乳房鈣化點 － 係咪好危險？
「我啱啱照左乳房X光造影（Mammogram），醫生話我左邊胸有鈣化點。其實乳腺鈣化點係乜黎？自己會唔會消失？會唔會變乳癌？點先確定係良性？係咪一定要抽針／做手術？」究竟乳房鈣化點，係咪好危險⋯⋯
乳腺鈣化點成因
「其實乳腺鈣化點係乜黎？」
乳房鈣化是指鈣離子化合物沉積在乳房組織中，這些鈣離子化合物多是磷酸鈣或氫氧鈣磷灰石成分。乳房鈣化主要因為乳房組織內的鈣化物以鈣鹽形式存在⋯⋯
「你講緊乜野？」
以上解釋節錄自網上資料，我睇完同你一樣，R爆頭都唔知佢噏乜野。
乳腺／乳房鈣化點，簡言而之，就係乳房組織新陳代謝之後，喺乳房X光造影（Mammogram）下留低嘅一D痕跡（白點）。因為呢D白點非常細小（細過芝麻），手係摸唔到嘅，只可以靠照X光照出黎。
「關唔關我食得多鈣質事？」
同日常生活所攝取嘅鈣質根本冇關係，並唔會因為你食得多高鈣食品就多D乳腺鈣化點。
會唔會變乳癌？
「咁呢D鈣化點有冇毒？會唔會變乳癌？」
乳房鈣化點本身只不過係痕跡，本身並冇毒，亦都唔會變成乳癌，所以如果確定良性係可以唔洗理佢。不過另一方面，佢可以因乳癌而起。
「咩又唔會變乳癌，但又可以因乳癌而起？？Breast HK，你講乜呀？」
打個比喻，呢D痕跡就好似消防警鐘響起，本身響警鐘並冇問題，亦都唔會變火警，所以如果確定誤鳴係可以唔洗理佢。不過另一方面，警鐘響可以因火警而起。
「咁係咪一響警鐘／有乳房鈣化點就出事？」
唔係。
其實響警鐘有樣睇，有D一睇就知冇事（晨早通知咗你嘅定期火警演習），有D就灰色地帶要跟進（可能有人喺辦公室食煙），有D一睇就知出事（已經見到火同濃煙）。
其實乳房鈣化點有樣睇，有D一睇就知冇事（良性），有D就灰色地帶要跟進（抽針），有D一睇就知出事（惡性）。
乳癌鈣化點
「咁我點先知我D乳房鈣化點有冇事？」
最簡單問醫生，佢安排得你照乳房，有責任解釋返個報告比你聽。
「我問到醫生就唔洗上網搵資料啦～」
上網呢，你見D網頁話原來鈣化點又分粗／大鈣化點（macrocalcification），又幼／微細鈣化點（microcalcification）咁。睇完都一頭霧水啦。
仲未計D咩圓點狀、分支狀、爆米花狀、茶杯形、一點點、一條條狀、不規則外型、分岔形狀、線形。分佈情況又可以分為聚埋一堆／分佈密集，或者散開。
加加埋埋萬千變化，唔好話病人，大部份醫生都唔識分，所以唔洗嘥時間上網學點睇，係唔會學得識嘅，只會越睇越亂。
「大部份醫生都唔識分？？」
係。呢D野好講經驗，經驗最多嘅當然首選專睇乳房X光嘅放射科醫生，即係寫X光報告嗰位醫生。
所以作為病人嘅你，睇吓佢有咩結論／建議得喇。通常有經驗嘅放射科醫生，寫報告都會跟美國放射學學會（American College of Radiology）嘅BI-RADS 系統。
BIRADS 系統
「咁咩係BI-RADS系統？」
佢係一個等醫生之間可以有更好溝通嘅系統（放射科醫生用黎話比乳腺科醫生知有幾可疑生乳癌），詳見下圖：
佢分咗7個級別，你只要跟住個級別對吓，就知你D鈣化點可唔可疑／生乳癌機會率，同埋之後應該點做。
1）BI-RADS 1/2，即係正常，咩都唔洗搞。
2）BI-RADS 3，應該良性，選擇性抽組織。
3）BI-RADS 4，可疑，要抽組織。
4）BI-RADS 5，非常可疑，快D去抽組織。
鈣化點會唔會自己消失？
「咁D鈣化點會唔會自己消失？」
呢D「白點痕跡」就好似小朋友整污糟咗件衫咁，係唔會自己消失嘅，只有三個可能性：
1）平穩冇變化（仲係咁污糟）
2）多咗鈣化（越整越污糟添）
3）做微創／手術拎走咗（阿媽整返乾淨）
「咁唔會自己消失，係咪代表一定要抽針／做手術？」
好明顯唔係「一定要」抽針／做手術，因為乳房鈣化點本身並唔係癌，佢只不過係痕跡，所以抽唔抽針／做唔做手術，就要視乎以上BIRADS咩類別。
乳房鈣化點抽針／微創
「咁如果我係BIRADS4要抽針，過程係點做？」
鈣化點識得抽一定抽粗針，冇人抽幼針嘅。（伸延閱讀：乳房檢查 三步曲3 － 乳房抽組織檢查）
過程同平時超聲波抽粗針差不多，不過今次唔係訓係度抽，係坐係度／扒係度抽。
圖片來源：Haderer & Muller Biomedical Art, LLC
「點解要坐係度／扒係度抽？」
因為要X光機夾住個胸照住黎抽，所以要坐係度／扒係度就返部X光機。你可以相像，如果扒加埋夾，其實真係好唔舒服。
「咁有冇麻醉？」
公立醫院局部麻醉，個人醒嘅，所以要忍一忍耐。
私家醫院通常有麻醉科醫生監察住，比咗鎮靜劑，舒服D，不過要比額外嘅麻醉費。
「咁抽粗針同微創有咩分別？」
抽粗針（Stereotactic guided core biopsy）係坐係度抽幾下，務求有代表性就算。
微創（Stereotactic vacuum-assisted breast biopsy）呢就扒係度抽十幾至幾十下，務求刨清D鈣化點（如果D鈣化點範圍唔大嘅話）。好處係樣本一定有代表性，另外如果返黎報告話良性而你又刨清嘅話，咁第時就唔洗成日觀察住D鈣化點。但如果返黎係惡性，你都係要做第二次手術（攞一個清嘅紙口位，加減淋巴手術）。
乳房鈣化點手術
「咁幾時要做手術？」
以下3個情況會建議做手術：
1）乳房太薄／鈣化點太深層或太淺層，搞到做唔到抽粗針／微創。
2）抽粗針／微創後，報告返黎話惡性。
3）抽粗針／微創後，報告返黎話良性，但乳房X光實在太樣衰，醫生唔信冇野（覺得抽唔中姐）。
「手術點做？」
手術其實同平時其他乳房手術差不多，只不過有兩樣野要留意：
1）因為鈣化點好細手係摸唔到，而超聲波白底睇白點（又係睇唔清），所以手術前要確定鈣化點位置，一般做法係手術當日，去X光部放條幼嘅鐵線／鈎針去乳房，指住鈣化點嘅位置，乳腺科醫生就跟住鐵線嘅指引去割（呢D叫Hookwire guided excision），或者有人叫鈎針手術。
2）呢個手術只係確診性質，所以如果確定生乳癌，係要做第二次手術（根治性質）。［私家可能送急凍切片（乳癌手術 6 － 專做乳房手術醫生的增值服務）／加減手術（乳房檢查 三步曲3 － 乳房抽組織檢查）去減低翻手機會。］
結論
乳腺鈣化點係乳房X光中見到嘅小白點（痕跡），本身並冇毒，唔會自己消失，亦都唔會變乳癌，所以如果確定良性係可以唔洗理佢。不過另一方面，佢可以因乳癌而起。唔好／唔洗學睇自己張乳房X光片，你要做嘅野就係返去睇下自己個報告結論係BIRADS幾，對返上面個表就知下一步點做。如果需要抽組織，理論上就有三個方案揀：抽粗針／做微創／做手術。技術上做唔做到／做邊個好，就要問返自己乳腺科醫生。
下回預吿
如果你有乳房鈣化點，抽組織返黎咁唔好彩中咗招，好多時都係乳腺管原位癌（Ductal Carcinoma In Situ － DCIS）。正當你興幸自己當年有買危疾保險，想claim保險之際，點知保險經紀覆返你原來乳房原位癌唔係癌，冇得賠。吓，有冇搞錯？！原位癌唔係癌，唔通佢係淨「原位」呀？⋯⋯
下一回：乳房原位癌 － 究竟係唔係乳癌？
有唔明？係下面寫低佢，我會盡量解釋你聽⋯⋯
相關醫學專欄：
乳房百寶箱五：乳房鈣化點，有沒有危險？
香港乳癌及乳病治療中心 
Breast HK，好開心你又和我們見面！今曰的資訊是及時雨，剛好身邊有位朋友有此情况，我會和她分享你的資訊。多謝你。
唔該晒幫手分享，Kay Lai。
近期感覺左邊乳房有點隱隱作痛, 後經家計會轉介化驗所做乳房X光造影和乳房超聲波, 照出左乳房十點方向有鈣化點和陰影, 放射科醫生有懷疑提議做幼針抽組織化驗, 報告結果是: no overt malignant cells are seen here 但詢問那個陰影是什麼東西醫生說有可能是乳腺發炎所做成, 或過了更年期那個陰影有機會自動消失,答案都不能肯定給我, 祇提議我每半年做一次超聲波一年做一次乳房X光造影作跟進, 但我仍然感到憂慮, 請問什麼情況下乳房會有黑影呢? 我還可以作那種檢查會比較徹底清楚呢? 謝謝!
好多情況都可以有黑影，不過不外乎三個可能性：良性、中性、惡性。只要排除咗中性／惡性原因，就冇問題喇。
你問「我還可以作那種檢查會比較徹底清楚呢?」，呢個要視乎放射科醫生個報告寫BIRADS幾。
如果係BIRADS3，又抽咗幼針冇野，可暫告一段落，定期照住就ok。
如果係BIRADS4，但幼針話冇野（其實兩個結果唔係好一致：一個可疑一個冇野），呢個時候你可以考慮抽粗針／甚至手術切咗去，咁先比到個確切答案比你。
其實BI-RADS係4B，請問算唔算好危險，唔該
叫做中等可疑，一定建議抽針／抽組織，就算報告返黎冇野，為免遺漏，都會建議做手術去百分百排除乳癌。
上個月做了body check, 其中做了一個 mammogram, 結果發現右乳上方有5粒鈣化點。驗身報告只系寫”probably benign, follow up mammogram recommended for monitoring”. 即時睇左乳腺專科醫生, 佢話係BI-RADS 3. 因為我係marginal case (5粒鈣化點, 多過5粒是BI-RADS 4. ), 乳腺專科醫生提議: either 1) to follow-up mammogram at 6 months; or 2) to do a麦默通(Mammotome) 抽組織化驗確認是否良性or 惡性。
護士報價Mammotome 抽組織手術大約35-40K, 未必一定可以全部5粒鈣化點搳晒。 雖然我有公司insurance及自己insurance, 但如果搳唔晒, 仍有risk係度, 現在唔知做唔做好。請問可以俾少少意見嗎?
BIRADS3就BIRADS3，BIRADS4就BIRADS4，冇marginal case嘅（樣貌／分佈比粒數重要，唔會話5粒就BIRADS3，6粒就BIRADS4）。
兩個選擇都係好正路做法，Mammotome係有可能割唔曬（視乎鈣化點位置／分佈），不過佢最主要目的係攞「足夠多兼有代表性」嘅部分就已經OK，唔一定要攞得曬（當然攞嘅比例越多，代表性越高），因為如果出黎惡性，你點都要做手術。另一方面，如果出黎良性，剩低嘅鈣化點跟進住就得，唔會因為今日攞唔曬而令你將來患乳癌嘅風險增加。
Hi Breast HK , 我今日去左見專科醫生 , 做左個乳房X光造影和乳房超聲波 , 先做左個X光 , 做完之後護士比左啲片比醫生睇如冇問題就可以照超聲波 , 點知醫生睇完之後話我有啲鈣化點要重點照多一次 , 到照超聲波果陣另一位醫生就同我講以你年齡唔應該有咁多鈣化點 ,(34歲) 不過就咁睇就似良性多 , 照超聲波果陣就話我係乳腺增生 , 冇話見到有其他可疑地方 , 但報告又要十幾日後先有 , 我真係好擔心如果真係好多鈣化點但乳房又照唔到有腫癗 , 咁有乳癌既機會大嗎?
如果醫生有懷疑，或者你好擔心，下一步可以考慮抽一D組織去驗吓，等你多D資訊去做下一步決定。
今日啱啱知道自己左邊乳房在半年內多了一堆鈣化點, 報告係BIRADS Cat 4A, 醫生建議做xray抽針化驗, 但因為在廣華醫院照,排期話都要成個月, 但好擔心, 想搵私家醫生立刻做, 不過申請底片都話要幾日時間, 一般私家醫生都是在超聲波下抽針, 但聽廣華醫生講我係要在xray下抽針果種, 咁我而家要吾要等埋啲x ray (照mammogram果啲) 啲片, 還是直情去私家醫院門診睇左先? 佢地要吾要睇埋我在廣華照嘅片先作準呢?
就算去私家抽，都要睇咗片先可以作決定。如果真係幾日可以攞到底片，可以等埋先，唔差在嗰幾日。如果要等更長時間，就可以考慮見咗私家醫生先，必要時加減喺私家再照多次左邊乳房，再安排抽針。
Findings as described.The findings in the right breast 8 o’clock and 12 o’clock are probable benign nodules likely fibroadenomata .However due to the slightly lobulated contour for the right breast 8 o’clock lesion and the more lobulate contour for the right breast 12 o’clock lesion,it would be prudent to perform ultrasound guided FNA of both of these lesions to confirm benign findings and to exclude malignancy.
今年已35歲，聽完醫生講12點鐘嗰粒唔靚，非常驚，情緒好唔穩定，想問報告是唔是有癌的可能，多謝！
雖然佢冇排除呢個可能性，不過報告都係覺得良性機會大過惡性。唔好自亂陣腳住，抽咗針睇多D資料先決定下一步點做。
follow up with ultrasound in 12 months BIRADS category 4
請教一下這是什麼意思？我的報告顯示：右側全部乳房多發性乳房乳房囊腫，右乳外下部結節，顆粒1，1.43*0。請問需要做手術嗎？
佢個建議（follow up with ultrasound in 12 months）同結論（BIRADS4）係矛盾嘅，最好搵醫生搞清楚報告先。建議就講到好似良性咁處理，結論就講到可疑要抽組織／做手術。
請問抽組織的費用大約是多少錢？
個範圍可以好闊，由幾千至幾萬不等。
好的，明白了。Thank you!
好的，謝謝！
我上年3月做完超聲波覺X光檢查乳房，出嚟報告就係話我肯定唔係惡性但亦都唔係良性係臨界點，因為我乳房做過隆胸手術，所以就做唔到抽針檢查，而家我每半年係政府醫院做一次磁力共振及一次超聲波檢查，因為我三年前患有鼻咽癌，所以醫生都睇得好緊，我好害怕個鈣化點會變成乳癌，請問可否做手術切除，因為我做過隆胸做呢個手術會否好麻煩，如果手術期間個假體穿咗咁怎辦呢？
做唔做得手術要視乎鈣化點的範圍，如果局部就大D機會做得，如果分得好散，你諗都諗到做唔清，唔通成個乳房割囇咩。
至於做過隆胸手術，的確會令手術複雜咗，不過技術上都係做到嘅。如果手術期間個假體穿咗，最大機會係遲D再擺返，因為一個匹配的假體好多時都要外國訂貨（大概兩三個星期）。
我太太已確診患了二期乳癌，只有—個腫瘤约2cm在12點右上胸位置，原先以為很好切，故選擇了保留乳房手術，但昨天醫生(政府)又説在靠近乳房的中心點找到一些鈣化點( 没有説 明BiRAD幾？)，但他 不考慮做揪針化驗，便要她—同切埋，今切割範圍由原先的2cm+1cm margin増加到 7cm min.，今保留乳房手術失去意義，術後乳房嚴重變形。想問醫生1)不去確診，而把乳癌患者的鈣化點一並切去是—貫政府醫生做法嗎？為什麼他們不願意抽組織去化験，等確診後才做手術？是因為資源考慮，或是病人實際的利益去做這决定？2)如在這狀况，全乳切除是不是比保留乳房手術便妈？3)有否更好的建議？謝謝您的解答。
1）冇話一貫做法係點，每一個病人都係獨特嘅，要考慮鈣化點的型態／多少／分佈先決定到。通常如果鈣化點好可疑或者範圍好廣，就會直接做手術而唔選擇抽組織。因為如果好可疑，抽針話有野，又要做埋佢，抽針話冇野，我地都唔敢信，都係建議做埋佢。另外如果範圍好廣，抽針抽一度，無論有野冇野，都唔夠代表性，所以結論都係直接做手術。我只可以話，無論咩醫生都好，病人實際利益一定大過資源考慮。但如果我話完全唔洗考慮資源，則未免太過離地。
2－3）答唔到
醫生，多謝你咁快可以回覆，實在是我及時的幫助，我常跟我太太講，如生乳癌的換着是我就太好的，起碼没有太多的事情考慮，一刀就切，簡單得好。不好意思。再想請教醫生以下問題。1)我會跟主診醫生再問清楚鈣化點的型態/多少/和分佈資料。如鈣化點屬Birads3或以下，值唔值得先抽组织，確診後才做手術？2)術前化療會對鈣化點的定性有幫助嗎？3)值得做微創把鈣化點刨清後才做腫瘤切割嗎？現在，我只希望幫老婆對病情最充份的理解下，做對她最有利的手術。唔想為任何 over-treatment/ under-treatment 而後悔。
1）如果係集中又唔可疑，可以考慮先抽組織確定屬性先做手術，唯一顧慮係時間問題，唔希望呢個額外動作阻遲乳癌治療太多。
2）冇幫助。
3）同第一條答案一樣。
醫生，多謝您的建議，最後，我太太的乳房雖然保留唔到(全切)，但手術後康復得很快。昨天看病理報告。太太亦是比較幸運。最终的入侵太小是1.5cm.，8粒前哨淋巴都沒有感染。Pr8，Er8，Her2是2+，Fish Test後是 -ve。癌细胞分類是Grade1。最终醫生同意不用做化療。而用5年tamoxifen冶療。因太太是double positive type (estrogen +progesterone receptor),會不會tamoxifen+progesterone 冶療比單用tamoxifen 的效果更好？如食2年tamoxifen是否已经足夠？謝謝解答。
我地睇係咪對「抗荷爾蒙」有反應／有用，Estrogen receptor 或者Progesterone receptor是但睇一個就夠，冇話「兩個有齊就反應好D」呢樣野，亦即係話冇人叫「double positive type」，你諗多咗。另外Tamoxifen係抗荷爾蒙藥，並唔係荷爾蒙藥，係唔會Tamoxifen（抗荷爾蒙）＋progesterone （荷爾蒙）咁比，唔好自己亂咁創作。
Tamoxifen係建議食10年，並唔係2年或者5年。乳癌荷爾蒙藥－不同年紀嚴選最正確食法
Dear Dr Breast HK,
多謝你無私地提供有關乳房病資訊及解答我們問題,你是我們這班病友的天使醫生呀.
我現56 歲, 分別在2011, 2013, 及2016 做過乳房驗查. 請看以下 Reports :-
Mammogram report in 2011 (private laboratory) : There is several benign-looking calcification densities scattered over the superior part of left breast, a few mm to several mm in size. They are better demonstrated in medial-lateral oblique view. The largest one showing meniscus appearance; they are likely to be benign in nature.
(BI-RADS 2-3)
Report of Bilateral Mammogram and Ultrasound in May2016 (公立醫院):-
Comparison is made with previous examination with the latest dated 2013.
Heterogeneous dense left and right breasts which may obscure masses.
Microcalcifications in the left breast show an increase in number compare with previous study. They show some variation is size. They are not associated with any mass lesion or architectural distortion. No skin thickening or nipple retraction. Small left and right axillary lymph nodes.
Examination of the left breast by ultrasound shows the prevsiously seen cysts in left breast at 10’ clock and 12 o’clock are no longer visualized.
No mass in both breasts.
Lymph nodes with slightly thickened cortices but with echogenic hila in left and right axillae are likely reactive.
Conclusions :
An increasing number of microcacifictions in left breast showing some variation in size but no associated with any mass lesion or architectural distortion. Stereotactic guided core biopsy is recommended for further assessment.
BI-RADS 4B : Moderate (>10% to ≤50%) suspicion for malignancy. Tissue diagnosis recommended.
在 May 2016 在私院抽粗針, Stereotactic Biopsy of left breast microcalcification :-
Five passes performed and specimen is obtained.
Clinical Summary:-
Left breast microCa2+
Stereotactic biopsy
Gross Description :-
Multiple cores, about 15 X 6 mm in aggregate, largest 15 mm in length, others about 4-8 mm in length, each 0.5 – 2 mm in width, all embedded. Block (A). (LSM)
Microscopic Description :-
Section shows multiple cores of breast tissue. They show benign breast ducts and lobules with adjacent fibrofatty stroma. Some of the ducts contain microcalcifications. The myoepithelial layer is discernible. Focal stromal fibrosis is also found. Features are consistent with fibroadenosis with microcalcifications. There is no evidence of malignancy.
以我有限的程度,只知specimen 沒有 cancer cell ,現請問 :-
(1) 可否解釋抽針報告,有乜問題呢
(2) 要否做手術清除钙化點,如要, 什麼方法呢
(3) “There is no evidence of malignancy” 但calcification densities scattered over the superior part of left breast 及 show an increase in number, 現只抽了5針,是否可知道是malignancy呢. 不會是惡性呢. (當然我非常驚要做手術)
唔該你呀,天使醫生!!!!!
1）抽針報告話抽出黎的鈣化點唔係癌。
2）你面對嘅問題係X光話可疑，抽針話冇野。咁總有一個係啱，一個係錯。呢個時候有三個選擇，一係做手術切咗目標的可疑，二係做微創再刨多D鈣化點再驗，三係觀察住定期再照。
三個選擇之中，一定係做手術／微創易D下決定，因為採取寧枉毋縱的態度，出黎結果有野就當然代表「進一步檢查」係揀啱咗，出黎結果冇野亦都訓得安樂，那怕第時有野／有遺漏都已經盡咗最大努力。
揀觀察呢就需要一點勇氣，定期再照話穩定，又要擔心下一次穩唔穩定，定期再照話唔穩定，你又係要重新面對做手術／微創的問題，仲會後悔自己點解唔早D決定。
3）承上題，一日唔做手術一日都唔會知身體其他鈣化點係咪癌［話分兩頭，太過散（scattered）嘅鈣化點亦都冇可能割曬，冇可能因為鈣化點而割曬成個乳房］。你想知抽針報告可唔可信，只可以搵多個乳腺科醫生問second opinion。問題核心係究竟抽針係咪已經抽咗最可疑部分。係冇合理懷疑的情況下，我地只可相信醫生已經抽咗最可疑部分（佢實在冇理由／冇動機去玩鬼你，明明都幫你抽針咯，走去抽D唔可疑嗰部分姐）。
Dear Dr Breast HK,
多謝你的分析, 因我的鈣化点太散,
咁我諗我唯有用微創對住D最可疑的微鈣化点盡刨,再抽一次组織再驗吧!
我今年54yr.剛做完x-ray及超聲波乳房檢查，參照若2年半報告，
The benign calcification in right breast is stable.
No gross mass lesion,malignant calcification or skin thickening is noted.
No architectural distortion or nopple retraction is found.
No enlarged axillary lymph node is seen.
Bi-Rads 2
但在左胸發現一黑影:
A hypoechoic area is seen in left breast at 11 o’clock,2cm from nipple,measureing 0.53×0.53×0.62cm,could be a prominent fat lobule. Follow up study may help.
A left axillary lymph node is seen,measuring 0.95×0.41
醫生說可繼續觀察，6個月後再照超聲波。
請問這建議可行嗎？需要作抽針嗎？
可行，個報告覺得黑影係脂肪粒（即係良性），觀察覆照ok。
感謝您的清楚解釋，一萬個Likes,令自己及家人對乳房認識大大提升！Breasthk.com 支持您！
請問有鈣化是否胸部會產生間謁性痛？會否级別越高痛楚越大？謝謝。
鈣化點唔痛嘅。
你好,剛剛做乳房攝影照到左胸有2小點鈣化點,圓型分佈上胸2側,報告BIRADS 2 category 2,醫生說是良性,建議2年後再照。
詢問過是否需要做抽針或做手術割掉,醫生只是說不需要,因超聲波報告正常,暫時自己每月檢查,2年後再照。
請問良性鈣化點如不會自己消失的話,會否愈生愈大粒,生生下變左惡性鈣化點?
謝謝!
鈣化點唔係咁睇size的，大粒的巨鈣化點（macrocalcification）係好的，相反，微細的鈣化點（microcalcification）相對係冇咁好的（唔好理解成一定係衰，要睇埋其他因素的），因此你條問題其實唔係好成立的。
我朋友剛收到醫院通知報告，話佢乳房有好多鈣化點，要再照過，我想請問好多會唔會變癌症？
數量同係咪癌之間唔係一個線性關係，進一步檢查咗先，無謂亂咁估。
巳發現有鈣化點BI-RADS3，有醫生話照X光太密（半年）會增加鈣化點，不照又不心安，怎辦？
「照x光太密會增加鈣化點」乃誤解，可能那位醫生不太清楚BIRADS3的含意及建議。
BIRADS3認為那些鈣化點應該是良性，不過怕2％的誤差，所以建議短期內（半年）再覆檢，以防鈣化點有變化（其中一樣就係數量）。如果真係好似那位醫生所講，「照x光太密會增加鈣化點」，咁結果只有一個，就係必然出現我地所擔心的變化，咁仲照黎仲咩？未照已經知道必然的結果？由此可見，那個觀點連最基本的邏輯也講唔過去。
媽媽在上年10月照了mammogram 說她的left breast microcfication,在乳房6點位, 係BIRADS 4A, suggest佢做stereotactic biopsy. 但一排要排三個月，所以我就申請左d片出私家醫生睇, 想搵醫生快點做個biopsy.
點知去到私家診所，個醫生無提抽針，直接講做手術話要割左粒野佢乾手淨腳，如果確診係原位又唔洗做多一次。（即你所講放鐵線個手術）又提議你所講果種微創，吸清佢但有確診都要做第二次。見醫生大概一小時，佢隻字不提做stereotactic biopsy直至我地問佢先用5分鐘時間講左一下抽針。
因為當時我未睇你的文章無認識，亦一心諗住搵個私家快快手做左公立排3個月嘅程序，無諗過私家醫生一開始就話要做手術，我對私家醫生建議好猶豫，諗緊佢係咪為覺得有殺錯無放過，所以手術又快又收得錢多d. （好似私家醫院喜歡剖腹生子快靚正唔洗等一樣）？
佢話手術原因：媽媽粒粒位置係左胸6點位，位置難做，如果要抽針，要夾好耐，可能會好痛，夾半小時或者一小時（不停重申，好耐好痛可能一小時可能更耐架）但做手術乾淨，快，可能唔洗再做第二次，。要50k
抽粗針：要去第二個cllnic由radiologist做，私家醫生陪住一齊，要3星訂針，前後等一個月，價錢10k
1. 睇你上面寫呢，話乳房太薄，鈣化點太深或太淺都抽唔到針。我媽乳房正常size但鈣化點在6點位，係咪真抽唔到？但政府醫院又無提呢個問題照book抽針喎。
2. 政府要等3個月，如果最後確診有野會否延誤左病情？
3. 媽媽食緊aspirin 一般抽針前幾時停食？政府醫生好似無講。
4. 而家我係想係私家clinic 抽粗針，唔揀手術，但係個醫生同d 接待職員好似想唔做咁，一時話半個月先有期，之後話原來要訂針，.要等到一月中。一月頭再打去問，原來佢地仲未訂針!!!!! 好唔負責任…
照計要等多三星期即2月。佢有建議去醫院做，價錢係5倍。
政府排嘅期係3個月，我想快點做左抽針，等來等去而家都過左一半，私家仲係覆唔實我個期係幾時。）我係咪要再去搵第二個私家醫生問opinion 同做？
媽媽乳房報告是：hererogeneously dense composition, microcalifocartion punctate and round, grouped distribution, cat 4 4A (low )
一心想找個私家醫生幫手結果俾佢地拖住個感覺唔太好…
希望有你嘅解答。感激不盡！
1）唔係淨係睇幾多點鐘位置去決定，觀乎政府照book抽針，我相信技術上係做到嘅。
2）如果最後係有野，等三個月係延誤咗病情。
3）視乎抽針醫生習慣同咩原因要食aspirin，由7日前停至完全唔停都係常見。
4）可以問second opinion 或者揾過一間常做抽針的centre 做，一般做開的針一定有stock，樣樣都要訂咁耐嘅centre喺私營市場係站唔住腳的。
抽左钙化點 有非典型。 提議 做手術清除。 係咪有需要做
係。
請問2014年在政府抽粗針, 結果正常, 現在私人X光結果差不多位置有鈣化, 會是疤痕引致嗎?
Thanks.
抽粗針如果唔係指微創vacuum assisted biopsy/excision的話，九成機會係有剩鈣化點的，因為粗針的目的只係拿樣本，而不是治療。所以而家私人X光有鈣化點，要對返D舊片先知有冇問題／變化。
Hi,
唔好意思, 我打得唔清楚, 2014有X光及超聲波, 之後在政府抽粗針原因係超聲波結果後建議抽, 抽粗針結果正常, 沒有跟進.
直至今年在私人做X光,結果發現在上次抽針差不多位置有鈣化, 超聲波結果正常,
會是因2014抽粗針留下疤痕引致鈣化點嗎? 裡面始終是傷口, 疤痕會引致鈣化點嗎?
你好！今日去著政府醫院見醫生，3月-5月抽著同邊乳房2個位置的組織，醫生解釋說是零界點，3月的醫生說是一定要做鐵線鉤針那種手術 今天這醫生又話要再開會商量，有可能切半個乳房，我又唔敢問，既然只是臨界點又為何要切，心好煩好亂，每個醫生都有不同說法,想天使幫幫我
情況複雜，要見過個人先知。
醫生 我個report 寫： left upper inner breast punctate and fine granular microcalcifications arw noted. they appear to be on segmental distribution and are of low suspicious nature. stereotactic guided biopsy recommended.(bi-rads category 4a) . 我睇左你之前講的對照表，我個級別係懷疑入面的低危，但是個醫生話係前兆，但政府排到我12月先抽組織化驗，是否等太耐，會否有危險，我現在應該如何處理？
BI-RADS 4a等三個月當然唔理想，經濟許可就去私家抽，經濟唔許可就只可以等。
我想問下醫生 如果係4a, 甘樣係癌的風險高唔高，等自己有個心理準備
2-10％
Breast HK, 您好, 天使醫生
我太太47歲, 在今年5月10日做了Mammogram報告如下:
Mammogram
Bilateral symmetrical medium-sized dense fibroglandular breasts. The dense breast parenchyma may lower the sensitivity of mammogram.
No three dimensional dominant mass or speculated lesion demonstrated. No definite evidence of parenchymal architectural distortion.
At the superior deep portion of the right breast on the MLO view, there is a small cluster of amorphous nodular and punctate calcifications.
The other scattered or loosely clustering of punctate microcalcifications in both breasts are indeterminate in nature.
No skin edema or thickening. No evidence of nipple or skin retraction.
No significant enlarged axillary lymphadenopathy.
Conclusion
At the superior deep portion of the right breast on the MLO view, there is a small cluster of amorphous nodular and punctate calcifications.
Comparison with previous mammogram will be useful. If this is a new finding. Suggest stereotactic biopsy to exclude DCIS.
The other scattered or loosely clustering of punctate microcalcifications in both breasts are indeterminate in nature. Suggest further follow-uo.
At the 2H position of the right breast at 3cm from the nipple, there is a well-defined 1.3cm x 0.56cm hypoechoic solid lesion with mildly increased
Vascularity on colour Doppler. Suggest ultrasound guided FNAC or biopsy for further evaluation.
There are multiple ovoid anechoic/hypoechoic lesions in both breasts which may be cysts.
1. 報告無寫BI-RADS幾, 是寫漏左還是可以不寫.
2. 在8月25日第一次見政府醫生之前, 約7月中至尾去找了一位私家乳腺科醫生睇下個報告,
佢話我太太D鈣化點好深好近肌肉, 抽粗針有20%可能抽不到, 叫我們可等8月25日睇下
政府嗰邊安唔安排到, 佢話安排唔到可在9月尾致電她們再安排.
3. 政府嗰邊安排左今年11月20日才抽粗針, 但又無提到可能抽唔到, 我而家都唔知點, 好驚好亂.
P.S. 揾私家抽又話有20%抽不到, 等政府是否太耐, 希望天使醫生比D建議.
1）撰寫報告的醫生選擇或習慣唔寫。
3）公立同私家面對的困難係一樣嘅，大家抽唔到的機會均等。等唔等，視乎手頭資源。
你好天使醫生
終於等到政府 11月20日 做stereotactic biopsy， 但醫生話我太太鈣化點太深及乳房太薄入唔到針做 stereotactic biopsy， 最終醫生幫我我太太趴喺度打咗麻醉針抽咗五支幼針。
看你們的文章有寫”鈣化點識得抽一定抽粗針
， 冇人抽幼針”
問題: 為何醫生幫我太太抽幼針及抽幼針的報告有用嗎，準確嗎？
幼針就一針過，唔會分五針。老實講，結果是非常雞肋，好過冇。
多謝天使醫生的答覆,
等了約三個月才知做唔到stereotactic biopsy, 真係好失望.
噤下一步應該點做才好? 可否給D建議?
謝謝幫忙
心急人Billy Chan
只可以等report。
你好天使醫生
政府112月20日之鈣化點抽幼針報告如下:
Clinical History ;
– MMG mical.
– ? new
For St.guided Bx.
Macro. Exam. :
4 air-dried and 6 wet fixed slides and 20 ml pinkish clear fluid (alcohol saline) are received.
Mirco. Exam. :
Smears and Cytospin of the fine needle aspirate show epithelial cells in small clusters and possessing moderate amounts of cytoplasm and regular oval nuclei with fine chromat in pattern. The epithelial cells are accompanied by myoepithelial cells.
Some clusters consist of epithelial cells with mildly increased nuclear-cytoplasmic ratio and nuclear pleomorphism. Myoepithelial cells are not apparent around these clusters.
Diagnosis :
BREAST. Right. find needle aspiration – ATYPICAL
1. 請問醫生報告大致是什麽意思?
2. 再要跟進嗎?
謝謝幫忙
Best Regards,
Billy Chan 心急人
有非典型細胞，要作進一步檢查。所以之前話幼針好雞肋，報告緊緊叫做好過冇。理論上下一步應該係抽粗針，不過你之前話技術上做唔到，咁就只剩返手術一途。
天使醫生您好
請問手術是否全身麻醉?
Best Regards,
Billy Chan
係。
Breast HK，你好。內子先前在政府照 Mammogram，後來來電說因為見到鈣化點增多，要多照一次。今天見醫生，醫生說要抽針，排期在10月20日。不過，醫生沒有說內子報告的 BI-RADS 機率評級，只說有需要抽針。我們打算出去找私家做抽針，但政府說如要取片，必須先取消排期方可。現在有問題想請教如下：
1. 現在到10月20日大約有四個星期，如取消了排期再申請取片，其實又要花一些時間。如果等待這四個星期，對病情風險算不算高呢？
2. 如果不申請取片，直接在外找私家再照一次 Mammogram，然後重新評估，安排抽針，是否可取呢？
謝謝！
好難就咁估等四個星期得唔得，不過選擇一唔係好選擇，取消再申請好費時失事。選擇二係其中一個可行選擇。
醫生，你好！2015年右邊證實LCIS(局部手術)，今日政府報告話右邊有鈣化點，半年後再照 mammography,請問還適用抽粗針嗎？或需要直接做全割手術？
抽粗針適唔適用要睇片先知。你全割手術指全割鈣化點？定全割乳房？
感謝醫生回覆，因為當年情况相同，先發現鈣化點，抽粗針中咗乳癌，當年手術是局部。昨日知悉要半年再檢查，負面情緒就湧上，若半年後抽粗針又中招點算？擔憂這次要全割乳房，是否同位置做l過局部切除，再中招就要做全乳切除手術？當然明白報告未做，一切假設都是未知數
之前有冇電療？因為唔係個個LCIS都會電。
腫瘤科醫生話：毋須電療
咁今次就算有癌，都未必一定要全切。
謝謝醫生，起碼放寬心半年，感謝！感謝！
我是乳癌第二期，我有鈣化點，要做抽粗針，結果被醫生抽了20針(我就趴了一小時，胸夾了一小時，頸又扭住)。可惜醫生都是說抽得不理想，原因是我的鈣化點很散和細。請問已經有定位追蹤，為何仍抽不到？若鈣化點很細，是否代表未成大氣候(癌指數不高)，可以不抽針呢？還是醫生技巧未夠抽不到呢？現在胸部又紅又腫又痛!
唔係好明一時話自己乳癌，一時又話抽不到，究竟確診未？姑勿論如何，我唔在場，亦冇睇過D片，實在唔合適說三道四，請諒。
您好, 天使醫生
我與太太在1月24日在博愛覆診, 醫生話因上次2017年11月20日鈣化點立體定向活檢做唔到, 病理報告建議重新嘗試做一次立體定向活檢, 已排了2月5日做.
現我憂慮的問題是上次鈣化點立體定向活檢做唔到, 抽左幼針, 如果今次2月5日又做唔到, 應不應該再抽幼針?
另外我太太右乳房2H位之腫塊在2017年11月29日抽粗針病理報告是 Fibroadenomatoid Hyperplasia, Adenosis, 博愛醫生解析是良性, 只需定期踉進.
但我太太最近發現個腫塊明顯左(好似大左少少), 她有D担心, 我太太問我點我又唔知點答佢, 可否給點意見.
Best Regards,
心急人 Billy Chan
上次都技術上做唔到，今次又再book？？？呢個係咩邏輯？
做唔到粗針而又想攞多D組織去驗，應該係做鐵線定位手術（stereotactic hookwire guided excision）。
唔該哂, 天使醫生, 萬分感激.
您好, 天使醫生
由2017年九月份至今, 我經常到這個網站(機構)詢問, 得悉好多資料後, 今到內心平靜左好多.
在這裏再次多謝天使醫生你們無私的幫忙, 令到好多好似我這樣徬徨 / 擔心 / 心急 / 無助 / 的人得到安慰，真係好感謝你們,
我太太在5 Feb. 2018” 屯門醫院 ====>鈣化㸃, 重新嘗試做一次立體定向活檢(粗針), 報告如下:
Clinical History :
Fu imaging detected abnormality.
St guided bx right upper breast
mical R3. C3
CRHM Jan 2018: Suggest reattempt.
Macro. Exam. :
Seven cores. with fragment. all embedded in 2 blocks.
-1: Four cores. 11 mm. 9 mm. 8 mm and 7 mm long.
-2: Three cores. 8 mm (x2) and 4 mm long. with fragment.
Micro Exam. :
Sections show cores of breast tissue with mostly preserved lobular architecture. Focally, there are expanded ducts with proliferation of epithelial cells forming epithelial bridges. The epithelial cells are monomorphic with round nuclei. Some of the cells show enlarged hyperchromatic nuclei with high N/C ratio.
Immunohistochemically, the epithelial cells are positive for estrogen receptor and negative for CK5/6. The myoepithelial layer is preserved and confirmed by p63 stain. Features are those of atypical ductal hyperplasia. Calcification is detected.
Diagnosis :
BREAST (right upper breast mical). Stereotactic-guided biopsy – ATYPICAL DUCTAL HYPERPLASIA.
請問天使醫生:
1. ATYPICAL DUCTAL HYPERPLASIA 是不是(非典型導管增生)
2. 要點跟進?
Best Regards,
Billy Chan
心急人
1）是。
2）如果技術上可能的話，做夾胸鐵線定位切除。
您好, 醫生,
剛出左報告話左邊乳房有良性影像(微細鈣化點)BIRADS 2, 但廣華沒有講我下一部應該怎處理, 其實我可以點呢?請教, 謝謝.
一年後再照就已經ok。
謝謝, 那我就安心了! 非常感激!!!
你好醫生
上星期在香港乳癌基金會乳健中心照超聲波+X光乳房做影，發現有兩個鈣化點，一個Birads 4A , 一個Birads 4B, 醫生建議排公立醫院抽粗針化驗或轉介我到私家影像中心做Tomo/Stereotactic-gulded Vacuum Assisted Breast Biopsy/Excision刨走鈣化點但化驗結果如果是惡性都要再做多次手術割深d。
請問在影像中心刨走鈣化點危險嗎？可否全身麻醉和是否一定只有放射師負責這手術，我好擔心，感覺醫生負責做手術和在醫院做感覺安全點，請問有那些私家醫院有提供這項微創手術或有沒有其他選擇，收費大概多少？
萬分感激，謝謝！
在影像中心刨走鈣化點唔危險。喺中心做就一定局部麻醉，唔可以全身麻醉。其實醫院做都係局部麻醉，頂多可以有埋麻醉科醫生在場做監測麻醉（訓覺但唔洗插喉），因為抽針的地方冇麻醉機，所以醫院都冇得全身麻醉。
無論中心定醫院，做就其實係放射技師擺位，之後放射科醫生做。
大部分私家醫院都有得提供這種手術，名同收費就唔講喇，瓜田李下，至於實際操作就搵自己醫生安排。
選擇不外乎1）抽粗針 2）做微創 3）直接做手術。
馬醫生，請問係咪一定要抽左粗針化驗先再決定做微創或手術呢？會否直接微創刨走鈣化點？乳健中心醫生講我可以直接做微創刨走呢？呢幾日情緒好差，真係好擔心?
抽完粗針通常只會決定做唔做手術，唔會又返轉頭做返微創。即係有以下可能性：
1）粗針－完
2）粗針－手術
3）微創
技術上做到粗針，就應該做到微創。邊個方案好D，要臨床睇片先知。
Thank you for your detailed explanation about my situation. I feel much at ease now.
You care about patients and give valuable advice for their benefits. Thank you once again.
醫生，上星期做左乳房X光造影和超聲波，今天睇報告，左邊有黑影也有鈣化，Bi-rads是0，右邊也有鈣化點，Bi-rads是2，又唔知鈣化點有幾多，醫生有二個建議，1）半年再做一次檢查，2）抽組織
黑影-超聲波也找不到原因
我應該點做呀？
就住醫生建議二擇其一。
因為姑娘的兩三句簡單的敍述，我不知道應該做那一樣才是最適合！左邊的Bi-rads 是0，是代表不清楚，會是惡性嗎？
我未睇過片，幫唔到你做決定。惡性機會是存在的，機會幾大就如你自己寫，BIRADS 0代表不清楚。
醫生, 你好. 我今年1月發現乳房有影. 照左Mammogram 發現有鈣化點, 隨時已安排真空抽針全粒抽走. 而 utrasound 底下亦發現乳房2邊各有2粒 (左右邊一樣結果係. 1點 BIRADS 4B, 1點, BIRADS 3). 抽左針係良性.
但今個月再照, 發現有以下變化:
左邊 BIRADS 3 (1月份: 6x3x5mm / 7月份 6x3x6mm)
左邊 BIRADS 4B (1月份: 21x8x33mm / 7月份 22x5x23mm (Irregular. Doppler negative. Mild Distortion, similar to piror study. Piror biospy: benign)
右邊BIRADS 3 (1月份: 8x4x9mm / 7月份 7x4x8mm)
右邊BIRADS 4B (1月份: 20x7x10mm / 7月份 20x6x19mm) (Irregular. Doppler negative. Mild Distortion, similar to piror study. Piror biospy: benign)
醫生建議做手術拎走佢, 再化驗. 想問, 1/ 其實抽針既結果唔係100% 確定嗎? 2/ 有做手術的需要嗎? 3/ 這類手術是否不可以用微創方式? 還有甚麼選擇? 謝謝!
1）抽針唔係100％，因為只係採樣，採樣係可以有誤差的（sampling error）。
2及3）要睇過片，檢查過先知，唔可能隔空評估。
明白, 咁開刀同微創既做法有咩唔同? 位置都一樣會係乳暈邊嗎?
1）開刀就用一個足夠大的傷口，原件咁攞目標出黎。微創就用一個4mm的傷口，刨散目標斬件出。
2）開刀如果可以就盡量乳暈邊。微創就通常外側入。
天使醫生你好
我太太 6月5日2018年在博愛醫院做咗鐵線定位手術，報告出咗話冇事，現在有問題如下:
睇報告當日政府醫生話我太太今年已book左 8月23日做x-ray同mammogram之定期檢查，請問做完手術不足三個(月)，可以照做嗎？
因為我太太乳房細及薄，會唔會照mammogram夾住時整親佢做手術傷口內的組織。
Billy Chan
同醫生商量推遲D先做好D。
多謝你的建議，萬分感謝。
天使醫生
以致電政府醫院改期，但佢哋話一改就要去到2019年4月才有期做 x光及mammogram。
因為對上一次做定期檢查是2017年5月10日 如果去到2019年4月才做定期檢查會否太遲，還是8月23日(明天)照去做定期檢查好？
Billy Chan
心急人
如果已經將最可疑的部分移除都冇事，2019年4月先照冇問題。太早覆照冇意思。
多謝天使醫生的寶貴意見，祝生活愉快。
你好，我媽媽16年尾確診有左邊乳房有癌，二期B。已做局部切除手術，化療及電療。
之後患上嚴重濕疹，仍有影響胸部(有出水)，入過政府醫院，都只係話皮膚問題。
亦因嚴重濕疹，延遲了覆檢乳房。
近月，因濕疹情況有改善(因有食抗生素)，媽媽可以到乳健中心檢查，檢查後說發現有好多鈣化點，要攞之前的報告作比較。
可能要抽針
請問是否乳癌復發？我們好擔心。謝謝
Carmen
檢查咗先。
報告已出
左邊：為BIRADS 2 (之前有癌的) ，正常覆診。
右邊：為BIRADS 4A，需要抽針 (鈣化點增多)
私家講明抽粗針，但公立沒有講。請問粗針 / 幼針 有什麼分別？
還有，抽針只抽取樣本？會否將鈣化點一併抽出？
鈣化點只會抽粗針，唔會抽幼針的。抽取樣本即是以鈣化點為目標。
您好, 天使醫生
我太太 6月5日2018年在博愛醫院做咗鐵線定位手術，報告出咗話冇事後, 8月23日做x-ray同mammogram之定期檢查x光及mammogram報告如下:
Latest MMG/USG 23/8/2018
-faint punctate macrocalcifications at 12 o’clock position of right breast, underneath the site of surgical scar, likely corresponding to the irregular hypoechoic lesion with internal calcific foci anteriorly and oval anechoic area posteriorly, of indeterminate nature, possibly post-operative changes but residual / recurrence could not be excluded. Suggest ultrasound and mammogram follow up of right breast in 6 month.
Bilateral breast microcalcifications with clusters.
Cluster of punctate microcalcifications of variable sizes over upper central region of right breast is suspicious of minimal interval increase. Suggest stereotactic guided biopsy. The rest show no gross interval increase cpmpared with previous study. Follow up left mammogram in 1 year is recommended.
Bilateral breast cysts.
Left 5 o’clock oval homogenous hypoechoic lesion with posterior acoustic enhancement, e, probably benign. Suggest FU ultrasound in six-month.
Left the 11 o’clock oval near-anechoic lesion with posterior acoustic enhancement, probably benign, possibly cyst with internal echoes.
No significant interval change for the clinically palpable right 2 o’clock lesion, probably benign.
————————
comes with husband
PE
Rt Breast scar well, some induration
在10月25日聽報告, 博愛醫生話右乳房上中部份有些鈣化點輕微增加, 建議再做立體定向活檢.
當我聽到又要做立體定向活檢, 就問醫生是否上次做手術嗰個位, 佢就有少少不耐煩地對我講現在咪解析比你聽照報告講佢話以佢理解就不是,
我聽完之後都不敢再問佢嘢.
因為我太太乳房細又薄, 佢會好痛, 6月5日2018年做完鐵線定位手術, 現在又安排要做立體定向活檢, 佢真係好驚.
天使醫生, 請問以報告所講這次立體定向活檢有必要做嗎?
Best Regards,
Billy Chan
個報告寫建議做，有冇必要唔敢講。
你好天使醫生
有嘢請教你喇，我太太在 11月19號到政府醫院做立體定向活檢，抽咗四針但放射科醫生話我太太因為身體震動導致抽不到就沒有再抽， 當時我太太發現個傷口有5mm濶， 之後姑娘叫我太太按壓傷口，等了一小時才給她離開，還叮囑佢要第二日返去屯門醫院檢查傷口。
1. 請問是否會有抽不到這個情況，下一步可
點做？
2. 個傷口5mm闊, 是否正常？ 因我太太上一
次做立體定向活檢個傷口沒有這麼大，才這
樣問？
心急人
Billy Chan
1）有這個可能性的。下一步不外乎三個選擇：觀察、再抽、做手術。
2）係闊咗少少，正常傷口1-2mm已經足夠。
唔該哂，天使醫生。
你好醫生，因為家姐曾經是乳癌患者，我又剛驗出是BIRADS 2，請問患乳癌的機會是不是很高？需要治療嗎？
高唔高要視乎家姐有冇遺傳性乳癌基因突變。BIRADS 2 不需要治療。
馬医生你好本人確診乳癌己做全切手術
報告是樣寫請問是解釋
L630H2.5cm tumor 4cm FN
Breast left L630H lump core biopsy
-invasive ductal carcinoma NST
-ER and PR postive
-negative for HER2 overpression
Clinically Mild adhere to underlying muscle
Breast dissected from pectorils major included fascia
Muscle fibre partially resected over tumor bed SLN-1-4 indentified （hot and blue）
Frozen section negative for malignancy
医生請問我要化療嗎？
Tumor grade ? ki67?
你好醫生，我媽咪剛發現右邊腋下淋巴有3cm 硬塊，在公立做左US,mammogram, 發現右邊乳房近nipple 9H 有1.4cm linear pleomorphic micro calcification, 請問有淋巴轉移及micro calcification 乳癌的機會是不是較高？已做LN FNA, 未有報告。現排期做US guide FNA ( 幼針？）, 是否並不恰當？另現楷段是否應該做埋pet scan？謝謝
都幾大機會有事。
Ultrasound guided FNA係幼針，我認同佢冇乜角色，粗針好D。
PET scan 就等確診咗先。
感謝醫生既回覆！
你好醫生，我媽咪右邊腋下淋巴FNA結果是metastatic carcinoma， Her2 score3+, 醫生建議pet scan 及術前化療+雙標靶。但我看你提及幼針應該不能數天線，現在是否有需要再做粗針確認？謝謝
最好抽粗針確認。
十分多謝醫生快速的回覆。
HER2 +ve 有冇話照邊種PET scan 較好，是否須要轉介的醫生寫清楚，謝謝！
一般正常就whole body PET-CT without contrast，想少D輻射就PET-MR。
要抽粗針是否代表一定有乳癌?
不是。
Clinical notes: R1H periareolar. R upper breast mass, calc+.
Gross examination: Received in formalin and site unspecified are 2 cores of tissue measures 0.9 and 1.1 cm in length, 0.1 cm in diameter. All embedded in 1 paraffin blocks (the specimens have been fixed in 10% neutral buffered formalin for 6-72 hours) (G). (T).
microscopic examination: sections (21 levels) show 2 cores of breast tissue containing a few small foci of ductal carcinoma in situ of intermediate to high nuclear grade. It exhibits a solid pattern with comedogenic necrosis and minimal calcification. Abundant collagenous fibrous stroma with mild inflammatory reaction is noted. Elsewhere, mild to moderate usual ductal hyperplasia is observed. There is no apparent invasive component or lymphovascular invasion.
pathological diagnosis : USG biopsy of right breast mass at 1 o’clock, periareolar with calcification
– Ductal carcinoma in situ of intermediate to high nuclear grade with comedogenic necrosis and minimal calcification.
No nipple retraction is discerned. No skin thickening is noted. No abnormal axillary lymph nodes are seen
size: 2.99 x 1.3 x 5.12 FM, irregular nipple involved, birads 5.
醫生，這是我的報告，請問是否一定要做全乳切除手術?
初步睇全切係一個好選擇。
birads5 是否一定要做乳房全切手術？
唔一定。
check 咗 size 係 2.99 x 1.3 x 5.12 cm
birads 5
請問醫生有什麼建議？
要現場臨床評估完先有個人化建議。
醫生：我每年都有做body check， 2008年時乳房驗出有fibroadenosis of breast，之後無左，到了2015年開始，每年都是BIRAD2，請問兩者邊樣嚴重D？現在投保醫保，全部不包乳房，請問我有無手術治療可做令BIRAD檢查變成一級？（還是說根本無可能）謝謝醫生！
兩者差不多。冇手術治療可做／要做。就算第時變返BIRADS category 1保險公司好多都係唔保。
Hello, 想請教stereotactic guided vaccuum assisted biopsy 則是mammogram 加抽針, 對嗎? 另外此種抽針係抽以粒或組織計? 私家醫生的姑娘跟我説抽2粒要double 價錢? 是否抽得越多粒或越多組織越貴?
我睇網上資料没有看過此種檢查是抽以粒計或組織計, 大多是說抽多少下, thanks!
是mammogram 加微創。以每一個目標計。兩粒即兩個目標（差不多double價錢），除非特別情況兩粒好近好近，咁就可以一次過。
醫生説最好抽2粒, 因為我保險唔包此檢查, 要自費, 如果只抽一粒你認為可以嗎? Thanks!
我未見過D片，唔可以下結論。
請問一般私家抽一個項目幾錢?
夾胸抽粗針5000-13000，夾胸微創15000-22000。
您好，本人最近做body check, 做2D 及ultrasound 乳房做影發現右邊乳房有1cm水襄另外，在乳頭位置有鈣化點，醫生建議抽粗針化驗，但我看見您提及可做微劁完全清除鈣化點，可否告之在私家醫院大約微創手木费是多少以作預算，謝謝！
Dora
啓
化驗所做大概15000-23000。
本身10多年前曾患乳癌，前年照X光發現有良性微細鈣化點，但今年照X光除了微細點，更有粗鈣化點，雖是良性，仍然有啲担心！如何可以避免鈣化點的增加？
冇得避免。
現在這情況，值不值得去做手術？
要睇片先知。
你好! 本人最近在東華做左3D, 後來醫院再call我返去再照2D及超聲波! 報告指右邊乳房乳線較亂, 有小鈣化點及微細的蔭影, 東華叫我半年後再回去照2D, 到時再睇下是否要抽組織化驗! 我問東華攞晒我的X光片比外科醫生睇, 醫生再幫我照超聲波, 他說係有少少蔭影, 可能是良性但建議我做微創抽組織化驗以確定, 本人心情十五十六應否即時做化驗? 還是待半年後?
冇絕對對錯，兩個建議你都清楚嘅話，差嘅係自己想點。
醫生你好！我左邊邊乳房摸到硬塊，去左私家醫院照超聲波，報告咁寫：
”bilateral breasts are homogenous in echotexture with predominantly fibroglandular tissue.
No evidence of ductal dilatation is noted.
At L10H, 2cm from nipple. a slight irregular hypoechoic lesion is noted, it measures 2.83×1.18×2.57cm”, increased intralesional vascularity is noted. Features are indeterminate in nature. Suggest correlation with biopsy finding.
Several simple cysts are noted in both breasts.
Suspected calcifications are noted at R12H. Suggest mammogram for further delineation.
No other focal mass is seen in the rest of both breasts. Biteral nipple areolar-complexes are normal. No significant axillary lymph node is noted over both sides.”
1) L10H 個腫瘤因為有可疑，所以醫生幫我抽左粗針，而家等緊結果。我聽到醫生話有血管增生，所以有點擔心，因為感覺唔似一般良性瘤..
2) 另外超聲超又照到右邊12點位置有”suspected calcifications”, 醫生話我依個年紀(34歲) 有鈣化點唔常見，建議我做埋mammogram 再睇下d 鈣化點。
我上網睇資料，鈣化點通常x 光睇到，係咪好少會超聲波照到？同埋o個個位置冇照到任何腫塊，所以我感到憂慮。
都係等埋抽針報告同做埋mammogram。
醫生你好，我做身體檢查發現右胸有一點鈣化點。我想查詢一下你的建議。
我先分享我的報告內容如下：
雙側乳房形態輪廓形態輪廓尚正常，層次清楚，邊界光滑完整，其內回聲欠均，悄增強。右乳9-10點鐘方向見一低回聲結節，外型略呈分葉狀，期內可見一小點裝鈣化，大約0.9 x 0.5cm， 邊綠清，多普勒下未見血流信號。雙腋下未見腫大淋巴結。右乳鈣化點是BI-RADS4a。
因為我之前睇的是全科醫生，目前安排了見專科醫生進一步檢查。
我想問：
1:下一步檢查應付選擇呦針還是粗針比較合適？
2: 因為目前只發現一小點，可否直接把整個有問題組織和鈣化點切除？ 還是只取部分先做化驗比較好？因為我擔心取部分出來檢驗結果都未必100%準確。
3:萬一下一步檢查出來結果真的的是惡性，是否把有問題的部分切除就可以？還是已經屬於癌症，除了手術還需要接受其他藥物或電療的治療？
謝謝。
1）粗針
2）可以直接切，係個人選擇。不過先抽組織驗清楚再手術係更穩妥的做法。
3）惡性腫瘤差不多9成9等如癌症，如果局部切，成功後係要電療，加減其他輔助治療。
謝謝回覆。
請問照出係birads 4 ，係惡性機會好大，謝謝。
2-95%
你好醫生，前幾天body check，剛驗出是BIRADS 3, 醫生建議一年後再做檢查……
3年前報告是BIRADS 1-2, 見以上美國放射學會是建議BIRADS 3情況需要抽針或半年後再做檢查…..
請問應該是一年後再做檢查或抽針或半年後再做檢查?
謝謝!
純睇BIRADS 3呢個結論的話，計正就應該半年後再做檢查或抽針，你醫生有唔同意見，可能佢睇完片覺得冇個結論咁嚴重。
天使醫生你好,想請教下你,我4個月前發現左側乳房有一腫物,醫生超聲波後得有懷疑要做了抽針。抽針後結果為纖維瘤。但4個月後，昨天覆診,發現那纖維瘤大了，由於那纖維瘤外觀樣衰，所以醫生建議手術切除。現我分享一下我的報告，希望聽聽醫生你的建議。謝謝!
There is biphasic proliferation of both stromal and epithelial component in a mixed pattern of growth without leaf-like area. The stroma is hypocellular to nomocellular with stellate to spindle stromal cells within a myxoid to focally hyalinized stroma. No periductal condensation is noted. The spindle and stellate stromal cells show plump nuclei but htere is no cytologic atypia. No epithelial hyperplasia in noted. Gynecomastoid hyperplasia is absent. Intraluminal calcification is noted. The adjacent non-proliferative mammary tissue is unremarkable. There is no evidence of in-situ carcinoma or malignancy.
報告只係病理學上的描述，判斷唔到臨床選擇。
你好 Breast HK,
A few benign punctate microcalcifications in both breasts. (BI-RADS 2)
Several probably benign lesions in R12H (0.43cm), R12-1H (0.62cm) and R1H (0.7cm), suggestive of thick content cysts, fibroadenomas or fibroadenosis. (BI-RADS 3) Interval FU USG is recommended for monitoring.
Normal ultrasound studies of left breast and bilateral axillae. (BI-RADS 1)
1. 請問報告的(BI-RADS 3)是指那一項？ 因為提及 benign lesions，content cysts, fibroadenomas or fibroadenosis，好似樣樣都有問題咁。
2. 我在私家醫生檢查的， 報告出左之後只係到診所同姑娘攞報告，醫生沒有講解亦沒有叫我做抽針，請問我有冇需要擔心我上面的報告呢？
謝謝
1）R12H, R12-1H 同R1H呢三粒野。
2）唔需要擔心，半年後再照超聲波已經Ok。
幾年前開始乳房有數十粒水囊及很多鈣化點，醫生是每年觀察. 上星期做檢查做了超聲波抽幼針，報告是有囊內乳頭狀病變1.3cm , 而X 光造影報告是有6.6cm範圍的鈣化點，BI-RADS 4C, 馬醫生我應該怎樣做呢？1.3cm做手術砌除？6.6cm佔了1/4乳房也要砌？很擔心🥺
乳頭狀病變建議割。BIRACS4c 鈣化點要抽組織去驗，究竟用邊一種方式去做，要睇片先知，切1/4乳房代價好大。
謝謝回覆，鈣化點抽組織化驗。還是照MRI較好呢？
抽組織較好。MRI 只可以話比你聽似唔似，並唔能夠好似抽組織咁話比你聽係唔係。
謝謝你的回覆。
請問嗰三粒野係鈣化點定係纤维腺瘤呢？
唔係鈣化點，可以係乳房纖維瘤。
想請問醫生，在超聲波圖像見到淋巴有兩個圓形黑色的形狀，可能是代表什麼呢？
太多可能性，唔可以單靠你覆述去判斷。
你好，馬醫生，我38歲，近期一邊乳房痛今日睇乳腺外科醫生摸到有粒野，初步話係纖維瘤，建議我照3D X光造影加超聲波，再加抽針(冇講粗定幼針)，費用要成$6,000-$7,000。請問有需要X光及超聲波一齊做嗎？如果抽針係一定要抽定係等X光/超聲波結果出左再決定?X光/超聲波是否可睇得出是良性還是惡性?謝謝
可以只照超聲波先，再睇情況先決定照唔照X光。
可以睇埋報告先決定抽唔抽針。
X光/超聲波會有初步判斷。
你好醫生，
本人37歲，
2018年超聲波檢查發現左右乳房都有水囊，抽了幼針證實良性。現在複診，沒有增大。
2021年夾胸檢查後，左邊有鈣化點BIRACS4A,剛在政府做了抽針，同時放入金屬粒約紅豆大小實心的圓珠粒方便定位追蹤。和你網站提過的放鐵線手術不同，現在等化驗報告。
請問：
1. 水囊沒有增大，是否代表安全？
2. 是否高度可疑才會放金屬粒方便下次做手術？
3. 金屬粒長期放置是沒有不良影響的？
4. 不論報告有沒有非典型增生，也要做手術確定嗎？
1）安全。
2）做微創醫生預計會刨晒目標，冇殘餘鈣化點先會放記號。
3）沒有不良影響。
4）唔係。
如果報告分6 category, 佢寫我屬於 category 5 寫住 near cancer, 惡性擴散 ， 咁我應該點做， 睇完報告就一片空白，好驚唔知點算， 拯救我🙏🏻
搵乳腺科醫生去處理。
醫生你好!
我的媽媽照完MAMMOGRAM, COMMENT左胸BI-RADS 5, 右胸BI-RADS 4A, 醫院已抽左胸組織,右胸要等半年, 所以叫我地出私家做stereotactic guided biopsy. 但我媽媽剛做完左手骨折手術, 還未拆線及康復, 是否適合做stereotactic guided biopsy?
應該將就到嘅。
我大半年前做左VAB, 報告良性。放射科醫生當日幫我植入左 titanium marker, 想問吓日後做唔做得 hifu 美容療? 唔該晒醫生。
醫生，想請問一年做兩次Mammogram 會唔會太多？因為我有鈣化點，過去12個月已經做咗兩次。複診之後，醫生叫我八個月後再做Mammogram, 我驚做得太多會提高致癌風險。我個Birads 應該係四，因為我有做過抽針。雖然醫生冇Grade, 但根據以上的說法，我有做抽針，應該最少都四。不過複診時外科醫生話表面睇就唔似有事，不過佢尊重放射治療科醫生嘅建議，所以叫我半年後再做多次mammogram。我真係擔心做得太多反而冇癌都變咗有癌。請提供意見！
一生人可以照萬三張mammogram，有排都未超標，可以放心照。
2邊都有1顆 < 1cm BI-RADS 3
懷孕及餵母乳期間會變大嗎？會有病變危險嗎？
懷孕前有沒有必做手術的需要？
1）可以變大，但變大唔等同變壞，良性都可以變大嘅。
2）BIRADS3 有事嘅機會小過2%。
3）做唔做手術，唔受懷唔懷孕影響。
報告出咗但唔知講咩係咪可以影低想問你哋
唔怕公開嘅，打出黎喺呢個平台討論。想私人問診嘅，打去診所約見醫生。
HI 醫生
本人４１歲生過２個小朋友
最近先第一次認真驗查, 做了夾胸XRAY 同埋超聲波
得到以下REPORT:
the breasts are extremely dense, which lowers the sensitivity of mammography. There is no discrete mass lesion, architectural distortion or asymmetry noted.
no suspicious macrocalcifications seen. several scattered benign punctate macrocalcifications in both breasts and a macrocalcification noted in left breast.
there is no nipple retraction and no skin thickening.
no abnormal axillary lymph nodes detected.
the breasts are of homogeneous background echotexture – fibroglandular
Left Breast: L2H, CMFN: 5, 6X3X7MM, Oval smooth Doppler Positive, Could be intramammary LN – Probably Benign, BIRADS3
Right Brest:
R1H CMFN: 4, 5X2X4 MM – Oval smooth, doppler negative, Probably Benign, BriRADS3
R8H CMFN: 1, 5X3X6MM – Oval Smooth, Doppler Negative, Probably BEnign, BRIRADS3
no focal lesion in the nipple and subareolar region
simple cyst at R9H (4MM)
no focal lesion in the nipple and subareolar region
no abnormal lymph nodes in bilateral axillae
IMpression:
oval hypoechoic lesions. at L2H, R1H, R8H. these are probably benign and could be fibro adenosis or fibroadenomas and the L2H lesion could be an intramammary lymph node as well. BiRADS category 3, suggest short interval follow-up scan in 6 months to establish stability.
Simple Cyst at R9H. Birads category 2.
benign calcifications in boat breasts. Bi-rads category 2
no focal lesion in the nipples and subareolar regions. Suggest clinical correlation and early follow up if symptoms persist.
婦產科醫生睇完報告本身叫姑娘讀比我我聽, 話有千維瘤, 半年後再照多次就得
咁我唔放心就去面見左醫生解說, 佢話唔駛擔心雖然係BIRADS3.
佢又冇話要抽針果D, 你覺得以上報告我係咪真係可以放心呢?
心急人上
報告結果唔擔心，半年後再照多次已經得。
您好！檢查後發現鈣化點，放射科醫生建議做3D立體定向引導真空抽針（VABB)。請問是否必定由放射科醫生做，乳腺外科醫生可以嗎？謝謝！
絕大部份情況都係由放射科醫生去做。
醫生，你好，我造影結果係4a，所以抽咗粗針，結果係冇事。不過個醫生話抽針係用超聲波，主要係睇有冇腫瘤，所以都唔能夠100％確定係抽到造影下見到同一個鈣化點。不過佢見我4a風險較低，同埋以佢經驗覺得應該係同一個鈣化點，所以佢建議我追蹤就好。但我唔明嘅係：
1）如果唔係抽到造影下見到同一個鈣化點，咁係抽咗啲咩？
2）醫生建議我幾個月後再做一次造影睇吓仲係唔係4a，咁我依家都冇去處理啲鈣化點，理論上幾個月後照都係4a？
謝謝！
1）唔知佢抽倒啲乜。一開始如果唔肯定，其實應該夾住胸去抽，並唔係用超聲波去抽一啲唔肯定嘅嘢。
2）唔一定，最差情況係依家有問題，但冇處理到，咁下次再照就可能惡化，就唔止4a。
謝謝醫生，我再同我嘅醫生傾吓，多謝你嘅意見
42歲,做了Mammogram ,報告中兩邊乳房都有鈣化,請問醫生可以點做呢?BIRADS category 4A.
Two clusters of suspiciously-looking microcalcifications are seen at right upper breast,measuring 3.9 x 4.2mm in span, 42mm from nipple; and 3.2 x 3.9mm in span, 47mmfrom nipple.
Another suspiciously-looking cluster of microcalcifications is seen on magnified CCview of left outer breast, measuring 2.6 x 2.4 in span, 38mm from nipple.(這邊是有結節的)
https://youtu.be/kYflLUvJV4I
你好.
我因為紅斑狼瘡而引至乳房有大量鈣化石, 大到係手摸係摸到, 已做左乳房刺針抽組織檢查及照電腦掃瞄, 暫時係良性, 但因為紅斑狼瘡既關係, 有冇機會變化成惡性/有乳癌既較難自己check到, 公立醫院話每年檢查一次睇下有冇變化, 但有冇其他方法可以拎走0的鈣化石? 每次沖涼摸到硬化的確唔係咁開心
紅斑狼瘡唔會增加乳癌風險。
要移除鈣化，只可以靠切（開刀／微創）。
因為照Mammo 照到1.2cm breast nodule
之後去照ultrasound:
An isoechogenic oval nodule at 8:00 position
, 1cm at left nipple
Size 0.7×0.41×0.96cm
Differential diagnoses are fat lobule and fibroadenoma.
報告冇寫BIRADS,請問係屬於咩？
同有冇野要follow up ? 謝謝！！
根據描述就似良性，半年到九個月後再照超聲波已經可以。
您好，
想問造影+US得出黎既Birad grading，會否考慮求診者年齡？
譬喻，係3同4a之間，因為年紀大，所以傾向4a，如果後生，就grade 3咁？
一般情況下會唔會，個別醫生會唔會？
謝謝
會。
你好！ 本人54 歲,剛2月頭做了乳房超聲波和x光造影檢查,今日取報告醫生話x光報告乳房有少量鈣化點(BIRADS 2)和腋窩有2粒淋巴結, 超聲波報告乳房有粒可能係纖維瘤(BIRADS 3 ), 見議6個月追蹤, 但我都好擔心,因為腋窩有淋巴結, 會否與癌有關, 同埋上年11月體驗無意中驗到乳癌腫瘤標記CA15-3指數為38.6正常值為0-21 U/ml,請問我現在是否應該聽醫生講6個月再追蹤定或是要抽針？
以下是我的手寫報告,可否替我看看, 比些意見,心急人上🙏
The breasts are heterogeneously dense, which could obscure detection of small masses. A few scattered benign punctate microcalcifications in both breasts.
No discrete mass lesion nor architectural distortion is seen.
No suspicious group of microcalcifications is noted.
No nipple retraction is discerned.
No skin thickening is noted.
Two small ovoid left axillary lymph nodes are noted, likely reactive in nature.
Ultrasound
Right o’clock: 12
cm from nipple: 1
size (cm) :0.65 * 0.34 * 0.67
Description:Oval smooth
Doppler:Neg
Impression: BIRADS 3, likely focal fibroadenosis
No suspicious focal solid mass detected in the left breast.
No ductal dilatation is observed.
Small reactive looking bilateral axillary lymph nodes noted.
如果淨睇造影報告結果，就咁觀察到已經可以，不過CA15.3高，始終有啲唔放心，建議抽多次血，睇吓而家個水平幾多先決定。
你好，我左邊乳頭發現有液體流出, 醫生臨床按壓係透明的。
做左乳房超聲波同夾胸話咩可疑, BI-RADS 3。
然後醫生安排左照 MRI + 顯影劑，結果係BI-RADS 4A，size 2 x 10 x 12mm (W x AP x H)，醫生話要抽組織化驗先知係咩，未知係瘜肉、原位癌、定其他？只係話好大機會要切1-2條乳腺先可以解決問題。
我而家好擔心，每日都有大約5毫子大硬幣的液體流出，醫生建議下一步係做磁力共震引導微創真空吸取組織化驗及放置金屬標記，由於要放金屬標記，放野入身體我好擔心，唔知佢會唔會係身體其他地方走黎走去，可唔可以幫我睇下醫生呢個要求是否洽當？MRI報告如下，謝謝！
The breasts are of heterogeneous fibroglandular tissue with symmetric moderate background parenchymal enhancement.
Left Breast:
o’clock: L7H
cm FN: PA
Size (mm) :2 * 10 * 12 (W x AP x H)
Description:
– Mid depth
– Liner Homogeneous
– No restricted diffusion, ADC: 1.42 x 10-3 mm2/sec
– Initial medium with delayed plateau kinetic (Type II curve)
– No overlying skin or underlying muscle involvement.
– Associated with a prominent 2mm duct at L7H
– No USG correlate
Impression: Low suspicion
BIRADS: 4A
Few scattered enhancing foci seen in left breast are considered benign.
Few cysts are seen, up to 4mm.
金屬標記唔會遊走，醫生建議正路。
您好 我43歲 早前做了3D夾胸和超聲波 發現有不小鈣化點和水囊 我很擔心是否高危？因在6月2023年做了全子宮切除手術（子宮內膜癌1A) 醫生開了荷爾蒙藥（Estrofem 2mg) 但這藥又會有機會引起乳腺癌 我很擔心我乳房係屬於高危的一類型 請指教以下報告 我是否高危？
謝謝🙏
Ultrasound Scan
Multiple cysts are noted in both breasts
In the right breast, the largest cyst is located at 9 o clock position. It measures 0.82cm in longest diameter.
In the left breast, a prominent separated cyst is noted at 6 o clock position measuring 0.8×0.7×0.4cm in size.
No solid mass is seem in either breast.
3D Mammogram
Multiple scattered punctate microcalcifications are noted in both breasts. They are likely benign in nature. Suggest follow up examination in 12mths time. No malignant criteria are detected (BI-RADS category 2)
報告冇大問題，覺得似良性。
你好醫生，我細囡16歲，8月份開始發，右乳有硬塊2CM 食一星期抗生素後有減少情況，10月又返發，食了14日抗生素，冇減少，建議照超聲（右邊3點鐘方向，有一個2.9×1.6×1.8. 係4a，要做粗針.）但好多地方唔比18歲下做粗針，是否一定要係私家醫院做呢？這個是腫樓科還是乳線科呢？另外問一問多唔多16以下少女都會發生呢？
有監護人或者家長簽名18歲以下都可以做粗針，唔一定要私家醫院，好多地方都做到。
隸屬乳腺科，唔關腫瘤科事。
少女有一粒粒就好常見。
醫生，本人37歲 。岩岩做完超聲波係BIRADS 3，several well-defined smooth-walled hypoechoice nodules are seen in right breast. They are probably benign, could be focal fibroadenosis or fibroadenomata. Suggest initial 6-month interval follow up scan for monitoring. One simple cyst is noted in right breast.
但其中有一粒nodules 1.7x 1.4 x 0.9cm 係咪跟返建議都得還是一定要去抽針？
觀察同抽針都係可行選項。
但醫務所個醫生叫我去照埋X光，咁係咪有需要？
唔需要。
你好醫生! 我上年1月右面乳房做完皮反手術, 已復原相當好! 可是上星期瑪麗覆診, 被告知 L2H 1cmFN 由 09/2022 (1.06×1.13x.0.902cm) 增大到 03/2024 (1.×1.4×1.9cm) BRAIDS 4, 等緊做粗針, 請問為何一年半時間會增大那麼多? 增長咁快代表會是惡性機會更大? 因2022嘗試在私家抽了很多又粗又幼針, 結果不是CANCER, 點知轉介去公立, 又立即變為是CANCER, 所以對外出抽針有疑慮!!
可以好多可能性：
1）惡性
2）良性生得快嘅瘤，例如葉狀瘤
3）量度嘅機器／手法／角度嘅差異
有懷疑都係等抽針搞清楚。
照咗超聲波，BIRADS 4A, 但份報告寫 angular, ill-defined, 想請教點解會咁寫？4A唔係般都係外表圓滑？謝謝！
Ill-defined margin 本身就係懷疑特徵，所以屬於4a，你誤會咗姐。
外表圓滑係良性特徵，屬於BIRADS 3。
馬醫生你好,
本人39歲, 剛完成照了X光及超聲波作身體檢查, 報案上寫: A few slightly heterogenous microcalcifications are noted in the anterior depth of the left outer breast about 4 o’ clock position near nipple, 0.5cm in span. (BI-RADS 4A).
1) 取報告時醫生說發現鈣化點位置, 做不到抽粗針, 要入院做勾針手術 (但勾針手術傷口較大而且要全麻), 想問一下是否仍有一種微創抽針都做不了?
2) 因為本人是第一次照X光作檢查, 可否待半年後再照X光才決定是否做抽針化驗?
3) X光片看到約8粒很微粒鈣化點, 如抽組織檢驗, 假設當中有一兩粒是惡性, 是否已患癌?
待覆, 謝謝!
1)做唔到抽粗針，好多時都做唔到微創。不過可以睇多個醫生攞意見，因為做唔做到好睇醫生經驗。
2）唔建議，因為要承擔遲咗發現癌症嘅風險。
3）啲鈣化點聚埋一堆，好多時都同一樣嘢，唔會淨係得一兩粒係而其他唔係。
你好，醫生
我媽媽近兩年開始乳房有鈣化點, BIRADS 3
上星期醫院通知上個月照乳房發現有位置BIRADS 4A, 等政府抽組織就要大概半年, 我們正考慮是否等政府排期還是自費出面抽驗，因經濟情況不是十分富裕
在決定前，我想confirm小小概念🙇🏻♂️，以我理解，BIRADS結果影示4A就直接係等於4A風險，正確？
還是係未完成抽驗組織前，所有4A, 4B, 4C等較差情況，都會先preset 界定為BIRADS 4A?
4a 就4a, 4b 就4b, 4c就4c。