乳癌症狀 ： 我係咪生乳癌？
由於香港冇全民乳癌普查，大部份人都係有病徵先去睇醫生。咁好自然第一個問題就係「乳癌有咩症狀㗎？」「我粒野有冇乳癌特徵？」「我咁樣係咪生癌啊？」
其實好多時就好似D明星咁，個個都好似，就咁睇好難分。咁係咪完全冇辦法分呢，又唔係⋯⋯
首先你要知道自己生乳癌既機會率，請睇睇以下呢張圖
圖片來源：Annals of Surgical Oncology
你會睇到，我唔理你咩症狀、咩病徵、咩特徵都好，年齡比咗一個好好嘅資訊我地：
你年紀越大、患乳癌嘅機會越高。
咁即係點呢? 即係大家都係乳房有腫塊去睇醫生，年紀大嗰個似生癌多D
「我今年20歲，乳房有個好大的腫塊，會唔會生癌㗎？」由統計學來講，機會率接近零。
你見條曲線係由25歲開始有可能生癌，35-40歲升得最急，45歲後平穩，80歲再抽升。
所以40歲以上既你，有咩病徵都係去睇醫生啦。
乳癌症狀
黎緊會一連幾集，講吓5大乳癌症狀：
相關醫學專欄：誰是被忽視的頭號殺手？
香港乳癌及乳病治療中心 
我最近發現每當我咳嗽時，我的右邊乳房下，就會痛楚，已經有數天了，我是否需要去就醫呀？
謝謝你
乳房痛楚本身唔係一個令人擔心的病徵，不過有懷疑，搵個醫生去檢查清楚，永遠都唔會錯。
乳房痛楚 ： 我係咪生乳癌？2
你好，我發現媽媽右邊乳頭同乳房痴住甘係咪叫內陷？，然後整個摸上去的感覺都是硬的，但佢死都唔願意去睇醫生，我有咩辦法可以證明到呢？謝謝。
連你都摸到硬，情況係非常令人擔心。自己係冇辦法去證實嘅，就算比你證實到，都要佢肯去見醫生先可以醫落去。為咗佢好，迫／呃／氹都要做一次。
請問我照ultra sound 同mamogram 發現左胸有個1.2 x 0.9 x 1.1cm 既oval shape 小瘤， 是否要做手術攞出來化驗先知是良性或惡性？應該找外科醫生或一定要找乳線專科外科醫生做手術呢？謝謝。
手術係其中一個方法，另外亦都可以考慮抽針去攞多D資料。如果真係做手術，明知有熟手的乳腺外科冇理由唔搵。
我左边胸近夾下有一小塊好似皮膚敏感，会唔会係乳癌？
有硬塊要去睇醫生檢查清楚。
你好，近這星期兩邊乳頭脹痛，本身經期好亂，但就算之前來經都未試過這樣痛，會有什麼問題嗎？
痛本身唔係一個令人擔心的病徴，如果想檢查清楚，當然係去睇醫生。
你好，液下及近乳房邊位有實的圓形粒狀，是淋巴嗎？與乳癌有關嗎？如檢查，需進行怎樣的檢驗?謝謝！
所有唔妥都要臨床檢查先可以下結論，唔可能根據你的描述就話係咪淋巴／同乳癌有冇關。醫生會先觸診，如果有超聲波，就即場照埋加減抽針，咁就一清二楚究竟有冇野。
你好，我有一邊乳房皮膚近幾年出現深色楕圓形嘅黑點，摸過乳房無痛無硬塊，請問有什麼問題？謝謝！
要睇醫生評估先知。
你好，我一星期前發現乳房有腫塊，已book 乳線科醫生，但2個星期才有期睇。唔知係咪日日用手去檢查，宜家腫塊位置有d痛，而且成個星期持續體溫37.2-37.4，我應該點做？會係咩問題？我真係好擔心。
都係盡早睇醫生，要評估過先知咩問題。
我向上伸直左手覺得胸部有扯住感覺,左邊乳房摸到有一打直條狀物體, 伸直手時乳房左下也見到皮底下有類似條狀。
見完醫生寫紙比我去做x Ray , 和 ultrasound , 張紙上 有寫Mondor’s disease 。
冇大痛 、只是向上伸展時嗰個位連對落肋骨有少少痛 不舒服。
請問此症一般如何治理？
睇資料好像是很少有的病症、是嗎？
謝謝。
耐心等待佢自己好，加減用消炎止痛藥。Mondor’s disease唔算罕有，間唔中都見。
了解。感謝你的回覆。
我之前做身體檢查發現左胸有硬塊
之後再搵外科醫生
做幼針抽組織化驗（因醫生話太細粒，得1.5cm,做唔到粗針）
乳房做影x光等檢查
報告出左話幼針檢查唔到係唔係良性定惡性
建議做手術切除個陣做化驗
粒野大概喺乳房4點鐘方向
喺乳暈附近
初步咁睇係咪係癌既機會低？
或者係都係原位癌？
雖然醫生話照野個陣睇就覺得粒野形狀不規則，初時話唔樂觀
想清楚情況先做下一步決定就抽粗針，1.5cm抽粗針根本輕而易舉。
我是正在餵哺母乳的媽咪，B囡只喜歡吸啜右邊的母乳，而左邊乳房，每日只吸一次，是否我的乳房出現問題？（左邊的乳房曾經乳缐炎，已痊愈）🙏🏼
唔可以由BB喜好去推斷乳房狀況。
我發現右邊腋下對落有兩塊深色左少少嘅皮膚，似係色斑多過瘀，唔痛，成個月都仲喺度，但其中一塊喺右胸邊緣，所以擔心關唔關乳房事。近來換左新bra，咁啱胸邊緣塊斑個位俾個bra頂住，又會諗係咪bra問題。book左相熟乳腺科醫生去check，但排到差唔多兩個月後先有得睇，我應唔應該揾個可以早d睇嘅醫生，唔洗日日提心吊膽？我30歲🙏🏻
聽落去就唔擔心，搵唔搵個早D睇嘅純屬個人選擇。
您好,我今年35歲,左邊乳暈生左1粒類似暗瘡既物體,按壓會有少許痛,附近皮膚有少少氾紅,感到果個範圍有少許腫痛同灼熱感,好擔心係唔係乳線發炎或者更嚴重問題?謝謝
擔心就睇醫生。
你好,我上胸有一小片紅瘀咁,禁落去有少少痛,冇腫,但係2星期都未散,想問下係咩原因
可以好多原因，要檢查先知。
做了光造影及超聲波素描發現有D新嘅影係右邊乳房，建議做抽針。但我全無痛楚，硬塊或不舒服。咁係咪唔好做住，再留意下有冇長大才決定呢？
醫生建議得做抽針，即係有懷疑，你冇病徵唔代表唔使做。