乳癌二期 - 我係咪第2期?
你上次教我地咩叫乳癌一期,我對返自己個報告,好唔開心侵蝕性部分大過2cm呀!咁而家即係第幾期?仲有冇可能係早期/乳癌二期呢?我仲有好多野未做,唔可以咁快死㗎⋯⋯
我係咪乳癌二期呢?
「我係咪乳癌2期呢?」
最簡單嘅方法就係問醫生。
「佢話比我聽確診乳癌時,個心都離一離,我已經亂到唔識問⋯⋯」
第二個方法,就係睇返自己乳房造影/電腦掃描/正電子掃描/手術個報告。
有齊資料,就可以根據American Joint Committee on Cancer (AJCC) 7th edition (2010) TNM staging 去評估第幾期。
圖片來源:American Joint Committee On Cancer
有興趣嘅,可以㩒入去仔細睇下成個staging嘅細項:
https://www.breasthk.com/pamphlet/breast-cancer-staging_AJCC_7th.pdf
有iPhone 又唔介意比$83嘅(暫時免費嘅我搵唔到一個好用),可以下載以下apps
「自己唔係好識睇,可唔可以講多少少?」
圖片來源:American Joint Committee On Cancer
乳癌2期TNM上限為T3N0M0或T2N1M0,即係要:
1)如果腋下淋巴冇擴散(N0),乳癌侵蝕性部份可以大過5cm(T3)。
2)如果腋下淋巴有1-3粒淋巴擴散(N1),乳癌侵蝕性部份就要5cm或以下(T2/T1)。
3)以上兩點要加埋冇擴散去其他器官。
腋下淋巴有冇擴散?
「點先知我嘅淋巴係N0定N1?」
淋巴嘅分法其實有2套方法:
1)手術前醫生就用臨床去評估(呢部份真係冇得自己學,因為牽涉身體檢查,即係講經驗),要問返乳腺科醫生。
2)手術後就睇病理報告有幾多粒淋巴有癌細胞。你可以做嘅就係睇吓自己報告有幾多粒淋巴受影響。
重點一:乳癌二期淋巴可以冇受影響(N0)/或者1-3粒(N1)有擴散都得。
「我4粒淋巴有事喎~」
4-9粒淋巴有事係N2,起碼已經乳癌三期,呢篇唔啱你,等下一篇啦。
乳癌侵蝕性部份幾大?
「點先知我個腫瘤幾大?」
手術前,最準就係乳房超聲波,其次係醫生手摸/乳房X光。呢D我地叫臨床評估,主要用黎手術前決定治療方向。
手術後,當然係睇病理報告,喺顯微鏡底下睇就一定最準。呢D我地叫黃金標準,主要用黎確定第幾期。
「明明醫生手術前話4cm,做完手術佢話原來6cm,咁都得㗎咩?」
絕對有可能發生。因為臨床評估唔係百份百準確,尤其係侵蝕性部份嘅大細。可以顯微鏡發現6cm有侵蝕性,但超聲波只見到4cm陰影。
如果係侵蝕性癌,我地只在意侵蝕性部份(invasive component),原位癌部份(in situ component)我地係唔睇嘅,所以一切都以手術後病理報告為準。
因為以上原因,情況可以掉轉發生,可以手術前話6cm(侵蝕性加原位癌),手術後話4cm(只睇侵蝕性部份)。
「點解只在意侵蝕性部份,而唔理原位癌部份?」
情況有如有個罪犯又殺人(侵蝕性)又偷野(原位癌),上到庭個官判,梗係著意殺人嗰條罪,夠判佢終身監禁,偷野嗰條罪唔洗睇。
侵蝕性癌可以擴散/攞命,但原位癌唔會擴散/唔會攞命,醫生梗係著意會攞命嘅侵蝕性癌,原位癌唔洗睇。
重點二:我地只在意侵蝕性部份(invasive component)。
「我嗰腫瘤明明3cm,唔係T2咩?點解醫生話T4?」
如果腫瘤蝕咗出皮膚(損咗/皮膚流血/流膿)或者蝕咗落深層肌肉,就唔理幾大,都叫T4。T4又係起碼乳癌三期,呢篇唔啱你,等下一篇啦。
冇擴散去其他器官
「點先知有冇擴散去其他器官?」
呢個要照掃描先知。免費嘅就有普通電腦掃描(CT scan)同埋骨掃描(Bone scan),貴嘅就有正電子掃描(PET scan)。詳見乳癌分期 ﹣ 我係早期定末期?
2014-04資訊:香港政府會免費資助新確診乳癌病人,去私家醫院照普通電腦掃描(公私營計劃),唔洗係公立醫院慢慢等,1個星期就有得照,計劃幾時完就唔知。至於正電子掃描,最平應該係沙田仁安醫院(有D小型化驗所可能仲平D,不過質素參差),公立醫院轉介去有折,大概$8000,優惠幾時完又係唔知。
乳癌二期治療攻略
滿足晒以上3個條件,臨床診斷為乳癌第二期之後,就可以開始治療。
而當中最多病友困惑嘅,就係明明自己係第二期早期黎㗎,點解醫生都仲建議做咗化療先做手術㗎呢?
不過今次講住咁多先,等你慢慢消化下。下篇先教你「乳癌二期治療攻略 - 做手術先?做化療先?」⋯⋯
在11/2013手術前, 插針結果為原位癌, 做了肺X光,肝超聲波, breast MRI檢查,報告正常,之後確診2期A(T1cN1), 現已完成化電療, 標靶繼續至年尾,那麽要做CT scan, Pet scan?如要.什麼時候做?
情況比較尷尬,開初以為原位癌,的確係唔洗做CT/PET scan嘅,手術後先知乳癌2期A,呢個時候可以嘅話,應該補做返PET scan,睇吓有冇擴散。
肺X光同肝超聲波只睇到一啲大型擴散,早期嘅肺/肝轉移係睇唔到嘅,仲未計另一個常見轉移位置:「骨」,佢係冇照顧到。
所以經濟許可嘅話,我會建議你補照,因為我地知道HER2型乳癌係比較惡,仲要加埋已經擴散咗去淋巴,下一站就將會係去其他器官,所以有實在理由照一照。至於幾時照呢,我覺得完曬標靶後係一個理想時機。
點解唔而家即刻照?你個情況比較特別,已經過埋化療/電療,仲打緊標靶,我想信就算開初有轉移,而家都已經殺得七七八八,如果你而家就補照,我諗都冇咩野見到,白白浪費金錢/白白承受幅射。
完曬標靶,除咗加減荷爾蒙治療之外,治療已經告一段落,呢個時候照,就作為畢業評估吧。如果唔合格(有轉移),就只好乖乖再接受治療;如果合格(冇轉移),呢個PET scan可以作為一個基準,第日有咩事要再照scan,都有個舊報告可以作對比。
Thanks a lot
你好,我剛做完手術,並報告说有一粒前哨 淋巴有感染,HER2 陽性,我不想做化療可以嗎?這階段 是否做pet scan 看看情况?若結果没有器官感染,可不做化療?谢,RT
有淋巴擴散加HER2,要化療加標靶,PET冇其他擴散都係要做。
親友發現乳癌,腫瘤3.2cm,醫生話要做了手術後才知道第幾期麼?醫生可否臨床判斷到?3.2cm是否屬於大呢?3.2屬於早期麼,醫生話切除時會切幾粒淋巴位的驗有無癌,是否如果擴散了的癌一早就驗到,未散的要做手術先驗到。因為另一親友有子宮癌,醫生話不可以切除,要化療等。謝謝
臨床可以初步判斷,最確實嘅期數要做完手術先知。
Size大細係相對概念,人人觀感唔同,客觀地講如果侵蝕性部份3.2cm,即係T2,起碼第二期。仲係咪早期就視乎淋巴同遠端器官有冇受影響。
謝謝你,下面邊個數字才是侵蝕性部分的size? 係腫瘤3.2還是侵蝕部分係3.2?唔知道報告寫咩。。。。555(>﹏<)好擔心,宜家第幾期不知道,嚴不嚴重又不知道,要等1個星期先做手術。
報告寫the widest transverse.diameter is3.2cm, the widest AP diameter. is 6.2cm. the cephalocaudal dimension is 3.8 cm。 signal. intensity time graph is uptake of contrast with washout positive diffusion. ADC is.0.93 to 1.04×10-3 mm2/ sec (normal is greater than 1.2×10-3 mm2/sec)
separate from the segment area of ebhancement. there are two other lesions seen and these are in upper medial quadrant plastered against the chest wall. these are at2:00 and they measure 1.2×0.6×1 cm and also 1.1×0.7×0.9cm. signal intensity time graph for these two lesions are uptake of contrast with plateau (type 2 curve)positive diffusion
the diffusion of the larger nodule is. 0.97×10-3 mm /sec (normal is greater than1.2×10-3mm2/sec)
chest wall is normal. no internal mammary adenopathy. multiple level axillary nodes seen.
MRI係分唔到嘅,要做手術先知有冇侵蝕性/侵蝕性幾大。
即係做了手術先知道第幾期T_T. 手術後應付做個PET SCAN安全些呢?
如果係做PET scan,手術前做好過手術後做,計劃好D。
醫生直接叫做手術,無提過PET SCAN. 還有一個星期做手術,如果聽日約醫生後日先做到,等報告來可能趕唔到手術前收到報告。手術後大約幾耐可以做?我直接問醫生,醫生會否唔喜歡〒_〒驚之後複診醫生態度唔好。
你抽咗針/確診未?定係只係照咗MRI就做手術?
抽了針,也做了MRI。醫生話有癌細胞未知道第幾期,不過要做全乳手術。
如果係照PET scan,就手術前照,推遲手術都值得。
醫生無話到擴散,是否不會係第四期呢。
未照CT/PET scan,又點知有冇擴散?唔知有冇擴散,又點知係咪第四期?
11月的時候有做乳房造影和乳房超聲波檢查,這是CT檢查麼?上兩個星期發現癌症前都有做普通的一般身體檢查。
不是。
謝謝您,希望快些切除。
今日親友做了手術,淋巴有擴散,淋巴也切除了。宜家等報告先知道第幾期,要擔心7-10日先有報告,吳知道之後有咩治療需要做呢?好想知道咩程度第幾期,希望早期。
既然已經做咗手術,就安心等報告,之後跟住治療攻略就大概知有咩治療要做。
您好,報告已經出,外科醫生說屬於第二期B.有三粒淋巴有事,做了PET SCAN,醫生話報告好好,其他位無。之後會安排個腫瘤科醫生跟進化療。請問二期B化療後存活率是否會高些,復發率會降低呢,謝謝。標靶方面醫生話要等埋一份報告先知道適合不,但不知道什麼報告。
係。化療可減低復發率,增加存活率。
謝謝breast HK,請問是否化療後一定電療,電療配合中醫比較好呢?還是化療電療後才找中醫調理比較好呢? 宜家是否開始食定高蛋白的奶粉做化療前準備呢?
淋巴有擴散,會建議電療。化療中唔好搵中醫,化療後你搵中醫唔反對。
乳癌化療期間之飲食 - 點補身?洗唔洗戒口?
謝謝您,資料太有用了。可以讓我們了解多些。
你好!我上個月去做超音波,已經發現我是乳癌第二期,我係6月9號做全乳切除,現在要等報告出來,睇下是否要化療?我擔心會掉頭頭髮?如何返工?化療是否對身體造成很大影響?謝謝
可以參考乳癌化療需知 - 我洗唔洗化療?,大部份答案喺曬呢度。
醫生您好! 我想知, 單獨只打標巴药抗癌較果係唔會好理想,一定要配合化療药一齊打才有顯著抗癌功效的,不知這資料對不對?
但我的化療安排是DC x 6 + Hers2 x 18, 那麼餘下的12針標巴药便會是單獨吊药,我不明白,可否解釋我的疑問?謝謝!
你的化療安排已經叫做一齊打,化療有上限嘅,所以尾12針係剩herceptin,一切都好標準。
明白了, 唔該晒!
本人44在1/16/2016做了局部切除右乳房手術.手術成功.但病理報告如下:
Invasive Ductal Carcinoma pT2N0 (Pet scan 係無擴散other organ)
Type: No Special
Grade 2
Size: 2.5 cm
Lymphovascular invasion : absent
Sentinel lymph node- negative for metastatic carcinoma (0/5) (absense of micrometastasis/isolated tumour cells)
Nuclei (score 3)
Mitotic activity (score 2)
ER : 8/8
PR : 7/8
Ki-67 : 60%
c-erB2 overexpression : 2
FISH Test:
no. of invasive tumor cells : 40
Average no. of HER2 signals per nuclues:5.28
Average no. of CEP17 chromosone signals per nucleus: 3.35
ratio = 1.57
Interpretation : Equivocal
醫生成日話做咩測試?我保險唔包
問是否一定要化療?我怕頂不到化療.醫生說可以電療後打停經針+hormone therapy. 可行嗎?
手術後二個星期了下星期中才到政府醫院交轉介信做電療. 太遲嗎?
你個FISH報告唔肯定HER2 status,下一步要做的就係用其他方法複檢(SISH/CISH/DISH)。
如果係HER2 陽性,就要化療及標靶治療。
如果仲係唔肯定HER2,就會建議化療,至於用唔用標靶治療就要同腫瘤科醫生傾。
如果係HER2陰性,我都係會建議化療,因為你Ki67好高,代表個腫瘤其實生長得快。
打停經針,成效你可以睇成打咗第一代化療,可唔可行建議同返自己醫生傾。
下星期交信唔遲。
本人在2015年2月做咗局部切除(20.5mm)乳房腫瘤,係第二期沒散到淋巴(T2N0),安可待復發數值(13),因此唔需要化療,做咗30次電療,在4月開始每天吃抗荷爾蒙藥,並積極運動減肥中,體重已從一百七拾多磅,減咗二十幾磅,期間非常多謝醫生;在這裡提供關於乳癌啲資訊,讓我在最徬徨的時候,得到支持,醫生努力加油 ! 各位患病啲朋友加油 !
好多謝你咁有心畢咗業都返黎為我同其他作戰中的病友加油,實在感動,順祝你身體健康。
2016 June 20
醫生你好!很感恩有醫生做咗這綱站幫助說明給予能量、了解疑惑。本人50歲2B期淋巴2粒有右邊全切
Q1:已申請醫療報看腫瘤是否近胸骨、會否割唔清、怎樣可知道淸唔清?
Q2:前哨有2粒感染、割了大概20粒、淋巴腫瘤大細唔知是擴散嗎?
Q3:私家做PET/CT無燈無轉移但私家醫生建議做前哨、點解PET發現唔到淋巴有、好彩醫生有經驗是嗎?
Q4:療程有TACx6(自費2000升白針+抗生素)/FECx3+Docetaxelx3(免費)我選TAC、請問我的選擇正確嗎?表示腫瘤惡嗎?腫瘤醫生只説副作用差別之後無其他建議說話、問多句都不耐煩真是⋯⋯
Q5:電療次數未知、食5年Tamoxifen、請問復發有幾高?唔識計?
Q1)問醫生。
Q2)唔明你的提問。
Q3)因為PET scan唔係百分百靈敏,所以正規係如果發現唔到淋巴有受感染,下一步就做前哨淋巴去確實,並不是醫生特別神。
Q4)兩個方案冇對頭對比,冇對錯之分,純粹個人選擇。腫瘤是惡的。
Q5)電20次(15+5),食藥建議食10年,並唔係5年。所有治療已經有定案,冇咩野好計。
Hi Breast HK,
睇到你話“如果腫瘤蝕咗出皮膚(損咗/皮膚流血/流膿)或者蝕咗落深層肌肉,就唔理幾大,都叫T4。”請問係咪只要唔係“損咗/皮膚流血/流膿”都唔算蝕咗出皮膚?如果係所謂嘅橘皮樣皮膚,又或者病理報告寫住“累及皮膚皮下組織,未累及上下切緣及基底部”,算唔算蝕咗出皮膚?
唔該曬!!!
「只要唔係“損咗/皮膚流血/流膿”都唔算蝕咗出皮膚」可以咁講,不過「唔蝕出皮膚」唔等如唔係T4,因為T4有分abcd四個情況。
橘皮樣皮膚,即係我地講嘅橙皮紋(peau d’orange),係一個臨床診斷,已經屬於臨床T4b。
「病理報告寫住“累及皮膚皮下組織”」都未當T4住,因爲佢要清楚寫明有皮膚傷口才算。
即係話如果出現橙皮紋,已經最低係第三期?!!!
但係乳癌大細為20mm,無淋巴轉移, 無轉移到身體任何部位,唔係應該當第一期嗎?
也即係話如果出現橙皮紋就一定要做化療嗎?????????
你問咗一個非常好的問題。
我地斷定乳癌期數有兩大分類/方向,分別係臨床(clinical)同病理報告(pathological)。
臨床期數,即係根據臨床檢查(包括橙皮紋等等)去斷定第幾期,從而引領我們治療的大方向,你上面所講的情況為cT4bNxMx(開頭的c代表clinical),起碼臨床第三期。
病理報告期數,即係根據切出黎的樣本喺顯微鏡下的大細去斷定第幾期,從而引領我們術後的輔助治療,你上面所講的情況為pT1cN0M0(開頭的p代表pathological),病理上第一期。
大部分情況下,臨床同病理報告的期數唔會有大出入,所以通常都係以病理報告為準。少部分情況(好似你講的情況)有大出入,就應該要寫清寫楚係cT4bNxMx pT1cN0M0,至於做唔做化療等輔助治療,就要睇醫生取態/其他病理報告重點/本身身體狀況等等。
好多謝醫生你嘅回答。咁如果臨床係T4bNoMo,進行咗全乳加淋巴切除,病理係T2NoMo,出入算唔算大?係咪都會以病理為準去判斷術後治療?ER positive, PR positive, HER2 Negative, Ki67:10%,Grade 2. 病人身體狀況一般,手術後恢復得不錯,病人態度不進取,如果根據以上情況,醫生你會否建議做化療?或者只食藥足夠嗎?感激!
「出入算唔算大」好視乎一開始嗰cT4b診斷穩唔穏妥,呢個要自己醫生先知。整體而言,我會做埋OncotypeDx先決定打唔打化療。
醫生你好, 我朋友40歲, 上星期已全切左邊乳房(1個乳房有1硬塊2.5CM , 另外近腋下有早期可病變組織) 及淋巴2組(前哨有1粒感染1粒受影響, 其餘沒事) , 為2B期. 醫生話擴散機會不大. 腫瘤科話要化療, 電療同吃抗荷爾蒙藥 . 我朋友仍然擔心. 所以要求照PET , 照完之後 , 醫生話乳癌無擴散到, 但就發現甲狀腺有粒0.5CM既野, 今日抽完針, 要等報告出. 有心理準備照PET有野都睇怕唔會係好野. 好想問下, 呢類情況 , 究竟係擴散左 , 定咁唔好彩中左第二樣癌症 ? 咁醫療方法會唔會好大差別 ? 係咪同時做2種化療呢 ? 佢原本已經接受左患上乳癌呢個事實 , 但現在心情好差.
PET uptake唔代表一定衰野,尤其SUVmax唔係好高嗰D。
乳癌唔會擴散去甲狀腺,等埋抽針報告就一清二楚,唔好自己嚇自己。
唔該晒, 多謝你建立呢個網 , D資訊真係好幫到手 .
醫生你好,媽咪今年69歲,上年12月証實有乳癌三陰性2B期,已即時在私家醫院做了部分切除手術,現正進行化療,但當打完第四針後(共八針),媽咪有不持續低燒,要輸血同住了醫院2星期,復完之後在醫院再打等五針,但打到一半時,發現血含氧量過低而要中止,經與醫生商討後決定中止餘下療程改為預備開始電療,請問完成唔到整個療程對康服係咪會有好大影響? 電療之後再繼續餘下化療程可以嗎?現在很徬徨不知可以做什麼可以幫媽咪解決復康問題
其實身體頂唔順化療就係頂唔順,呢個時候已經唔會考慮「對之後康復有冇影響」,因爲其實冇得你揀,唔好鑽牛角尖自尋煩惱。情況有如買唔起某東西,呢個時候已經唔會考慮「買唔起對之後有冇影響」,因爲其實冇得你揀,買唔起就係買唔起。
已經決定唔打落去,就唔會電療後再挑戰。
医生,你好
我今年57岁,有18年糖尿病。
我在11/2015做X光和超声波查出右边乳房3点方向有钙化, 1/2016做了细针活检, 没有发现。 7/2016又做X光和超声波, 没有发现。5/2017又做, 发现3点钟方向已经有1.9cm, 另外在同一个乳房10点钟一个1.9cm.腋下淋巴有2.cm肿大。是恶性肿瘤。
我的乳房自从做了活检后, 在活检的部位一直有隐隐的跳痛, 最近痛的比以前密集,而且涉及整个乳房,腋下淋巴。我想问医生和病人都说乳癌是不痛的, 我的为什么会痛? 现在等粗针活检和胸部CT扫描。
谢谢。
乳癌大部份情況下都係唔痛,但痛不代表完全排除乳癌。十個光頭九個富,但窮不代表不可以光頭。
还有, 乳房和腋下淋巴痛是不是说明是中晚期了?
真的非常感谢您, 如果我在一年前就看到你的这个网站,我的病不至于发展到现在这个地步。我应该在有钙化时就切除乳房。现在真的是太晚了,是不是,医生? 我不知道我手术后能不能受得了化疗放疗,我有17年的糖尿病
痛同期數冇關係,淋巴有事就起碼第二期。
我想附上超声波和X光报告但无法发上去
網上並唔係一個合適平台去作私人診症,還望見諒。
明白。
我为什么10个月前还查不到肿块, 10个月后就有2个, 还有淋巴转移?
未見過你,不知道。
还有ACR class 4是什么意思呢
http://www.hkbreast.com/decoding-breast-imaging/
谢谢医生, 我还在等活检报告。其实等活检是医生为了自保,confirm, 虽然x光已经很明显说是恶性肿瘤。
我还做了胸部和腹部ct, 发现腋下有multiple lymph rodes, considered right axillary lymphadenopathy. 这些淋巴结肿大是不是癌呢? 其它的还没有发现异常。
已经申请了做pet ct 但要10天才能知道结果。
我想问医生, 我是不是先化疗后手术呢? 因为有那么多的腋下淋巴结肿大。而且我的右乳有2个肿瘤, 虽然没有超过2cm,但一个淋巴结证实2cm. 而且这3个肿瘤长得飞快, 去年7月x光片还没有看到, 但9个月后就已经这么大了。
我是要等pet scan结果吗还是现在就可以做化疗?
谢谢。
还有, 前哨淋巴有没有受影响只有pet scan才能看到吗?而且我的这些淋巴结肿大是不是癌也只有pet scan才能看到吗
咁多個人化的問題係冇可能經網上做評估,要問返自己醫生。
谢谢医生, 我的医生就是不回答我的问题, 是他在我一年半以前,只有钙化的时候都没有解释给我听这是早期乳线癌的特征。我做了细针活检后就没有进一步的检查,只是每6个月做乳房X线和超声波检查。
请你告诉我, 我的淋巴结肿大,pet scan能看出来吗?我对照乳癌分期, 我应该是3期了。所以我想先做化疗,因为有淋巴转移,手术加上1个月的休息,要等2个月才能做化疗,那些已经藏在淋巴或器官里的癌细胞就冒出来了。先化疗,可以缩小现在2cm的癌和杀死那些瘾藏的癌细胞, 对不对?
我是不再相信我的这个医生了,我有权去看血液/肿瘤科医生要求先做化疗的。
谢谢
他还说分期要等手术后才知道。
我未見過你個人,冇做過任何臨床檢查,冇睇過任何一個報告,喺咁嘅情況下,單單根據你的覆述、你的推測,作出任何意見都係不負責任的表現,要明白「差之毫釐,繆之千里」,如果你的推測、你的前設一錯,所有建議唔單止對你,仲會對其他人有害(網上係公開的世界)。所以任憑你點追問,我係唔會喺咁嘅情況下作出個人化建議,希望你諒解。
至於你同你醫生的過往經驗,我唔在場,實在唔係一個合適的位置去說三道四。
我明白,医生, 你已经帮了很多了,从这个网上起码我知道了原来乳腺癌有这么多的不同类型,而且它破坏了人们对乳腺癌很好治疗,只要手术就万事大吉了的观念。其实乳腺癌比其它的癌症更可怕,因为它是跟荷尔蒙有关的, 有几种恶性程度很高的类型。现在我的心情平复了很多,生命是不有得自己做主。我从50岁开始一直听从医生的建议,每年做子宫膜片,乳房x光, 超声波, 大肠癌的检查,最终逃不过乳癌的命运, 不知道乳房钙化是早期乳腺癌的信号。真的很后悔,我单止自己痛苦,连带家人一起痛苦。
医生, 我的活检报告出来了, 2个肿瘤不同性质
3点钟:
ER: positive 90%
PR : positive 20%
Her2: Equivocal (2+)
10点钟
ER: negative (0%)
PR: negative (0%)
Her2: positive (3+)
我的医生要我马上手术,然后化疗。
我想我的这个病是非常少见的, 可以做科研用途了。接下来的化疗将会很矛盾的。 我想医生你可能都没有遇到这个情况
雖然唔常見,但亦唔罕見。化療冇咩矛盾,好簡單。術前就TTCH+/-P,術後打就TTCH。
是吗,医生, 谢谢你, 我以为我在等死了。 我其实是在美国, 我明天会去UCLA BREAST CENTER看专科医生。 得到second opinion. 我的手术医生要我明天上午就决定是不是在礼拜三做手术, 不然要等下个礼拜三了。但我不相信他了, 他在帮我做 biopsy 的时候我的整个乳房充血, 还有低烧。他说他不会拿掉前哨淋巴, 只拿10-12个腋下淋巴。 我希望UCLA的医生可以帮我做, 但是问题是我的保险转过去要下个月才生效, 但我等不了2个礼拜了
谢谢医生
我的保险可以cover any treatments. 包括最新最好的药, 最新的医疗仪器等。
美國有保險可以安心治療。
我希望你的网站继续存在, 可以帮很多人, 救很多人的。我奢望我在5年后还能在这里跟你谈话, 我真的不想这么年轻就死
医生你好厉害, 乳腺专家建议我先化疗4周再手术, 要做fish test, 还有淋巴活检。所以我取消了明天的手术。化疗的药跟你提到的一样。我是在最后一分钟取消手术, 保险还没有转, 自己花相当3500港纸去看医生的。
谢谢医生, 香港的乳腺癌病人真的有福,因为有你这样的网站帮助。
医生你好,
我的保险已经转咗,但要下个月1号才可以涕肿瘤科医生.Second opinion 医生话要先化疗。我想问做 fish test, lymph nodes biopsy, 是要在化疗前做吗?如果是之前做, 哽咪我要等好耐? 我的肿瘤her2 (+3), 系生嘚好快啊, 我仲要等成个月先至做到化疗, 会不会太迟啊?我系5月2号确诊是乳癌,已经是2期或3期, 依家仲要等总共1个半月才可以化疗。
我等医生答复。唔該嗮
你已經係HER2型,唔洗做FISH。Lymph node FNAC就最好化療前做。
谢谢医生, 我明白了。因为要问回那个医生没有那么快答复。她是要我做ultrasound-guided biopsy. 就是FNAC. 谢谢。她叫我做左边的乳房,因为乳房X光片显示是Dense. 虽然还没有任何东西在左边。她还说如果FISH test is negative, that means I’m triple negative, 就要做genetic test. 现在明白明星裘利还没有生癌,先把所有的都先切除了。我刚确定我的外公死于胃癌, 我爸的姐姐像我的年纪死于乳癌。我真的有遗传基因。
再次谢谢医生
左边的乳房要求做MRI
医生, 淋巴活检一定是fine needle吗?也有可能是core needle ? 我做淋巴活检的目的是看淋巴结肿大是不是癌。那pet ct应该可以查到吗?
淋巴絕大部分情況fine needle 已經足夠,因爲只係睇有定冇癌細胞。如果要睇ER/PR/HER2先要做core biopsy。
谢谢医生,你昨天做了core needle lymph node biopsy. 在做的时候医生说她只看到3粒,一粒大的2公分, 还有2粒很小, 不到0.5cm. 这样我是不是还算2期? 我的2个肿瘤没有超过2公分, 淋巴还不能确定是癌,如果确定是癌,也只有3粒淋巴转移,这样是不是T1N1?虽然一个乳房有2个肿瘤。
初步可以咁理解。
谢谢, 我应该6月1号开始化疗,要4个月左右。然后再手术。现在我的心情好起来了,如果还是2期, 起码希望大些。
谢谢医生,也谢谢UCLA的医生们,他们为我早点开始治疗做了很多工作。我总算摆脱了那2个中国人医生。他们保持中国人的”谈癌色变”, 一年多都 不敢开口对我说是癌症的前兆,以致使我掉以轻心, 没有意识到我其实是有癌细胞潜伏着。但是,根据美国法律,这是Medical malpractice.
UCLA医生要求查我左乳, 虽然现在还只是Dense, 没有钙化或肿块。但我意识到这也是有可能癌变的可能,我曾要求在做右乳时把左乳一起切除, 但这个中国人医生不同意,他不明白明星Angelina Jolie还没有诊断出癌症,但她的妈妈姑妈死于乳癌,她有50%的机会生癌,所以她把乳房卵巢都切除了。这对一个普通人, 不要说明星,都是不可思议的事。如果在一年前他告诉我癌变的机率,我也肯定会要求切除。健康第一!!!
Angelina Jolie的情況是BRCA基因突變,唔能夠直接簡單套用落一般乳癌病人身上(少過百分之五有BRCA突變)。
明白, 谢谢你。我昨天在做淋巴活检时医生说她只抽最大的一粒, 那2粒小的不抽, 这样可以吗? 或者是因为她是抽粗针, 抽不了小的关系? 还是只要大的有事,小的就肯定是?
谢谢
抽最大最可疑的便可以了,實際幾多粒受影響係留待手術後才可以評估。
那我还要担心4个月? Pet scan 可以看出来吗?
PET scan可以初步評估,但始終替代不了手術病理報告(此乃黃金標準)。
也有医生说化疗可以让癌细胞消失,那就是手术后後就看不到了?
係有機會令癌細胞消失,不過我地制定治療科案係會全面考慮化療前的狀況,同埋化療後手術結果,唔會單一側重某因素。
非常感谢医生的速度回复。你真是一个伟大的医生。我想起昨天联系做活检的事, 我的现在的医疗网是中国人医生, 预约要3-4周才轮到, 有一家可以快点做,但他们不接受这个中国人医疗网, 因为他们付给活检费只有$130, 而他们正常的收费是$550。没办法, 我不能再等了, 只有自己付$550(我应该可以向我的保险公司claim ). 我在打电话预约後2个小时就做了! 真是超速度。我的意思是, 我没有见过你, 也没有付你钱, 你都可以快速回复, 礼拜天也不例外。太感动了!
医生, 还有一个问题, 我是在5月2号发现我是2期her2, 到今天已经3个星期, 如果等到6月1号才开始化疗会不会太晚? 如果太晚, 我可以在5月24号自己付钱先开始做。 我真的不想一拖再拖。 时间对我来说就是生命。我的癌症生长的特快。
谢谢!
能夠負擔早D開始當然唔好等,錢帶唔走的。
明白, 谢谢。
医生, 化疗是不是医生order 一个疗程的药,而不可以先order 一针? 因为我想在我现在的医疗网先打一针, 下一针就要到UCLA打了。如果不可以分开order药的话, 我要付一个疗程的费用就太贵了。如果我在现在的医疗网医生order了一个疗程的药, 我下个月到UCLA保险公司就不会给付了。
香港係遂次計遂次比,美國都應該係咁。
谢谢, 明白了。我明天去找一个可以早点给我化疗的医生。不管是自费或保险可以cover的
医生, 又系我, 你之前提过, 我系术前打TTCH+/-P, 意思系P(perjeta)系选择性? 使不使加T-DM1?我这呢个肿瘤好恶。
有錢就一定打埋Perjeta,冇錢就冇辦法。
TDM1唔係咁用嘅,佢係擴散咗第四期乳癌而herceptin又衰咗先用嘅第二線藥物。
仲有啊, 医生, 我系唔系要做心脏测试? 仲有没有其它野要做噶?
谢谢
係,因為打herceptin。問返自己醫生。
那我今天做不了!心脏测试应该是超声波做的, 是吗
超聲波可以。
要去专门的诊所做吗?当天可以出结果吗?
找心臟科/放射科醫生做,幾時出報告間間唔同,自己去問。
它是叫echocardiogram吗?
係。
明白
医生,Pet CT 可以看到骨转移吗?还是要Bone Scan?
谢谢
PET-CT可以看到。
谢谢
刚刚做完Echo, 医生马上给报告, 说我的心脏功能没有问题。 但是, 不管我自费也好, 保险也好, 他们都无法提前给我化疗。都要等到月底或下个月初。只能听天由命了。
医生, PET CT 报告出来了, 没有远处转移, 感谢上帝。今天看了2个肿瘤科医生, 都说最快都要一星期至二个星期才可以做化疗。申请保险到拿到药通常要2个星期。有保险的不可以接受自费。自己付钱都不给治疗。真是可怕。说是一针TTCH +P要一万多, 不可以自费。
医生, 我终于可以在30号开始打第一针化疗了。因为到UCLA要2个星期才可以开始。我会打TTCHP. 打6针。而且我在UCLA找到了一位香港人医生, 他是85年在港大毕业然后在玛丽医院工作了一年, 然后到美国工作。在UCLA可以说汇集了全世界的精英。我比较相信香港人的专业, 所以选择了他。我之前的那2个医生,一个是大陆来的, 一个是越南来的。
医生,通常打了多少针TTCHP才知道它有没有效果?
通常打咗2-3針已經開始見到效果。
谢谢医生, 那要做什么检查才知道效果呢?
还有, 我的一个肿瘤是Her2, 另外一个是 ER PR negativ, Her2: Equivocal (2+), 如果FISH test 是 阴性的, 那它会不会是三阴呢? FISH TEST 已经出来了, 但我不敢去看。淋巴活检也出了, 我也是不敢看。 每次的检查对我都是最坏的结果。
通常靠照超聲波去監察。
有報告你唔去睇,苦苦要求一個無報告嘅人去比答案你,其實係濫用咗呢度。
对不起,我后天会看, 只是我真的好怕好怕。每次看报告, 全身发抖。这几天是long weekend.
医生, 好唔开心, 我说过我不敢看报告。FISH TEST 结果原来3:00是 HER2 equivocal. 现在还是一样, 但是10:00原来是HER2(3+), 现在变成HER2 equivocal.
10:00
HER2 FISH ANALYSIS
Number of tumor cells countad: 20+20 Number of obseryers: 3
Avg number of HER2 Signals/Nucleus: 4.5 Avg number of CEN-17 Signals/Nucleus: 3.2 Ratio of avorage HER2/CEN-17: 1,4
3:00
HER2 FISH ANALYSIS
Number of tumor cells countad: 20+20 Number of obseryers: 3
Avg number of HER2 Signals/Nucleus: 4.5 Avg number of CEN-17 Stignals/Nucleus: 3.2 Ratio of average HER2ICEN-17:
Result Comments
HER2 by FISH a is considered EourvocAL because the average HER2 copy number per cell is equal to or greater than 4 and less than 6; with a HER2iCEN-17 rato <2.0, accordingto AScoCAP guidelines for HER2 analysis in breast cancer (see table in methodology section).
Reflex HER2 IHC testing on the same specimen or repeat lHC or HER2 FISH testing on a different block or resection specimen is recommended.
According to the FDA approved DAKo HER2 lQFISH package insert. a HER2/CEN-17 ratio <2 is considered Negative/not amplified.
今天我打了TTCHP. 医生要马上做Reflex TEST. 如果显示是阴性, 那我就是三阴了。
淋巴活检结果是癌, HER2 (3+). 这个也要再做FISH TEST, REFLEX TEST.
原来以为有双标靶药可以用, 但现在又失败了。
上帝真的要我回去了
HER2 score 3根本不用做FISH Test,打TTCHP完全冇問題。
是吗? 那就太好了 。我还是有药可救。谢谢医生
我还是选择了一个犹太人医生。 就像医生你说过的, 如果一个专业医生对问题的答复是疑疑呃呃的, 就可以知道他的水准。
再次感谢医生你的专业帮助。我真的是在不幸之中知道你这个网站, 知道你的仁心仁术。
医生,麻烦你帮我做个Reflex test Research. 这个好像是美国最近这2,3年要求对Her2 Fish test equivocal 做进一步的Test.
还有,UCLA的医生说, 美国最近对第二期和第三期的乳癌分期也有updated. 把早期的第三期列入第二期, 她说我的还是第二期。我不知道她是不是在安慰我。
谢谢
有咩research要做?不嬲FISH equivocal都係做reflex test,問題係你IHC已經score3就根本不用做FISH,根本就唔洗理會它的結果。
乳癌分期現在仲係用緊2010年的AJCC 7th edition,就黎有8th edition update,官方建議2018年先開始用,主要係包括埋ER/PR/HER2/tumor grade/gene assay 去prognostic staging,實際係點要問返自己醫生,或者自己參詳http://onlinelibrary.wiley.com/store/10.3322/caac.21393/asset/caac21393.pdf?v=1&t=j3hfvgge&s=3dbe11cf447e72c9d5f8dc75a8ef22495481501a
明白, 谢谢医生
我今天是做化疗的第5天, 还好没有吐,就是胃口差点。但今天开始胃口好起来了, 感觉到饿了。这是好的现象吗?
另外, 医生, 我想要求所有的淋巴都切除, 如果有水肿问题就做淋巴移植术, 你看可以吗?
要等自己醫生評估。
我是在化疗开始前一天就开始吃止吐药, 然后医生在打时又加止吐药进去。然后第二天就打升白针才没有这么大的反应。然后他叫我10天后查肝肾功能。美国这边是什么都预先做, 不等出现症状才亡羊补牢
医生,如果乳腺癌通过胸腔淋巴转移,Pet SCAN能看出来吗?我的Pet SCAN说有个Bulla.
Chest
The CT scout images of the chest show a small nulla.
我很担心这个Small bulla.它是不是肺部有影响的前兆?
期待答复
谢谢
呢D唔係簡單一句是或否,要問返自己醫生。
医生,胸腔淋巴转移, 就是内乳淋巴转移吗?我查了下, 内乳淋巴结转移在CT或其它的影像检查是无法发现的。 用胸内镜做 内乳淋巴结清扫术可以帮助解决乳癌切除术后复发和远处转移。方法是在做乳房切除术, 腋窝淋巴切除术,同时做内乳淋巴结清扫术。文章说, 大量腋下淋巴转移的病人,特别是肿瘤位于内限和中央位置的, 有30-40%的病人有内乳淋巴结转移。有了微创外科后做内乳淋巴结清扫术就安全很多。
我还想问, 做乳房手术时, 医生会染色去寻找腋下淋巴有多少个感染,那他们同时也会寻找内乳淋巴结吗?
谢谢
胸腔淋巴(mediastinal lymph node)包括了內乳淋巴(internal mammary lymph node)。無證據話切除內乳淋巴結能幫助存活率,所以就算手術前明知內乳淋巴結有擴散,都係靠電療去處理,並唔會切(其他讀者請注意,以上留言帶有大量錯誤訊息,要小心過濾)。
明白,医生,谢谢。
我化疗后的第二周就恢复像化疗前一样,没有反应,胃口很好。
医生,还有一个问题。ER PR POSITIVE的要给荷尔蒙治疗,那为什么是要在化疗手术后做呢?为什么不在化疗时就吃药呢?
谢谢
荷爾蒙治療會令癌細胞活躍度減低,亦即減弱化療治療效果,所以永遠唔會同化療一齊用。
明白, 多谢医生回复。我以为这个网站受不明攻击, 所以没有上网check你的回复有一段时间。我一直担心自己的化疗反应, 所以要求在化疗4周即是第二次化疗一周后做了超声波检查。医生说有反应, 肿瘤小了, 特别是淋巴那颗大的, 都小了。所以现在我安心继续做化疗。4次化疗后见外科医生商量手术的事。
但化疗对我来说最大的副作用是腹泻。第一次只腹泻3天但第二次腹泻了10天。血糖低到只有20-30。可能跟我只吃蔬菜和水果有关(胃口不好, 不想吃其它东西)。
自从确诊生癌后我一直不敢吃肉, 只吃鱼,蔬菜和喝植物蛋白粉Plant based protein powder(不含黄豆的)。尽量维持每天摄取60克蛋白。请问我这样的饮食方法可以吗?
我准备下次化疗时在腹泻前先食Imodium, 因为开始腹泻的那一刻会肚痛很厉害, 搞得我差点晕过去。以及只喝粥, 等腹泻停止了再正常饮食。不然腹泻会要了我的命。
谢谢医生。
對於飲食冇太多意見,只想指出血糖如果你係指香港常用的單位mmol/L,20-30唔係低,係高到會昏迷。
医生,我想问的是, 我的几个Her2型的肿瘤不见了,淋巴没有肿瘤了,那我的期数是不是可以减少了?另外做手术时是不是还是需要全淋巴切除?这些消失了的肿瘤还会再生回来吗. 谢谢。
化療前臨床期數不變,化療後的臨床期數有改善。
呢個情況洗唔洗全淋巴切除問題複雜,要自己醫生評估再商討。
有可能再生。
那我要求全淋巴切除。 如果它们再生回来是太可怕了。我不想再受多次化疗的苦。另外,TTCHP打6次后, H还要打足一年, 那P可不可以一起打足一年?
P暫時未批准咁用,屬研究性質。
唉,原来以为化疗令肿瘤消失佐, 期数可以减少点, 命长点。原来是一场欢喜一场空。最惊呢的肿瘤生返。乳癌一旦扩散到淋巴,想要医好它就没可能了,是不是,医生?
觀念不正確,乳癌擴散至淋巴不等如不能醫好。
是不是要看它扩散到多少粒淋巴? 3 粒以上就不好了,是不是?
數量係其中一個(不是唯一)影響癒後的因素,唔建議你繼續糊亂猜測落去。
在网上有看到新辅助疗法能在11天内令肿瘤消失, 我的医生也说化疗会令我的这些肿瘤消失。我原来以为我的肿瘤们太恶, 不可能会发生在我身上。我现在相信了, 28天的化疗我的2个大肿瘤和几个淋巴小肿瘤都消失了。但复发的阴影始终挥之不去。好像很无助,只能等个天来判断什么时候复发。
Ki-67和基因测试能预测愈后吗?
大大話話你問咗超過50次私人/假設性問題,經常散佈一D錯誤的訊息,已經大大超越咗界限,嚴重偏離呢度嘅原意,我諗係時候劃上句號,恕我唔再作回應,請諒。
医生, 我的遗传基因测试结果是BRCA2基因突变. 医生说要2侧乳房, 卵巢, 输卵管全都切除. 我当初的预感是正确的. 我总觉得我的另外一个乳房也会有事
您好。想問問關於重點二
「如果腫瘤蝕咗出皮膚(損咗/皮膚流血/流膿)或者蝕咗落深層肌肉,就唔理幾大,都叫T4。」
不好意思,我知道個問題有點傻,明明抽針是不會令粒癌「漏出去」,但在字面上似乎同重點二有衝突,希望能理解多一點,上了年紀的家人剛做完抽針,篤左四下粗針,要等下星期出報告,很難不擔心…
謝謝您
冇衝突,抽針係唔會令情況變差。
您好!我奶奶67歲,剛確診三陰乳癌,左乳有一粒1.9cm腫瘤,淋巴有一粒2.2cm,聯合醫生叫我們自己決定做手術先定係化療先,我們真係不知如何決擇!想知兩者先黎之分別及風險,有請指教!
乳癌化療時間 - 手術前做?手術後做?
我剛做完部分切除手術。我想問下係未有過黃金期,要係手術後幾多日/ 星期, 就要開始電療或化療等療程?
化療最好三個月內開始,電療就六個月內開始。
謝謝。
醫生,我想問下,我已經做咗部份切除手術等緊個詳細化驗報告,然後轉介腫瘤科決定療程。 由於我早前做 operation 個醫生唔係乳腺科嘅外科,我屋企人不斷叫我好唔好睇多個乳腺科外科醫生。但係到我呢個stage,其實係咪已經冇幫助,主要係睇腫瘤科醫生呢?
有幫助,因為之後仲要定期檢查保養,腫瘤科化療電療後就完成任務,最終都係要乳腺科跟。
明白,謝謝
你好! 我46歲, 7月20日確診(9月初將在公立做手術。) ,抽針確認有一粒淋巴有癌細胞,係二期。 pet scan 冇擴散其他地方, 但發現個肺花左, 話可能係肺炎。 留了組織樣本, 結果冇肺炎或肺癆菌 (我約1996年曾患肺癆, 服半年藥,已康復)。 但 醫生要求我手術後3至6個月內再做pet scan 睇個肺部。
我問過醫生我係咩類型的乳癌, 她說是最多人中果種。
1. 肺部花左, 痰分泌樣本正常。 為什麼手術後3-6個月內再petscan? 是擔心擴散嗎?
2. 趁距離手術仲有10多天, 我係咪即刻去胸肺專科睇睇? 有幫助嗎?
3. 手術後, 我有沒有需要找私家腫瘤科醫生比意見? (我也會在公立做化療電療) 這做法是否多餘?
4. 我現也在看腫瘤科中醫(中西合璧), 想問化療期間是否適合睇中醫, 以減低副作用? 我睇左一些出資訊是好茅循, 一方說可以,另一方說不可以, (中醫師是來自香港的中醫大學)。 我是否按西方醫學為先, 我應該考慮那一方面?可否給些意見?
謝謝
1)覆照PET Scan 係因為怕肺花不是發炎咁簡單,怕如果真係擴散,都起碼早D發覺。
2)實際要睇片先知。聽落如果醫生肯做手術,應該肺花都唔係太嚴重,照推論而家搵胸肺科作用應該不大。
3)信公立腫瘤科就唔洗搵,唔信就搵多個幫下眼睇下有冇新觀點。
4)化療期間就停一停中醫,怕影響化療療程,完成曬先慢慢調理。
完全明白, 謝謝你回覆!^^
醫生你好!媽媽剛剛確疹乳癌,十月底已經做了切除乳房和腋下淋巴手術。醫生報告是
Invasive ductal carcinoma, Grade 3, tumor size 14mm , TNM pathologic staging pT1c pN2a, ER negative, PgR negative, HER-2 positive (IHC 3+) and Ki67 40%
私家醫生建議化療,標靶藥物和電療。剛剛收到政府醫院通知,要十二月底才可見腫瘤科醫生。想請問
1)以媽媽的情況,係咪一定要做晒化療,標靶藥物和電療呢?她已經70,怕身體承受不了
2) 要十二月底才可以見政府醫生,會否太遲,拖延了治療的黃金時間呢?
謝謝你的專業意見!
1)腫瘤情況就要做化療、標靶、電療,70歲承唔承受到就要醫生評估至知。
2)等待始終係唔理想,不過三個月內開始到下一步都尚可接受。
感恩看到 breasthk 網站, 感激 breasthk 無形但對病友強大的支持!
請問已抽針確診 invasive ductal carcinoma & no lymphovascular invasion identified, mammogram 報告指淋巴未受影響. 醫生指淋巴未受影響, 就不需要 PET or CT scan. 淋巴一定是轉移的第一站? 真的不用 full body scan? Thanks
淋巴不一定是轉移的第一站,但可以作為估算轉移機會的替代指標。如果臨床評估冇淋巴擴散,可以唔洗照full body scan。
請問如果已做手術切除腫瘤和八粒前哨淋巴, 八粒全部都未有感染, 但 pathology report accessory findings shows “Lymphnovascular invasion: Present”. 應該點理解這一點呢? Thanks.
Lymphovascular invasion 不是重點,不影響整體治療大方向,普通人不用深究。
Thanks for your prompt reply. So much appreciated! My family doctor went thru the surgical pathology report and explained to me there some contradiction, so to clarify.
Will see the oncologists and possibly need to have chemo and radiation therapies.
Good weekend!
醫生,我係2期A,TNM pT2N0Mx, ER+ PR- HER2- MIB 50%, ct scan is clear, 無擴散到淋巴。
睇左兩個 oncologists, 一個話先做 bone scan, 然後六次化療。別一個話bone scan可以遲D先做,比四次化療但加重藥份。揀邊個好?
TTC x 4已經夠。
醫生,太太的情况如下:
44歲,T2N0Munkown, 22mm, ER+, PR low+, Her -, Grade 2, 有約6cm範圍的鈣化點也已一併切除, oncotype dx 37
拜讀過你的文章, 本來我們以為 4TTC 會足夠, 主診醫生建議 dose dense 4AC + 4T, 請指教考慮的要點.
TTCx4已經夠,做得OncotypeDx即係臨床灰色地帶,本來病情都唔係好惡,唔需要用第三代化療。
唔該晒醫生!
醫生你好,我家人係三陰性乳癌,第二期尾,grade 3
呢幾日去醫院覆診,醫生話CEA去到5.幾,比正常高岀0.幾,想問下高岀0.幾係咪唔係咁好?呢個指數又會不會有機會低返?謝謝醫生!
高少少未必有事,當然正常就最好。如果係假陽性,有機會會六至八個禮拜後低返。
謝謝醫生回答!我睇返個情況係咁:
11月尾去睇已經話高左0.幾,但一月睇又話正常返,今個月睇又話高左,其實我地應唔應該再做一次pet scan? (因為11月頭做左一次,怕做太多對身體不好)
謝謝醫生!
11月已經做過,咁短時間唔需要再做。其實一月已經正常返,二月就唔應該再抽血。
請問病人65歲1月發現胸部有硬塊,2月照ultrasound顯示2.2cm mass,lymph node波有發現,3月初抽粗針後確診三陰性乳癌
安排做MRI breast, 之後4月中做手術
請問病人值得手術前自己去照PET嗎?
問過外科醫生話暫時唔需要
但如果照是照pet whole body + brain , 要加contrast嗎?
另外,想問照完要等報告,到4月中做手術會隔太久嗎?
需要另覓私家再早些做手術嗎?
謝謝
可以考慮照PET,純粹個人選擇。如果真係照PET scan,唔需要contrast。本身一月已經發現問題,等到四月先手術就實在太耐,仲要三陰性乳癌。負擔得到嘅話,去私家早D做好D。
想問埋Kiindex80% 是代表什麼?
謝謝
https://www.breasthk.com/neoadjuvant-vs-adjuvant/
馬醫生你好,
想請問一下腫瘤size 1.84cm,前哨淋巴2粒受感染,ki67 80%,醫生說期數是第二期,咁樣是2A還是2B期呢?
2A
馬醫生你好,我屋企人過左一年後再檢查做Pet Scan,佢有個SUVMax 對比表,上次submandibular LN 係size係0.8cm suvmax 係inactive,今次都0.8cm,係SUVMax就不是inactive 而是4.幾,即係點?我好驚
睇醫生。
係咪有機會係擴散?
係,不過機會幾大要臨床評估先知。
馬醫生,謝謝你回覆!
但係咪可以抽針之類再肯定?
但佢依家高又代表咩?
我上網見uptake好似唔係好事
唔太明白,謝謝
可以抽幼針去搞清楚,最大機會係發炎,少機會係擴散。
聽到馬醫生你話發炎我個心定一定了!其實submandibular LN係咩?是否可以切左佢?
想問多少少,
FDG activity 點解會mild increase?
有increase 係咪一定係啲唔好野?
點先可以令佢無?
非常感謝你非常快嘅回答,我地拎左報告要等到下星期先有得見政府醫生,如果無你我地應該會等到好不安
1)下巴對落的淋巴核。
2)乜嘢都可以切,但問題係點解要切。
3)mild increase 可以有好多原因,最常見都係擴散同發炎。
4)唔一定。
5)對症下藥。
非常感激馬醫生!
醫生你好,我8月尾陪屋企人照pet scan
過三星期睇份報告,醫生話報告顯示無復發
但就係拎報告果個星期後幾日,佢話隻手有啲好似拉親嘅痛,之後到現在都仲有小小痛(但唔郁係無痛嘅),想問下會不會有機會3星期前未照到?定係扭親?(因為佢要體力勞動) 我地要不要再安排照過?因為屋企不是有錢,所以想問下應該點做,謝謝
可以,不過機會好微,似扭親多。現階段唔洗照過,休息下觀察住先。
Hello Dr. Ma,
I am 42 and diagnosed with Breast cancer. I had a mastectomy on my right breast on 3/16 with the following prognosis: Pathologic stage (AJCC, 8th ed.): pT2 pN1(sn) cM0 (I can provide more details if needed but looking for an opinion on treatment options).
I was presented with a 3rd generation DD ACx4 -T x12 treatment plan. Being concerned about side effects, I asked for an alternative and was presented with an option of DCx4. I am REALLY worried about AC+T’s long term side affects (ex. Heart failure at ~2%). Realistically is the ~2% potential cancer recurrence increase really worth the risk of potential increase of other risks?
In other words, will you consider/recommend DC over AC-T?
I have replied you in other post. In short, you should go for dose dense 3rd generation regime. If you are concerned about the heart failure side effect, both options are the same. As the cardiotoxicity comes with Adriamycin, both regime use the same drug and same dose, just two weekly and three weekly difference. Don’t be fooled by the “name” DC x 4. The D stand for doxorubicin (which is sold under the brand name Adriamycin), ie same drug but different names.
I have replied you in other post. In short, you should go for dose dense 3rd generation regime. If you are concerned about the heart failure side effect, both options are the same. As the cardiotoxicity comes with Adriamycin, both regime use the same drug and same dose, just two weekly and three weekly difference. Don’t be fooled by the “name” DC x 4. The D stands for doxorubicin (which is sold under the brand name Adriamycin), ie same drug but different names.
多謝馬醫生!聽到你咁講都放心了,我決定要做dd AC-T,大約4/25開始. Wish me luck! 🤞Thanks!
馬醫生, 謝謝你的資訊, 真係幫到好多。我想問, 我被確診為乳癌二期, 腫瘤2 cm , 但有一粒淋巴感染,賀爾蒙受體陽性, 會儘快做手術, 但我醫生說如我做基因測試, 可能不用做化療, 想問淋巴有事是否可以免受化療? 謝謝回覆
要淋巴感染得1-3粒,腫瘤屬性係荷爾蒙受體陽性,HER2陰性,收咗經,OncotypeDx Recurrence score 0-25分,先可以避免化療。
馬醫生,
我今年38,左邊確診二期,一粒入侵性13mm既同影響一粒淋巴,另有一位原粒,右邊都有一粒原粒,兩邊已全切,而家腫瘤科suggest 做化療加電療加食荷爾蒙藥5年,但化療而家都考慮做唔做,因我既case係邊緣位,諗緊值唔值去做,因利益好似唔算好多(醫生話做AC x4 (三星期一次)+toxal X12(一星期一次), 或者如果淨做AC x4又得唔得),我入唔到計算機位,可唔可以幫我分術下
以下病理報告資料(biospy 報告時話係her2 -)
Ki-67 (visual estimate): Overall:15%
HER2 IHC reporting based on ASCO-CAP HER2 test guideline recommendations. As per 2018 RCPA HER2 testing guidelines only tumours showing 2+/3+ staining on IHC will proceed for DISH testing.
STAGE:
PATHOLOGICAL STAGE (AJCC 8th):
PT:1c
PN:1a
M:x
Anatomic Stage Group:IIA
Pathologic Prognostic Stage Group:IA
STROMAL TILS WITHIN TUMOUR BOUNDARY: Minimal or no immune cells (0-10% stromal TILS) (Assessed according to methodology in ref: Salgado et al, An
Surg One 2015)
DIAGNOSIS:
1. RIGHT BREAST STITCH 12 O’CLOCK -48 MM AREA OF MASS FORMING INTERMEDIATE TO HIGH-GRADE DUCTAL
CARCINOMA IN SITU (SEE TEXT FOR MARGINS)
2. LEFT BREAST 12 O’CLOCK STITCH
13 MM GRADE 2 NST CARCINOMA ARISING WITHIN 25 MM OF INTERMEDIATE TO HIGH-GRADE DUCTAL CARCINOMA IN SITU (SEE TEXT FOR MARGINS)
3. SENTINEL NODE 1 RIGHT AXILLA
ONE LYMPH NODE WITH NO EVIDENCE OF MALIGNANCY (0/1)
4. RIGHT AXILLA SENTINEL NODE 2 – ONE LYMPH NODE WITH NO EVIDENCE OF MALIGNANCY (0/1)
5. AXILLARY CONTENTS
– ONE OF TWENTY-SIX LYMPH NODES WITH METASTATIC CARCINOMA [1/26)
BIOMARKERS:
Centrogen Receptor:
E nuclear positivity: ER nuclear intensity:
Positive
1001 3+
Progesterone Receptor: PR nuclear positivity: PR nuclear intensity:
Fositive
40-50%
1/2+
HER2 overexpression: Her2 (Ventana 485):
Membrane score: staining)
Equivocal
2+
如果肯打針,就6針夠(PACS01)。
如果抗拒化療,就做OncotypeDx驗清楚化療有冇用,睇吓避唔避到。
不過你個報告怪怪地,兩粒前哨淋巴冇事但又做咗全淋巴切除。
請問是否一旦有淋巴擴散,就算只是一粒前哨淋巴結已經代表日後復發機會比較高?所以即使做了化療、電療和荷爾蒙治療,5年存活率都會低於一期?
係。
明白,非常感謝馬醫生! 咁腫瘤3cm左右復發嘅機會算唔算高?
你同咩人比較?
Tumour size: Greatest dimension of invasive carcinoma on microscopy is 28mm
Overall grade 2
Histologic type: Invasive carcinoma of no special type (ductal)
Estimate size of DCIS is at least 16mm
Number of lymph nodes with macrometastasis: 1
Size of largest metastatic deposit: 8mm
Extranodal extension: Present
Extent of extranodal extension: 2.3mm
請問以你嘅經驗,以上的情况復發機會有幾大?
Age/ER/PR/HER2/Ki67?
醫生你好, 我媽咪上個月在加拿大確診乳癌, 並進行了乳房切除手術及手術中抽取淋巴組織化驗, 但之後報告顯示癌細胞已擴散到淋巴結位置, 所以現在想諮詢一下香港醫生意見, 因為她暫時不在香港, 想問問可否只用報告來和醫生做consultation? 或者跟據她的現在情況, 會有建議什麼的下一步? 謝謝!
TUMOUR
Histologic Type: Invasice carcinoma of no special type
ER: Positive (Intensity: Strong, 67-100%), Allred Score: 8/8
PR: Positive (Intensity: Intermediate, 34-66%), Allred Score: 6/8
HER2:
Fluorescence In Situ Hybridization studies performed on block A1 reveal a HER-2/CEP-17 signal ratio of 1.1 (1.9 HER-2 signals per nucleus, 1.8 CEP-17 signals per nucleus, 60 cell count)
Tumour size: 22 mm
DCIS estimated size: 20 mm
There is scatter areas of DCIS within and around the periphery of the tumour but it is non-extensive (less than 10% of overall tumour)
MARGINS
Negative for invasive carcinoma
Distance from cloest margin: 6 mm
Negative for DCIS
LYMPH NODES, REGIONAL
Sentinel lymph node #1 (right axilla), excision:
– Two of three lymph nodes, positive for macrometastatic carcinoma (2/3)
– Sentinel lymph node protocol performed
Size of largest metastatic deposit: 13.5 mm
Extent: 3mm
pT Category: pT2
pN Category: pN1a
局部切定全切?歲數?Ki67? 身體健康狀況如何?
馬醫生你好,想問下如果手術前已做左pet scan, 無擴散,個pet scan大約喺手術前一個月做,最後手術後發現第一組淋巴有一粒感染到癌細胞,因為係復發(第一次病發已切除前哨淋巴)呢個情況癌細胞擴散去其他地方機會大唔大?需唔需要再做多一次pet scan?
機會唔大。
唔需要住,等遲D有需要先一次過照。
馬醫生你好。
我媽媽80歲。左邊乳房有數粒腫瘤。最大是18mm.做左全切,前哨淋巴冇事。報告是invasive breast carcinoma of no special type (ductal).grade 2.,tumor size 18mm。
-lymphovascular invasion present;
-margins uninvolved,
-no axillary lymph node metastasis (0/5 SLN and 0/4 non-SLN),
Biomarker status: ER postive (8/8).PR positive (8/8).HER2 negative (IHC score 0),Ki67 20%.
TNM pathologic staging:pT1c pN0
醫生話呢個癌都惡。問佢化唔化療。
但第一期尾又冇擴散。而且都80歲。癌細胞生長唔係會比較鈍啲嗎?
馬醫生。報告全是英文。政府醫生只說都屬於惡。問媽媽化唔化。唔化就食荷爾蒙藥。
衷心感謝馬醫生
80歲唔化療咯,淨係食抗荷爾蒙藥已經足夠。