香港乳癌醫生 ﹣ 睇公立好？睇私家好？醫生攻略2
上一篇介紹咗香港乳癌醫生，公立同私家醫生嘅收費同埋等候時間，你知道你有無得揀，同埋策略應該點揀。呢一篇就講下點解咁樣揀：
「等唔等公立好呢？」「錢我唔介意比，但換黎嘅係乜嘢先？」
香港乳癌醫生
正所謂時間就係金錢，去睇私家乳癌醫生，好大程度上（五成），就係金錢換取時間。
有同樣嘅問題，早啲睇，早啲知，早啲醫，點都好啲。
其實而家嘅公立醫院，係提供緊好高質素嘅服務，差就差在時間。
第二樣嘢（三成）就係有得揀嘅服務／顧客體驗，其實醫學呢啲咁專門嘅嘢，技術梗係有高低，問題係你識唔識去揀。就好似買橙咁，識得揀，公立醫院都有好嘢，唔識揀，喺私家都揀著個爛燈盞。不過人就係咁，有得揀，身心舒泰，冇得揀，一定係壞。
你去搵乳癌名醫做手術要等四個禮拜，你會話「正呀／勁呀，好嘢先咁多人排。」
你去公立醫院度做手術要等四個禮拜，你唔會話「正呀／勁呀，好嘢先咁多人排。」
你去公立醫院度做手術要等四個禮拜，你只會話「有冇搞錯，dum我症呀」
私家醫生本身就係贏在起跑線。
第三樣嘢（兩成）就係增值服務，譬如手術中途私家醫生可以做急凍切片，睇吓切得清唔清。呢啲係公立醫生都識得做，但唔會做嘅，公立醫生有時間都幫多個病人做手術啦，唔會慢慢等急凍切片。又例如私人診所既姑娘會打俾你噓寒問暖，睇吓你做咗手術未，公立醫院既姑娘邊有咁得閒吖，工作量之大已經瀕臨爆煲。
伸延閱讀：乳癌手術6－專做乳房手術醫生的增值服務
總括嚟講，你比咁多錢，所買嘅係時間、主導權同埋增值服務。值唔值，好睇你個人點諗。
知道自己想要睇咩科醫生，又知道公立同私家嘅分別，下一個問題就好自然問：「乳癌治療費用 －危疾保險保唔保？」
香港乳癌及乳病治療中心 
想問問要電療左胸（近心臟），去養和用VMT技術，如果去瑪麗醫院有相同儀器同技術嗎？想知差別有幾大？謝謝你！
瑪麗有，不過唔係比乳癌病人用。
本人52歲，本年4月初在公立照到胸有粒嘢有1.5cm大，醫生安排4/27抽針睇下有冇病變，請問我洗吾洗去私家診所夾胸多一次，因為本人18歲及21歲在公立醫院切過2次殲維瘤(良性)。
夾胸就唔需要重做，抽針就睇吓自己想唔想快啲，想就去私家，唔想就等公立，27/4有得抽已經叫好快。
我今年60歲，在私家於24/2/23做了右边乳房全切，亦切了淋巴结，手術前做PET SCAN已知擴散少量淋巴，但未擴散其他器官，腫瘤约2.5cm，Ki 67约30 %，我患的是入侵性荷爾蒙乳癌，手術完畢，正回家休息，等候詳细病理報告。問題如下:
1.要做电療及荷爾蒙治療，因屬中等風險，醫生建議做基因測試，以决定是否需要做化療，有兩款測試建議: Endo Predict / Oncotype DX, 那款較好呢?
2.若由政府醫院跟進治療，家住屯門，但在瑪麗醫院覆診肝科，正吃乙型肝炎药，請問屯門或瑪麗醫院腫瘤科做化療/电療/荷爾蒙药治療等，那間較好呢?
3.做完手術一星期，感到腋下痛及心口拉且痛，正常嗎?
4.切除了淋巴，手臂有些痺痛，日後醫院有物理治療跟進嗎?
5.若選擇私家做化療，之後政府醫院会跟進电療和荷爾蒙治療/物理治療嗎？
1）等完詳細報告先決定，如果真係做基因測試，就OncotypeDx好D。
2）都係建議就近屋企。
3）要現場評估先知。
4）要問醫院。
5）會。
需要。