醫生，打化療對我幫助有幾大呢？我大概會打邊個組合？荷爾蒙受體陽性，荷爾蒙藥要吃多久那種？
有幾大幫助/打邊個組合，一切取決於第幾期，即係點都要搞清楚淋巴擴散大小。如果係食Tamoxifen，就食10年。
其實好似無寫擴散size,報告只提及割了11粒淋巴，最大的淋巴size等，11粒裡面找到1粒有癌細胞。這資料可作評估嗎？
唔可以，因為要知所謂的淋巴擴散係isolated tumor cell/micrometastasis/macrometastasis，三個情況的期數係唔同嘅。
醫生，報告comments 如下：
Sections show Metastatic ductal carcinoma in 1 of the 9 lymph nodes sampled along the lower half of left axilla. The Metastatic focus measures 0.6cm in greater dimension under light microscopy. There is no evidence of extracapscular extension. None of the 2 lymph Nodes sampled along the upper half of left axilla is involved by malignancy.
pT1N1，打FECx3+TTx3。
醫生：謝謝你用心機、時間來整這個網頁，我學了許多東西。我43歲，病理報告如下：Invasive ductall carcinoma, no special type. pT1cN0(i-)((sn)M(unknown)
grade II, size 1.7×1.6×1.1cm. ER:7(5+2）PR: 0. ki-67: 35%. C-erbB2:0 主診醫生話唔係Her2
主診醫生話決定唔到是否化療。如果我唔做基恩測試，你是否建議我做化療？我個人是比較抗拒。先行謝過你的解答。
唔打，用nhs predict計過，化療著數不大。
醫生，我29歲。上星期六做左局部切除，今日去覆診，知道係三陰，invasive ductal carcinoma, grade 3, 19x15x10mm, pT1cNo, Er 0, Pr 0, Ki-67 index 90%, her2 0。我係咪好大鑊?90%我仔先2歲。
1.你可唔可以幫我計果個生存率?開返未?
2.我約左下星期二見QE腫瘤科，星期四私家。我知要做化療電療。你可唔可以大概講治療方案，等我下星期見醫生心中有數。
3.今日醫生提過要做基因test,唔知係咪你講果個3萬幾?佢話係養和做，睇遺傳。東華醫院都有，但我今日打去話要等4年。我應唔應該花錢做?
4.我醫唔醫得好?復發率高？存活率低?
1）十年存活率：唔做化療81%，做第二代化療85%，做第三代化療87%。
2）QE可能叫你打TTCx4（第二代），私家可能叫你打DD ACx4 + weekly paclitaxel x12（第三代）。
3）三陰性做嗰D係遺傳基因測試（驗BRCA1/2），同上面所講驗復發基因測試（OncotypeDx）係唔同野。有錢就早做，冇錢就慢慢等。
4）醫得好。
唔該哂醫生。政府同私家都係一樣方案。
1.為左博少少%，我都去私家。私家有提Px4,2星期一次。Px12會貴5-6萬。Px4同Px12有何分別？打Px4好嗎？
2.醫生，可否幫我計復發率?有冇5年復發率?
3.政府同私家都有提停經針。我research見有d人荷爾蒙治療會打，荷爾蒙治療唔可以同化療同時進行。如我打停經針會否影響化療?如我三陰，細胞又咁活躍，是否不建議懷孕?
1）Px4就係dose dense，兩星期一次，Px12就係正常劑量一星期一次，有咩分別好難三言兩語講得你明，詳細問自己醫生。
2）adjuvant online未開返，冇得計。
3）停經針係針對荷爾蒙受體陽性乳癌，三陰唔啱洗嘅。懷孕參考另一篇：乳癌康復後懷孕 － 我想生BB！
醫生, 你好, 我今年47歲, 8/7/2017在私家醫院做了乳房部分切除, 知道其中一粒腫瘤係HER2+ 0.46cm ,淋巴冇擴散, 乳線外科醫生話只要電療加食藥就足夠, 因為我冇錢在私院做電療, 所以轉介咗去沙田威院, 但威院腫瘤科建議我自費做埋化療加鏢把, 我好亂, 唔知點決定. 可唔可以給我意見，謝謝
我的病理報告如下
Left breast tumours, Hookwire guided excision (with excision of nodule of inferior margin, further medial, deep and final inferior margins)
-invasive ductal carcinoma, multifocal.
-Modified Bloom and Richardson’s grading : grade 2 (2 tumour foci in specimen 1); grade 1 (tumour in specimen 2).
-Size of tumour: 0.8 cm (main tumour, in-situ and invasive), 0.46 cm ( tumour at inferior margin in specimen 1), 0.9 cm (separately submitted tumour nodule in specimen 2).
-No lymphovascular permeation.
-Background changes of extensive ductal carcinoma in-situ and prliferative fibrocystic change.
-Final resection margins clear (estimated distance from deep margin : at least 0.5cm; inferior margin: 0.3cm).
-No tumour invlovement in the further medial margin ( specimen 4), deep (specimen 5) and final inferior margins )specimen 6).
Breast cancer marker study for separately submitted tumour nodule in specimen 2:
-Oestrogen receptor positive.
-Progesterone receptor positive.
-Negative toward C-erbB2 oncoprotein.
-Low proliferative activity.
BREAST CANCER MARKER STUDIES 2
PARAFFIN BLOCK FOR TESTING b17/33246-2B
OESTROGEN RECEPTOR:
50% tumour cells with moderate nuclear staining.
H score 100/300 POSITIVE
Allred score:6/8 POSITIVE
PROGESTERONE RECEPTOR:
85% tumour cells with strong nuclear staining.
H score 255/300 POSITIVE
Allred score:8/8 POSITIVE
HER2 (C-erbB2) IMMUNOHISTOCHEMISTRY:
Antibody clone: VENTANA HER2/neu (4B5) CE
Staining pattern:
There is no membrane staining towards c-erbB2 oncoprotein.
Sore: 0/3 NEGATIVE
In-situ hybridization for HER2 gene (Sliver ISH): NOT INDICATED.
Ki-67 proliferative index: 5 % low proliferative activity.
The oestrogen and progesterone receptors and c-erbB2 (HER2) oncoprotein status were evaluated by
immunohistochemistry and interpreted in compliance with ASCO/CAP guidelines for hormonal receptors (J Clin Oncol
28:2784,2010) and 2013 guidelines for HER2 (c-erbB2) testing (J Clin Oncol 31:3997,2013).
主要要搞清HER2 positive 嗰腫瘤幾大，你提供的資料冇交代清楚specimen 1 同specimen 2關係，而且亦都冇提供specimen 1的biomarker，答你唔到，都係要問清楚自己醫生。
我朋友48歲, 9月14做咗局部乳房切除, 前哨淋巴有1粒, 所以切哂腋下淋巴, 早2日出咗報告, 大概如下
right breast cancer, ER 8/8 PR 7/8 Ki-67 10% C-erb B2 score 1
Right lumpectomy +SLN + AD done 14.9.2017
-IDC, all margins clear by at least 5mm (touching anterior margin and a 3cm wide skin island anterior to tumour cavity was obtained – no malignancy)
SLND 1/31 (6mm)
ER 180/300, PR 55/300, Ki-67 5%
C-erb B2 score 0
Overall pT1cN1a disease
PET-CT showed no distant metastasis.
請問佢洗唔洗做化療? 同埋存活率係幾多?
謝謝,醫生
醫生，有多少少補充，我朋友見完個醫生，醫生話佢一定要化療，話驚癌細胞經淋巴入血液，即使做咗pet scan都check唔到，請問醫生，係咪真係有機會由淋巴入血?同埋個機會大唔大呢？謝謝
係有機會入血，不過未必需要經淋巴，冇人會量化到機會有幾大。
要做化療。
你要提供腫瘤大小，tumor grade，點樣發現。
唔該醫生，
我朋友個腫瘤:16mm in greatest dimension
Tumor grade請問係咪 Bloom and Richardson grading? 如果係，報告寫grade 2,
至於點發現，佢响右邊胸部摸到粒嘢，跟住去做檢查發現
唔該醫生
醫生，想問多少少，
以我朋友既例子，可唔可以剩食荷爾蒙藥，唔做化療呢？
同埋佢既癌細胞應該係唔惡嗰隻，點解醫生都建議化療呢？
唔該醫生
10年存活率：
1）淨電療：85%
2）電療加荷爾蒙治療：88%
3）第三代化療加電療加荷爾蒙治療：91%
成效顯著，所以建議方案3。
醫生建議第三代化療,即係表示我朋友既癌細胞好惡?
淋巴有擴散就用第三代。
明白，唔該醫生
朋友都擔心啲化療副作用，唔化療，食健康同抗癌既食物，可以嘛？
唔化療，冇副作用，但亦都冇咗正面作用，點樣揀，純粹個人選擇。
唔該醫生，請問佢個case,你會見議個療程應該係點呢
FEC x 3 + TTx3，之後電療加抗荷爾蒙藥。
醫生，請問FEC針 同FC針有冇分別，因為公立醫院醫生建議用FEC，但又圈住個C,
私家醫生都建議FEC,但又圈住E
冇FC針呢回事。
唔該醫生，8號波都覆我
咁公立同私家醫生分別圈住C同E 有冇咩分別?
C係cyclophosphamide ，E係epirubicin 。至於公立同私家點解分別圈，我唔清楚你地之間的討論，要問返佢地。
醫生，請問E同C既分別係咩呢
已經講咗比你聽係咩藥，明就明，唔明就唔明，有D技術上嘅細節係要靠自己醫生。
Hello，醫生，
我1月3日做左左乳局部切除手術，化驗報告及資料如下：
44 years old
invasive ductal carcinoma
size 9mm
grade 2
ER 270/8, PR 280/8,
Ki67 21%
Her2 2, Sish – negative
pT1b N0 (sn i-)
見左私家腫瘤科醫生，佢話要電療30次，Tamoxifen 5-10年（建議10年），仲話可以做埋化療Taxotere+Cyclophosphomide 4次（optional)。我好煩惱，究竟要唔要做化療呢？我想請你比D意見我：
1.如果做基因測試，報告會比到什麼數據和資料我？是否有個比較明確的結論或建議？還是做左測試後，個結果只系多少少數據，最後都系個人的決擇呢？因為我唔知測試報告的形式系點樣。
2. 做基因測試，需要幾耐時間才有報告？我下星期四約左政府醫院腫瘤科醫生。如果報告未出，點樣回應醫生但又不會拖延治療進行？
3. 你會建議傾向做化療還是不做？原因？
4. 醫生建議化療的方案ok嗎？
等待你的回覆。
1）比到有幾大機會復發，即化療有幾大著數。係有個額外資訊去做決定，係咪比較明確視乎測試同結果，有D測試係可以繼續灰色地帶的。
2）OncotypeDx 兩個星期，Endopredict一個星期。直接同醫生講等緊報告。
3）未見過個人，不作個人評估。
4）合理。
Hello, 醫生，
多謝你的回覆。問左姑娘，佢話OncotypeDx要4個星期先有報告，Endopredict要2個星期，甘耐。你有什麼方法可以快D？做邊個好？兩個有什麼不同？Endopredict夠數據可以做決定嗎？
冇方法快D，正常turn over 時間。亦都冇話邊個好D，我個人喜歡OncotypeDx多D，因為始終多D研究支持。
你好，我33歲，第一期。淋巴沒有擴散
ER 15%
PR 20%
HER2 unknown
Grade 3
Size of tumour : 15mm
2月20日做左第一次局部手術，但邊位未清，所以3月做多次手術。本來約了3月中去腫瘤科，因為二次手術所以護士幫我改期到4月19日才見腫瘤科醫生。 但由第一次手術到而家，HER2 仲未有報告，尋日腫瘤科醫生話會再SEND去TEST。所以佢地改我6月頭先再返去見醫生。
公立醫生建議我要化療，option A/ Docetaxel ( 4針，每三星期一針）option B/ A紅針 ( 4針，每三星期一針）。HER2 只不過決定用不用標把針。
+ 電療一個月 ＋十年藥
不過私家醫生話如果HER2 是 negative 的話，可以考慮ONCOTYPE 才決定做不做化療。所以現階段不適合作決定。
其實我不想做化療⋯ 所以如果有這個幫我做精密D 的決定，雖然＄三萬幾對我有點吃力，但也會去TEST。。
問題是，到6月HER2報告出，距離我第一次手術已經是3～4個月了。 尋日護士長話其實過了三個月，效果已經減很多，有些病人過了3個月才決定的話，他們也未必安排。
如果到時HER2是負，再SEND 去美國TEST，大約兩星期，加加埋埋，其實已經四個幾月，係咪其實已經可以一條心做電療？！
謝謝您！！！！
問題精結係2月做手術，就算點驗都冇理由4月都冇HER2報告。就算而家先再send，都冇理由要6月先有報告。拿拿聲搞掂個HER2報告，需唔需要做OncotypeDx就一清二楚。
另外想謝謝您，由我一開始知道自己有cancer, 我成日睇你D文章，多D了解，少D不必要的擔心。 非常謝謝您。
你好～我想我情況是否建議化療？
43歲 全左乳房切除
淋巴無擴散
GRADE 2 invasive ductal carcinoma, NOS
pT2 = 2.05 cm
Occasional peritumoural lymphovascular permeation present
Associated high-grade ductal carcinoma-in-situ
Oestrogen receptor positive
Progesterone receptor positive
c-erbB2 oncoprotein not over- expressed
High proliferative activity (Ki67 50%)
醫生確診２Ａ期
現在等基因測試結果
都係等埋基因測試結果先决定，不過Ki67成50％咁高，都估要化。
明白 謝謝
５月１８日報告出咗係屬高，所以建議化療
我向醫生提出想要轉介信到政府排期，可惜等了差不多２星期醫生仍然未出到（姑娘話醫生好忙未出到）現在我很無奈 不斷追但又不斷被推搪 我想問我下－步可以點做？因為政府專科－定要轉介信！排政府門診？定揾別的乳腺醫生？
手術在４月２３日做
是但搵一個肯寫的醫生算了，等兩星期點忙都唔係一個藉口。
謝謝你我都好無奈同難過
普通科醫生可以嗎？
肯寫就得。
謝謝回覆！
您好，有事教醫生，係米要做基因測試先再決定做唔做化療？以下是本人病理報告。
60year old
Invasive ductal carcinoma
Tye surgery :mastectomy
TNM stage: llA
Gross Tumor size: >2cm
ER status: positive
pr status:positive
Her2 status: negative
Nadal status:negative
請問我需要做化療機會有幾大？
謝謝！
Tumor grade? Ki67或者MIB1?
多謝回覆。
唔好意思，我在公立醫院接受治療，手上只有這些資料。
如果只得呢D資料就踩界，有基因報告就可以好D去評估做唔做化療好。
明白，唔該晒。
醫生，
媽媽69歲， Her2 positive, 荷爾蒙受體 positive, 腫瘤2。6cm, 淋巴無擴散
應唔應該化療/標靶?
擔心佢身體承受唔黎，心靈又接受唔到
按病理報告就要化療標靶，至於身體承唔承受到就要醫生評估。
你好，’
我年齡59，手術病理報告:局部乳房切除，渗潤性乳癌、腫瘤 0.6cm T1bN0
,ER 8/8，PR 7/8，HER 0 ,Grade 2 ,Ki67 25%請問化療對我利多於弊定弊多於利，如果有得揀，我揀不化療。
不需要化療。
謝謝醫生，再有問題請教:我的ki-67是25%偏高，對病情有何影響。
睇病係睇全盤數，唔係睇單一指標。冇咩可以講到，只可以話比細過25％的差，比高過25％的好。
你好，我44歲，右邊乳房局部切除，病理報告是浸潤性乳癌，腫瘤1.2cm 前哨切了3粒有1粒感染Grade2 T1cN1a ER8 PR8 HER0 醫生話要化療，可以幫我計算下化療有幾大著數嗎？是否要做基因測試，如果有得揀我唔想化療，謝謝你！
傳統醫生一定會叫你化療，如果真係唔想化療，就做OncotypeDx，仲係有機會唔洗打、或者可以打少幾針。
醫生，您好！ 謝謝您的網頁，給了我很大幫助。
之前上傳過一次，可能收不到。
我的資料如下：
49歲，1.6米，體重70kg，2星期前做了左邊全部乳房切除，
報告是： T1b N0
ER Negative 0/8 0/300
PR Negative 0/8 0/300
Ki-67 High proliferative index 50%
HER2 Prositive Score: 3
There are multiple foci (around 5) of invasive ductal carcinoma. these measure 0.7mm, 0.8mm, 1.3mm, 1.8mm and 6mm in sizes. grade 3. none of sentinel lymph nodes showed metastatic disease. Pre-operative PET-CT scan showed no distant metastasis.
請問：
1） 我比較害怕做化療，是否一定要做化療？ 用什麼針比較好？
2）麻煩幫忙計算下，做化療和不做化療的存活率是多少？
謝謝！
1）最好做化療加標靶。TTCx4 + 1 year herceptin，或者TTCH x6 then maintenance herceptin。
2）10年存活率: 唔做77％，化療加標靶85％
明白了，多謝您的快速回復，星期一覆診時和醫生商量下。
明白，謝謝你！我還有個問題請教你，如果做化療打什麼針適合我？
謝謝！
FEC x 3 + TT x 3。
醫生建議打第三代即係我属高危复發嗎？
淋巴有擴散就係打第三代。
醫生，你好！
醫院的建議和你一樣，TTCx6 + herceptin x18。不過herceptin是用皮下注射，不是滴注。
我有個一路睇開的中醫，覺得我身體底子太弱，建議我只接受標靶，不用化療。
請問只接受標靶一種治療可以嗎？ 還是一定要化療+標靶 2樣加在一起配套做？
不好意思，因為是在公立醫院看完醫生後，中醫才給意見，醫院下次覆診又要2星期后，所以要麻煩你了，拜託！！
可以但不建議，一起做是最好的。西醫所依據的是實在證據（evidence based medicine），並不是你中醫師主觀的「我覺得」，麻煩他了解／理解完病理報告才給意見（如果他理解得了的話），人命關天，我地要謹言慎行。
thanks a lot
醫生，你好！
謝謝你的意見，我決定做化療了。
今天私人醫生建議我的新方案是： PH
P*12 （每星期打一針）+
H*12 （頭4針分量分拆，跟P針一起打，每星期打一針）+ 剩下的H針，每3星期打一次。
他說P針這個方案適合我初期的 T1b , 人沒怎麼辛苦。
你覺得這個提議和TTC*6+H*18 比較會怎麼樣?
不好意思要麻煩你，因為反正要化療，我想選個最適合的方案。
謝謝你！
PH呢個方案好，pT1bN0我都喜歡PH。
我就選PH吧，希望真的沒有這麼辛苦。謝謝！謝謝！
醫生: 我想問下我個情況, 我發現報告Ki67係有28%，ER8/PR5 HER1 屬第二期, 我想問 我係咪一定要食Tamoxifen呢隻荷爾蒙藥?有冇副作用? 我可唔可以唔做化療?
一定要食抗荷爾蒙藥，係咪Tamoxifen就要睇停經未。有咩副作用就睇乳癌荷爾蒙藥－究竟食咩藥？。
牌面傾向做化療，係咪真係冇得傾要詳細睇加減做埋OncotypeDx先知。
我想再補充一點: 我淋巴沒有擴散手術後只取了我一粒前哨淋巴， 而我癌細胞大約2cm左右， 而我年齡是48歲, 仍未停經.
建議冇變。
我報告有一段是這樣寫:
Pathology report explained
Premenopausal
Re-excision offered
Plan of whole breast irradiation And at least 5years of Tamoxifen +/- Adjuvant chemotherapy explained
我情況可否不用做化療呢？
你反而要留意切清未，醫生提議過你再次手術。
如果唔想化療，就去做OncotypeDx睇下唔做化療安唔安全。
醫院啲姑娘以同我講全部切清了
切清點解要offer re-excision？
你好，我完成了手術，外科醫生建議化療，腫瘤科醫生建議做OncotypeDx, 著數計算機暫停了，請問做OncotypeDx 好不好呢？情況如下，謝謝你，祝平安!
1. T 1 (1.5cm with adjacent foci of ductal carcinoma in situ, high grade (0.2cm and 0.1cm), all resection margins clear)
2. N 0
3. ER + (moderate to strong staining, 90%)
PR + (moderate to strong staining, 80%)
4. Her2 –
5. Ki67 30%
6 IDC Grade 3
7. LVI –
8. 40 years old
做。
我38歲, 早兩日確診了。腫瘤 2.5cm . Her2-, ER-, PR+, grade 2. Ki-67 係70%. 抽針顯示無擴散淋巴。手術會在私家醫院做, 局部切 + 前哨淋巴. 會做乳癌基因測試。請問需要化療機會高嗎? 因為我仲猶豫緊電療在私家還是政府做, 如果要做埋化療,全部私家費用太貴了。如需化療,可以化療揀政府,電療再揀私家嗎?謝謝
化療機會高。雖然唔係唔得，不過好少私家、公立、再私家咁走。
咩係re-excision?
翻手再切。
多謝你的回覆。另外想再問問,我睇過你另一篇乳癌分類,我搵唔到自己屬於邊一類,好似見唔到ER- , PR+(report 寫weakly positive), her2- 呢個配搭。請問我呢種屬於惡嗎? 你話過ER-唔洗食荷爾蒙藥,咁PR+又可以做d咩?謝謝
屬於管腔型，唔惡。
ER-PR+都係荷爾蒙受體陽性乳癌，要食藥。
我已做了手術,局部切除,五粒前哨淋巴沒有感染。但病理報告說我是三陰性。外科醫生說不用做基因測試,直接要做化療,介紹了一位腫瘤科醫生給我, 地址係一間診所,而化療亦是在診所做。另朋友又介紹一位在私家醫院的腫瘤科醫生。想請問在私家診所和私家醫院做化療,會有什麼分別呢?謝謝你
沒有大分別。
唔好意思,我見了一位腫瘤科醫生,佢建議我打 TT + CTX 6針。你文中好似無提過有種叫CTX, 請問這是新藥? 還是另一個代號呢?謝謝
CTX 即係cyclophosphamide，一D好舊嘅代號，而家好少人咁叫，所以文中冇提及。TTC通常打4針，我諗唔到有咩情況會咁樣打6針。
謝謝你豐富的資訊。本人今年48歲，未收經，上星期做了全切除手術，結果是 ER－280／8,0PR – 260/8, Ki 67 – 23%, HER2 –2 . 16mm， Grade IIi invasive Ductall CA.
請問根據這個結果，我下一部的治療會是什麼？有何我需要特別注意呢？
搞清咗HER2 status, tumor grade, 同淋巴有冇受影響先知下一步治療。
Breast HK,
希望你能解答。以下是我的情況，請問化療的機會大嗎？
我四十八歲在私院剛做了左全切
T1CN0, 前哨淋巴割了3粒沒問題
腫瘤2cm
Grade 3
triple positive
ki 67 25%
正排公院腫瘤科，請問我情況是否排很久？
另想問：
1）是否一定要做化療？ 用什麼針比較好？
2) 還有我嘅情況是否要加標靶？是否很貴？
3）麻煩幫忙計算下，做化療和不做化療的存活率是多少？
謝謝
一般排三至四個星期見到醫生。
1）要，TTCHx6或者TTCx4＋herceptin。
2）要。好貴，不過會因應資產有資助。
3）唔洗計，HER2 positive 2cm腫瘤要做。
先謝回覆，那請問herceptin係要打幾多枝？我見有喲人講18枝？另 TTCHx6或者TTCx4 係唔係即係紫杉4枝？那我是否還應要食10年荷爾蒙藥？
Herceptin 1年18枝。
TTCH x 6 即係Taxotere Carboplatin Herceptin 6套，之後再加12針herceptin
TTC x 4 就係 Taxotere Cyclophosphamide 4套加18針herceptin 。
10年荷爾蒙藥。
希望你能夠再比多d意見我。我共見左三位腫瘤科醫生, 其中一位再解釋多左我個病理報告: 淋巴其中一粒有0.2mm, 雖然通常咁情況唔會叫淋巴有擴散,但我的確係有 0.2mm感染. 三陰性, 38歲.
醫生A: TT + CTX 6 針 (沒有提過會影響月經)
醫生B: TAC 6針 三陰+後生= 惡上惡,要最進取 (這位醫生提議每三個月打1支停經針,共2針,等子宮冬眠半年,令化療藥對子宮影響減低,停藥後希望月經正常返。如果唔打停經針,有機會我會永久停經)
醫生C: AC x 4 + T x 4 兩星期一針 (我主動詢問這位醫生有打停經針的需要嗎? 醫生說化療期間係有機會影響月經會亂或停,但化療後有8-9成會正經返,但幾時先再有返月經就因人而異,不需要特別打停經針)
我想請問,就我的情況,你會建議我用邊一位醫生的方案呢? 可否解釋下點解咁揀? 另外月經/停經針方面,有打停經針的必要嗎? 謝謝你的寶貴時間
你提供的資料經常自相矛盾，一時話PR +ve一時又話三陰性，一時話淋巴冇擴散一時又話有，咁多錯誤我唔作網上評論。
你好，你提議後TTCHx6或者TTCx4＋herceptin，我有仔細看過你其它介紹，但找不到TTCH x 6, 想問哪個方案較好，TTCHx6或者TTCx4＋herceptin？分別是什麼？是否打TTCx4少兩次會無咁辛苦？又其實我情況有否可以打一星期一枝，令負作用無咁辛苦？（如一星期一枝是否又一定要打升白針？）
如果見政府醫生沒有你提的選擇，我可否直接話想打這套療法？我情況是否連TTCx4都要自費？
最後，想問我全套做了加吃10年荷爾蒙藥復發機會率又如何？
唔好意思，真係好多問題，你嘅網頁已其實解答了我很多問題及令我有了很多心理準備。
你爬咗文先「乳癌標靶治療 － 乳癌HER2型點樣揀？」，睇埋人地留言D經驗，其實全部都有寫。
還有我已做了全切，請問還需要電療嗎？
唔需要。
唔好意思, 因為我第一次問你時,我未做手術, 抽針的報告顯示係 PR +ve, 淋巴無感染。到手術後的病理報告,外科醫生解釋我知時就話係三陰,淋巴無感染。到我再去見腫瘤科時,醫生再對我解釋其實淋巴有0.2mm,唔可以話完全無。
請你原諒我唔係有心自相矛盾,係真係因為兩份報告結果唔同,而兩位醫生解釋又有唔同。我自己都未完全接受到我係三陰呢個事實。我在自我安慰,三陰但無淋巴感染的同時,又有另一個醫生走出黎話其實我有。我自己唔識睇報告,只係靠醫生講,點知個個都唔同,我自己都唔知點算好,希望你幫下我。
對唔住幫你唔到，連報告最基礎的事實我都搞唔清，無能力去判斷誰對誰錯。
今日終於有報告，HER2 – 2+, FISH -VE.
Pathological stage pT1cN1mi (1 out of 7 contains 1.2mm metastatic ductal CA and another one with isolated tumor cell)
Histological grade 3 Timor.
醫生建議做 endoPredict 或者oncotype DX
請問
1. 上述兩個檢測有乜大分別 (因為8/11已經有期去看政府腫瘤科，如果做test，因為需時，所以我的選擇會不會應該治療時間)
2. 你會建議我做檢測測？
3。我需要接受什麼治療呢？
1）暫時2018年都係OncotypeDx優勝D，多D數據支持。
2）有錢唔怕做。
3）加減化療，荷爾蒙治療。
之前問過： 我四十八歲在私院剛做了左全切
T1CN0, 前哨淋巴割了3粒沒問題
腫瘤2cm
Grade 3
triple positive
ki 67 25%
之前你提議TTCHx6或者TTCx4,＋herceptin，另加吃10年荷爾蒙藥，因政府排期太耐，我先在私家打了2針，選了TTCHx6，最近見了政府，說會打的4次紫杉醇+H,荷爾蒙藥, 即是說餘下的兩針改了只打紫杉醇，政府說是無問題的，請問是否真的可以這樣改只打兩次紫杉醇？會唔會效果差很多呢？我有否需要在私院繼續打餘下的4TTCH呢？不過我第二針過程很辛苦，可否改為2TTCH呢？因見政府醫生說共打4紫杉醇＋H就可以了，所以就想是否4TTCH也可？因為政府接駁唔副第三針，第三針一定會在私家繼續，第四針應該可能可以在政府繼續接駁副。但懇請意見，我餘下的化療應怎樣好？化療全在私家使？如第四針在政府相信就一定只會比4紫杉醇＋H這plan。
可以咁做，不過成效冇人知差幾多。負擔得到就繼續喺私家做埋落去，負擔唔到就返政府駁埋落去。
感謝醫生你的網站一直帶給了我和太太有用的資訊和鼓勵。
她確診並剛做完部分乳房切割手術，報告出了：
Histological type – invasive ducal carcinoma, no special type
Size: 22mm
Histologic grade – 3
Mitotic rate – High
Peritumoral anguish-lymphatic invasion – absent
In situ component – scanty high grade DCIS associated with invasive tumour
Nodal status – 3 negative sentinel lymph nodes, confirmed by negative cytokeratin immunostaining
Pathologic stage: T2N0
ER score: PS – 2 IS – 1 Allred Score – 3 Interpretation: Positive
Corresponding H score – 10/300
PR: negative
Ki-67: 90% High
HER2/c-erbB2 overrexpression: score – 0 negative
我非常擔心她，尤其她的Ki67這麼高加上ER弱陽性。我想她一定要做化療了，請問有建議是那一種化療及能有效減低復發率嗎？她才37歲，我們的小朋友才幾歲⋯
非常感謝你，我真的非常愛她⋯
Dose Dense AC + P，兩星期一針共八針。
你好！本人43歲，1月中做了乳房部分切除手術。。我未有腫瘤，只有鈣化點，但抽針確定是原來癌，我病理報告情況：
Grade: high nuclear grade
In-situ carcinoma, no invasion
Size: 7 foci, size : 0.05-0.7 in max dimension spanning and area of around 2.1cm (est only as info is not gievn on SVAB report
pTis(DICS) NxM(unkown)
ER 8 (5+3)
PR 5 (3+2)
Ki-67 9%
c-erbB2 overexpression 3
我主診醫生建議我只需要電療和食荷爾蒙藥，這個我都明白。另，醫生說我HER未到4，不用標靶治療，這個我不理解。我看報告score好像只有0-3，沒有4。而又應如何理解score3, positive 呢？始終不太明白為何positive 又不用處理。麻煩可否解明我知呢？謝謝
Regards，
Chu chu
好似你理解一樣，cerbB2 score 係冇score 4的，佢只有4個score （0，1，2，3）。你個報告score3即係positive。不過原位癌太善良，根本唔需要化療標靶，所以我地係唔會理score幾。
感謝醫生的回覆，我現在安心多了。再次感謝！！
Chu Chu
Hi BreastHK,
我27歲，想問問你意見，18/2剛做完局部切除+淋巴切除，報告如下，化療應該走唔甩，請問你會建議點打嗎，想將來生育的，感謝你！
報告::
右邊乳房係25mm invasive ductal carcinoma
Modified bloom and Richardson grade 2
Focal lymphocascular invasion seen
Margins clear
ER = 160/300 moderately positive
PR = 250/300 strongly positive
C-erbB-2 oncoprotein expression = Equivocal score 2/3) weak to moderate staining of entire membrane in >10% tumour cells. (會做多次FISH test, 抽粗針FISH test係negative)
Ki-67 proliferation index = 8%
Total 17粒，有3粒有metastatic carcinoma
Large steer nodal focus 10mm, with no extranidal extension.
Staging pT2 pN1a
PACS01(FECx3 + TTx3)或者ACx4 + Taxolx12。
Hallo, 初步見左2位腫瘤科醫生.
1) 一個建議 ACx4 + Taxol x12
2) 另一個建議A針x4 + 太平洋紫杉醇
3) 等緊公立醫院覆期
想問如何真係有生育計劃，唔想太傷心臟，少d副作用，會比較建議邊個計劃呀？唔太識揀。同埋公立醫院係通常套餐形式嗎？無得揀嗎？
感謝你呀!
我睇唔到1同2有咩分別，Taxol即係太平洋紫杉醇。
多謝您！
如果有生育concern, 通常會建議邊個打法？
隻隻化療藥都會影響生育，有concern就打停經針保護卵巢，而唔係去選擇打法。
明白, 不過想問多少少..
我係ER+, PR+, 有醫生話我呢個case化療前打停經針無咩效果
咁我應該有咩方法去預先保護卵巢?
Thanks!!
ER/PR唔影響停經針保護卵巢的功效。冇其他方法保護卵巢。
醫生話通常停經針只用於ER/PR-既人，原因係停經針會令汗爾蒙上升，所以不適合ER/PR+的病人。所以擔心自己是否適合打停經針。
謝謝你
停經針令卵巢冬眠，停止製造女性荷爾蒙，不是令荷爾蒙上升，唔好搞錯。
感謝您回覆
1) 想知道點解醫生會唔建議我打停經針，我記得佢話打停經針會短時間令”荷爾蒙”(沒聽錯應該係話”荷爾蒙”)，所以會較不適合ER/PR呈陽性既人，這個說法岩嗎？
2) 打停經針有無話要化療前幾耐打架？
3) 另外，我聽過除左食抗荷爾蒙藥Tamoxifen外，可以選擇食AI+停經針，會對ER/PR+的病人更有效，是有研究支持嗎？
1）有部份醫生會認為唔好打停經針，等化療打死埋卵巢，第時少D製造女性荷爾蒙，可以對病情好D。呢個說法有兩樣野要注意：第一佢只係著眼個病，冇顧及個心，生育對年輕乳癌患者係一個好重要的課題。第二其實冇證據話化療期間打停經針會令乳癌復發高一些。
2）越早越好，盡快令卵巢冬眠。
3）對於高危復發（你可以簡單睇成要打化療）嗰D病人，AI加抑制卵巢（停經針係其中一個方法）係好過Tamoxifen，證據主要來自兩個大研究（TEXT 同埋 SOFT trials ）。
Hi BreastHK,
醫生您好，我母親是廣州的病友，今年69歲，剛做完左乳全乳切除手術，診斷意見及病理報告如下：
診斷意見：
左乳3點腫物：
浸潤性導管癌，伴導管原位癌
請參考首診病理報告
病理報告：
ER：陽性（陽性細胞比例：90%，陽性染色強度：強）
PR：陽性（陽性細胞比例：90%，陽性染色強度：強）
AR：陽性（陽性細胞比例：90%，陽性染色強度：強）
HER2：陰性（0）
Ki67：約50%陽性
P53：散在陽性
CK5/6：浸潤癌陰性，導管原位癌周圍肌上皮陽性
EGFR：陰性
手術後醫生說因為Ki67的指數比較高，建議做4+4的化療（前4次和後4次的用藥不同）
請問我媽媽的情況怎麼樣？是否真的要做化療？
因為病人年紀比較大，擔心化療帶來的痛苦
謝謝。
腫瘤大小？淋巴有冇擴散？
腫瘤size大概2cm，手術後檢驗結果話冇殘留同埋淋巴冇擴散
Hello Breast HK,
多謝你地既資訊，比到我好大幫助。我43歲，沒有癌症history, 兩星期前做了局部切除，切了兩粒淋巴，檬驗後確定沒有擴散和residual tumor. 病理報告如下：
Invasive carcinoma/ ducal
ER(PS+IS) : 5+2
PR(PS+IS) : 4+2
Ki-67: 16%
c-erbB2: 0 (negative)
size: 3.2cm
grade: 1
Invasive lobular carcinoma
ER(PS+IS) : 5+3
PR(PS+IS) : 4+2
Ki-67: 22%
c-erbB2: 0 (negative)
size: 0.6 x 0.6 x 0.5cm (0.8cm inferior to the main tutor at level 4)
grade: 1
In-situ carcinoma
type: solid
ER(PS+IS) : 5+3
PR(PS+IS) : 4+1
Ki-67: 6%
c-erbB2: 0 (negative)
size: 7 foci, 0.2-0.7cm
grade: low to intermediate nuclear grade
necrosis and calcification: absent
醫生說我的情況是marginal, 電療＋賀爾蒙就必須，但化療與否就很難決定。請問您我的腫瘤惡嗎？化療又有沒有需要？
Many thanks!!
管腔B非HER2型，類型中上啦。同意你醫生意見，灰色地帶。
媽媽今年60歲，乳房局部切除，第一期，腫瘤1.4cm，
低度侵潤性導管癌，沒有淋巴擴散，DCIS。
病理報告如下：
Invasive component:
The invasive ductal carcinoma cells are positive for oestrogen receptor (Allred score=6/8 and H-score=160/300)
Progesterone Receptor: (Allred score=6/8 and H-score=170/300)
Ki-67: 30%
c-erbB2: (score: 0/3) negative
In-situ component:
The in-situ ductal carcinoma cells are positive for oestrogen receptor (Allred score=6/8 and H-score=190/300)
Progesterone Receptor: (Allred score=6/8 and H-score=150/300)
Ki-67: 30%
c-erbB2: (score: 0/3) negative
媽媽經轉介到公立醫院，但他們建議做化療，打四針。但我擔心媽媽受不了痛楚，她本人心理及生理上也十分疲倦了，所以如果有得選擇，不希望化療，可否幫忙用Adjuvant Online計算？另外合適做OncotypeDx嗎？另外免疫療法可以幫到她嗎？十分感謝醫生你的回答。
Adjuvant Online未開返。
合適做OncotypeDx。
免疫療法不合用。
想問下我在政府做手術，但腫瘤科要等到2月頭才見，我下星期約左私家腫瘤科想攞多個意見，咁oncotype DX test可否係私家？私家是否要問政府攞反樣本化驗？時間耐嗎？定係等下個月頭見政府腫瘤科才做？
可以係私家，不過麻煩D，因為要問返政府攞樣本。由送快遞去美國起計，一般需時三星期。
如果我直接問政府腫瘤科做，是否快d, 同方便d,
未必快D，不過方便D。
醫生，你好！
我今年54歲，確診一期乳癌，上星期做了局部切除手術。病理報告如下：
1. Size : 1.9cm
2. Nature : Invasive carcinoma, grade III (estimated, modified Bloom & Richardson)
3. ER : +ve
4. PR: +VE
5. Ki-67 Proliferative Index :90%
6. HER 2 : -ve
請問如此情況需要化嗎？請抽空回覆，先謝了。
要。
點解呢？
Ki67:90%癌細胞生長活躍，同化療會夾。
醫生，你認為電療加賀爾蒙治療不夠保險嗎？
唔夠保險。
多謝回覆，請問醫生我可以打TTC X 4嗎？
可以。
醫生，我今日見了Oncologist, 佢建議打AC + T, 共8針 dense dose. 我想請問公立醫院會做dense dose嗎？如我想早點開始，可否先在私家打第一，二針，等到公立有期再打餘下療程？你又有何建議？Thanks.
咁嘅情況公立醫院唔會用dose dense，第一期佢地大多數都係叫你打TTCx4。如果喺私家開咗一兩針，返到去公立未必銜接到。
醫生，謝謝你回覆。術後報告說是二期A , 而Ki67又高（90％）所以recommend AC+T. 你覺得make sense 嗎？
你之前話一期，而家又話二期A，要知道差之毫釐，謬之千里。一時一樣我唔敢比意見。
醫生你說得好，這也是我們病人覺得無奈之處。術前醫生說是一期，手術後兩星期回去覆診却說是二期A。追問之下，就說根據手術剪割下來化驗為準，我也甚是無語。之前未有把細節一一詳詳述，實在不妥。話雖如此，也在這謝過醫生一直提供資訊及分析，讓一眾病友得益。
做了PET SCAN 及抽粗針報告係 ER- PR- C erb2 2+ , 醫生說不是常見的乳癌, 要割出來再驗, 要做25次電療…請問有沒有相關資料, 例如是否必須做電療或化療?
你的問題太闊、腫瘤的資料太少，相關的資料已經喺曬呢個網度，要自己爬文。
可以做而你又頂得順嘅治療，你已經好乖咁跟足醫生指示去做，對於一D控制唔到命運嘅野，由得個天去決定。忘記乳癌，重新投入正常生活，好好享受／珍惜每一日。<<<<多謝你呀醫生..屋企人既KPI 60% 又係Her2+, 我知好高復發機會所以一直係到搵緊关於復發既資訊…直到見到你呢句..心裡有點釋懷..謝謝你
我27歲，未婚。乳癌2期B，腫瘤5.5cm，1粒淋巴結，荷爾蒙受體，ki67 30%。
我個腫瘤好近乳頭，根部長加支部分叉大。為左縮細腫瘤已經打左4針化療，最近照左MRI，冇點縮細到，只係好似變左一怱怱咁。最後決定全切。有兩個問題想了解下。
1. 醫生就建議我2-3年後先重建個乳房，話手術後要電療，亦想等2-3年穩定左先重建。我個人想立即重建，心理上接受唔到，始終想拍拖同正常社交見人。所以想問下係咪立即重建真係會影響之後治療。定係我可以繼續化療，睇下效果點先？
2. 醫生建議我做基因檢測，但我已做化療，想問而家基因檢測做有冇黎個需要，幫助有幾大？
2. 醫生建議我做基因檢測，但我已經做左化
1）化療後重建，唔會影響之後治療。最多都係話重建出來的乳房，電療後可能影響外觀、手感，尤其是用假體。另一方面，等2-3年後先延遲重建，外觀、手感上亦唔見得好。可以放心揀自己喜歡的選擇。
2）我估計醫生係叫你做BRCA1/BRCA2的遺傳性乳癌基因測試，如果有事就會切得盡D。你可能搞錯咗洗唔洗化療的復發基因測試，兩樣唔同野黎。
醫生，你好。我57歲，一個月前做了乳房部分切除，invasive carcinoma 16mm, 切了2粒前哨淋巴，沒有擴散。pT1c(m) pN0(sn), ER+ 8, PR+ 6, HER2 negative (1+), Ki67: 35%, 做了Oncotype, Recurrence score 22, Distant Recurrence risk 9 years with AI or TAM alone 8%, CT benefit <1%。見了私家腫瘤醫生，說要做20次電療，吃7年第二代荷爾蒙藥，不用做化療。但今日看公立醫院醫生，他說因為Ki67 高，須要做化療，因為Oncotype report 不考慮Ki67, 我覺得好震驚，而荷爾蒙藥只吃五年。想問點解私家醫生同公立醫院對是否做化療會有不同看法，想問你意見，謝謝。
信OncotypeDx result，唔需要化療。公立醫生講法有錯誤，OncotypeDx裡面已經有考慮生長基因（Ki67相關）。
謝謝你的解釋，令我安心可以按照私家醫生的治療方案。
你好，想請問下手術至今將近一個月，早幾日才去公立醫院腫瘤科登記，要再等約兩星期才收到信見醫生，依家擔心緊起等待期間會否好危險，因為私家話媽咪呢種好惡，速度好快，但如果私家做第一次已經要十萬，可否做左一次再轉去公立醫院做餘下療程嘛？媽咪術後報告如下，謝謝
T1c
N1
T1cN,mo
Grade 3
Ki67 high 90%
荷爾蒙受體 －ve
Her2 +ve
可以私家先開針，再返去公立駁尾。
請問重有冇Adjuvant Online 依d網站 可以參考？因為我見上面果個網under construction
Adjuvant Online 死咗好耐都未開返，而家我地用nhs predict，遲D有時間就寫文教你地用。
https://breast.predict.nhs.uk
你好醫生, 我外母確診左乳癌, 未做手術, 4.2mm 腫瘤, 擴散至淋巴, T2N1M0
抽針報告
ER Positive 5+2
PR Positive 3+3
Ki-67 23%
HER2 FISH TEST Negative
現在醫生建議做基因測試去幫助決定是否做化療, 不過測試時間需時兩星期, 我們擔心期間會惡化, 應否不等待測試先化療/等測試結果再化療?
我估你寫錯cm做mm，如果係4.2cm加淋巴有事，一係先化療，一係先做手術，唔會喺呢個時候去浪費時間做基因測試。
馬醫生你好！我媽媽乳癌T1b, 做了partial mastectomy, tumour grade 2, tumour size 8.2mm, sentinel LN -ve, lymph-vascular permeation /perineural infiltration -ve, ER+ve PR+ve, HER2 -ve Ki67 30%. 外科醫生話期數早唔使做化療，但我們見瑪嘉烈腫瘤科醫生話佢哋centre guideline ki67 高過20 就建議做化療。我應該相信誰呢？謝謝馬醫生的解答。萬分感激！
灰色地帶，做OncotypeDx去決定。
Invasive Ductal carcinoma size: 37mm
Grade: 2 (Bloom & Richardson)
Nuclear Grade: 2
Mitotic rate: High
Lymph nodes: 3 (in N1 & N2)
Surgery: Total Mastectomy was done
Stage: pT2 N1a (TNM/ AJCC 8th ed.)
ER: 250/300
PR: 300/300
Ki-67 index: 24%
HER2: negative
Aged 40
想請教下：
1. 想知道，我的術後治療，應該用那項套餐？（邊種化療藥？化療次數？）
2. 我的個案，有較靚的自費化療藥嗎？如有，請問公立醫院可否自費upgrade?
3. 化療後，仍要電療嗎？
4. 既然都要化療，自費的基因測試，可以唔洗做了，對嗎？
謝謝！
1）第三代化療，DD AC + P，或PACS01
2）冇藥要upgrade，想好啲就兩星期一針DD AC + P，不過公立未必同意。
3）要
4）唔洗做
謝謝你的回覆！
想請教下
我下月初會見公立醫生腫瘤科醫生，「如果」佢可以比我揀
Option 1: DD AC+ P
Option 2: PAC- S01
咁揀邊個套餐好d?
望落，似乎Option 1 共打8針，Option 2 共打6針，後者 好似無咁辛苦，快d 畢業，對嗎？點揀好？
謝謝你醫生！
DD AC+P。
原因？
可否講多少少？
十分感謝！
主要係成效好少少。
馬醫生你好. 謝謝你的分享, 很有幫助.
我2月9日完成部分切除手術, 術後報告如下:
Age: 49
Left break, 5 o’clock, 1cm from nipple tumor
Tumor type: Invasive breast carcinoma of no special type
Tumor grade: Grade 3 (2,3,3)
Tumor size: Invasive carcinoma 15mm in greatest dimension
Tumor stage: pT1c pN0(sn)
ER: Allred score: 8 (3+5) H Score: 240; Percentage staining: 90%
PR: Allred score: 6 (3+3) H Score: 150; Percentage staining: 70%
HER2 IHC scoring: Negative (1+)
Ki67: 60%
現要考慮術後治療, 數據除了Grade 3 和 Ki67 甚高外都像理想, 心裡十分擔心要做化療. 所以想問馬醫生:
1. 我的情況是不是灰色地帶? 是否必需做化療? 還是需要做OncotypeDx?
2. 若要做化療, 是否 TC x 4 已經足夠?
謝謝馬醫生.
1）灰色地帶至傾向化療，做OncotypeDx 去幫手做決定。
2）TTCx4已經足夠。
謝謝馬醫生的回覆.
如果真的很擔心掉頭髮的問題, 能不能考慮不用TTCx4, 而考慮用其他化療藥, 如 Xeloda, 或者 Liposomal Doxorubicin 呢?
這些藥可行嗎? 有甚麼要考慮?
甩頭髮會生返嘅，如果打得化療就唔建議退而求其次。
Age 42, diagnosed as CA left breast
活檢報Histopathology report：
ER: Positive (270/300)
PR: Positive (180/300)
Her2: Negative
Ki-67: 12%
手術局部切後病理報告：
腫瘤size: 15mm
淋巴: 冇受影響
腫瘤組織學: Grade 2
ER: Positive (270/300)
PR: Positive (240/300)
Her2: Negative
Ki-67: 60%
想請問Ki-67指數活檢(12%)同手術(60%)得出的數據點解差別會咁大呢？
Ki-67有成60%，係唔係一定要做化療？
真心唔想做化療，會唔會有其他代替方案？
唔該曬馬醫生！
1）信手術嗰個。抽針可以抽唔中最活躍部份。
2）建議化療，唔想化療就做OncotypeDx去睇下避唔避到。
唔該曬！
想再請問下對比電療＋賀爾蒙藥，如果加上化療大約可以增加幾多%功效呢？
1%
請問OncotypeDx幾錢?搵唔同醫生做價錢會唔會唔同?Thanks!
大概4萬。會唔同，不過差異不大。
OncotypeDx 份報告出左，分數係29分
好唔想做治療，但份報告話化療可以減少recurrence rate 15%
只能接受，有得醫比無得醫好！
唔該曬馬醫生
比心機捱過去，加油！
馬醫生你好，
媽媽63歲，今年20/8做了左邊全乳切除手術，私家腫瘤科醫生建議做電療電胸壁15次, 食5年AI，化療對媽咪有害無益。公立建議打6針化療, 食5年AI。媽媽非常抗拒化療，公立醫生叫我地做oncotype check復發率。如果復發率低，化療同電療都唔洗做，淨係食5年AI就可以了。
以下係腫瘤資料:
期數Grade 1
ER & PR +ve
HER2 -ve
Ki67 3%
淋巴切左3粒 有一粒微擴散(0.5mm)
我同家人依家糾結緊做唔做oncotype test，因為我地都唔傾向化療，而且根據病理報告，癌細胞唔算惡，再加埋私立醫生好肯定咁話化療對媽咪有害無益。
馬醫生對此有甚麼意見嗎？謝謝你！！！
腫瘤幾大？
如果持開放態度，同經濟唔係問題，就做埋OncotypeDx，去證明唔化療真係安全。
如果本身鐵定唔化療，就唔好多生枝節。
馬醫生謝謝你咁快回覆！！
腫瘤15mm
明白！
另外根據私立醫生既建議電胸壁15次，只電胸壁是否足夠？因為我見病理報告指出有一粒淋巴微擴散，不電淋巴位置都無問題嗎？謝謝馬醫生
唔需要電淋巴位置，胸壁需唔需要電都係睇腫瘤科醫生同自己嘅取態。
收到！謝謝醫生解答疑慮
馬醫生你好
媽媽今年71歲，兩星期前做了左邊全乳切除手術，醫生建議做化療+標靶治療+食荷爾蒙藥，但媽媽很抗拒做化療，請問馬醫生會唔會因為年紀關係可考慮唔做化療？唔做化療對存活率及復發率有多大影響呢？非常感謝你百忙中抽空回覆！
腫瘤資料如下:
grade II pleomorphic lobular carcinoma & lobular carcinoma in-situ
ER+ve (95-100%)
PR-ve
CerbB2 score 3
Ki67 15-20%
pT3(6cm)
pN0(i+)(ITCs in 1 out of 6 lymph nodes)
可以考慮，要睇自己接唔接受風險。
10年存活率差6.5%。
馬醫生你好.
我做咗超聲波, 乳房造影同MRI, 發現左邊乳房上邊有一個2.3cm硬塊, 第二期, 賀爾蒙陽性, HER2-VE,
2月8日完成部分切除手術, 切咗2.5cm, 抽咗3粒前哨淋巴, 冇擴散.
報告如下:
Age: 41
L12H Subareolar, 2.2×1.3×2.3
Left Breast: BI-RADS Category 4C
Right Breast: BI-RADS Category 3
A few simple right breast cysts (0.3cm) at R10H, R11H and R12H positions are noted.
Left Breast Invasive Carcinoma
Estrogen receptor Positive Allred:8/8 H-Score:205/300
Progesterone receptor Positive Allred:8/8 H-Score:220/300
Ki67 proliferation marker status High proliferative index 17%
HER2(c-erbB-2) oncoprotein overexpression Negative 1
未做OncotypeDx, 唔太想做化療.
想問馬醫生:
唔做化療,10年Tamoxifen+電療 同埋10年Tamoxifen+電療+化療既10年復發率同存活率有幾高?
謝謝馬醫生.
切出黎個腫瘤幾大？Tumor grade？點樣發現個病？
醫生你好
我剛剛做了左邊乳房部份切除手術，年齡40 歲
報告如下：
High grade DCIS (22mm) with microinvasion (pT1mi)
Modified blood and Richardson Grade 2
No lymphovascular invasion (切咗兩粒）
Margins clear
TNM staging: pT1mi pN0 (sn)
Estrogen receptor: -ve
Progesterone receptor: -ve
C-erbB-2 oncoprotein expression: +ve (intense staining of entire membrane in >10% tumour cells
Ki67:18%
醫生話因為侵襲性只有1mm (shows tubule formation, moderate nuclear atypia and occasional mitoses, consistent with invasive ductal carcinoma; all resection surfaces are clear. The closest deep resection margin measures 2mm away from DCIS and 5mm from the microinvasive focus. Other margins are clear by more than 5mm), 所以雖然1 期，不過會當0 期醫，只做電療，想問問係咪足夠？復發率和存活率會有幾多呢？
已經足夠。存活率同平常人冇大分別。
醫生你好,
我媽媽75 歲, 剛做了全乳切除, report 如下, 沒有家族史, 請問她須要做電療, 化療, 食藥嗎？ 萬分感謝!
– Infiltrative ductual carcinoma, grade 2
– estimated tumour size 41cm
– background of encapsulated papillary carcinoma and low to intermediate grade ductal carcinoma in-situ.
– no satellite tumour nodule
– no Peget’s disease of nipple
– Axillary lymph nodes metastasis present (4/20, with no extranodal extension)
– Resection margin clear
– EP (+ve), 270/300, 8/8
– PR (+ve), 270/300, 8/8
– C-erbB2: score 0, (-ve)
– Low proliferative activity
– Ki-67: 1%
如果本身狀態健康嘅話，三樣都要做。
Hi Dr. Ma,
Thank for creating this website. It helps me a lot during my cancer journey.
I am 56 years old and stage is pT1b and pN0. First surgery: lumpectomy and sentinel node biopsy. Both invasive carcinoma and DCIS found. As there’s margin involvement for the lumpectomy, I had mastectomy later.
After my first surgery, I had an appointment with the oncologist and was told most likely I didn’t need chemotherapy. My tumor sample was sent for the Oncotype DX Breast Recurrence Score Test. During my second appointment, oncologist said my Recurrence Score in the test is 27 and I benefited from chemo. She suggested TC X 4.
Questions
Do I really need to have chemotherapy? Is it worthwhile for me to have chemotherapy after taking into the short & long-term side effects of it? The Oncotype DX Breast Recurrence Score cut-off for no chemo benefit is 25 and mine is 27 which is closed to it. Is multiple foci of invasive carcinoma one of the factors to consider as well besides the stage and grade of the tumor? Please kindly advise.
From Oncotype DX Breast Recurrence Score Report
Recurrence Score: 27
Distant Recurrence Risk at 9 Years with TAM Alone: 16%
Group Average Absolute Chemotherapy Benefit (RS26-100 All Ages) >15%
10.8 ER Positive
4.0 PR Negative
9.1 HER2 Negative
From First Pathology Report
– Three lymph nodes, negative for metastatic carcinoma (0/3)
Breast Invasive Carcinoma
Histologic Type: Invasive carcinoma of no special type (ductal)
Histologic Grade (Nottingham Histologic Score):
Glandular (Acinar) / Tubular Differentiation: Score 3
Nuclear Pleomorphism: Score 3
Mitotic Rate: Score 1
Overall Grade: Grade 2
Tumour Size: 6 Millimeters (mm)
Tumor Focality: Multiple foci of invasive carcinoma
Comments
Extensive DCIS was present in 5 slices spanning approximately 33 mm in maximum dimension. Several foci of invasive carcinoma were identified ranging in size from microinvasion to the biggest focus measuring approximately 6 mm in maximum dimension on one slide.
From Second Pathology Report
– Residual 2 mm focus of DUCTAL CARCINOMA IN SITU nuclear grade 3/3 with comedo necrosis
– Closest inferior margin is within 6 mm from the focus of DCIS
– No evidence of invasive carcinoma
Thank you so much!
According to OncotypeDx result, you should receive chemotherapy.
OncotypeDx did not take multifocality into account.
Thank you so much for your quick response!
醫生，你好
我媽咪72歲，發現乳癌1A 期，已做全乳切除及前哨淋巴，並未有發現擴散，有荷爾蒙受體，冇Herb2蛋白。病理報告已出，腫瘤科醫生建議做基因測試。但由於價錢太費需媽媽對化療亦有些抗拒，畢竟她年紀不小，擔心受不了副作用。以下為病理資料望能提供意見：
-invasive ductal carcinoma Grade 2
– size of invasive tumor:1.6cm
– Ki-67 index: 12%
謝謝你
唔做基因測試嘅話，又唔想化療，就會直接食藥算數。
醫生你好，我太太48歲，未收經，三星期前做了右乳房局部切除手術，腫瘤病理報告如下：
– invasive ductile carcinoma, grade 1
– maximum tumor size:3.2cm
– lymphovascular permeating present
– no skin invasion
– tumor metastasis in lymph nodes (1/17)
– breast cancer maker:
Estrogen receptor: positive
Progesterone receptor : positive
HER2 oncoprotein score : 0 (negative)
Ki67 proliferation index: 20%
做左咗oncotype DX, RS 係14
報告寫化療無benefit.
但腫瘤科醫生話根據oncotype Dx 既RxPONDER trial result, 因為未收經，建議
1. 打4針化療+電療及食10年 tamoxifen or
2. 提早收經，either 打停經針或做切除卵巢手術，再加電療及食10年AI
想問係咪真係要打化療或提早收經？可否只做電療及食藥，存活率會有多大分別。另外，曾見你提及CDK4/6是否適用於我呢?
謝謝！
兩個方案都可以。
冇實際單一數字可以比較兩個方案的存活率。
CDK4/6抑制劑暫時未適用於太太個情況。
Hi Dr. Ma,
今年32歲 Pure Mucinous Carcinoma，
5.5cm / ER:8 PR:8 /Ki67: 10%/ Her2 –
9月中 做了全切除，因不想做化療，
所以做了Oncotype :18/5%/<1%
1.6%benefit ,2%化療風險
我係米可以唔洗做化療？
Thanks
補充：無轉移。
18分唔使做化療。
吾好意思我又打漏左 grade 2,同埋我想問埋 因為我見其他oncotype 嘅報告 就算低分 復發嘅機率比我高，如：8 /11%
分數係米只反映化療效用？復發率應睇返中間個分？我睇過腫瘤科 佢又無清楚答我 正係話吾可以盡信 ，又話我後生當佢benefit 6.5%咁睇，<50 嘅吾準確，如果真係差咁遠 佢地應該會 分<40 <30?
咁我5%復發 米姐係吾會復發？吾合邏輯
1）中間係睇淨食抗賀爾蒙藥嘅復發風險，右手面個數字就係化療得到嘅着數。
2）佢覺得細過50歲唔準確又去做？唔合邏輯，唔可以輸打贏要。
謝謝你馬醫生，你嘅回覆令我可以做到決定，個人當堂輕鬆曬！謝謝！
因為無打算再生小朋友，藥方面係咪停經針+AI 會比較好？Oncotype 報告上寫with Ai or TAM alone 5%,定其實食Tamoxifen 效用都一樣？兩者都需要食十年嗎？AI 副作用算係無咁嚴重嗎？怕食TAM 又到子宮出事
我政府要排到11月10日，如決定吾做化療 係咪去私家拎住藥食先？定吾差在果一兩個月？
唔使化療嘅話，即係當低危，Tamoxifen 同停經針+AI效果差不多。
Tamoxifen 就食10年，AI就5-10年。
AI副作用唔同方向，冇得話係咪冇咁嚴重。
食藥唔差在嗰一兩個月。
您好！ 馬醫生
現時44歲，剛剛做了右邊全乳切除手術,病理報告如下:
Invasive ductal carcinoma
Tumor 1 – size 0.3×0.2×0.3cm, grade 1, PR8 ER8, her2 2 (fish test – negative), ki67 8%
Tumor 2 – size 0.3×0.3×0.3cm, grade 1, PR8 ER8, her2 1 negative, ki67 11%
LCIS(minor) – size ~0.3cm, grade (low), PR8 ER8, her2 1 negative, ki67 5%
請問我需要做化療嗎？定係食賀爾蒙藥已可以，同埋初時做抽針報告話係乳葉架，但而家切完出黎驗又好似唔係。謝謝！
不需要化療，食抗荷爾蒙藥已經足夠。
你好，馬醫生
本人現在46歲，剛做了右乳根治性保乳朮+右腋窩前哨淋巴結活檢求
病理報告如下：
腫物1.5×1×0.8cm
乳腺浸潤性癌（非特殊類型，III級），合拼少量高級別導管原位癌，間質一些淋巴細胞浸潤，未見明確脈管內癌栓
ER 90%+ ， PR60% +， Her-2(1+）， Ki67 熱點區域約70%（+），GATA-3（+），E-cad(+），CK5/6（-） ，P63肌上皮缺失
醫生，想問問，關於以上數據
1）是需要化療+電療+食荷爾蒙藥？
2）化療的話，需要AC -CTX ×4 + TC×4嗎？
3）這樣的情況是不是需要做基因檢測呢？
1)對。
2）淋巴有冇感染？
3）Ki67好高，其實唔太需要，都估計基因測試會叫你做化療。
謝謝你的回覆。做了右腋窩前哨淋巴3個，未見感染。所以請問用那種化療藥及次數合適？
TTC x 4。
現在有的建議為AC-CTX 4次+ T 4次，請問可以嗎？（AC脂質體阿霉素,T為白蛋白紫杉醇），謝謝🙏
淋巴冇感染，唔需要打八針咁多，香港唔會咁打。
謝謝馬醫生的回覆🙏
馬醫生，做了基因檢測，評分32分，高風險，要做化療。無淋已感染，請問4次TTC化療足夠嗎？
你係話淋巴冇感染嘅話，TTCx4足夠。
馬醫生，很感謝你嘅回覆🙏
您好！ 馬醫生
現時39歲，剛剛做了右邊局部切除手術,病理報告如下:
-Invasive ductal carcinoma, Grade 2
-Tumor size : 1.9cm
– Perineural invasion present
-Lymphovascular permeation absent
-No metastasis in sentinel lymph node (0/1）
-Clear margins
-No skin invasion
– Estrogen Receptor : positive
– Progesterone Receptor: positive
-HER2 oncoprotein score: 0
Ki67 : 3-5%
請想我需要做化療嗎？謝謝。
不需要。
謝謝馬醫生回覆，令我放下心頭大石。
你好~
想問問市面上有幾款常見乳癌腫瘤基因表現檢測, 例如Oncotype DX, PAM50, EndoPredict,
其實呢三款檢測分別係咩呢? 價錢分別大概係幾多呢?
因為唔知點去分辨同選擇……
Thanks~
上面YouTube 已經有講，只係得OncotypeDx係 Prognostic 同Predictive，其他都只係Prognostic。
首選OncotypeDx。
您好，馬醫生！
本人43歲11個月，例行檢查發現，做了乳房局部切除，前哨淋巴切了一粒，沒有轉移，pet scan沒有擴散， 病理報告近處發現2粒
INVASIVE CARCINOMA OF NO SPECIAL TAPE (ductal)
– Greatest dimension of largest invasive focus: 9mm
-TNM(AJCC 8th edition): pT1b(m) pN0(sn)
– Histologic grade 2
– Margins (overall): Uninvolved
– Lymphovascular invasion: Not identified
– Tumor 1 (9mm): ER positive (6/8), PR positive (7/8), HER negative (score 0), Ki67: 14%
– Tumor 2 (3mm): ER positive (8/8), PR positive (6/8), HER equivocal (score 2+), Ki67: 10%
– Ductal carcinoma in situ component: Present, high grade nuclei, necrosis present
知道要用荷爾蒙藥及電療， 請問是否需要化療？
謝謝！
搞清楚HER2，之後做埋OncotypeDx 再決定。
馬醫生，你好！本人在公立醫院做了局部切除腫瘤手術，抽針說高級原位癌，手術後化驗報告原位癌切到邊仍有癌細胞，另有兩粒分別1.5mm和2mm三陰性乳癌。醫生說可以不用化療。只是電療15次+8次加電。但看到三陰性的資料是沒有藥食。這情況復發率有多少？是否都要化療比較好些？
邊緣有癌細胞就應該再切，同埋有侵蝕性乳癌嘅話，就應該做埋前哨淋巴。切清後，搞清楚淋巴有冇事先決定下一步點做。
馬醫生你好！
今天剛收到醫生報告，佢建議可以做乳癌腫瘤基因檢測，1516 想問下你意見。
發病35 歲
Modified bloom and Richardson grade 2
Size in total 2.2
ER +
PR+
c-erb B2 score 0 (negative)
Ki67 60%
知道要用荷爾蒙治療加電療，但醫生話ki-67 index high ，建議做埋個基因檢測睇下洗唔洗化療。
想問下馬醫生意見
做埋基因測試就完美啲，唔做嘅話，都估要化療㗎喇，因為Ki67高同埋後生。
外加淋巴沒有感染
你好馬醫生。
我10 月份就48歲，我的性况如下：
淋巴沒問題（沒有轉移）
腫瘤18mm
Grade 1
Her2 negative Sore 1
Er 8/8 positive H-Sore 225/300
Pr 8/8 positive H-Sore 300/300
ki 67 14%
3月8日在私家醫院做了局部切除手術，之後排期轉政府醫院，5月2日 在政府醫院見腫瘤了，之前跟我做手術的外科醫生說我不用做化療，後來再睇一個私家腫瘤科醫生也說我不用化療，兩者一樣叫我食五年荷爾蒙藥+15次電療，但政府醫院傾向我做化療+21次電療+ 5年荷爾蒙藥。
政府醫院叫先我自費做基因測試，我經濟不容許， 所以現在好糾結， 究竟我是否需要做化療？想問吓醫生的意見，謝謝。
主動進取就打TTCx4，被動保守就唔打化療。
你好馬醫生, 自從中左招, 我係你粉絲+忠實讀者
我的報告 :
部份切除後化驗
grade : II
size : greatest dimension 2cm x 2.5cm x 3cm
3前哨淋疤無擴散
ER 3+, >90%
PR 3+, >90%
Ki67 15%
HER2 negative
3陰性 negative
醫生話我係灰色地帶
計分網站話under construction(我電腦白痴唔知點計數)
如果我呢個情況大慨係幾分? 大唔大機會可以經test去避免化療?
感謝
最好做OncotypeDx去判斷需唔需要化療。
感謝醫生 oncotype dx報告結果是低分, 可以吃tamoxifen解決,
可是tamoxifen依賴CYP2D6 等限速酶作用轉化endoxifen,
看了一下原來oncotype dx的formula沒有包含限速酶的計算,
要不要自費去多做一個基因保障預後吃的不是安慰劑?
食Tamoxifen係唔洗測試／計算限速酶。
醫生您好！我的術後報告如下，政府醫院腫瘤科建議我做oncotypeDx 睇吓做化療是否有好處+荷爾蒙+電療（因侷局切除）.
想請問一下如果不做oncotypeDx, 根據以下報告，化療是恰當的撰擇嗎？本人今年48歲和仍未收經。盼覆，謝謝🙏
Grade 2 invasive ductal carcinoma
pT1c ( Maximum Dimension of invasive component = 1.4 cm
Invasive component :
– Oestrogen receptor positive (Allred score = 7/8 and H-score = 200/300
– Progesterone receptor positive (A score = 7/8 and H-score = 155/300)
– c-erbB2 oncoprotein not over-expressed (invasive component)
– High proliferation activity
About 20% tumour cell nuclei express proliferation marker Ki67
In-situ component :
DCIS cells positive for oestrogen receptor ( A score 7/8 and H-score = 195/300 )
Progesterone receptor ( A-score = 7/8 and H-score = 140/300). There is a weak membranous staining for e-erbB2 oncoprotein in more than 10% of the tumour cells (score = 2/3). About 15% tumour cell nuclei express proliferation marker Ki67.
如果唔做OncotypeDx, 化療是恰當的。
馬醫生，你好！
本人今年41歲，我於16/9/24 在私家醫院做了切除左邊乳房手術及即時重建，以下是我的病理報告
Left breast
(with sentinel lymph nodes and anterior margin)
– Invasive ductal carcinoma, arising from extensive intraductal carcinoma. – Total size of tumour: 0.8 cm.
– Size of invasive tumour: 0.65 cm.
– Grade .1
– Lymphovascular permeation absent.
– Extensive low to intermediate grade ductal carcinoma in-situ present. – Anterior margin: clear (0.1 cm, specimen .3 +0.5 cm, specimen 2).
– Deep margin: clear (1.2 cm, specimen 3).
– Nipple adenoma.
– No Paget’s disease of nipple.
– Left sentinel lymph nodes: no metastasis (0/2). – Oestrogen receptor positive.
– Progesterone receptor positive.
– Negative for C-erbB-2 oncoprotein. – Ki-67 proliferative activity: 3%.
左邊 乳 房
– 浸潤性導管癌
DESTROGEN RECEPTOR:
90% tumour cells with strong nuclear staining. H score: 270/300
Allred score: 8/8
INTERPRETATION: POSITIVE.
PROGESTERONE RECEPTOR:
100% tumour cells with strong nuclear staining H score: 300/300
Allred score: 8/8
INTERPRETATION: POSITIVE.
HER2(C-erbB2) IMMUNOHISTOCHEMISTRY:
Antibody clone: VENTANA HER2/neu (4B5) EC
Staining pattern:
20% tumour cells with faint incomplete membrane staining.
Score: 1/3 (NEGATIVE)
In-situ hybridization for HER2 gene (Silver ISH): NOT INDICATED.
Ki-67 proliferative index: 3%.
醫生，想問問，關於以上數據
1）請問我係一期管腔A型定管腔B1型？
2）我需要化療+電療+食荷爾蒙藥？
3）我收到政府通知，12月11日先見腫瘤科醫生，按做完手術後要等差唔多三個月先見腫瘤科，會唔會過左黃金治療時間？
4）之前我係抽針到做荷爾蒙受體測試，
Ki-67 proliferative index: 26%.
但最終病理報告係3% ，點解會相差咁大？
感謝馬醫生的回覆🙏
1）管腔A型
2）唔需要化療同電療，要食抗荷爾蒙藥。
3）只係食藥就唔急。
4）抽針係採樣，可以只篩選出比較惡的部份，就好似你揀幾個學生去做學能測驗一樣，佢哋嘅成績可以好勁，但最終都係以手術為依歸，全班學生去測試先反映到真正整體實力。