關注乳房健康的妳
呢度有關注乳房健康的妳所要知嘅野：5大乳癌症狀、乳癌成因、有事搵咩乳癌醫生、要做咩乳房檢查、乳腺纖維瘤／乳腺增生的迷思⋯⋯
關注乳房健康的妳
「我係咪生乳癌？」系列一連6集，講吓5大乳癌症狀，教你分辨自己有冇事：
「乳癌成因」同你講吓患乳癌嘅高危因素：
「乳癌醫生」系列主要教你有事搵咩科醫生、去私家好、定排公立好、點樣排期可以排快D：
「乳房檢查三步曲」系列教你乳房檢查嘅3個重要環節，唔好做錯或者做漏：
乳房造影檢查 （ 乳房X光 ／ 超聲波 ） － 乳房檢查三步曲2
「常見乳腺病」系列教你常見乳房疾病，帶你走出迷思，糾正誤解：
「保險魔鬼細節你要知」教你喺未對抗癌魔前，如何對抗保險公司陷阱：
香港乳癌及乳病治療中心 
您好, 本人31歲, 因為媽媽剛剛發現有乳癌第二期, 自己亦有擔心, 於是於化驗所做了乳房超聲波檢查, 報告結果有4粒纖維瘤, 但其中一粒有「分葉」, 佢英文寫有lobulated contour, 叫我去睇婦科, 上網搵搵下婦科, 無意間發現醫生你個BLOG, 先知道原來要睇外科, 但又唔知邊D醫生先屬於乳房外科, 其實有個朋友的朋友係婦科醫生, 佢有睇過我個報告話我係葉狀瘤, 上網search講到好似好恐怖, 又話罕有, 又話會急速長大, 又話要做MRI, 又要做手術, 割左都會復發…所以更擔心, 又唔想講俾媽媽聽影響佢病情, 請問我應該搵咩醫生先適合? 十分迷茫
為你寫左篇乳房葉狀腫瘤 － 究竟係咩黎㗎？，希望幫到你。
Breast HK，你好!!! 我剛剛結婚，之前去左家計會做婚前檢查，家計會醫生觸診有硬塊，寫紙俾我去私家照超聲波。與此同時，我都排左政府醫院。
好好彩，私家照完報告寫﹕Ultrasoundography of the breasts shows normal echo patterns. Bilateral multiple breast cysts and no solid breast mass is detected. 家計會醫生告訴我沒事了，最好定期檢查。
我去埋政府醫院，醫生叫我做一次FNAC，抽左3個位置。點知右邊有一個位置的REPORT話: Showed mild cytologic atypia，醫生就話即係細胞輕度異型，我問係咪D唔好嘢，醫生又話唔係，但跟住又叫我照完超聲波，可以考慮做手術。我問他咁如果我在等待覆診期間懷孕，是否有問題，他又說沒問題。其實什麼叫 mild cytologic atypia(細胞輕度異型)? 係唔係將來會有危險? 影唔影響我的生育計劃? 之前照超聲波 (與抽針同一位置)，醫生話係multiple breast cysts.
謝謝你解答
為你寫左篇乳房水囊 ／ 水瘤 － 有冇危險㗎？，希望幫到你。
你好Breast HK, 本人35歲, 3天前在一體檢中心接受乳房照聲波, 是自行購買的驗身package。 當天是我下一次月經來前9天左右, 乳房如常有些漲痛; 本人平時也會自我檢查, 不覺得有硬塊。化驗員在照完後寫了很多字在我的record上, 再放入Abnormal 的folder。本人實在很擔心自己是否被驗出什麼重症。請問Abnormal的範圍包括什麼狀況? 謝謝。
Abnormal嘅範圍好廣泛（由冇事，到將來有機會有事，到而家已經有事都得），就咁乜都唔知嘅情況下，講完等如冇講。不過乳房其實最怕只有一樣野，就係乳癌（因為可以死人），其他所有野都唔會攞命。你要做／唯一可以做嘅野就係快D搵保險經紀／驗身中心攞返份正式報告，對一對BIRADS幾（詳見乳房葉狀腫瘤 － 究竟係咩黎㗎？）／加減搵一個乳腺科醫生睇睇。
請問醫生乳房組織纖維化同乳房纖維瘤是不是不同的?
我地其實好少講「乳房組織纖維化」，我估你係指fibroadenosis or fibrosis，其實都係指乳房組織硬硬地（冇清晰邊界，良性冇野搞），佢唔係乳房纖維瘤。乳房纖維瘤舊野係成型嘅（一個瘤），邊界清晰，都係良性。
如果是確定是良性。是否不需做手術？
好視乎你講良性「什麼」。一般黎講良性嘅病變大部份情況係唔洗做手術。當然好多例外，例如：
1）良性嘅葉狀腫瘤就一要做手術
2）抽針話良性，但造影檢查話可疑，咁情況都會建議做手術
3）大得好快／有病癥嘅乳房纖維瘤都可以做手術
4）自己係良性，但附近可能有癌嘅病變都要手術，例如sclerosing adenosis
如果你仲係指抽針話「乳房組織纖維化」，請你返去睇睇英文病理報告，如果係fibroadenosis/fibrosis就唔洗，sclerosing adenosis就要，以上建議係假設造影檢查唔可疑。
How about if the Histopathology Report diagnosis as Breast Tissue with focal stromal fibrosis and negative for carcinoma in situ and invasive malignancy? What is the meaning ?
Thanks again.
Focal stromal fibrosis 呢個病理診斷本身係良性嘅，附近亦「唔會」大D機會有癌，所以就咁睇報告係唔洗做手術嘅。
不過你既然抽得粗針，即係乳房造影照到有D野啦，咁你就要返去睇吓個報告可唔可疑。
如果造影唔可疑（BIRADS3或以下），可以唔理佢。
如果可疑（BIRADS4），就可做可唔做手術。
如果你擔心／想百分百肯定／醫生驚抽唔中，做手術。
如果唔擔心／醫生有信心抽中咗，觀察。
你好Breast HK。本人35歲(無食煙同飲酒，有餵過母乳,有一名小朋友3歲)上月進行了右邊乳房手術,當時右乳上方生了一粒接近5厘米膿瘡又紅又痛又腫。做完手術後，報告話組織冇任何細菌和病毒,報告寫左: Lobular granulomatous mastitis with abscesses formation. No evidence of malignancy.幫我做手術既醫生話此病罕有但都有機會番發。我上網查過同肉芽腫性小葉性乳腺炎GLM好相似。咁其實兩者係咪同一樣野?點解我會得此病?有冇預防方法?同埋番發機會大唔大?
我好鍾意睇你寫野,因為Breast HK你用左個輕鬆搞笑易明既方法，等大家對乳房疾病和治療多分認識。希望你繼續加油和身體健康
其實係同一樣野。正名叫Idiopathic granulomatous mastitis (IGM)。唔洗嘗試譯返中文，因為係唔會明嘅，情況有如你上網查到「肉芽腫性小葉性乳腺炎」一樣，隻隻字都識，但合埋一齊就係唔知佢噏乜。
你上網搵，有人話係原發性，有人話係偶發性，有人話係自身免疫系統出問題。說穿了，就係醫生都唔知咩原因（你要接受好多野人類都唔知原因嘅）。既然唔知原因，自然冇得預防，同埋有機會翻發。
點樣確診？醫生要排除晒所有野先可以歸咎於IGM，即係diagnosis of exclusion，要抽粗針確定舊野唔係癌，要抽D膿去種菌（尤其是肺癆菌），咩都冇／咩都唔係時，先可以叫IGM。
至於點樣醫？如果抽咗粗針／抽咗膿，確定咗係IGM，係唔建議做手術嘅（因為我地知道呢種病傷口好難埋口）。一般黎講，用針抽咗D膿（可能要抽幾次），加減抗生素，有部分人會自己慢慢好。如果經常翻發／持續幾個月，傳統我地就會用口服類固醇去醫（食幾個星期，慢慢、慢慢減劑量），大部分人都搞得掂。不過遲D有機會翻發都冇辦法，因為講到尾IGM係「成因不明」。
最後多謝你嘅支持同祝福。
多謝Breast HK既詳細回答。我仲有一條問題係今晚剛剛發生。
我係3月頭時係右乳房既4點鐘位置做左粗針檢查，好彩最後報告話我係乳腺發炎和粒野只係一粒良性腫瘤。點知係4月頭，係右乳房12點位置生左粒膿瘡，個時好細粒我冇為意。去到4月尾已經開始伸延去到1點鐘位置，即係我剛才第一條問題做左手術割個粒；並影響到我做粗針4點鐘位置個傷口開始有少少血和黃色液體滲出。醫生就幫我馬上做手術割左12點鐘粒膿瘡和4點鐘個粒腫瘤。醫生解釋12點鐘個膿瘡同4點鐘粗針傷口係位於同一條血管，所以搞到d膿同血係4點鐘個傷口流番出來，做完手術個情況應該唔會出現。但啱啱呢個星期一發現4點鐘粗針既傷口又有少少血滴出來，醫生於是同我縫左2針，同埋叫我留意下傷口有冇滲血或不正常情況。星期二晚，我打開塊防水膠布睇就冇滲血。但今晚我就係防水膠布上發現少少啡色血漬。我已經有盡時食抗生素和消炎藥。其實我現在可以點做又或者係發生緊咩事？
真係唔好意思打擾和阻到你的寶貴時間。
雖然你描繪得好仔細，但始終未見過真人，以下回答僅供參考：
首先要睇吓4點鐘粗針入針口係邊，一般估計喺乳房下至右下方（6點鐘同一水平咁上吓），其實同12點鐘位置已經唔同乳腺管，不過都有可能裡面串通咗（要視乎兩個位置有幾近，越近就越有可能，例如5cm以內）。
3月抽粗針，兩個星期應該咩傷口都已經埋晒，5月尾唔應該有野流出黎（唯一解釋就係裡面未清晒D膿，IGM好難做手術清嘅，或者手術後積水）。不過有樣野唔係好合理，你話醫生幫你加左2針，粗針傷口好細嘅，冇需要／冇可能落到2針，你4點鐘手術時有另開傷口嗎？
因為IGM好難埋口，你而家可以做嘅就係觀察／等，如果持續仲有野流出黎，即係裡面仲有積膿／血水，我建議再做超聲波睇吓係咪真係有咁嘅情況，如果有泡野，就睇吓可唔可以抽咗去，你要有心理準備可能要照幾次超聲波／抽幾次，搞你幾個月。後D時間，可以問吓醫生係咪時候試類固醇。
謝謝醫生既回答。
我只知道裏面已經串通左，醫生形容好似一條隧道咁。所以做完手術後3日要流內外傷口，然後才縫合番。
另外粗針4點鐘位置個傷口係冇另開傷口。醫生起初只係幫我縫左1針，但縫完1針見仲有少少血滲出來，佢再補幫我縫1針，合共2針。我既醫生都有講如果仲係有血滲出來，就要再做一次手術。但就冇提過可以用抽既方法。
我會細心觀察，感激醫生詳細解釋同提意。
前幾日做左乳腺纖維瘤微創手術(左邊)，今日已經第六日，其中一個已愈合傷口間唔中都仲有刺痛，但左手仲係用唔到力同埋有時會手痺，呢個現象正常嗎？
痛好正常，用唔到力就可能關事可能唔關事，手痺唔關事。
本人50歲, 於2013/11確診乳癌2期, 2013/12開始6次化療, 並隨即停經, 2014/12完成所有療程,近來有血從陰道流出, 請問我應該看那一科醫生? 婦産科? 腫瘤科?
是否再來經?
看婦科。
本人29歲，一直經前都會乳房脹痛，經期到脹痛就會消失。
但今個月由經前痛到經期完結已經大半個月，雖然已沒有脹，但仍然有痛，禁落去會痛及除胸圍時會痛。昨日比醫生用手檢查過無硬塊。
但為何會持續痛呢?
謝謝
講到尾係冇得解，只可以話痛唔係一個令醫生擔心嘅病徴。
多謝你醫生，你非常有心，抽出寶貴的時間來解答我們的問題。譲我們了解多一些。祝福你平安健康！
Good day thanks a lot for the reply. I trust the report is not fully explain the exactly step my wife did at the hospital. let me list out again and hope to have your further advice. :-
Clinical history : Left breast lesion with suspicious microcalcification. To rule out DCIS
Surgical procedure : Stereotactic guided mammotome core biopsy
Nature of specimen : Left breast lesion
Diagnosis : Left breast lesion, Mammotome excision/biopsy
– Proliferative fibrocystic diease with focal atypical ductal hyperplasia.
– No evidence of carcinoma in this biopsy
– Microcalcifications present
Macroscopic eamination : Multiple strips of tissue measure 1.5cm in length and 0.1cm in daimeter. All embedded
Microscopic Examination :
Section shows multiple cores of breast tissue. There are mainly fatty and hypocellular fibrotic tissue. Benign breast ducts and lobules show frequent blunt duct adenosis and cystical dilatations. In multiple foci, there are dilated ducts with proliferation of ductal epithelial cells that show cribriform pattern. The epithelial cells exhibit mild nuclear atypia. Comedonecrosis is not seen. Invasive carcinoma is not seen. Microcalcifications are present. The overall features show proliferative fibrocystic disease with focal atypical ductal hyperplasia. The atypical ductal hyperplasia measures up t 0.1 cm in size.
(After the test, doctor is recommend for the repeat test in One year, which my wife is very much worry on the report thinking that the symptom is the earliest stage of the breast cancer and wonder it is safe to repeat the monitoring test in 12 months or it should be considered to proceed an operation to remove all the suspected issue.) Thanks a lot for all your advice.
做咗微創（mammotome），因為個過程係將目標切成碎片取出，已經講唔實究竟margin 清唔清。ADH部分佢寫0.1cm，如果要買一邊，都應該估清嘅機會大，所以現階段唔再做手術，選擇照住先都OK，不過唔好等一年咁耐先再照，第一次係半年後合理D。
Thanks a lot for all your constructive and useful advice. Wish you Health & Happiness with God Blessed to you and your family.
i am 28 and just did an ultrasound check and i want to know if ‘bilateral heterogeneous dense breast stromal pattern with a background of nodularity, compatible with scattered focal fibroadenosis.’ Will increase chance of malignant breast diseases like cancer and/or make clinical checking/ultrasound more difficult? focal fibroadenosis係咪即係普通乳腺增生? “focal”有冇特別?
i also got ‘a small well defined hypoechoic nodule is seen at right breast 12-1 o’clock. this is probably a benign lesion such as inspissated cyst, focal fibroadenosis or fibroadenoma. suggest follow up in 2-3 months to assess stability’. Is the doctor just being prudent or is it due to the condition of my breast?
Thank you so much.
唔會增加乳癌風險，亦唔影響超聲波檢查，只會令乳房X光冇咁準確。
Fibroadenosis 純粹病理學上描述，即係乳房組織硬硬地，並唔係乳腺增生，focal 唔focal根本無關痛癢。
右邊12點鐘粒野跟據報告的描述，根本完全無可疑，唔需要兩三個月覆檢（佢嘅結論同建議根本上自相矛盾）。
你好，我今年29歲。因為收到保險公司送出嘅 乳房超聲波優惠，所以今日就進行了檢查。（ 而今日我忘記了同醫生講 ，我的經期遲左大約一個多半月仍然未到， 唔知同粒粒嘅尺寸有冇特別影響（ 經期遲可能因為工作壓力太大，本人未婚，沒有懷孕的可能））報告指出右邊6點和9點出現左分別0.4及0.5左右既粒粒。 解釋報告的姑娘話應該係乳房纖維腫瘤或乳腺增生。finding 寫住 features are in favour of probably begin breast nodules,night represent fibroadenoma or fibroadenosis. Follow up scan recommended. 解釋個姑娘叫我俾返普通科既女醫生睇， 最主要係講番比我知幾時要再跟進。 佢仲話通常半年至一年度再照一下。
想問下係咪睇普通科女醫生即可以。 今日才剛剛做完超聲波係咪暫時冇野可以跟進。 我是否應該立即搵個普通科的女醫生看？ 還是應該去看專科？ 係咪應該要盡快？
今日睇咗你哋咁網頁好多嘅post， 覺得有安心咗啲，但係都想聽到你嘅回覆， 非常感謝。 想問下我係咪基本可以肯定係乳房纖維腫瘤或乳腺增生。 唔會突然變成惡性的。
問過我一位朋友， 佢之前都有相同嘅情況但係佢的良性纖維瘤幾年之後就消失咗。現在不用再跟進。但我見你哋嘅post通常都係寫五十歲之後先會慢慢消失？ 想問一般最常見既情況是否要一直跟進檢查，直到50歲之後才會消失？ 想知道纖維瘤或乳腺增生幾年後就消失嘅機會大唔大？非常感謝！
如果只係照住報告解釋一次比你聽，就普通科醫生已經可以，不過姑娘已經做咗一次，你預都係咁樣照讀一次。如果想抽針／微創／做手術／長期跟進，就搵返專科乳腺科。
粒野咁細，手應該摸唔到，只可以憑超聲波影像去評估，初步會覺得係良性居多，不過唔會用上「基本可以肯定」、「唔會突然變惡性」呢D字眼。要再肯定D，好自然要組織上的確診，即係抽針／做微創／手術。
一D乳房病變究竟會唔會消失／幾時消失，人人唔同，隔離朋友的經驗對你冇任何意義。冇得話「纖維瘤或乳腺增生幾年後就消失嘅機會大唔大」。
謝謝你的解答。其實我下個月中會去日本旅行。好想問一下醫生建唔建議我去的。因為會否有機會令良性变惡性。還是我應該盡快抽針。但其實抽針既作用是否更確認是良性還是惡性？還有什麼作用?一般私家要等幾耐才做到抽針？還是我應該直接做微創?非常謝謝你的回覆！
粒野良性居多，唔應該會影響日本旅行。
抽針嘅唯一作用就係分良性定惡性，不過提提你，你粒野咁細，有時想抽都好可能有困難。
私家一個星期內，甚或至即日已經抽到。至於抽針好定直接做微創好，要問返乳腺科醫生。
你好，我岩岩做左body check,但唔係好理解個report講咩，希望您可以解答。
佢話there is a low echonic nodular focus mesuring 4*6mm and another lobulated low echoic nodular focus at1030 oclock of the right breast 7cm from the nipple. Sized 4.2×10.5×12.5mm. They are to suggest benign pathology like nodular fibroadenosis or to represent fibroadenomata. No abnormally enlarged axillary lymph node.
意思係咪良性同嚴唔嚴重？其實有冇抽針嘅需要？同埋想知抽針有冇風險過程係點？
感謝你呀！
報告覺得嗰兩粒野似良性。
大嗰粒可以考慮抽針，冇咩風險，主要係少少痛同有可能瘀。
多謝醫生 喺2015年你個網 陪我同阿媽 走過困難嘅 6個月。 媽媽70歲 右邊中咗3B 經治療後已康復 現在食緊荷爾蒙藥 生活正常。
衷心的感謝！
您好，我之前做breast ultra sound檢查，報告寫我左右胸有oval nodules，並寫”All these nodules are likely be fibroadenomata.’ 咁請問如果我需要買危疾保險，Health Details個欄日’Have you suffered or do you now suffer from cancer, tumor or cysts of any type?’，我應該tick ‘Yes’還是’No’?
計正要填yes。
你好 我32歲 照左乳房超聲波 報告話
Right:slightly irregular hypoechoic non vascular mass lesion,indeterminate in nature 有2.4×1.6×2.1 係11點方向
Left:oval well-defined hypoechoic lesion is noted with no increase vascularity .its probably benign like fibroadenoma or fibroadenosis.有0.73×0.6 2點方向
醫生建議右邊一定要抽粗針 左邊最好抽埋 該如何？我感謝回答
右邊抽粗針，左邊可抽可唔抽。
Thanks for you quickly reply
醫生話右邊驗到係咩都最好係要切左佢，聽完後真是不知所措
抽完先決定。
今日睇左報告右邊係fibroadenoma 醫生話吾好等盡快快切左佢 因為由我發現到做超聲波波check到係1個多月時間（我不知這腫塊實際存在多久久） 而家考慮緊做吾做手術（苦惱中）
左邊都抽左針話係係fibrocystic change 不用做手術 半年再check就可以
報告係良性就唔洗急了。
謝謝醫生 報告說兩邊都是良性 （to rule out malignancy)應該是良性吧?
Fibroadenoma 同fibrocystic disease都係良性。
感謝醫生那我就不用急著做手術了 因醫生安排我星期天做手術
那麼我是要多久觀察一次？照us?
感謝醫生你的回答 因幫了我很多
心情也不用忐忑了
如果觀察，半年至九個月再照。
醫生你好，由於摸到乳房兩邊有野，去左睇醫生，做完breast ultrasound，睇報告時醫生話睇到係一啲良性既乳房增生，右邊有一粒3cm 一粒2cm，左邊就有一粒1cm。本身我都預左要抽埋針先知，不過醫生話照完睇得出係良性，叫我密切監察住就可以了，之後問咁係咪纖維瘤，佢話你當佢係啦。睇完你既文章有啲疑惑，想問下有無可能唔使抽針就知係咪良性，會唔會係因為我細個(照既時候未滿20歲)，所以有咁既判斷？
唔知道醫生依家仲有無做呢個網站，如果看到能回覆一下就大感謝了^_^*
良性定惡性，睇超聲波可以有初步印象。當然如果想大D信心去確定，下一步就係抽針，尤其大嗰粒有成3cm。同意未夠20歲，出事機會好低。
近日去做超聲波檢查，報告大致如下：
Right breast :
1. largest nodules is 1.4cm at R6H position. Nodules can be consistent with fibroadenomata.
2. There are 2 hypoechoic nodules , 0.5cm at R5H and 0.6cm at R8H positions, these consistent with cysts.
醫生冇特別講有咩治療，只建議每年做檢查。報告結果是否屬良性？
大致係。
我今年38歲，這個情況會否轉壞？是否需去抽針作進一步檢查？
要臨床評估先知。
我媽媽七十多歲，一邊乳房啲皮膚有數粒像默一樣的東西，細細粒的，凸出來，請問是什麼？如何處理？
睇醫生。
請問Breast Cyst and Breast Nodule 有甚麼分別？
Breast cyst 水囊良性，nodule結節可以良性可以惡性。
Hi Breast HK! 我今年30歲，上星期因為胸入面有硬粒，做完運動痛，所以去做ultrasound，下面是report內容, 想麻煩你幫忙解讀一下.
Several well-defined hypoechoic lesions are noted in right breast. They are situated at 2, 7, 11 o’ clock position of right breast, and measures 0.3cm x 0.8cm x 0.5cm, 0.3cm x 0.7cm x 0.6cm, and 0.3cm x 0.6cm x 0.5cm respectively. No increased vascularity is noted. Features can be due to focal fibroadenosis or fibroadenomas.
A lobulated heterogeneous hypoechoic lesion is noted at 10’o clock position of right breast, measuring 1.0cm x 1.2cm x 1.5cm. Some increased vascularity is noted at its periphery. Features are indeterminate.
The retromammary tissue planes are intact.
No dilated ducts noted.
No enlarged axillary lymphadenopathy seen.
Impression:
Benign cyst in right breast.
Probably focal fibroadenosis or fibroadenomas in right breast.
Indeterminate lesion noted at 10’o clock position of right breast. Suggest correlation with ultrasound guided fine needle aspiration.
婦產科醫生轉介我去睇外科醫生做檢查, 決定要抽針或切左右胸有問題的一粒.
我想請問係咪大機會係惡性? 係咪要切除最安心? 如果真係要切除, 邊種方法較為合適?
另外, 想問其他粒粒係咪無大問題, 應唔應該一併處理?
謝謝你的幫忙!
有機會係惡性，不過機會唔大。
如果抽針係良性，醫學上可以唔切。至於切除係咪最安心要自己先知。
只於切幾多，好視乎抽針結果。
其他粒粒係良性，唔需要一併處理。
多謝你抽時間解答我既問題 🙂
祝你及一家新一年開開心心, 身體健康!
Hello Breast HK,本人今年46歲，年頭抽針確診滲透性導管乳癌，左乳，二月頭已經係私家醫院做咗左乳全切除。病理化驗報告
ER positive
PR positive
Her2 Negative
Ki67 about25%
1.2cm,割左9粒淋巴，其中1粒微擴散，轉介左去公立醫院 3月尾做化療.想問下
（1）如果要做化療，通常做幾針？會打咩針多？
（2）呢類型乳癌復發機會大唔大？
謝謝🙏🏻
1）4至6針。TTCx4或者PACS01。
2）唔算大。
醫生你好
本人36歲，右胸有透明分泌物，抽粗針報告：
1）Mass 12H — benign fibroepithelial lesion, in favour of fibroadenoma complicated with sclerosing adenosis.
2) mass 5H — benign fibroepithelial lesion, in favour of fibroadenoma complicated with intraductal papilloma and apocrine metaplasia
想請教一下，如果不想做手術的，我每半年去照超聲波檢查，觀察有沒有異常生長等才決左好嗎？
感謝你
Sclerosis adenosis/intraductal papilloma附近可以伴隨有癌症，所以會建議做手術。
本人照左超聲波係4a，之後醫生建議抽粗針，報告話 complex sclerosing lesion，Proliferative fibrocystic change，no evidence of malignancy
醫生話建議做手術割出黎
其實我唔太明，現階段良性都要割？
抽針話係Sclerosing lesion ，附近可以有潛藏癌細胞，所以雖然現階段係良性，都會建議割。
本人係14歲初中生，右胸有一粒腫塊，輕輕按冇痛楚但會流出透明分泌物，就算月經已經嚟咗幾次，但腫塊都冇消失過。腫塊係三個月前發現，情況冇惡化，但一直唔敢同屋企人講，好擔心會唔會有機會中咗乳癌？🙇🏻♀️
咁後生就好細機會係乳癌，通常都係纖維瘤居多。
本人30歲, Sonographic findings of Breasts. 請問危性既機會大吾大? 左邊的2粒會是葉狀腫瘤嗎?葉狀腫瘤是否良/惡都建議局部切除?
The parenchymal echotexture of both breasts appear normal.
Two solid nodules are seen in each breast, as follow,
*0.4 x 0.5 x0.5cm (LxWxAP) at right 8 oclick 4cm from nipple. well circumscribed hypoechic.
*0.6 x 0.5 x0.3cm (LxWxAP) at right 10 oclick 5cm from nipple. well circumscribed hypoechic.
*1.5 x 1.2 x0.9cm (LxWxAP) at left 12 oclick 1cm from nipple. lobulated heterogeneous hypoechoic.
*1.1 x 0.9 x0.7cm (LxWxAP) at left 11 oclick 2cm from nipple. lobulated heterogeneous hypoechoic.
No sign of intramammary duct dilatation is identidied.
Bilateral axillary lymph nodes are not enlarged.
感謝醫生的寶貴時間, 希望可以為我以上的報告作出解說.
謝謝。
機會唔大。
左邊兩粒可以係葉狀瘤，亦可以唔係。
葉狀瘤無論良性惡性，都要局部切除。
Hello醫生，本人現時35歲，收到報告內容如下，想請醫幫忙解說。謝謝醫生。
The parenchymal echotexture of both breasts appear normal.
A simple cystic lesion is seen in right breast, measuring 0.9cm at 9 o clock.
A well circumscribed hypoechoic solid nodule is seen in right breast, measuring
1.8 x 0.6 x 1.2cm ( L x W x AP ) at 10 o’ clock from nipple.
No sign of intramammary duct dilatation identified.
右手邊有粒看似良性嘅結節，同埋一粒水囊。
你好，我收到報告話 “Bilateral breasts show heterogeneous parenchymal stromal echotexture with background nodularities in keeping with scattered focal fibroadenosis.”
想問係咩意思？
冇咩意思，純粹描述乳房嘅組織狀態。
醫生真係幫到好多人解決疑慮,感謝！