乳腺纖維瘤 － 其實好簡單
「乳腺纖維瘤」－ 一個困擾好多女性嘅問題。好多人都想知乳腺纖維瘤係咩黎？有咩成因？會唔會變惡？洗唔洗做手術？手術後會唔會翻發？洗唔洗戒口？有冇咩食療？一大堆問題，其實答案好簡單⋯⋯
乳腺纖維瘤
「我乳房生咗粒野，朋友話係乳房纖維瘤，其實咩係乳房纖維瘤？」
好簡單，乳房／乳腺纖維瘤（fibroadenoma）係良性腫瘤。
「吓？！腫瘤？即係生癌？」
腫瘤（tumor）即係生咗舊野，可以良性（benign），可以惡性（malignant），唔一定係癌（cancer）。
「咁咩係良性腫瘤？」
好簡單，生咗舊良性嘅野。
「唔好玩啦，人地話腫瘤係癌㗎！」
冇玩你，腫瘤係可以係癌，不過要惡性腫瘤先係。希望你睇完呢篇，終於明白係冇「良性癌」或者「唔係癌嘅惡性腫瘤」。呢個世界所有腫塊／硬塊就係腫瘤，可以係良性腫瘤，可以係惡性腫瘤（癌）（malignant tumor = cancer），唔好諗到太複雜。
「唔係喎，我見啲明星話自己係有惡性腫瘤，但佢冇生癌喎～」
如果佢真喺識野，而咁對記者講，就係表演緊語言偽術，或者好似高登仔咁講「佢生語癌」。
如果佢真喺唔識野，而咁對記者講，佢講錯哂係完全合乎佢明星嘅身份，因為佢唔係醫生。
如何檢查？
「咁你點知我舊野係咪良性？」
咁就要靠「乳房檢查三步曲」中臨床檢查、造影檢查、抽組織嘅資料而得出黎嘅結論。
「咁咪要睇醫生先知？」
係。唔係／唔會問多幾個朋友就知自己舊野係咪良性。
「真係完全冇得估？」
係有得估，你仲記唔記得「乳房硬塊：我係咪生乳癌？1」嗰幅圖？你都係懶得去click，upload埋比你睇：
睇歲數：20歲樓下，90%以上係纖維瘤。年紀越大，纖維瘤機會越細，越應該睇醫生。
乳腺纖維瘤病徵
「我見D人教如果表面光滑，邊界清晰，會郁嘅，就係乳房纖維瘤，啱唔啱？」
啱又啱唔晒，不過最重要嘅係唔係由你嘅角度出發。先講點解啱唔晒，所有乳房嘅病都要由乳房檢查三步曲先可以確診，點可以只憑著臨床資料就話佢係定唔係乳腺纖維瘤。再講，早期乳癌都可以表面光滑／邊界清晰／會郁嘅，咁你點分？
最重要最重要係由你嘅角度出發，你只係得一粒（最多幾粒）野，點識分辨咩叫表面光滑／邊界清晰／會郁嘅？
乳腺科醫生嘅作用就係咁，日日睇幾十人，長年累月就會知咩叫表面光滑／邊界清晰／會郁嘅，呢個病人有可疑，嗰個病人冇咩事，呢D叫經驗。所以呢D資料就算啱，對你黎講都係冇意思，因為你缺少經驗。與其紙上談兵估估吓，都係實際D搵個乳腺科醫生睇睇。
乳腺纖維瘤抽針
「乳腺科醫生叫我抽針，但我聽中醫講話會撩散佢，或者令佢惡化？」
良性就係良性，唔會因為你拮吓佢而令佢變惡，唔好誤信讒言。假設抽針真係會令佢變惡，即係本身係良性都變惡性，本身惡性又係惡性，咁抽針只會有一個結果，就係惡性，咁我抽黎仲乜？貪得意？
如果抽親針都會生乳癌，世界衛生組織應該將抽針列為致癌物質，因為佢仲毒過食煙，恐怖過輻射。用吓你嘅邏輯，睇吓抽針嘅結果（真係有良性），你就知呢種說法幾咁無稽。
乳腺纖維瘤原因
「我睇咗乳腺科醫生，做哂三步曲，確診係乳腺纖維瘤，咁點解會生啲咁嘅瘤？成因係咩？」
好簡單，冇得解。
「唔係喎，我上網睇話關女性荷爾蒙事㗎喎～」
嗰嗰女性都有女性荷爾蒙，點解我生啲咁嘅野而佢又冇生？佢地會話因為荷爾蒙水平嘅高低，咁點解高／點為之高？女性荷爾蒙水平日日唔同，你點量度／點量化／點比較？冇得比較你又點可以咁簡單賴晒佢？講到尾，就係好簡單，冇得解。就好似有D人靚D，有D人醜D一樣。
「唔係喎，醫生話係ANDI (Aberrations of Normal Development and Involution) 嘅一種」
Aberrations of Normal Development and Involution 係 LE Hughes 喺1987提倡嘅一種分類⋯⋯下刪一萬字⋯⋯，你無謂嘥時間去睇睇睇，因為睇完晒你都唔會明，幾時先明？當你明白呢個世界好多野喺「冇得解」嘅時候，你唔會再好似個三歲小朋友咁不斷問點解，正如你唔會再死諗爛諗有雞先定有蛋先一樣，因為冇得解。
「如果乳腺纖維瘤係冇得解，咁我仲咩要睇醫生？」
因為佢知將來你個纖維瘤會點發展，同埋可以幫你割咗佢。最驚你誤以為自己生乳腺纖維瘤，原來實質係生乳癌。
「咁個纖維瘤第時會點發展？會唔會變惡性？」
九成九唔會。
「即係都有機會？」
文獻記載大嘅乳腺纖維瘤（大過5cm），變惡嘅機會係0.3%。機會率仲細過你自己本身生乳癌。即係你可以睇成佢唔會變惡性／攞你命，不過佢又唔係護身符／保你一世唔會生乳癌。你同其他女性患有乳癌嘅機會一樣，唔會因為你割左佢就安全咗，因為纖維瘤都唔會搞搞震。
乳腺纖維瘤治療
「咁點樣醫？」
良性瘤，唔會變惡，冇需要醫，觀察吓就得。
「觀察D咩？」
睇吓有冇大，會唔會斷錯症。
「我會繼續觀察粒野嘅變化，但我想問下粒野如果真係良性嘅乳腺纖維瘤，會唔會有機會自動消失？」
有機會。通常收經後就會慢慢細／自動消失，所以D人覺得關女性荷爾蒙事。不過話分兩頭，當你觀察粒野到50歲收經時，又到咗一個驚生乳癌嘅年紀，所以消失晒都會建議定期檢查／照乳房。
乳腺纖維瘤食療
「我見好多人問乳腺纖維瘤食療／飲食／藥物，有冇野可以預防纖維瘤？我生活上有冇咩要注意？」
當你知道乳腺纖維瘤係良性、唔會變惡，你就唔會／唔應該問以上問題。正如你唔會問有冇野可以預防頭髮生長，道理一樣。生活上均衡飲食，唔洗戒口，戒食雞／黃豆／燕窩係幫唔到件事，同埋係冇藥食。
「咁簡單？」
簡單邏輯，連咩成因講到尾人類都係唔知，你覺得仲可以針對成因對症下藥？醫生可以做嘅就係幫你割咗呢舊生多咗嘅野。
乳腺纖維瘤手術
「你話可以割，我見個朋友都做左手術，咁乳腺纖維瘤幾時先要做？」
當我地唔能夠百分百確定佢係良性時：大得好快／大過2cm／三步曲三個環節結論唔一致；或者你好想時：心理壓力／擔心醫生誤診／引致痛楚。
「搵咩醫生割？」
要搵就搵乳腺科外科醫生割。乳腺科外科醫生可以用微創方法割佢出黎，或者盡量將疤痕隱藏喺乳暈邊，咁樣就最美觀。
「咩叫微創？」
醫生會幫你局部麻醉，係乳房外側開個4mm嘅傷口，之後用把微創槍，係超聲波睇住嘅情況吓刨佢出黎。
「係咪人人都啱做微創？」
做微創粒野最好細過2.5cm，有經驗嘅醫生最大3.5cm度已經係極限。同埋有D位置（例如太近皮膚／邊緣位置）就唔係太適合，詳細要乳腺科醫生用超聲波評估完先知做唔做得。
「微創刨完／手術割完會唔會翻發？」
有可能。如果醫生割唔清，係可以嘅。不過更大機會係割清咗，自己乳房再生過纖維瘤，所以你見好多女仔係有好多粒乳腺纖維瘤嘅。
總結
「可唔可以總結一下我有咩要知？」
乳腺纖維瘤係良性腫瘤，要搵個乳腺科醫生做哂乳房檢查三步曲先確診到，抽針唔會令佢變惡。佢唔會攞你命，不過佢又唔係護身符，唔會保你一世唔生乳癌。平時觀察吓就得，唔需要戒口，冇咩野食療，冇藥食。如果唔能夠百分百確定佢係良性時：大得好快／大過2cm／三步曲三個環節結論唔一致，或者你好想時：心理壓力／擔心醫生誤診／引致痛楚，就搵個乳腺科外科醫生割咗佢。至於嗰啲咩成因／病徵／特徵／食療等等，忘記它吧。乳房生咗粒野，因為你缺少經驗，與其紙上談兵估估吓，都係實際D搵個乳腺科醫生睇睇啦。
相關醫學文章：
香港乳癌及乳病治療中心 
乳腺纖維瘤?乳腺增生?超音波照不到
醫生你好:
我摸到左乳房有粒野，前幾日去左乳癌基金到檢查。個姑娘用手檢查話有粒郁得ge野, 圓的, 話以佢經驗應該為良性的。根住去照聲波，醫生/姑娘話什麼都照唔到, 但佢都話摸到, 唔知點解… 照唔到…好擔心…
照超聲波會唔會照唔到? 假陰性? 我粒野成1cm大。我自己摸, 覺得一邊圓的,可以滑動, 一邊摸唔到邊… 纖維瘤會唔會一邊摸唔到邊?
我二十幾歲…
都係睇歲數先，二十幾歲有事嘅機會好低好低。再加上超聲波都照唔到野，出事嘅可能性係好低好低好低。
生乳癌摸到但照唔到，唔係完全冇可能，不過機會好微。
所以最大機會係唔識摸（唔好奇怪，1cm或以下嘅硬塊，就算乳腺科醫生都冇把握一定準確分辨到），以為正常乳腺組織一粒粒就以為生野，其實後生女好常見，因為乳腺組織密度高（尤其經期前特別明顯）。
如果真係只不過係正常乳腺組織，當然照唔到野出黎。
正正因為你自己都摸到，可以選擇觀察住先，定期自我檢查（最好經期後先摸），如果有大嘅跡象，就再去睇醫生。
如果真係好擔心，另一個選擇就係抽針，摸到已經可以抽（唔使一定照到），當然搵到野既機會係好低好低好低好低（低機會有事加低命中率加低靈敏度），最大機會白白捱一針。
好感謝你咁快就回覆左我，睇左你寫ge野，個心定左好多, 多謝你。我仲諗好唔好照MRI, 但又唔知有冇用, 又唔知係邊到有得照。照MRI 其實有冇用?好唔好?
有得MRI乳房呢樣嘢，自然有其用途，不過唔係咁用，費事混淆大家，遲D有機會先再講點樣用。
你係唔需要照，亦唔應該照。
因為MRI嘅特性，係高靈敏度，但係低準確度。
高靈敏度，即係有野冇野都響警鐘。
低準確度，即係警鐘響搞完一大輪（又走火警／又call消防車），先知道警鐘誤鳴，無啦啦搞個大頭佛出黎，嘥錢／白驚一輪／身體白白受傷害（白抽針／白做手術）。
所以唔好諗MRI，喺你情況，係百害而冇一利。
超級感謝你的回覆，依家知道點做。
點算我都好像有
Breast HK 你好!
我今年22, 係2年前都曾經做過手術(做左2粒), 因最大個粒纖維瘤都差唔多5cm ,
咁今年我再做檢查, 發現又有2粒超過1CM (1.4及1.2cm) ,有1粒就0.9cm…仲有幾粒1cm 樓下,
我睇開個一個私家醫生建議我可以做手術, 咁我而家抽針先(1.4CM個粒), 睇下睇係咪良性~~
咁其實1.4CM個粒 係咪可以等下先~~唔洗咁快做住….正如你所講大過2cm 先再唸?
我最近做過超聲波,結果如下:
第1次: 左 3 右7
第2次: 左 1 右5
最後想問下我生纖維瘤的機會，其實係咪比一般同年齡的人多?
唔係剩係睇大細，仲要睇:
1）呢一刻個樣衰唔衰
2）長久有冇變化：不嬲都樣衰，定係靚樣變衰樣
其實好多後生女都好似你咁，十幾粒乳房纖維瘤。如果要割晒，你個乳房一定花晒／凹晒。
所以只可以選擇性咁做／選擇性咁抽可疑嗰D／有問題嗰D。
如果你最大1.4cm嗰粒照完都話冇可疑，我會針都唔抽，因為22歲有野嘅機會係好細好細。加上你20歲嗰年已經確診咗為乳房纖維瘤，暫時由你提供嘅資料，我見唔到有咩證據話佢而家唔係纖維瘤，實在冇必要再抽（抽完九成九都冇咩額外資訊比到你）。
你要做嘅就係觀察住先，等到粒野2－2.5cm就考慮用唔用微創槍刨咗佢出黎（傷口5mm度）。
咩叫微創？就好似呢條片咁
http://youtu.be/ojwNTCUYE8A
（做微創最好粒野細過2.5cm，有經驗嘅醫生最大3.5cm度已經係極限）
唔好好似上次咁等到5cm先做，就算冇毒，你傳統開刀個傷口都大過5cm，而且個缺損咁大，你好可能會介意個乳房凹咗。
纖維瘤都唔係癌，又唔會攞命，幾大機會生纖維瘤根本就唔應該係一個問題。打個比喻
有粒痣都唔係癌，又唔會攞命，幾大機會生粒痣根本就唔應該係一個問題。
最後想問下我生粒痣（纖維瘤）的機會，其實係咪比一般同年齡的人多?
只可以答你，你本身已經有好多痣（纖維瘤）。
Breast HK,感謝你的回覆，這個問題之前一直困擾住我，而家安心好多，十分感激。
好多謝你分享，好詳盡。我今年20歲，今日沖涼發現左邊乳房有粒野，由於無啦啦出現，有d驚。於是上網揾下相關資料，發現你嘅文章，於是由頭睇到落腳，睇完安心d。我會繼續觀察粒野嘅變化，但我想問下粒野如果真係良性嘅纖維瘤，會唔會有機會自動消失？
有機會。通常收經後就會慢慢細／消失，所以D人覺得關女性荷爾蒙事。不過話分兩頭，當你觀察粒野到50歲收經時，又到咗一個驚生乳癌嘅年紀，所以消失晒都會建議定期檢查／照乳房。
我今年22歲，生左BB個幾月，餵緊母乳，前日去健康院做產後檢查，檢查乳房既時候，醫生話摸到乳房有粒野，話分辨唔到係乳腺漲定係其他野，話寫轉介信我去政府乳腺科度檢查下，我好擔心好擔心⋯呢兩日都唸住，我媽咪話佢二十幾歲既時候都試過同我一樣情況，後來粒野自己消失左，我想問係咪會有遺傳呢個情況？同埋我應該去私家診所檢查一下乳房嗎？咁但係健康院醫生都係用手摸然後分辨唔到，我去私家診所醫生都係用手幫我check？唔會用機或者其他方式？我去普通私家診所度同佢講檢查乳房嗎？對不起，問題很多，麻煩您了。
喺未知粒野係咩嘅情況下，係唔能夠評論關唔關遺傳事。
如果經濟許可又嫌政府等得耐，係會建議去私家乳腺科早D檢查，做乳房檢查三步曲去評估有冇野（並不是去揾普通私家醫生做觸診）。
Hi Breast HK, thanks for this sharing and the useful info. After ultrasound examination, I was informed that I got 3 small solid nodules which are probably fibroadenomas or hyperplastic nodules in right breast. All of their size are less than 1cm. I am at age 35. Do you suggest any follow up / additional examination or just keep re-checking yearly? Thanks for reply.
35歲可以開始有事，所以最穩陣嘅做法係抽埋針，有D人大膽D／可承受風險嘅可選擇唔抽。
至於粗針定幼針要視乎兩樣野：
1）BIRADS 係咩類別。唔知BIRADS係咩就去睇睇乳房葉狀腫瘤 － 究竟係咩黎㗎？，對住黎做。
2）有幾細粒。如果太細粒（＜5mm），係好難抽得中嘅，要醫生做開有經驗先得，5mm至1cm就易D抽。所以越細粒就越傾向唔抽，剩係觀察。
一年度就照一照超聲波睇吓有冇變化，照多兩照都夠40歲冇粒粒都要定期照乳房X光嘅年紀咯。
hi Breast HK ,
thanks for your information . i m 38 and found the hard lump in my right breast last month
mammogram and ultra sound result- Bi-rads :4a and
impression from radiologist;
right breast 11’oclock- 2 cm from nipple, well-defined hypoechoic nodule with lobulated border 1.1x 1x 1.2 cm <– what is it in chinese name? is it the 纖維瘤? or just abnormal cells ?) it shows central vascularity and features are indeterminated. and further assessment is advised.
right breast 10 o'clock 3cm from nipple , fibroglandular tissue appears relatively hypoechoic with echogenicity <— what is it in chinese?
and it represent Stromal hyperplasia<— ( what is it in chinese name and does it mean only 乳腺組織 abnormal changed? )
so the radiologist suggested Bi rads – 4a and suggested MMG: Stereotactic CNB and USG: /4a suggested; BX
does it mean i m low risk of breast cancer and probably only benign , and no need to remove ?now is 1.cm and if it grow bigger and i have the risk that i can't use micro-surgery if it grow bigger than 2cm after 6 months of monitoring? so do u suggest me to remove it now even it is benign or not ..
my first step now will go see the 1st consultation of the dr, and do the CNB to see what tumor it is …. but have a tumor inside my breast worried me alot.
best regards,
applebbc
Right breast 11’oclock- 2 cm from nipple, well-defined hypoechoic nodule with lobulated border 1.1x 1x 1.2 cm <-- what is it in chinese name? 腫瘤（性質待定） Right breast 10 o'clock 3cm from nipple , fibroglandular tissue appears relatively hypoechoic with echogenicity <--- what is it in chinese? 超聲波回音－醫生用黎描述嗰撻野嘅樣 and it represent Stromal hyperplasia<--- ( what is it in chinese name? ) 乳腺增生，冇野嘅。 Does it mean i m low risk of breast cancer and probably only benign , and no need to remove ? 唔係，BIRADS 4a 已經係可疑（雖然唔係高度懷疑），但一定要抽針確認，「唔可以」話應該良性。 now is 1.cm and if it grow bigger and i have the risk that i can't use micro-surgery if it grow bigger than 2cm after 6 months of monitoring? so do u suggest me to remove it now even it is benign or not .. 係有機會做唔到微創，不過主要唔係因為咁嘅原因而叫你做手術。而係就算抽針話係良性，但造影話可疑，即係乳癌檢查三步曲有兩步唔一致，抽針有機會抽唔中有問題嗰部份／唔夠代表性（情況有如你信唔信1200人嘅選委會能夠代表你意願選特首咁），要最準確，當然係100％割咗去（即係100％全民選特首）。 my first step now will go see the 1st consultation of the dr, and do the CNB to see what tumor it is .... but have a tumor inside my breast worried me alot. 步驟正確，唔好因為驚而慌不擇路，亂咁黎只會令你恨錯難返，要冷靜。
dear Breast HK , thank you soo much to answer my query , i m very scare and helpless.
after seeing the first consultation of Dr 1
he suggested me Not to do stereotactic and go ahead to remove all the micro-calcification area, with guide wire. on the large part of scattered micro-calcification on upper part.
but from the research on line , it said only 30% to 40 % of this micro-calcification is due to early dcis or invasive cancer, If do the guide wire to remove and diagnose at the same time, save time and no need to do stereotactic.Q1 .. <– does it mean skipping step 3 and just remove it even not proven it is early cancer cells? and he told me that the stereotactic CNB will have risk that the dr forgot to put the marker on it and can't find the original place in future for further remove of if find it is ductal cancer in situ or invasive cancer after the stereotactic core needle biopsy.
but it is almost 1/2 size of my left breast, after remove it ,Q2. is it mean my breast will drastically deformed ? and can it back to normal size after the surgery ? and does it mean i need to have plastic surgery or breast reconstruction like those mastectomy . In my case, if he suggested to remove all the bad tissue, i concern it is almost like removing my whole breast except keeping the nipple and the lower part. my concern is , Q3 will it be taking risk that find out it is not cancer and i have already remove most part of my breast ?
seems like he suggested me to skip the no,3 and just go ahead for surgery to remove both. is it Correct ? is it worth to risk it , and i m afraid it will become your so-call { + – dinner } that i won't know how much tissue he will remove after i wake up and find my whole breast removed if he cut more and more and more to find it is cancer, and then find out the micro-calcification is not due to cancer. and I lost my left breast already.
thank you for your reply in advance and i will try to keep calm … hopefully there is a solution that i can remove the bad tissue and at the same time build up another good shape breast for me, for better self esteem in future and dont want to scare my future husband too much.
基於資料有限，只可以比個大綱你：
你而家面對2個問題：
1）乳房有BIRADS 4a 鈣化點。
2）乳房自己摸到舊野，假設就係超聲波照到右邊11點鐘1.2cm嗰粒。
第一樣要搞清楚嘅就係1同2係咪同一個位置：
如果「係」，簡單只係用超聲波睇住抽2就ok。
如果「唔係」，要X光夾胸抽1，加埋超聲波睇住抽2。
唔建議直接做手術，理由如下：
好似你咁講，BIRADS4a鈣化點生癌嘅機會率大概2-30％，假設一半係原位癌，一半係侵入性癌，如果你跟Dr 1嘅做法，有3個可能性：
1）70－98％白白做咗一個大手術（切兩成乳房已經會開始變型，切一半乳房一定凹晒）
2）1－15％係侵入性癌，你之後要再做第二次淋巴手術，根本冇慳到時間，只係將一次抽針一次手術變成兩次手術。
3）1－15％係原位癌，有三成機會割唔清，即係又要做第二次手術。
所以你唔抽針直做手術，做啱選擇嘅機會率（原位癌加割得清）只有0.7－10.5％，仲未計割一半乳房一定凹晒。你要問清楚Dr1點解建議一個成功率咁低嘅選擇。
根據你提供嘅資料，Dr 1擔心抽針後鈣化點會唔見晒，驚如果抽針醫生唔記得擺記號入去，會搵唔返病灶。我想你留意以下幾點：
1）如果你記得提／叫抽針醫生放記號，咁仲有咩問題？
2）如果抽幾針就可以抽晒D可疑鈣化點，究竟係本身可疑鈣化點唔多，根本就唔洗割一半乳房？定係可疑鈣化點好多，根本唔放記號入去都冇問題？
3）如果鈣化點就係摸到／超聲波照到嗰舊野，就算冇放記號同時又抽晒D鈣化點，都仲可以靠摸／超聲波去做手術。
先抽針，唔代表／唔係想「唔洗做手術」，只係想第時做手術可以周詳D／計劃好D，對於後生未結婚嘅你尤其重要。「確診」呢一步大部分情況都唔急得，記住呢個世界係冇捷徑嘅。以上資料應該夠你保護自己。
thank you soooooo much for your advice, i felt much released after knowing your comment is align with my concept and hopefully , i will do step by step and will go for stereotactic CNB and CNB for both breasts before next surgery and see what it is first and thank you so much . I agree so much with your advice on
只係想第時做手術可以周詳D／計劃好D
媽媽今年57歲。已於53歲收經，1月 Body Check 發覺右邊乳房有粒硬塊，醫生建議她再作詳細檢查。經作一連串乳房造影檢查包括：乳房X光，超聲波，抽幼針及粗針檢查後，結論也是良性纖維瘤。想問 Breast HK 這性況下有需要做簡單手術割除嗎？
你媽媽個歲數先發現有良性纖維瘤係少有D，不過都唔係冇可能，因為有D叫degenerated fibroadenoma嘅（即係老化咗嘅纖維瘤）。
如果已經做齊乳房檢查三步曲，結論都係一致話良性纖維瘤，著實冇必要做手術割除，可以選擇觀察。
不過有時你都會見到有病人選擇割，可能性如下：
1）病人好擔心，就算醫生話良性／唔會變，佢都係唔割唔安樂。
2）粒野個size唔細，例如2cm以上，醫生驚抽針唔夠代表性。
3）臨床有變化，例如粒野大咗。
就是因為媽媽呢個年紀至發現，所以有啲擔心，因而做齊哂所有 Test 和檢查。最後報告都是良性纖維瘤約1cm左右。其實我都好少聽到媽媽呢個年紀發現的是良性纖維瘤，起初都好擔心，直至所有報告出了。原來仲有一種叫「老化咗嘅纖維瘤」。
Breast HK 您好! 本人28歲，4年前我摸到左乳房有粒野，去左做超聲波檢查，照到有個瘤3.5cm x 2cm x 2cm，都冇理到佢，
到上年再去照超聲波同抽針，醫生話係良性纖維瘤，有2粒： 4cm x 2.6cm x 2cm，1cm x 0.9cm，
我想問下係咪一定要做手術？良性纖維瘤會唔會變成惡性？因為聽過有D個案就算割完都會生番，我自己本身好驚做手術。。。
唔該哂你。
呢個世界冇咩野係「一定要」嘅，包括你而家呢個情況，做唔做手術主要都係平衡佢嘅好處同風險。
好似我上面咁講，良性纖維瘤係唔會變成惡性嘅，討論重點係「醫生究竟有幾肯定你粒野百分百係良性纖維瘤」。
睇時間性呢，你粒野24歲已經係度，4年後大咗0.6cm去到4cm。聽落去生就唔係生得快，本身都吻合良性纖維瘤呢個診斷。
你好驚做手術，要搞清楚驚D乜，驚手術後乳房變型／疤痕？定係怕開刀／痛／甚至唔知自己驚乜？
如果係驚手術後乳房變型／疤痕，我會建議而家做手術割大嗰粒，因為遲D等佢再大D先做，疤痕會仲長，乳房更易變型（因為割更多乳腺組織），細嗰粒如果喺埋附近，就順手一併用同一個傷口割埋，如果唔近要開2個傷口嘅，就唔好割細嗰粒住。
如果係怕開刀／痛／甚至唔知自己驚乜，我會建議你觀察住先，現階段你心理根本未準備好做手術，如果有變化就再抽粗針。咁建議主要建基於你現時嘅情況，冇一個「一定要」做手術嘅理由。
你好呀，我十八歲果陣發現右邊有粒嘢，宜加可能有三cm,照咗超聲波，抽過，其實我想做手術好似安樂啲，但唔想咁年輕個度就有個手術疤，睇完你話可以搵乳腺科外科醫生割，我知多啲，政府同私家都可以搵到？你話如果要割晒，你個乳房一定花晒／凹晒。你指嘅花哂係微創都會㗎？有幾粒想同時做，都係開一個傷口？
如果真係3cm就切咗去好D。
乳腺科外科醫生政府同私家都有嘅。
花晒係指如果直接喺粒野表面開傷口（手術最易做，技術要求最低，傷口起碼都要大過你粒野，即係幾cm），而又多粒嘅話（即係好多個明顯傷口），咁咪唔靚囉。
微創好好多，因為傷口本身5mm好細，唔多覺。幾粒想同時做，要視乎實際情況，先知可唔可以用同一個傷口做晒（有可能得嘅，當然亦都有可能唔得）。
凹唔凹就視乎技術同埋割剩幾多乳腺組織，本身越豐滿，就越多空間走棧。
咁我宜加23歲，睇完呢篇先知道有微創，令我好有動力想盡快做，因為怕佢會太大就冇得做微創，左面有粒就上年覆診醫生摸到先知，宜加仲好細粒，可唔可以兩面一齊做微創？
我21歲果年先去瑪加烈睇，一直都只係醫生叫我驗乜就驗，佢話可以割，我當時係打算過多幾年，結婚生仔先割，始終未結婚唔想有個疤，
其實一路都唔知我到底係乜事，我一直以為係乳線增生，因為對呢方面冇認識，我唔問，醫生又可能以為我知，佢又冇講，睇過幾次個重點都只係良唔良性，割唔割，基本上醫生除左呢ｄ乜都冇講。
我都係上網睇好多先知我應該係乳腺纖維瘤，我７月將會覆診，我到時會問清楚ｄ，我左面果粒佢冇叫我照，淨係抽，但當時好細粒，我會怕佢其實冇抽中。
我最想割個理由係唔割唔安樂，我好驚青，由細到大醫院都未住過，本來想張勇氣留畀將來既我，但微創令我擔心既問題小左，私家／公立既微創收費如何？其實睇公立可唔可以擇醫生？有冇得搵你睇？
其實割得清唔清
位置
時間
技術
儀器
成件事靚唔靚
公立/私家既分別在邊?
只係人既問題?
割得清唔清：視乎醫生技術水平
位置：視乎本身粒野係邊度同醫生技術水平
時間：私家快，公立要等
技術：視乎醫生技術水平
儀器：一樣
成件事靚唔靚：視乎醫生技術水平
公立/私家既分別在邊?最主要分別在於你有得揀你鍾意嘅醫生，其餘就係私家快D／時間彈性D／配套舒適D。
可以兩面一齊做，不過有幾樣野要考慮：
1）做嘅時間長咗一倍。
2）局部麻醉藥要計啱份量，因為2邊嘅分量打下打下唔覺打得太多。
3）用2支微創槍，成本自然雙份。
4）同時要護理兩邊傷口。
私家海鮮價講唔實，視乎醫生名氣，一般我諗萬零兩萬蚊落到樓。
公立成本價只係比錢買耗材，＄4000搞掂。
對唔住，冇得搵我睇，因為係唔啱公立醫院規矩嘅。
咁我打算分開做,割完又生,生完又割,好似永無止境。
如果我想去私家,就係覆診時寫轉介信?
政府d報告點?
係私家/公立割完,佢地會唔會拎去化驗下?
我呢d情況成世都要覆診?
係私家割完又轉介返政府覆診?
你可以叫公立醫院寫轉介信比你，自己去搵私家乳腺科醫生。
政府D報告，如果遇著醫生好人，可能肯印比你，不過跟正規矩係要去病人報告申請組比幾百蚊申請，。
割完當然會拎去化驗。
如果真係乳房纖維瘤，情況穩定／已經割咗，係冇需要一世定期覆診，有變化先去睇醫生。
政府嗰度如果冇比人close case，係可以同時公立／私家兩邊跟進，冇需要再轉介黎轉介去，你只要帶返手術後化驗報告去覆診，等大家有個最新紀錄就得。
上網search到
http://www.cqcbh.com/ruxian/xianweiliu/13210010424420.html
其實又係乜黎?
EnCor就係我所講嘅微創手術（其中一個微創槍牌子），即係你係我篇文見到段youtube嘅手術過程。
乜政府醫院唔係100蚊一日計的嗎？
政府醫院房錢係100蚊一日，微創槍間間醫院唔同，有D包埋唔洗錢，有D唔包要自己比成本$3644（一支槍加一個記號）。
其實搽豐胸膏會吾會影響生乳癌/其他乳房疾病?
首先，我唔知豐胸膏有咩成份（亦都冇可能研究晒咁多隻牌子），所以好難答你呢個問題。不過照常理，係唔會明顯增加患乳癌風險。因為如果會明顯增加風險嘅話，晨早比人當致癌物質禁咗。
使用避孕針唔會生乳癌?但生乳癌唔可以使用避孕針,其實個關係係邊?
「避孕針究竟會唔會導致生癌」醫學界其實冇一個定案。我地最常用嘅避孕針係3個月打一次嘅Depo-Provera，你可以去以下pfizer藥廠條link睇吓（第四頁5.3關於乳癌嗰部分）
http://labeling.pfizer.com/ShowLabeling.aspx?id=522
研究話整體黎講，曾經用過Depo-Provera患乳癌嘅風險係同平常人一樣。不過如果係35歲以下，最近4年內開始使用Depo-Provera，係會輕微增加風險（association）。不過你要明白有關聯（association）唔等如有直接因果關係（causality），所以我地唔會話避孕針直接導致生乳癌。
「有乳癌唔可以用避孕針」主要講緊荷爾蒙受體陽性（ER＋）嘅乳癌，我地怕Depo-Provera裡面嘅黃體酮（progesterone）會刺激乳癌生長。打個比喻，煉油廠（避孕針）唔會直接搞到火燭（乳癌），但火燭（乳癌）時我地段唔會想火上加油（避孕針）。
近兩月乳頭痕癢脫皮，有時會溢液，兩邊乳頭也有此情況。 上網查閱說這多是良性疾病，但請問是什麼病？ 嚴重嗎？ 應否看醫生？ 謝謝！
大部分都係普通濕疹，不過都建議睇醫生，因為有種病叫Paget’s disease of the nipple，同濕疹好似嘅，不過就乳房內裡有乳癌。
大部分都係普通濕疹，不過都建議睇醫生，因為有種病叫Paget’s disease of the nipple，即係咩？
即係你嗰D病徴「可以」＝Paget’s disease of the nipple＝乳癌
全身/局部麻醉?
有冇得擇?
我想局部,其實局部係唔係安全d??
兩樣都得。
開刀手術就多數全身麻醉，舒服D。
微創多數局部麻醉，簡單D／安全D。
乳房纖維化和乳房纖維瘤有什麼分別？
乳房纖維化，我估你係指fibroadenosis or stromal fibrosis，其實都係指乳房組織硬硬地（冇清晰邊界，所以冇得割／唔洗割，佢係良性冇野搞，唔會變惡，唔洗跟進），佢唔係乳房纖維瘤。乳房纖維瘤舊野係成型嘅（一個瘤），邊界清晰，都係良性，如果大可以割。
Breast HK您好
我今年47 歲，剛拿了造影及超聲波報告
1. A few small benign type calcifications are seen in the left breast and axilla. The veins are not dilated . No skin thickening is seen.
2. Two hypoechoic nodules are seen in right breast, one at the 2′ o’clock sector , 1 cm from the nipple， measuring 7 x 4 x 6mm and the other one at 3 o’clock sector , 1 cm from the nipple, measuring 5 x 3 x 5 mm, They are most likely fibroadenomas .
我的婦科醫生說是乳腺増生引起，由於我有胸痛，醫生開了noretone 及 pyridoxine 給我服用三個月，表示若不放心，可三個月後再照聲波。
請問我仍需否另找乳腺科醫生跟進嗎？
我三年多前曾照超音波，是沒有此瘤。但有乳腺增生。
謝謝
你個超聲波報告有兩個好細嘅黑影，放射科醫生覺得最似係良性纖維瘤。如果照正常乳癌檢查三步曲，下一步就係抽埋組織，去確定真係良性嘅。不過由於粒野太細粒，抽都可能抽唔應／抽唔中，所以你亦都可以選擇觀察，定期照住，到佢有變化／再大D先抽組織。
如果選擇定期照，就大概半年（BIRADS3）至一年（BIRADS2）再照超聲波。唔洗3個月就翻照，因為就算有毒，你都要比時間佢變化／長大，超聲波先見到有分別，太早翻照只會浪費你時間／金錢，同埋嗰D所謂「冇變化」只會令你掉以輕心（實情係你都冇比時間佢變化）。
雖然乳房纖維瘤（fibroadenoma）同乳腺增生（fibrocystic disease）同屬ANDI家族，但它並不是由乳腺增生所引起。
其實胸痛主要都係食止痛藥，另外唯一一隻美國FDA認可醫胸痛嘅藥叫Danazol。至於你醫生開嘅Noretone（主要成份norethindrone）其實係一隻避孕丸，對乳房痛並冇幫助，詳見：
http://www.webmd.com/drugs/drug-16321-norethindrone+contraceptive+oral.aspx
另一隻pyridoxine其實係維他命B6，亦都唔係用黎醫乳房疾病嘅，詳見：
http://www.webmd.com/drugs/drug-5427-pyridoxine+oral.aspx
雖然佢D藥冇用，不過有時食咗真係會感覺好D，因為心理作用都係作用。不過乳房有問題，與其亂咁食藥，都係正正經經搵返個乳腺科醫生睇睇啦。
Breast HK
謝謝你的意見。
Breast HK你好, 我今年22歲,
早前做左抽針, 話係良性 有2.8 CM
我在東區醫院看的時候醫生說會幫我在乳暈邊開刀,
那時候我不知道是有微創可以做的, 醫生說到時會幫我全身麻醉
我想問我個瘤有差不多3CM, 是否開刀較好?
謝謝你
未見過你真人／未充分了解你個情況，好難講實邊一個方案較好。
不過一般黎講，個瘤去到成差不多3cm，微創係有機會刨唔清嘅（始終手術嘅野好講做嗰位醫生嘅天份、技術同經驗）。而你醫生亦講佢地會喺乳暈邊開做傳統切除手術，呢個亦都係一個合理選擇。
除非你唔想開刀／唔想全身麻醉／唔介意有機會刨唔清／唔想傷口4－5cm長，就可以再同你醫生傾傾微創，你個情況唔係真係急到傾都冇時間傾。
Breast HK你好,本人今年34歲,5月做了超聲波檢查,發現左邊乳房有4-5粒纖維瘤,但都好細粒,而右邊乳房有一粒2.5CM的纖維瘤,兩邊都有抽針是良性,醫生話可以做也可以唔做手術.我想問做同唔做手術有無什麼影響? 如果我要懷孕,我的身上的纖維瘤會唔會變大,會不會有影響?如果唔做手術,將來哺母乳有無問題?
因為呢一刻乳房超聲波同抽針都話係良性，唔做手術其實冇咩大影響，只係如果第時大咗而你又想做手術時，可能做唔到微創／疤痕長D。如果呢一刻選擇做手術，效果就係清除咗粒野，不過有疤痕。
如果你懷孕，由於身體嘅內分泌係會刺激乳房生長，以應付制造人奶需要，所以嗰時纖維瘤係可以變大嘅，除此之外，冇壞影響，係良性就係良性。
唔做手術，哺乳冇問題，反而做咗手術，嗰帶嘅乳腺管會斷咗，會影響制奶量。
醫院已安排做微創手術，但並沒有做抽針檢查，只是B超清楚見到，醫生判斷為乳腺纖維瘤，纖維瘤大小為1.8cm, 是否真的需要做這個手術？
如果未抽針就做微創，呢個就當係確診（Diagnostic）同治療（Therapeutic）嘅性質。呢個步驟唔係「必需」要做，只係「可以選擇」去做。或者咁講，微創唔係「唯一選擇」，佢係「其中一個選擇」。
Breast HK,是不是到時懷孕個纖維瘤是良性都不會變惡性?因為有醫生話會變惡性.
正確，唔會因為懷孕而令佢變惡。
謝謝你Breast HK,多謝你做了這個平台給我們,使我們能夠問你的意見,而且你回答得好詳盡,仔細,使我們能在這個平台上交流,使我們能更清楚明白乳腺纖維瘤是什麼的一會事,了解多了,能安撫到我們的情緒,讓我們能更安心, 好少醫生能像你這樣,不是為錢,是真心為了病人,能明白病人的感受.真的要謝謝你.
最後祝你工作愉快,身體健康!
你好，我今年21歲，係右面胸摸到有粒硬塊，去左播道醫院照超聲波後，發現右邊一粒，左邊2粒，全部都細過2cm，報告話估計係纖維瘤，連抽針都唔需要，覆診都唔洗。
但我係出面既驗身中心照，報告就話我右邊個粒有mild hypervascularity,左邊有一粒就有lobulated contour,叫我再further investigate,好擔心。
我自己最怕係其實生癌，請問照超聲波分唔分辨到個粒野係纖維瘤定cancer?
超聲波纖維瘤定癌係有樣睇，不過唔能夠用黎確診，只能用黎參考洗唔洗抽針。
你而家做咗兩次乳房超聲波，兩個報告個結論有出入，你只能揀信邊一個：
如果信播道，咩都唔洗跟／唔洗理。
如果信驗身中心，就去抽針去確定係良性定惡性。
醫生,
我28歲, 剛照超聲波有粒1cm左右既纖維瘤, 話係良性, 照片係好清晰邊界圓形物體, 由發現到而家大概一個禮拜, 我感覺佢好似大左,
醫生叫我割左佢, 其實有無需要, 定半年或一年後再照 ? 一邊排政府醫生?
而下一步係唔係抽針驗下係乜先?
抽針應該搵咩醫生??
感謝!
超聲波報告聽你描述就係良性，不過有冇古靈精怪野，就要睇清楚報告先知。假設你轉述正確無誤，下一步想確定佢真係良性纖維瘤有兩個方法：
1）抽針（幼針／粗針）
2）割咗佢
你可以見到直接「割咗佢」係其中一個選擇，並唔係唯一選擇，有冇需要視乎你自己取態／你有幾擔心。如果抽針已經確定良性，臨床又冇懷疑嘅話，之後係可以唔洗割嘅。
至於你「覺得」大咗，通常都係心理作用居多，就算係生得再快嘅乳癌，都唔會一星期有明顯分別到你察覺得到。
如果想抽針，可以搵乳腺科醫生，或者放射科醫生都得。不過抽完抽，好多時都係要返去乳腺科醫生度睇報告／跟進。
我28歲，岩岩生完bb2個星期。。由孕期7，8個月就覺得左邊胸有一，兩粒野但唔痛既。。之後又好似唔覺，生完之後一星期就突然好明顯有一粒野。。。好硬既但唔痛， 同埋餵完bb都唔覺粒野有細到。。。好擔心。。問左好多人都話係乳腺塞左。。我想問下有無事呀。。
懷孕期到生產後餵人奶時摸到一粒粒就最尷尬，因為乳房為咗準備生產母乳而產生嘅變化，到好似人地話乳腺塞咗咁積奶，都可以感覺一粒粒。仲未計本身粒野可以係纖維瘤／乳腺增生，又可以係毒瘤。
因此第一步就係去睇咗乳腺科醫生先，就算佢靠手摸其實都分唔到，只係比你有經驗D。第二步就要照乳房，你咁後生，照咗乳房超聲波先再睇吓下一步點做。
醫生你好
我依加17歲就黎18歲，差唔多1年前發現右胸有粒野，以我感覺佢好似有5毫子至1蚊咁大，我用手禁佢會郁黎郁去但唔痛，不過幾硬，我未睇醫生，因為聽講好似係正常喺發育時期，但我擔心既係粒野會唔會變大，或者影響我第時生育?同埋如果5毫子至1蚊咁大割唔割得?微創條疤痕明唔明顯? 同埋如果我一直唔睇醫生唔理佢會唔會有事?? 謝謝你
粒野係「可以」變大，雖然「唔一定」變大。
點都唔影響生育，我諗你想問「餵人奶」，未做手術就唔影響，做咗手術就嗰部份製奶量會少咗，但都唔代表唔可以餵人奶，因為人有兩邊乳房，製奶空間好廣闊，同埋可以補奶粉。
幾大都割得，差在實際需唔需要，同埋割完靚唔靚。如果做到微創，疤痕唔明顯嘅，大概5mm度。
一直唔睇醫生唔理佢，當然唔會有人知／唔會有人答／唔會有人保證，會唔會有事。
唔該哂你，但我仲問下你話粒野可能到50歲收經先消失，咁唔割左佢咪要等多30幾年，有冇可能我依加17歲跟住過多一兩年就消失咁?
感謝!
唔割左佢，可能等多30幾年先消，亦可以等多30幾年都唔消。
呢個世界冇咩野係冇可能，只係差在機會大唔大。當然可以一兩年就消失，機會有幾大，最終當然視乎究竟佢係咩野黎。
十分謝謝你!! 我聽日會去尖沙咀睇醫生thank you!
唔好意思，我仲想問我由發現到依加第一次睇醫生，應該睇咩醫生?普通醫生定去搵乳腺科定乳腺外科醫生??同埋如果搵個啲乳腺科或者乳腺外科醫生應該邊到搵?謝謝
應該睇乳腺科醫生（乳腺外科醫生／乳腺科外科專科醫生都係講緊同一科醫生）。
至於係邊到搵，要靠朋友介紹，如果冇朋友有經驗，可以上網去D討論區問人。
我最近係瑪加烈覆完診，個醫生話未聽過有微創做，
公立之間嘅技術係互相唔知？
我可唔可以走去瑪麗睇？會唔會因為唔係住果頭唔得？
醫生話公立唔會轉介，我可以去私家診所拎轉介信去瑪麗排？
冇人可以確保每一間醫院／每一個部門／每一個醫生都掌握某一種技術。微創正名叫Vacuum Assisted excisional Biopsy (VAB)，第一代叫Mammotome麥碼通，第二代叫EnCor，有D醫院係乳腺科醫生做，有D就放射科醫生做。我唔清楚瑪嘉烈有冇，不過好多大嘅公立醫院都有做，例如你講嘅瑪麗醫院外科有做，廣華醫院外科／放射科有做，聯合醫院外科有做，北區醫院外科有做，威爾斯醫院放射科有做。
如果佢唔識呢樣野／佢唔識做／佢冇得做，當然公立醫院之間都可以互相轉介。咁如果你肯比錢私家醫生寫轉介信，當然係易過你同佢糾纏。
醫生你好
我今日睇報告話粒野長2.27cm 高1.60cm,醫生話太近皮膚如果微創可能會刨穿左,所以話開刀, 我想問開刀割左佢會唔會凹左或者花左? 如果會既話會唔會生返架?Thank you.
開刀花唔花／凹唔凹，取決於好多因素（粒野有幾大／位置、乳房有幾豐滿、醫生技術等等），網上純文字討論係好難講實。如果凹咗，係唔會生返。
我醫生都話太近皮膚，可能用唔到微創， 你最後選擇了開刀？
醫生,你好!我的右乳房長了個12mm x 6mm 的纤維瘤,已有六年了,我現在是否要割了它?我十分糾結!請醫生帮帮我!謝謝你!
如果抽針確定係纖維瘤，咁細而又冇變化，超聲波亦都冇可疑，係唔洗割嘅。如果滿足唔到以上條件，就要睇實際情況先可以決定。
你好
我想問一問我個粒野成2.3CM大，開刀的話疤痕會有幾大?同埋割斷左既乳腺組織會唔會生返?生唔返既話個胸係咪永遠都好似平左咁?(我本身個胸唔係豐滿)另外就係我下星期入院割左佢，但我上次同醫生講左話直接喺粒野表面開刀，依加考慮清楚想喺乳暈邊開，可唔可以到做手術個日先同醫生講返話想喺乳暈邊開?? 謝謝。
疤痕大概3.5cm度。
割斷左既乳腺組織係唔會生返，至於會唔會凹咗，係有咁嘅可能，尤其你話唔係豐滿，當然亦取決於醫生技術／附近有冇組織可拉上補下等等。
當然可以向醫生提出要求，不過技術上做唔做到又係另一回事。
乳腺纖維瘤食蜂皇漿係咪會令粒嘢變大？
蜂皇漿嘅激素係唔係多到可以令身體雌激素過高？
乳腺纖維瘤因為身體雌激素高，有無咩方法可以改善？
從西醫角度，乳腺纖維瘤同蜂皇漿係冇關係嘅。
醫生你好，本人21歲，食優思明有4年了，做自我乳房檢查時，大力少少按落去有啲一粒粒嘢，識郁，好似綠豆咁大，請問呢啲係咩嘢？
如果真係綠豆咁大又好多粒，加埋你咁後生，聽落去就似冇野，通常都係乳腺增生。
不過都係嗰句，唔好自己學做醫生／信晒網上意見（差之毫釐，謬之千里），正正經經搵個乳腺科醫生睇睇先係正途。
Hello, Breast HK,今年23歲 我早排覺得有痛楚，所以去佐檢查，醫生B超佐+抽針，B超時見到3粒仔，一粒話係乳腺增生一粒話係脂肪粒，一粒就圓圓三角形咁需要抽針，我都相信醫生既，醫生后來話係良性纖維瘤，而且暫時係定期檢查不需要開刀住，不過我睇翻B超張相，其實話乳腺增生同脂肪粒果兩粒我覺得生得唔靚，係咪正常架？
你自己冇經驗，當然唔可以就咁判斷係咪正常。如果信自己醫生，就暫告一段落。如果有懷疑嗰兩粒唔係「乳腺增生同脂肪粒」咁簡單，可以搵第二個醫生比多個意見，甚至抽針抽埋嗰兩粒，咁樣就多D資料去下判斷。
我左胸有粒野，醫生觸診話大約1.5cm,而家我餵緊人奶(全泵) ，如果做左微創幾耐先可以餵番人奶？傷口會幾耐好番？麻醉藥要幾耐先排出體外？我下星期會去醫院check, 如果只係良性纖維瘤，我係咪可以觀察住先？因我唔想影響到餵奶
傷口平常就兩至四星期好返，不過你餵緊人奶，乳房有大量奶分泌，應該要耐D癒合。
局部麻醉幾個鐘就散。
如果係良性纖維瘤，當然可以觀察住先，就算想做微創，都唔建議餵緊人奶時做。
你粒野另一個可能性就係積奶（galactocele），連纖維瘤都唔係。
本人今年23歲，於14年10月中發現右邊乳房右側（近腋下位）有粒狀物，在12月中發現粒野大了一倍而且黎月經粒野會痛（之前只會乳房漲痛但粒野不會痛），去了診所找乳腺科醫生照b超，發現可見一個非均勻低回聲區2.16*1.76*1.54cm 纖維腺瘤或葉狀腫瘤，雙側乳腺增生，醫生當時給我2個建議，1）抽針化驗，如是後者再決定是否需要切除；2）因符合開刀條件，如本打算開刀切除就直接到醫院約時間做手術。隔日我便到醫院看乳腺科（心想唔同醫生有唔同建議），結果都是建議我切除比較好，並馬上約了26號早上做手術。期間我不斷上網看資料看案例，嚇得自己每天提心吊膽（因有家人曾因乳癌逝世）
今年1月中終於等到出報告，經化驗診斷右乳腺腫物為乳腺纖維瘤和纖維囊性乳腺病伴導管上皮增生、部分乳頭瘤樣增生。醫生解釋為良性腫瘤但乳頭瘤潛在病變可能。
由於沒有藥物可徹底治療，只好平常飲食多加注意，戒煙戒酒，雞皮燕窩黃豆等激素多之食物盡量避免，所以話如果真係摸到有野，一定要及早就醫，早日治療早日康復。
由於腫物較大沒法進行微創手術，所以採取了傳統手術，本來我以為腫物在右側不是直接從乳房右側開刀較好，但經和醫生商量後，她考慮到疤痕會變硬，變深色，和做完手術後需要按摩乳房等種種因素，最後決定在乳暈邊切開約2cm傷口抽取腫物。
手術後3星期傷口已好得像沒開過刀一樣，只係乳房切除腫物位置有少許凹，但是很少不認真睇不發覺，所以不用太擔心手術會對乳房做成很大影響（本身肚皮上有切爛尾的疤痕所以對身上有疤痕沒有太在意）當然最緊要是過到自己心理戈關，寧願放任不管，還是要換來一個心安。
你好,我今年19歲,發現左邊乳頭有一粒好似綠豆咁大粒嘅硬粒,只係係乳頭入面,冇凸起,而且唔痛,但㩒落去就會feel到有一粒硬粒,這是你所指的乳腺纖維瘤嗎?希望你能解答我的難題,萬分感謝!!
醫學診斷呢D講求絕對嚴僅嘅野，網上平台實在唔係一個合適嘅地方去比意見，正所謂差之毫釐，謬之千里，最正確始終係去搵個乳腺科醫生檢查。
我今年47歲剛發現有5cm硬塊，一星期已大了1cm,會乳癌嗎？現等報告很擔心
如果真係以呢個速度長大，確實令人擔心，不過呢家都冇咩野可以做住，只可以等報告。
本人31歲，在14年11月發覺左面乳房痛，照超聲波發現5點鐘位置有一粒1.1cm乳房纖維瘤，經抽針後話良性纖維瘤，在15年2月頭，同一則乳房又痛，經照超聲波發現10點又發現多一粒比之前大的纖維瘤！
我想問，點解新一粒纖維瘤會比舊個粒生得快咁多的？新的一粒我可唔可以唔做抽針，直接做手術拿走？
謝謝你
新一粒係咩仲未知，好難講實係佢大得快，定第一次照時遺漏咗。
如果超聲波嗰樣似良性，都可以咁揀（跳咗抽針呢一步，直接做手術），當然要明白有可能有手尾跟（視乎割出黎係D乜）。
Dear BreastHK,
本人先後做了Ultrasound及抽針，剛才姑娘打黎話要照埋X光造影，其實抽針已經係拎D組織出來化驗，X光仲要隔住層皮, 做法有商確嗎?
懇請回覆。
咁就要睇吓抽針結果係乜，先可以話合唔合理。如果惡性，就合理（照埋X光，之後治療詳盡D）。如果良性，就唔合理（要照都應該抽針前照咗，唔應該回帶）。
你好~BeastHK~
我今年23歲，今日係經期第5日，沖涼時摸到右乳（乳暈下外側）位置有一粒硬粒，會郁，好似粒波子甘。唔搞佢個時會間中陣痛，摸佢壓佢會痛。
好似同你講既病徵，唔太一樣
我可以點做？
如果去公立醫院，可以點去排？打電話去book街診？唔想遇到男醫生。
2. 睇完公立，如果佢要我去照，我可以要求轉去私家嗎？
3. 係公立排，要排幾耐？
有疑問，梗係去睇醫生。
想睇乳腺專科，係要有轉介信嘅，可以去搵家庭醫生／街症普通科寫。想揾女醫生睇，係公立只可以講彩數，因為係冇得揀醫生嘅。
當然歡迎你去私家照。
至於排幾耐，太多因數影響，就咁答唔到。
thanks~已經book左街診~希望遇到女醫生
Thank you for your reply. 即係我的是惡性…
唔可以咁推論。
Thank you for comforting me. 我明天見醫生，但我”裝”過個報告，就是那個malignant的字眼。我自己唔怕死，我只知道我有事我的父母將會有如天塌下來似的不知如何面對，我未知如何告訴他們。反而告訴公司同事及朋友還容易一些。I just know, hope for the best, prepare for the worst.
盡快見咗醫生先，有咩事都早D知早D醫。
你好我今年34歲 , 呢二個星期左胸痛所初時冇理佢 , 但見佢痛左咁耐有一晚摸到左胸好似有粒野 , 第二日去左睇婦科 , 其實我痛既地方唔係果粒野 , 好似係啲骨既地方咁 , 咁我同日睇左二個醫生 , 因為第一個醫生摸完我左胸話摸唔到有野 , 但入面係有厚度既 , 反而我唔痛既右胸佢話有二粒野 , 約左3日後照超聲波 , 本來諗住等 , 但太心急之後放工果陣又去左另一間婦科再睇 , 佢好似用照 BB 既超聲波機幫我照 , 佢喺左胸照到有粒野 , 但又冇同我講果粒係咩 , 只係話一啲良性野 ,但我見佢比返我張相又喺粒野上面度左個 SIZE 係0.66CM X 0.55 CM , 喺右胸照唔到第一個醫生所講既2粒野 , 總括黎講佢係話我乳腺增生 , 係一啲良性野叫我4個月後再照多次有冇變化 , 但今日上網睇返呢方面既資訊原來應該睇外科先啱 , 咁我應唔應該再揾多個外科醫生睇定還是聽第2個醫生講4個月後再照?因為驚佢唔係睇開呢科而斷錯症同埋佢部機好似好舊睇唔清錯 , 唔好意思好長 , 謝解答。
如果唔放心就去搵個外科乳腺科醫生睇，照乳房就搵個正規放射科醫生照。
多謝回覆，因為我之前餵左人奶三年幾，啱啱停左四個月左右，我記得以前個胸入面既組織都仲好細，相比依家兩邊都好似大舊左咁，並冇因經期後而縮小，咁會唔會代表佢係有問題？
餵完人奶乳房大咗好正常，就好似發育咁。咁當然唔可以就咁由此推斷一定冇野。
你好, 我剛睇完乳腺外科醫生, 佢話我個D 唔係瘤, 係乳腺增生. 想問下乳腺增生係唔同纖維瘤唔同? 有乜分別? 乳腺增生無得割?
乳腺增生 － 好多人誤解
你好啊，我今年19歲
3年前發左胸有一粒3cm左右大的硬粒
而家已經6至7cm大 可輕微推動 不會痛
大機會是纖維瘤嗎？
7cm咁大一定建議割（怕係葉狀腫瘤），最終係咩野化驗就有結果。
會唔會係乳癌？我好驚啊。。。不過聽日就去驗啦
驗左就安心。
剛剛看普通科醫生, 佢幫我觸診…
醫生發現左邊9點位近乳暈處有少少”銀” 手…但就話唔覺得係硬塊, 話似係乳線漲咗, 由於我係極度驚慌/不安/焦慮, 結果醫生寫紙比我照聲波, 但要等到下星期先照, 再等報告…
其實真係好驚……………
我12歲時有一粒好細好細的豆，可以輕微推動，完全唔痛，一直都無理會。
現時17歲，已經生長到好大，用手掌自測大概9cm，月經來之前幾天乳房會脹痛，月經期間以及月經后都會無痛，唔影響生活，依然可以推動。
請問這個情況需要做手術嗎？要去邊度睇醫生比較好？去驗大概要幾錢？要做d咩檢驗？
9cm咁大會建議做手術。
可以去政府外科乳腺科／或者搵個私家乳腺科外科醫生睇。
幾錢範圍好闊，視乎去邊度睇同做幾多野，好難一概而論。
主要都係乳房檢查三步曲：臨床檢查、超聲波檢查、抽針檢查，之後做手術。
請問臨床檢查、超聲波檢查、抽針檢查，每一項大約要幾多錢？全部做曬大概需時幾耐？
唔係話你有乳癌，不過費用可以參考乳癌手術費用 － 手術收費貴唔貴？醫療保險包唔包？
請問門診是否要穩專科門診？定全科門診都可以？
外科專科門診。
我穩到d身體檢查中心，請問這些檢查是否可靠？
唔可以憑空評論。
請問無論公立或者私家，未滿幾歲先需要家長簽署同意書？我現時17歲可以自己簽嗎？
假若做手術，條疤痕會大概起邊個位置？
見網上話做完手術胸部會凹陷，是真的嗎？
18歲以下要監護人簽名。太多臨床因素要考慮，要問返自己醫生。
我照左超聲波，醫生建議割右邊，即最大那粒出來，報告如下：
The texture of both breasts is normal. Multiple hypoechoic solid nodules are seen in the breasts.
The largest nodule in the right breast is at the 10 o’clock setor, 3cm from the nipple, measuring 2.1×1.3x2cm.
The largest nodule in the left breast is at the 2 o’clock sector near the nipple, measuring 1.0×0.6×1.4cm.
There are other smaller ones in both breasts.
All the lesions are well-defined with a homogeneous texture. They are most likely fibroadenomas.
The axillae are clear.
我有幾個問題請教閣下：
1. 超声波話normal.都要割黎化驗？
2.如果良性，遲d另外一邊變大或者再翻發係咪唔駛割？
3. 細粒會唔會變大？什么生長速度為正常？
4. 傷口大細我唔care, 開刀定微創會割得清d？
5. 之後應該隔幾耐定期檢查一次？
1）超聲波正常，下一步考慮要做嘅係三步曲最後一步「組織上嘅確診」。抽組織嘅選擇，可以係抽幼針、抽粗針、做手術。割黎驗係其中一個選擇。
2）一粒確定良性，同將來其他粒粒嘅處理係冇關係，每一粒是獨立個體，要獨立評估。
3）細粒可以變大／可以變細／可以不變，冇所謂正常生長速度。
4）要格硬比較，開刀係清D。喺合適嘅個案，兩個一樣咁淸。
5）隔幾耐檢查要問返自己醫生，太多資料缺乏，呢度唔係一個合適平台比意見。
我睇左專科，下星期全身麻醉要插喉，開刀割3粒，我未做過手術，想知插喉係咪好辛苦架？
醫生話8成良性，咁如果係另外那2成即係點..><..?
翻發機會高唔高，如果唔好彩翻發，要再割既機會係咪細D？
插喉嗰一刻唔辛苦（訓咗覺，唔會記得），但醒返就有可能喉龍痛。
另外嗰2成即係中性／惡性。
本身係咩黎未知，手術割唔割得清又未知，係冇可能討論翻發嘅野。
你好啊Breast HK, 感謝你寫了呢個網頁讓我地可以閱讀很多關於乳腺資訊，但有些事想請教你意見。
我今年2月中發現右胸近乳暈位置有粒似黄豆的東西(門診醫生指大慨0.5cm)，直至上星期感到微痛，去了私家睇。乳腺科醫生臨床檢查後指係良性纖維瘤(10x7x13mm, 0.5cm from nipple，近表皮)，但位置太近乳腺導管，有3-5%機會演變cancer, 建議割。另超聲波及抽幼針化驗報告均與臨床結果一致。由超聲波照片可見到有條血管連接該纖維瘤。
超聲波result:
The palpable lump represents a well-circumscribed solid-looking 1.3cm lesion that is probably a fibroadenoma. They are 2 others smaller hypoechoic lesions (right:7x4x4mm, left:6x3x5mm), one on each side. They are probably areas of fibroadenoma. A tiny 3mm cyst is also seen on the left upper outer quadrant
BI-RADS Category 3 (probably benign)
請問總共有3粒瘤? Hypoechoic lesions是什麼?
而幼針報告冇寫BI-RADS。
想問Breast HK意見，是否需要割?
感激不盡!
乳腺纖維瘤本身就係由乳腺而黎，並「不」存在話「太近乳腺導管，有3-5%機會演變cancer」呢樣野。
超聲波見到有3粒野，全部都似良性乳腺纖維瘤。BIRADS係比乳房造影用，抽針唔會有BIRADS嘅。
暫時由你所提供的資料，我睇唔到必須要割的理由，你自己好擔心嘅話另計。
多謝你意見啊! 亦都釋除我疑惑，感謝你!
妳好，見到好文章太激動，我係二月發現右邊有硬塊，睇醫生，照左超聲波同x光，超聲波發現有二粒，而x光無照到有野。5月開始在其中一粒也近乳頭側好痕，但只係好熱天時在戶外先引發痕，我R佢引至紅腫，但唔痛。再睇醫生開了药膏，但我很擔心我是‘’柏哲氏病‘’。
擔心嘅話，只可以去睇乳腺科醫生睇吓似唔似，加減割少少組織去驗。
多謝你快速回覆，己排期政府醫院，但要到8月尾，我現時沒有擴大，只是腫起像有水泡，如药膏设有改善我8月才看會遲嗎？
如果沒有改善，早D睇點都好D，有事早D知／醫，冇事可以買個安心。
感激你的回覆及建議。
你好！Breast HK，多謝你的資訊令我更了解乳腺纖維瘤
今年22歲，兩年前，沖涼時發現右邊乳房邊發現一粒野，果陣時一發現已經即刻去廣華醫院睇，之後醫生轉介左黃大仙聖母醫院專科，完成乳房檢查三部曲，之後我決定做手術，因為一發現粒野果陣已經差唔多有5cm咁大，果陣好驚，因為真係好大粒下，最後全身麻醉係乳房邊開刀（近腋下）切除，條疤痕都好長下。做完手術之後都仲有覆診跟進，醫生都話無事，傷口都好快埋口。
咁醫生都講過切完有機會會再生係乳房其他位置，咁其實自己都會擔心再生，所以過左一年左右，我番左大陸d醫院檢查，再去私家醫院照多次，發現同一邊乳房再發現3粒不同大細既纖維瘤，分佈唔同位置，醫生表面圓滑，形狀清晰可見，但我自己摸就摸唔到既。之後再係香港私家醫院照多次，就發現得一粒。唔知係咪我自己營住定點，有時覺得乳房無啦啦痛（不是經期前後）又唔唔係特定一個位痛，好似d神經線痛。痛幾秒又無事。我去睇醫生又話無野，仲比d止痛藥我食，叫我痛果陣食，但我都無食。我想知關唔關d纖維瘤事？今年12月會再去聯合醫院覆診。另外，我想問乳腺增生係指咩？專科外科係咪唔同乳腺外科醫生？聖母醫院專科會唔會好過聯合醫院？
除非乳房纖維瘤好大好脹，否則乳房痛通常都唔關纖維瘤事。
乳腺增生去睇吓 乳腺增生 － 好多人誤解
乳腺外科係外科專科其中一個分支。唔可以咁比較兩間醫院。
你好，我的醫生建議我做手術除去左右兩邊胸的纖維瘤，我想做微創，現在還小於2cm。但醫生說亞洲人不適合做微創因不夠厚肉。請問有微創的醫生介紹嗎？謝謝。
做唔做到視乎個人因素，亞唔亞洲人冇直接關係，香港好多人都做過，不過我就唔方便介紹醫生。
您好，我29歲，5年前左胸摸到有硬塊，我將我之前睇醫生的結果recap如下
2010-01: 經普通科醫生轉介，照左超聲波，左胸有3.5 x 2 x 2的硬塊
2013-06: 睇專科醫生，照超聲波，粒野大左少少，有4 x 2.6 x 2, 再抽幼針，報告寫係fibroadenoma(class 2)
2014-09: 睇另一個專科醫生，粒野再大左少少，有4.2 x 3.5
本身想觀察住先既，因為諗住係良性，所以食緊中藥調理。今日去身體檢查，見左個普通科醫生，想安排照超聲波睇下情況。點知個醫生話佢唔肯定我粒野係良性，就算抽左幼針都只係一少部分。另外佢摸我粒野凹凹凸凸，又話摸到有成6-7cm,話我粒野咁大，唔駛做手術既機會好低。我會下星期四照超聲波，但係我想問下：
1）點解抽左幼針都唔肯定粒野係良性？我一直以為係良性，所以有乜點理佢
2）我估唔到粒野會大咁快！？定係手摸唔準？
3）我咁既情況您係咪都建議我割左佢，如果係，我想搵私家，大概幾錢度？
唔該哂醫生您，因為我冇諗過粒野會係惡性，我依家好緊張同彷徨……..
1）抽針唔代表百分百準確，因為可以有誤差（sampling error），即抽唔中最樣衰部分。粒野越大，誤差越大。
2）手摸唔準確，超聲波準好多。
3）咁大我會建議割咗佢。私家幾錢海鮮價。
好多謝醫生您既解答，我都會考慮割左佢，不過您睇我既情況，粒野係良性既機會大嗎？我真係好擔心…..唔該哂
機會唔大，如果係惡性，5年已經攞咗你命。不過越來越大，我地要排除佢唔係乳腺纖維瘤咁簡單，例如葉子狀瘤。
非常多謝您既回覆同文章, 呢度提供了很多寶貴知識和資料, 讓我從惶恐中知道如何著手
我再去照左超聲波，份報告話可能係巨型纖維瘤或葉子狀瘤，想請問如果就我呢個case,如果唔做手術係咪好大風險？我可否每年照照聲波check住佢？謝謝！
如果報告都寫可能係葉子狀瘤，就割咗去好D，就咁觀察住唔穩陣。
我已經做左手術割左粒野，化驗報告話係良性既葉子狀瘤，醫生說復發機會大概50%，我自己都擔心會復發，依家要半年check一次，我想問係咪真係好易復發，有冇方法預防？謝謝！
有冇咁高復發率好視乎margin夠唔夠。如果係有多過1cm margin，良性葉狀瘤復發率大概8％。
冇野可以預防，只可以定期檢查住，有復發就早D醫。
想請問如果margin唔夠1cm,復發率大概多少？謝謝！
根據一些文獻記載（http://www.ncbi.nlm.nih.gov/m/pubmed/10617306/），如果葉子狀瘤切完margin唔夠1cm，復發率大概為：
良性：21％
中性：46％
惡性：65％
根據一些文獻記載（http://www.ncbi.nlm.nih.gov/m/pubmed/10617306/），如果葉子狀瘤切完margin唔夠1cm，復發率大概為：
良性：21％
中性：46％
惡性：65％
> 唔知我有冇理解錯誤，係咪如果margin唔夠1cm，惡性葉子狀瘤復發率大概為65％？咁其實都幾高wor⋯⋯有冇咩方法可以預防？例如做運動，飲食等等？我真係唔想做多一次手術，麻煩哂醫生您⋯⋯
預防方法就係做手術時做清佢（夠margin），其他運動／飲食係幫唔到。
照超聲波得知每邊各有2個唔會郁水POP,想問下可唔出去俾人通胸淋巴？按摩胸？會唔會整爆？
水囊多數係良性，唔會話因為咁而唔按得胸。會唔會㩒爆冇人知，因為太多因素影響，不過如果係良性，爆咗都冇所謂。
你好！我在上年9月份發現有乳房纖維瘤，有2cm，驗咗是良性，私家就建議我割咗佢，但我真係唔想做手術，我問佢可否做微創，佢話微創要找放射師，佢唔會做，以我而家的size真係要做嗎？可否先觀察，如大得快再決定做，謝謝！
如果乳房檢查三步曲：臨床檢查、造影檢查、抽針檢查，一致認為係良性纖維瘤，即使2cm大，唔係必需要做手術，可以選擇觀察，視乎發展再決定。
如果決定做手術而又想做微創，一位醫生唔識做，咪搵個識做嘅乳腺科醫生／放射科醫生做。
多謝！清楚晒！
上面提及”乳房纖維瘤通常收經後就會慢慢細／消失，所以D人覺得關女性荷爾蒙事。不過話分兩頭，當你觀察粒野到50歲收經時，又到咗一個驚生乳癌嘅年紀，所以消失晒都會建議定期檢查／照乳房。”
請問是不是代表係20幾歲發現已經生左的乳房纖維瘤，要到50歲收經時先可能會慢慢細／消失?
如果20幾歲已經發現了的同一粒乳房纖維瘤到40幾歲都仲係度係乳癌嘅機會都唔大，但如果40歲先發現生出來的瘤係乳癌嘅機會會大d?
唔一定「要到50歲收經時先可能會慢慢細／消失」。
越大年紀先新生出黎嘅瘤，係乳癌嘅機會越大。
醫生你好，多謝哂你！
醫生你好，今日去拿報告話我有粒1.3cm的瘤，有鈣化點，我現在好驚，已約咗抽針，我想問有鈣化點，就一定是唔好的嘢。
唔一定。
Thank you, 良性纖維瘤都會有鈣化點嗎？因我有另一粒2cm 已驗咗是良性，醫生建議兩粒一起割，會有兩個傷口，一起割好嗎？
良性纖維瘤都可以有鈣化，雖然通常係見於收經後老化咗纖維瘤（degenerated fibroadenoma）。
至於一唔一齊割好，隔空比唔到意見你。
非常多謝醫生你的解答
Findings as described.The findings in the right breast 8 o’clock and 12 o’clock are probable benign nodules likely fibroadenomata .However due to the slightly lobulated contour for the right breast 8 o’clock lesion and the more lobulate contour for the right breast 12 o’clock lesion,it would be prudent to perform ultrasound guided FNA of both of these lesions to confirm benign findings and to exclude malignancy.
今年已35歲，聽完醫生講12點鐘嗰粒唔靚，非常驚，情緒好唔穩定，想問報告是唔是有癌的可能，多謝！
雖然佢冇排除呢個可能性，不過報告都係覺得良性機會大過惡性。唔好自亂陣腳住，抽咗針睇多D資料先決定下一步點做。
多謝解答。
醫生你好，本人今年四十二歲，memmogram and ultrasound 報告如下，4個月後再照。
some calcification in the upper outer quadrant of the left breast layering affect and may be due to milk of calcium calcifications. There is underlying nodularity in upper outer quadrant of the left breast.
The breast parencymal pattern is extremely dense (75 ~100% dense)
Ultrasound report : There are no suspicious solid or cystic findings in the left breast.
The mammographic findings may be due to superimposition of dense breast parenchymal pattern.
Birad 3 probably benign finding.
請問報告內容是什麼，我是否需要做任何化驗？
報告冇大問題，只係乳腺密度高，乳房X光嘅凖確度降低，建議你半年後覆檢。
Thanks for your reply.
Dear doctor, I have a 3.5cm breast lump, have done fine needle aspiration and cytology diagnosis is benign cells.醫生提議我做手術，因為佢覺得3.5cm 呢個size 唔算細，做手術比唔做安全，同埋以後懷孕可能會突然變大，what do you suggest? Many thanks
3.5cm真係唔算細，建議做手術好合理。
醫生話要做傳統手術，然後順便割埋另一邊乳房嘅兩粒1cm左右的纖維瘤。手術後多久才可以準備懷孕呢？
如果係良性纖維瘤，係對懷孕冇影響嘅，隨時可以懷孕。
懷孕真的會令良性纖維瘤增加變大機會嗎？始終擔心手術會對身體造成傷害…
如果係良性纖維瘤，變唔變大根本唔在意。怕嘅只係怕變大中的硬塊，唔係纖維瘤咁簡單，所以先建議做手術。
Many thanks doctor! 做完手術，多久才會復完？有什麼特別注意事項嗎？
表面傷口一般兩個星期已經埋口，冇咩特別要留意。
醫生你好！我剛做完切除良性纖維瘤，約3.5cm,我想問要大概幾耐時間先唔會覺得裡面好緊舉手都好似有嘢拉住，又唔知點解摸到一舊嘢，我擔心又生嘢！？我已經第二次生纖維瘤，第二次手術啦，麻煩你。
人人感覺唔同，冇一定規律。至於感覺有舊野，可以係疤痕／積水／積血，返去比醫生睇時問問。
你好！我兩邊乳房都摸得到很大的硬塊，差不多10cm，我去過照超聲波兩次，兩次的報告都表示完全沒有問題，醫生按的時候亦按得出有硬塊。
乳腺纖維瘤有機會照不出的嗎？
好微機會照唔出，唔識摸嘅機會大得多。
醫生你好！我剛做完纖維瘤手術，點知術後出血，現在乳房腫得好厲害，雖然醫生有幫我抽翻啲血出來，又講會慢慢散，但現在第9天了，都是同另一邊唔對称，會唔會有事，真係好驚，如要散腫大約要等到什麼時候？謝謝！
呢D問題好難隔空評估，建議問返手術醫生，他應該係最清楚的。
術後出血，是唔是好少人咁，因我真係諗唔到係幾時扯到，令到出血，現在真是好驚冇事變好事，真係好對唔住，問咁多嘢，因現在好慌
術後出血一方面唔常見，但另一方面亦唔罕見。唔關你事，只係一個做任何手術都會有嘅已知風險／情況。
好多謝您的解答，如遇這情况，通常要怎樣才會好翻，thanks
如果情況冇不斷惡化，通常係保守治療，即係耐心等待血塊自己散。如果情況惡化（血塊越來越大／痛），就要考慮再做手術，打返開個傷口止清楚血。
再次多謝您的解答
多謝你回覆。
我想問多樣，因為我本身有些基因病變上的病，會唔會就係令到我比較容易再有纖維瘤？（雖然上面都有提過冇特別原因）其實有冇預防纖維瘤再次發生的方法？又要麻煩醫生啦，謝謝你。
纖維瘤唔關基因事，其他瘤就可能關。冇得預防。
明白，多謝醫生。
你好, 我今年37歲, 於半年前做左乳房造影及超聲波檢查.報告係咁
Sonography shows a well-defined hypoechoic solid nodule measuring 0.9cm x 1.8cm x 1.9cm , 另外1粒係 0.6cm x 1cm x 1.1cm
Comment :
1. no suspicious microcalcifications seen in mammogram
2. Two Hypoechoic masses are seen in right breast suggestive of fibroadenomas. There is no definite malignant features. FNA is recommended for definite diagnosis.
其實我應唔應該做切除手術 ?
就咁睇報告就冇可疑，如果想清楚一D，就可以選擇先抽針，再決定做唔做手術。
Thanks for reply
醫生你好，我割完纖維瘤大約十天，醫生說傷口附近可能會feel到硬硬地大約半年，我想問經常自己按摩傷口附近好還是不要去摸佢比較好？帶bra睡覺真的對傷口比較好嗎？many thanks for your advice!
按摩吓佢會鬆得快D。帶唔帶bra就冇關係，純屬個人喜好。
Many thanks doctor, 手術幾多日后可以開始按摩下佢？
三至四星期。
醫生你好,手術後已經2星期，拆了紗布，傷口係乳頭附近，乳頭生了一些白色粒粒，是否因為沒有清潔2星期？緊要嗎？乳頭也凹了一點
傷口問題都係要問返做手術的醫生。
醫生你好！上次做乳房纖維瘤術後出血而產生嚴重血腫，經抽幾次針已冇之前咁腫，但我發現兩邊乳房外形還是不同，雖然主診醫生話預計半年會好番，但真係好擔心，想請問，我咁嘅情况會不會就算血腫已散，乳房都可能會變形？多謝！現在是術後一個月。
雖然好想幫你，不過我諗你都明白，呢D牽涉臨床檢查嘅野好難透過屏幕文字去評估。
多謝醫生，咁有冇病例是因術後出血而令乳房變形嘅例子
唔常見，返而好多時因為割了太多乳腺組織（本身易D變型），空間填唔滿而流血。
多謝醫生的回覆
今日去左照超聲波同乳房造影, 聽日先拎報告,其實可唔以唔做抽針,直接做手術??
因為有一邊好大下接近4cm,醫生就咁睇都叫我最好做手術
所以我諗反正都做啦,不如唔好抽針
直接做手術係其中一個選擇。係咪最好選擇就視乎粒野有幾可疑。越可疑，就越值得抽針去計劃手術好D。相反，越唔可疑，直接做手術可以真係慳咗一針。
嗯嗯，聽日睇完報告再睇下點。唔該晒。
今日報告出左話良性機會較大，我其實想做手術割左佢，右邊最大果粒係3.36×1.49×3.33；左邊最大果粒係2.22×1.51×2.42。醫生叫我割左呢2粒。其他果細細粒咁，但我媽同家姐唔想我做，話有風險，同埋好快又再生番出來。而且醫生話唔會同我做微創。搞到我而家都1516唔知做唔做好，所以想下意見。
呢兩粒都算大，做手術都好合理。其他如果係細粒，唔割亦都好正路。
嗯嗯,多謝你的意見
你好，我４年前25歲已做了良性讖維瘤手術，而家29歲，前—個月胸開始痛,傷囗和腋下有時乳頭都痛，按下有多２粒小既野，照了超聲波話likely 良性讖維瘤，但胸還是痛，以前不會痛的，而家我係咪應該去做抽針？謝謝
如果想確定粒野係咩黎，就去抽針。
痛唔痛唔係一個擔心嘅病徵，同粒野嘅本質冇關係。
醫生你好！又係我，因為實在太擔心所以又想請問你，如果血塊散唔到會變成癌嗎？現在個腫塊有慢慢散嘅跡像，以醫生嘅經驗如果幾耐時間仲唔散就要再采取手術，因我問自己醫生佢只係講唔好太緊張，俾佢自己散，大約半年時間
血塊唔散都唔會變成癌，係唔會因為血塊而再次做手術嘅。
好多謝醫生你的解答，我現在放心好多了
醫生你好，好多謝你解答我好多問題。現在剩下的血塊集中在刀位附近(乳暈)，而且刀位下很硬，雖然双乳已差不多對称，但唔知點解刀位皮膚會粘著刀位下的組織，身體向前傾非常明顯，手術位就會凹咗進去，訓低又正常，咁嘅情况以後會改善嗎？我知道我咁問很為難醫生，但都希望你可以盡量答我，非常感謝！
我諗你都明白我冇可能答到你，只可建議你揾返手術醫生去評估。
明白，多謝醫生
醫生你好，我想問血塊已變硬還會自行散嗎？多謝！
還可以的，比D耐性，半年至九個月後睇吓有冇進展。
非常感謝醫生的答覆
醫生你好，今天去覆診見唔到做手術的醫生，另一個醫生話我那硬塊是脂肪壞死，不是血塊，血塊無可能兩個幾月都未散，但又同你講嘅一樣，等佢自己變軟，乜脂肪壞血都可以不用理會嗎？會自己康復嗎？因主診醫生冇講過可能會脂肪壞死，所以好擔心！多謝！
脂肪壞死（fat necrosis），係唔洗理佢，不過佢唔會變軟，會一路都咁硬。
多謝您的解答！個醫生就話幾個月後會被其他組織包住，然後變軟，唔明顯。我聽到點解有點像血塊變硬後的復原過程。如果想知是脂肪壞血還是血塊是否要照超聲波？手術出血會令手術位上方脂肪壞死嗎？依我咁嘅情况，是止血不當，醫療失誤嗎？
照超聲波可以睇到D端倪，不過亦都可以分唔到，睇放射科醫生功力。
手術出血唔會令脂肪壞死。脂肪壞死係因為切除組織後，醫生要移動附近嘅組織去填補空間，如果被移動嘅組織之後血氣唔好，就會壞死。
係咪止血不當／醫療失誤，手術我不在場，又冇見過你，係唔合適及冇資格去評論。
明白，多謝醫生！
醫生你好,我今年30歲,我每次經期前1星期左右乳房會都會漲同好痛,今年7月時摸到右邊乳房8點鐘方向有粒野,到10月時去照超聲波發現左右乳房共有8粒良性讖維瘤,最大一粒1.5CM,醫生建議我做手術,但我想先觀察一段時間,我不做手術好嗎? 8粒良性讖維瘤是否很多,不常見?不做手術對我想生BB有冇影響?請醫生回答,萬分感激,謝謝~
如果唔想做手術，穩陣就抽針去確定真係良性纖維瘤。抽針話冇野的話，可以選擇觀察。
8粒唔算很多，有人十幾廿粒添，好常見嘅。
唔做手術對生BB冇影響，反而做手術可能會影響第時製奶量。
醫生你好,謝謝你的回覆。你意思指做手術可能會影響第時製奶量,即奶量比其他人小嗎?另外讖維瘤是否同遲生BB有關?一次過割8粒會吾會需要較長時間復原?,謝謝~
奶量少。
纖維瘤同遲生BB冇關。
割8粒，可能痛多D／併發症多D，復原時間長少許。
醫生你好,請問割乳線纖維瘤應該係月經前還是月經後做比較好?因為我經前乳房會脹痛~~
謝謝回答
冇所謂，唔會影響手術效果／後果。
醫生你好,我係3月8號終於做左手術割曬左右2邊共8粒纖維瘤,最後化驗全是良性纖維瘤,但手術至今已經10日,我左右乳房都有2-3cm瘀血塊,按時會痛及好硬>.<請問我可以點樣消除d瘀血塊??瘀血塊會否自動消失??請回答,謝謝!!
瘀就可以搽吓喜療妥藥膏，會快D散瘀。
血塊就要等佢自己慢慢消，可以試下適當按摩下，加埋碌下熱雞蛋（好似D古法加銀戒指咁），主觀上我見有D病友有幫助。
醫生你好！我今年36歲，請問超聲波照後，有粒系左胸大約2cm,不是肯定系良性，但又話似良性，咁抽針是應該抽粗針定幼針？可能不止抽一針嗎？因為擔心私家比較貴，逐針計$。謝謝解答！
呢個情況粗針同幼針都可以，要視乎你鍾意邊樣。
粗針：好處係一定比到答案你有事定冇事。唔好處係界入性強D，同埋可能貴D。
幼針：好處係界入性冇咁強，可能平D。不過你要預有兩三成機會佢抽完都仲係話唔清楚，咁之後就要選擇觀察／再抽／手術。
謝謝醫生解答！另外請問纖維瘤內會有水份嗎？醫生話我粒內有少水份，醫生話內?系不應該有水份？
纖維瘤內唔會有水份，有水份即係水囊／水瘤。
乳房水囊 ／ 水瘤 － 有冇危險㗎？
醫生你好：
我超聲波報告：
Size(mm) Nature
3x2x4 Fibroadenoma（FA)
5x3x4&3x3x3 (FA)
6x3x7 (FA)
10x6x8 (FA)
8x5x7 (FA) or inspissated cyst
6x3x5 (FA)
4x2x5 (FA)
19x9x14 (FA) with cystic component,
DDX: indetermined
12x4x14. (FA)
The clinically palpated mass is at the left breast 9-10 o’clock position and is the largest nodule of all
It shows atypical features of benign
fibroadenoma~ cystic components
The retromammary tissue planes are intact
Normal breast architecture is observed
No pathological axillary adenopathy is detected
The nipples are unremarkable
COMMENT
Multiple solid nodules and few simple cysts in both
breasts. Features are suggesting fibrocystic
disease changes.
The largest nodule and palpable clinically at the left breast 9-10 o’clock position shows atypical features
FNA or close follow up in 3-6 months’ interval is
recommended.
請問醫生報告有冇問題？FA代表什麼？
8x5x7. FA or inspissated cyst呢粒有冇問題？
19x9x14. FA with cystic component,DDX:indetermined
呢粒系咪有問題有水份要抽針？
份報告大概講什麼？謝謝醫生解答！感激！
FA代表fibroadenoma，即係乳腺纖維瘤。
8x5x7. FA or inspissated cyst呢粒冇問題。
19x9x14. FA with cystic component,DDX:indetermined，呢粒佢唔肯定係咩，所以建議抽針。
報告大致冇咩問題，只係左邊9－10點方位摸到嗰粒，佢唔敢一口咬定個性質，所以建議抽針去進一步檢查。
謝謝醫生解答我上面個超聲波報告
我上面個報告有九粒纖維瘤咁多，需要全部抽針同割曬去嗎？
瘤d size系咪都算細？
Thanks
只要抽最大嗰粒。
醫生你好！我今年26歲，我上個星期初剛剛發現左左邊乳頭附近有一小粒硬塊，之前同一個星期就去左私家醫院做檢查，做完超聲波就話粒瘤個size係0.7cm, 因為咁岩比較接近皮膚，所以細我都摸到，因為有血管信號，所以抽埋粗針，拎左報告就話佢係乳突瘤（良性），醫生佢講左一定要切，要做全身麻醉，因為佢有機會變癌所以一定要我做，就算最後唔係揾佢都好都要做。請問呢個case同乳腺纖維瘤有咩分別？如果我呢d case 出返去公立醫院係唔係算唔urgent?要等比較耐？有呢d個案係咪會比一般人有乳癌嘅機會為高？謝謝！
乳突瘤（papilloma）有時同乳突癌（papillary carcinoma）好似，抽粗針未必百分百分到，所以係會建議做手術，同百分百良性的乳腺纖維瘤（fibroadenoma）係唔同野。
公立屬於第二類別，偏快但又唔係最快嗰隻。
乳突瘤係會非常非常輕微增加（輕到你可以睇成唔會增加）患乳癌風險。
醫生，多謝你！咁我去排公立睇下係咪真係好耐，如果唔係都係返私家做解決左佢，香港地真係好多好人好事，衷心感謝你嘅回覆！
你好!本人現在43歲,39歲時確診右邊乳癌一期無上淋巴。化療電療之後食Tamoxifen 兩年後因side effect 卵巢有良性朱古力瘤而進行了雙卵巢切除手術(保留子宮)，改食AI。確診後每年做MM + Ultra sound 檢查，今年做的3D MM + Ultra Sound 發現左邊乳一點位置有一粒新生6mm纖維瘤（醫生指報告顯示形態九成九係纖維瘤）因我有前科乳癌，你上面寫收經後出現纖維瘤機會較小，醫生建議我6個月再照Ultra Sound check 住，如果真係好擔心就抽粗針抽組織去化驗。我想問我的纖維瘤有無機會自己變細或者自己消失？我應否去抽組織化驗呢？我現在是什麼情況?謝謝~
呢個世界冇咩野係絕對冇可能，所以你問「纖維瘤有無機會自己變細或者自己消失」，答案係有機會，不過機會唔大。誠如你醫生咁建議，如果擔心就抽針化驗。
醫生你好，
我就嚟31歲，剛透過乳健中心，照完超聲波，出嚟結果:
Circumscribed ovoid parallel hypoechoic nodules are noted.
左邊3粒，最大的是L10H, 1cm from nipple~ 16.1mm x 6.4mm x 16.7mm
右邊5粒，最大的是R8H, 4cm from nipple~17.8mm x 7.5mm x 16mm (palpable presenting lump)
Breast crysts are seen at R12H 6.5mm, 2.3mm, 2mm, 2.8mm, 2.2mm, 3mm, R8H 5.7mm, R12/1H 4mm, 2.7mm, 1.9mm, 2.6mm, 2.8mm, 3.4mm, L2H 2.2mm, 2.7mm, 3.5mm, 3mm and L2H 4.2mm (咩係breast cysts, 點解咁多嘅?)
The nipple-areolar complexes are unremarkable. Benign looking lymph nodes seen in bilateral axillary fossae. (即係咩？)
Comment:
1. Breast cysts in keeping with fibrocystic changes.
2. Probably benign breast lesions could represent islands of adenosis, fibrocystic changes and /or fibroadenomata. Follow-up with ultrasound un 6 months suggested.(即係咩)
(BI-RADS category 3)
Probably benign=即係都有可疑？姑娘話category 3代表只有2%係惡性，叫我6個月後再照超聲波。其實洗唔洗早d見乳線科醫生同抽針，唔好令到如果係惡性嘅組織拖多6個月？呢6個月其實觀察d咩？睇有冇大同樣衰咗？如果有我要點做？如果冇又要點做？
唔該哂你呀!!
1）咩野係breast cyst，詳細睇乳房水囊 ／ 水瘤 － 有冇危險㗎？
2）Benign looking lymph nodes 即係超聲波見到正常樣的淋巴核。
3）Probably benign 即係「應該」正常，唔代表「一定」正常。誠如姑娘所講，有2％或以下機會有誤差。呢個情況可以選擇早D見乳腺科醫生抽針，或者半年後覆照乳房超聲波去觀察D粒粒有冇變化（大咗／樣衰咗）。有變化，就抽組織／做手術。冇變化，就繼續定期照（可以越來越疏）。
醫生你好，我26歲，岩岩生完bb 差唔多一個月，頭半個月餵人奶，但有日出去覆診冇泵，就塞左，推返鬆之後人奶就量就變好少，我就停左餵，但停左之後一week 左右，摸個胸多左粒野，我摸落都有5毫甘大，會吾會塞左乳線變左做纖維瘤果類。。呢個情況可以幫幫我解答嗎？
塞咗乳腺係可以積奶變成一粒野，我地叫galactocele，唔係纖維瘤，亦都唔會變毒，唔洗處理，主要等佢慢慢消失。
你個情況主要係要睇醫生去確定粒野係galactocele，而唔係／排除其他古靈精怪野。
醫生，我今年35歲，14年11月因為餵奶成日塞，自己摸到有粒嘢。最後照到有2 粒纖維瘤同抽針係良性嘅，醫生話因為餵人奶塞導致。到16年1月。其中一粒細咗，但醫生話個形狀唔同咗(無之前咁圓) ，所以問我想唔想割咗佢，佢無強烈建議，但話如果我擔心割咗都安心。2粒size 都唔過2cm, 其實係咪良性唔會變惡，而割咗又會一勞永逸呢？
問咗唔做微創，怕唔徹底，係乳暈邊開2cm 痕，請問係咪一個小手術，我自己有d 擔心。
如果係良性纖維瘤，係唔會變惡嘅，唔存在係咪「割咗就一勞永逸」呢樣野。
就咁割粒野係小手術。
多謝你比安心我， 但形狀會唔會同縮細咗有關呢？
如果照情況， 係咪可以觀察住唔做手術呢？14年11月係抽粗針得出良性呢個結果。
抽粗針話良性，之後自己縮細，呢個情況嗰粒野有事嘅機會微乎其微，可以繼續觀察。
多謝醫生你O既建議，請問我呢類情況，如果去公立排期係唔係屬於有排等類?剛問私家做割的話要7-8萬，擔心保險唔包。
要睇醫生轉介信點寫：如果佢重點放係「佢覺得樣衰咗」，會快。如果佢重點放係「之前抽針良性、而家細咗」，有排排。
我之前抽針檢查到一個atypical 既硬塊， 我估大概可能同我之前做自體脂肪移植手術有關，可能系脂肪壞死。醫生亦都建議我割左距。一開始佢就話要開刀 有3厘米傷口。 本來已經book左手術日期，但我call off jor 。 因為我真系接受唔到3厘米疤痕。 然後我再返去consult佢多D意見， 問佢關於微創手術，開頭佢話可以嘗試，但後來又話我粒野太近皮膚。 甘我再問佢可唔可以系乳暈開刀令疤痕無甘明顯，因為我粒野就系乳暈上方近2-3cm位置，但佢又話唔值得，話入面傷口會好大（我理解到系甘）。 於是佢都建議返都系系粒野附近開刀，不過佢今次就話個傷口大概1.5-2cm。 我好迷惘，系唔系需要再consult多D醫生意見？ 太接近皮膚做微創會有咩後果？ 手術疤痕系唔系永遠都會系度？
FYI 粒野不足一厘米，接近吧。已抽針檢查，但抽針位置入面附近一個月後仍然有點腫，正常麼？
你自己覺得好迷惘，係呢個時候做任何決定都係唔明智的，去問第二方意見係好事。你粒野同乳暈邊只距離2-3cm，我睇唔到有咩理由唔可以／唔合適乳暈邊開。
太接近皮膚做微創怕兩樣野：1）刨穿皮（即係粒野面多咗一個傷口）。2）之後會凹陷（因為皮膚與手術地方之間已經冇野遮遮掩掩）
任何手術的疤痕也是永久的。
抽針檢查一個月後仲有D腫，唔可以話正常，不過亦唔係大問題。
多謝你既回覆呀！！！！ 我今日再去診所拎多張轉介信。個醫生好好，幫我一齊睇揀我公司保險可以包既醫生，但佢話就甘得個外科醫生既list 真系唔夠 應該要揀D專門系for breast既， 所以都比唔到咩建議我。 我返離上網睇search jor 一下D醫生，佢地大多數都系出名做腸胃外科或者甲狀腺。 我應該點揀好？
我想再問關於微創怕既第二樣野，如果開刀就唔會有凹陷問題？
當然揀返做開乳腺科的外科醫生去做。你走去搵個專做腸胃／甲狀腺的外科醫生兼做，做得唔好時只可以怨自己。
開刀都有機會凹陷，不過開刀我地可以鬆埋附近的乳腺組織，易D拉上補下冇咁覺（掩眼法）。
醫生您好! 我今年29歲，約3個月前發現左胸12點位置有硬塊，超聲波顯示直徑接近4cm。抽幼針顯現為良性腫瘤。看過乳腺科專科醫生，安排私家醫院做全身麻醉手術，需要住一晚，術後會有條小喉drain 血水，需要keep住3-4日。及後看另一專科醫生聽取second opinion，但這位醫生說可以在專科中心做手術，不用住院，亦只需打安眠藥後局部麻醉進行手術，術後不需要駁喉因為可以讓身體自行吸收血水，只需貼防水膠布讓傷口自行癒合。兩位醫生的說法差異太大，想請問一下醫生您的看法到底哪一種方法會比較好/快康復？
兩種方法都合理可行，視乎醫生平時慣性，好難講實邊一個比較好／快康復，點樣揀純屬個人喜好／邊個醫生比到信心你。
乳腺纖維瘤有分惡性同良性？
乳腺纖維瘤定義上是良性，呢個世界冇惡性乳腺纖維瘤的。
惡性乳腺纖維瘤會吾會死人？
呢個世界冇呢樣野。
咁乳腺纖維癌會吾會致命？
我諗你受咗一D錯誤的資訊誤導，呢個世界係冇「乳腺纖維癌」「惡性乳腺纖維瘤」呢樣野。不要將乳腺纖維瘤（fibroadenoma）同乳腺癌（ductal carcinoma）混為一談，他們是兩碼子的事。
咁乳腺纖維瘤會吾會致命的？
唔會致命。
你好:
我上年7月睇醫生照超聲波照左有一粒2.X cm ge良性乳線瘤
醫生話定期照都冇問題
但呢個月黎完經之後個胸都係漲住同痛痛地
會唔會係粒野引起?或者代表想生多一粒GE先兆?
除非真係好大粒，一般黎講漲同痛同粒野冇關係。
醫生你好,
我現在32 years old. 三年多前曾餵哺母乳, 近月來乳頭有出水情況 (水係淺黃至橙黃色, 有pressure就有水出), 去左睇婦科照超聲波, 醫生話係纖維瘤, 有 1.6cm x 0.9cm, 醫生話乳頭度開個洞, 做手術都好簡單. (醫生知我有買保險, 我當時又太緊張,一心諗住做手術,所以唔記問清楚醫生做唔做手術既分別)
我既問題係:
1) 點解會有乳頭有出水的情況 ?
2) 值唔值得為左個咁細既纖維瘤開刀, 但無抽針化驗能否確定是纖維瘤 ?
3) 係唔係要睇多一個醫生去聽意見 ? 去抽針化驗組織 ? 若要睇係咪直接睇乳房科 ?
4) 可唔可以唔理佢住, 一年後先再檢查睇下點 ? ( 始終睇一次都貴嘛!)
感謝相助,無限感激, 祝福醫生你.
1）要檢查睇吓係單管出？定多管出？先有多D眉目，不過就一定唔關纖維瘤事。乳頭分泌物 ： 我係咪生乳癌？3
2）值唔值得就好個人嘅事，根據你所提供的資料，我睇唔到一個必須要做手術的理由。抽針化驗可以比多一D證據話佢係定唔係纖維瘤，要百分百確定就要做手術先得。
3）乳房問題應該揾乳腺科醫生睇，並不屬於婦科。
4）唔想隔空亂比意見。
在大陆做割瘤手术後要日日打消炎针，在香港是不是都是吖？
在香港，有感染才打抗生素。如果手術順利，沒有感染，並不需要打什麼消炎針。
你好,女朋友今年23歲，胸部有三粒乳線增生,最大的有1.3cmx0.67cm,去左政府醫院做抽針檢查。醫生說有非典型細胞，要排期再做粗針檢討，我想問下,非典型細胞是什麼，有醫生介紹嗎?
幼針非典型細胞即係C3 cytology，詳情睇乳房水囊 ／ 水瘤 － 有冇危險㗎？。下一步都係抽粗針去確定有冇野
唔方便介紹醫生。
多謝你提供資訊。
你好,我今年27歲,20歲時割左左邊乳房一粒大慨2CM既纖維瘤, 25歲再發現係同一個位置又生左一粒2cm既瘤, 醫生話九成都係纖維瘤番發, 同埋照到左邊仲有2粒細(少於1cm),右邊2粒(1.5cm & 0.8cm), 如果唔想割住就keep住check, 到今年發現左邊大哥粒由2cm變到2.4cm, 醫生建議我快d割左佢, 如果遲d打算有bb可能會大得好快, 但係由於d瘤係分佈係個胸唔同位置,佢同我講要割四刀先可以割走晒,我想問開刀同埋微創可以一齊做的嗎?即係可唔可以一粒大開刀,其它細d ge做微創..唔想乳房花晒..
冇話唔可以，不過一般都唔會混合咁做，因為兩頭唔到岸／兩邊不討好。2.4cm就個size黎講其實可以做微創，不過當然要睇埋位置／深淺等因素先可以決定。如果真係要開刀，其他又想做微創，就要同自己醫生傾傾。
今日去照佢話痛照到兩邊有幾粒有血到，同埋開始有不規則形狀，叫我抽針再檢查，我依家好擔心，係咪咁樣好有機會係惡性？
抽咗針先，亂咁估對件事冇幫助。
我今年36歲，發現兩邊有纖維瘤已6年，期間是每年去化驗中心照超聲波。今年排到政府做超聲波，一入去要做埋X光造影，超聲波，但照發現有一粒形狀古怪的瘤，馬上抽5次粗針。我好怕，究竟形狀古怪就係惡性? 那粒是我6年前發現的，當年細細變到宜家2cm左右。我好怕變成惡性。政府抽粗針要幾耐有result?
兩個星期有結果。
擔心變成惡性，醫生是否古怪形狀就是惡性?
形狀古怪可以係，亦可以唔係惡性。
醫生你好，
24歲女，兩年前有ovarian cancer, 家族有一個乳癌病史
突然左邊一粒近3CM 大，真係好突然就出現。之後做曬3步曲檢查話係良性。但係照CT發現右邊胳甩底都有異樣（冇講明係咩），非常擔心，請問良性瘤會生到去underarm？果到有異樣係咪代表同cancer有關？良性瘤都會越生越大？
良性瘤唔會影響腋下淋巴，但可以越生越大。
異樣雖然可以同cancer有關，不過唔「等同」有cancer，同埋cancer通常係影響同一邊腋下，好少淨係走過對面。下一步都係照腋下照聲波，如果發現可疑的地方，就抽埋針去確認有冇野。
醫生
我很擔心抽針報告如下: the significance of the atypia is not certain, and malignancy can not be excluded. Excision for further histological examination is recommended.
本身硬塊1.5*1.1*1.6cm. 醫生話有60到70%有可能是癌細胞。安排12月28日割曬做急涷檢查
既然已經安排手術，便安心等待。
多謝醫生。但我不明白點解個外科醫生要我咁快決定割幾多? 話全個割會比較好如果冷凍細胞有癌細胞。是否可以局部割? 對我心理上會平衡一點。還有的是我的腫瘤只有1.5*1.1*1.6cm他話我要全身麻醉去割即是無得做微創? 以我情況可以做嗎？
其實如果真係咁大懷疑係癌，應該係先抽粗針，之後再作詳細決定。因為如果原來冇癌，微創係有機會做到（當然要臨床評估，唔係淨睇size）。
我都是見多一個醫生先決定因為來得太急。連手術室都即場訂。我很有心理壓力以我報告情況可以等多二個星期先決定嗎？原來我計劃要在1月2日出差去美國
問多個醫生建議點都百利而無一害。至於等唔等得，唔可以咁草率回答。
補充腫瘤位置係12點返乳頭對下1cm.是否這個位較難做微創同返乳頭如果有癌就要全個割?
乳頭底下多D血管，唔係唔做得微創，只係手術後易D瘀（D瘀始終會散）。
乳頭有癌就要切埋乳頭，唔等如要全個割，乳房夠大係可以做局部割（central lumpectomy）。
真心多謝你的回答。令我安心了一點
醫生我抽了粗針。確診係入侵性乳管導癌第二級。全割? 難不難醫
不幸中大幸係抽咗粗針先，而家可以從長計議。乳癌難唔難醫唔係睇級數，係睇期數同種類。去以下條link睇吓，有曬你要知嘅野：
https://www.breasthk.com/facing-breast-cancer/
見了醫生。檢查CT 癌細胞指數後安排乳房全割。我擔心有擴散做不到手術。
做完CT／Bone Scan／PET scan就知有冇擴散／做唔做到手術。
我是接住上面的個案提問作出以下提問:
我做了PET 話無擴散, 就即時入1月11日私家做手術全乳割加肚皮重建: 因為多發性1個主腫(5CM) 加2個徫星腫 (2.5CM). 乳房無得保留.
PET SCAN 檢唔到有擴散不過最手術中急涷測試後有3粒前哨淋巴(9MM) + 1粒腋下淋巴(3mm) . 全清二組淋巴
– STAGING : PT3N2A
– PR/ER + (私家醫生話他決定先割正確喎: 以他經驗我在手術前先化療好難評估情況+他有信心割清, 結果無等政府-要我先化療後割(自費即割即重建)
– 無HER 2 受體
– 腫瘤的組織學2級
– 入侵附近小淋巴管小血管 +LVI (沒有神經鞘癌細胞滲透, 這個不太明白是什麼)
– 割清了: 切除邊緣沒有任何癌細胞
現在擔心自己會淋巴水腫 暫時未有水腫情況, 現時41, (電療: 應該都會電腋下淋巴+鎖骨 ? 淋巴水腫可高達40% – 讀了書你之前講), 如果會有淋巴水腫會幾時出現. 會好影響我工作因為割左邊, 我是左手寫字的. 非常擔心………… 之前決定先手術後化療 (沒有考慮到做化療後額有沒有機會保留腋下淋巴)
還有我的癌症惡嗎? 跟你之前教是否以下化療已經足夠?
乳癌一般惡：打返第2代，有錢就TTC x 4，冇錢就FAC/FEC x 6。
作為一個病人能夠有你的資訊我真心多謝你,
我將你的分析全部跟自己情況做了筆記, 有了心理預備懼怕減少了. 感恩遇到你這一個有心的醫生 !
電療只電胸口及鎖骨。
無法估計幾時出現淋巴水腫。
癌症惡，已經第三期a，要打第三代化療，例如FECx3 + TTx3。
多謝您回覆。唯有接受!
我之前到整形醫院詢問隆胸手術手術的時候照到一些黑影，之後到乳線專科醫生幫我按壓檢查及照超音波發現右乳有三個7mm左右及左乳有一個3.5mm的腫瘤，估計是良性。下星期才做x-ray檢查，是不是一定要抽針才可以確認是否良性? 那麼小可以抽針嗎？我這情況可以隆胸嗎？會不會刺激到腫瘤增大、變惡或生長更多呢？如日後須要做手術切除會不會影響到假乳呢?
除了抽針，還可以做微創／手術去確定是否良性，但總牽涉一定的界入性。
小也可以抽，當然越小越難抽。
可唔可以隆胸／黑影的特性，當然要斷定嗰D黑影有冇野先可以比意見。
有假體再做乳房手術一般都冇問題，小心D做就可以，當然風險係整穿假體，或者假體令乳房手術困難D，因為頂住D空間。
醫生，我剛做完抽針無耐，唔知點解腋下突然有粒一蚊銀咁大嘅腫塊，請問有冇可能與抽針有關？
通常唔關抽針事，除非抽針引致發炎。
医生好好,回覆這麼多人
你好，我今年29，右邊乳房成日陰陰痛，自己就成日用手檢查查，摸到深層有粒好細嘅野，2年前去做過檢查話我乳腺增生，之後一直都冇痛，係上個月開始痛返，好擔心！
（我食左2年半口服避孕丸，唔知有冇影響）
長期服用避孕丸係會增加患乳癌風險的，有任何疑問就去睇醫生。
請問醫生, 1) 有纖維瘤會否影響哺乳? 會比其他無纖維瘤的女士難哺乳? (未懷孕)
2) 乳頭有時痕癢需要睇醫生嗎?
3) 建唔建議中藥調理纖維瘤?
1）唔影響。
2）要，因為有D原位癌（Paget’s disease of nipple）開初只係痕。
3）唔建議。
還有, 哺乳是否會令纖維瘤增大? 因為刺激左佢?
理論上有可能。
謝謝醫生回答。
請問: 1) 能否按摩胸部?
2) 我摸到纖維瘤位置有硬塊, 但睇開的專科醫生說1cm纖維瘤係摸唔到既, 甘個硬塊到底係乜? 是左胸11點位置。
1）可以。
2）佢摸唔到，咁你點知／邊個話左胸11點係纖維瘤？
你好。我今年32歲，兩年半前有一個月餵人奶經驗。
其實早係24歲時，我已經用傳統開刀方法割過一粒纖維瘤，傷口都幾大。最近我係疤痕咁上下位置，摸到有粒野都幾大粒，但半年前我做超聲波檢查時係冇任何瘤，我唔肯定係疤痕定係瘤。
最近失業冇收入，又唔敢再睇醫生查，請問纖維瘤會唔會係同一或附近位置再生？ 有冇咩機構做檢查係平d ? 謝謝
可以同一位置／附近再生，最平當然係去排公立。
多謝咁快回覆。請問一般內傷口會硬幾耐？ 我印象中當年個粒係三角型，約3cm, 因為都幾入，同埋搵左個老式醫生，佢話只可以用傳統方式拎出黎。 基本上我個傷口位置一直都係硬硬地，而且摸會有d 唔自在同陰陰痛，我好少摸傷口個位，所以都唔肯定而家硬既係瘤定係疤痕。 岩岩搵老公幫手，佢話摸唔到有硬野（之前割個粒反而係佢發現）
人人情況唔同。
1. Hello 醫生，纖維瘤既然屬良性，咁如果微創割唔清周圍既乳線係咪都無太大影響？相比下，手術會割走既乳線更多？
2.醫生會唔會開左刀先發現係惡性，然後成個乳切走？
3.同埋做完手術後建議點樣顧理傷口？點先可以讓疤痕盡量消失？謝謝！
1）割唔清最多由剩下來纖維瘤再生姐，其實無太大問題。至於手術同微創相比邊個犧牲乳腺更多，其實冇一面倒分野，主要都係睇粒野型狀／位置、醫生技術等。
2）呢個要視乎同醫生之間的協定，所有決定／可能性都一定會事前得到病人簽同意書確定，唔會喺不知情情況下做一D無同意過的決定。
3）冇特別野要留意，在意疤痕就可以考慮一D去疤產品。
醫生你好，我無意中發現呢個網見到咁多有用既資訊同你有問必答，真心覺得你好有醫德。希望你可以幫下我解答我既煩惱同迷惘…
我今年24歲，係讀小學既時候已經摸到乳房有粒野! 跟左我成15年，以前摸到細粒d，直到而家我照左ultrasound 有2.85 x 1.15 x 2.57 cm – a clinical palpable lesion at 12 o’clock 2 cm from nipple, no abnormal vascularity is seen. 係咪應該都係纖維瘤黎？醫生無同我做抽針，佢話因爲咁野算大粒而我又決定左要割既話就直接割左佢，唔使抽針，割完直接成舊野拎去驗，你又覺得我係咪可以咁做呢？我見到好多醫生都會做足診斷三步曲，依我了建，如果咁樣skip 左，最終發現係纖維瘤的話對我黎講就影響唔大，但如有抽針，發現既係惡性，就唔使挨之前割粒野個手術，可以直接去做處理惡性瘤個手術？
未見過粒野未做過評估，唔敢講「係咪應該都係纖維瘤黎」／「合唔合適直接做手術」。
唔抽針，情況有如賽跑偷步，如果比你偷到冇比人捉（係纖維瘤），係有賺嘅（慳咗抽針）。但如果比人捉到（惡性），係要負上代價（做兩次手術）。你上文末段理解正確。
多謝你咁快覆同有耐性！個粒瘤會唔會係惡性但都可以跟左我咁多年都未有事? 定其實惡性瘤唔會存在好多年?
我苦惱緊要唔要睇多個醫生，但新個醫生booking排到三星期後，如果我睇返本身私院醫生就可以好快做到手術，只係擔心手勢唔好同疤痕既問題…
醫生, sorry太長Post 唔哂, 想問埋:
1. 我另一面乳房都發現粒0.6 cm hypoechoic leison, could represent fibroadenoma or cyst with content. 我知cyst係安全，但cyst with content 又係咪奇怪野黎呢？
2. 同一面仲有粒axillary lymph node (0.89 x 0.42cm) 又係咪正常野？如果本身身體無事，點解液下會有瘤既，唔係惡性瘤擴散去淋巴先有嗎？ 同埋要點處理佢…感激你!
時間越長都冇事，惡性機會就越低，不過我要強調係「機會」，因為凡事都有例外的，例如有D生得好慢嘅惡性腫瘤，或者原本中性葉狀瘤之後變惡性。
至於1同2，網上唔係一個合適平台去斷症，要問返自己醫生。
本人37岁，2013年发现左侧乳房有2个小结节，右侧乳房有1个结节，右侧乳房最大的结节大小大0.9CM*0.8CM，超声波结果提示：乳腺纤维瘤。其后一直有定时做超声波检查，往后4次检查结果：左侧乳房结节时有时无，右侧乳房结节时大时小，最大直径在0.9CM-1.2CM之间徘徊，及后右侧乳房又新增一个小结节。这个检验结果是最近一次照的，时间大约是16年底17年初。结论是右侧乳房有2结节，做大的1.1CM左右。请问：如果想生第二个BB，是否需要先割除它？因为听讲陀BB期间激素水平快速上升会令它恶变？如果不割除，陀BB期间恶变的几率大不大？如果不生BB，这几个东西点处理比较好？这几年比呢个瘤搞到神经紧张，仲有大陆呢边无抽针呢个技术，直接叫我地割左距
生BB唔係一個做唔做手術的考慮因素。
懷孕並唔會增加患乳癌的風險。
點處理都係建議去睇乳腺科醫生。
好多谢你既回复，祝生活愉快
本人28歲，半年前發現左右胸多粒，下面為右胸其中一粒我覺得可疑的化驗報告，請問甘姐係有無事？半年有幾粒都幾大，有幾粒1.5至1.6cm，最近再照b超，發現那幾粒大了到1.7-1.8cm到，醫生仲話左邊另有粒好細，上次照唔到，有點充血，甘姐係咪好嚴重？近期打完子宮頸疫苗針，話9月才可以考慮懷孕，那我應該做手術先，定等到9月懷孕，懷孕可唔可以改善胸部情況？做手術係咪好處多於壞處，唔會刺激胸部？
-The cytispin preparation and cell block sections of the right breast aspirate are hypo cellular. Occasional tiny cluster of bland-looking and mitotically inactive ducal cells ad mixed with rare myoepithelial cells and some red blood cells are present. Although no overt malignant cells are seen here, thorough morphological assessment however is limited by the hypocellular nature of the lesion. Correlation with clinical and radiological findings would also be helpful; and follow up with further investigation is advised if clinically suspicious.
個報告其實係睇唔清楚，重點係Hypocellular，即係根本唔夠細胞去下結論。
懷孕唔會改善胸部情況。
做唔做手術好要見過個人先知。
醫生你好，我睇左專科醫生，目測是纖維瘤，安排左去婦女中心坐微創。想請問1）做微創，去一般的婦女中心（中心一共3個醫生）定大醫院（如浸會）做好？我擔心中心規模細唔夠安全，但又覺得小手術可能中心已經做慣做熟。 2）兩種微創VACUUM ASSISTED BREAST EXCISION 同 RADIOFREQUENCY BREAK EXCISION，有什麼分別？哪種比較好？3)我見到醫生安排我做 USG Guided Vacuum Assisted Breast Excision，這屬於第一種嗎？
1）主要視乎醫生技術及經驗，對配套要求並不是太高。
2）Radiofrequency ablation 因為太多限制及唔受歡迎，間廠已經執咗，全世界都冇㗎咯。
3）正確。
医生：你好，请问一下生BB之前系唔系先要将多发的结节处理左距（微创）？超声报告一直话系考虑结节为良性，一直观察左4、5年，而家想要BB，系唔系要先做手术处理左最大个粒先要BB？如果唔处理，生BB同喂奶系唔系会快速变大？唔记得讲，多发性的，有几粒，最大个粒12MM。唔该晒你
生BB同做唔做手術冇大關係。
醫生您好
我太太47歲, 在政府到抽了幼針(FNAC)報告如下:
There are a couple of small flat sheets and tiny clusters of atypical epithelial cells possessing slightly enlarged,
vesicular and irregular nuclei and small nucleoli.
Myoepithelial cells are inocnspicuous in some of these flat sheets or clusters. The background is mainly blood with a few histiocytes.
Diagnosis:
BREAST. R2H mass. Cytology: ATYPICAL
問題: 1. ATYPICAL非典型是什麽意思?
2. 應該點跟進?
1）咩係非典型睇乳房水囊 ／ 水瘤 － 有冇危險㗎？，入面有詳細講。
2）抽粗針。
謝謝醫生回覆, 萬分感激.
醫生 我三十歲，未生育過。三個月前左右其中一邊乳頭上生左粒肉芽咁既野。依右變到有1/3粒紅豆咁大， 同乳頭一樣色，無痛無傷口。之前睇過家計會婦科檢查同睇過自己家庭醫生，佢地目診同按胸就話無野，話好正常。但我覺得佢好似開始變大同好影響外觀。
請問依粒野係乜野？
會否影響健康？
同埋可否將佢切除？
謝謝！
要現場睇過先知。
你好 我打左避孕針大概有半年前 係一個打一次嘅混合性荷爾蒙避孕針 未打之前去公立個邊睇過話胸有纖維囊腫 打針之後 左胸開始有粒生得特別快同大 同新生左好多粒 想問會唔會真係關打避孕針事呢？
有D關係。
Hello Breast HK,
我2014年發現左邊乳房有個大約1.4cm的乳腺瘤，現在每年都照超聲波檢查，暫時沒有變大跡象。請問如果我準備懷孕 ，需唔需要先切咗佢? 因懷孕期間乳腺瘤因荷爾蒙影響而有機會變大。我擔心懷孕期間會令到乳腺瘤變得很大，到時不知如何是好。
冇必要。
本身有多粒乳腺纖維瘤，服用有大豆卵磷脂的保健品（其中一個成份）會有影響嗎？
唔清楚。
那可以每天食用黃豆類食物嗎？
可以。
我15歲 摸到右乳房有粒野 唔痛會郁 請問可能會係咩？
純統計學上黎講，最有可能就係纖維瘤。實際上係咩，就要搵醫生檢查咗先知。
你好
我35歲，發現左胸有粒大約2cm圓邊硬物，已安排照超聲波。
呢兩日，個胸有d痛，而且有一邊眼皮會突然有下垂情況，上網睇資料，話如果係胸腺瘤有可能合併肌肉無力症，呢個係症狀之一。
請問胸腺瘤係咩? 會唔會係惡性?最壞情況會唔會成個胸切除?
胸腺瘤thymoma 係喺胸腔入面，內部器官，唔係乳房來的，唔好以為胸腺（thymus gland）等如乳腺，會搞出大笑話。
明白，謝謝回覆
請問乳腺纖維瘤摸落會痛嗎？我照過超聲波，報告話係良性，應是纖維瘤，但其實檢查時按壓到果幾粒野果陣，好痛，最大是1.5cm左右，左右胸都有好幾粒，每年都有去照，今年多左1粒，同每粒可能大少少。我是否有需要去找醫生再檢查下呢？今年二十多歲
可以痛又可以唔痛，所以痛唔痛對診斷係冇幫助。擔心就揾乳腺科醫生檢查。
你好 我今年33歲了 懷孕34周了
係31周時突然發現右胸摸到粒野但唔痛
32周產檢照左照聲波 剛出報告 粒野8Cm 大
醫生建議抽針 我過2日都會做
想問問會是惡性嗎？ 會影響餵母乳嗎？
抽咗針先，亂估幫唔到件事。
你好！我兩年前30歲時割左右邊乳房的一粒2cm纖維瘤，但近排時不時就覺得以前果位痛痛地，會唔會傷口未好定要再去check？
兩年傷口就9成9好曬，有疑問就去搵醫生檢查清楚。
醫生你好，我有每半年檢測乳房，醫生說我兩邊乳房都佈滿好細的纖維瘤，今日檢測時發現了一個新的瘤（1.5cm)，同埋其他之前的都有變大的吹勢（每次檢查都大0.1cm), 加上我媽媽有乳癌，所以佢建議我拎d比較大的出尼，去除變壞的風險，比較細的佢用微創，1.5那個佢建議開刀，但依你所講，2.5以下的都可以微創，我可以要求全部微創嗎？以及麻煩你分析一下我需要拎d瘤出尼的必要性有幾多？唔該曬
純計size, 1.5cm 可以做微創，不過仲要睇埋位置同深淺。
冇得咁樣隔空分析，要臨床檢查同睇片的。
好，唔該曬
我今年47歲。FNAC (抽幼針) 的報告出來是 “Scanty microcalcifications are present. The appearances would be consistent with changes of fibrocystic disease or fibroadenoma within breast tissue, but clinical as well as radiological correlation is necessary. No malignant cells are seen.” 之前的ultrasound 報告表示”The palpable nodule coorresponds to a well-defined hypoechogenic nodule. It measures 1.2 x 0.5 x 1.1 cm.”
家庭醫生初步認為未有迫切性即刻做手術切除，建議我再睇乳腺外科，並表示曾在2年前聽過一個seminar, 話有一款新的冷凍技術，可以凍死良性瘤，不需用傳統的開刀手術(免得有疤痕)，想請教在香港那間醫院有這種冷凍手術?
冷凍技術cryotherapy唔算新，日本搞咗好多年都唔能夠將佢普及。因為凍死完仲有舊野，對病人根本唔吸引，香港試過一兩次就冇再做，暫時冇香港醫院有，雖然聽聞瑪麗想引入黎研究。
醫生你好
請問乳腺纖維瘤在懷孕前要先切除再計劃懷孕嗎？有些人說懷孕期間荷爾蒙會影響纖維瘤、可能會惡化。如果每邊乳房都有幾粒纖維瘤，動手術會很複雜嗎？謝謝
Ellen
1）無需因為計劃懷孕去切除纖維瘤。
2）懷孕期間纖維瘤可能會大，不過唔會變惡。「大」同「惡」係有分別嘅。
3）手術複唔複雜要臨床評估先知。
纖維瘤形成關雌激素事？要減少食雞肉？雞蛋果啲？
同雌激素有關係，不過唔係唯一因素。戒口冇用嘅。
醫生您好，想請問本身有乳腺纖維瘤，食避孕藥會令本身的纖維瘤變大或增生更多纖維瘤呢？有的醫生話會，有的話唔會，好苦惱。
謝謝
冇統一睇法，就好似你之前問過幾個醫生咁，有D覺得會，有D覺得唔會。
醫生您好， 我家人十幾歲的時候生左粒乳線纖維瘤，現在27歲剛剛生完寶寶，乳線發炎加埋睇左醫生話粒有纖維瘤那邊胸腫左，請問這是什麼情況， 會變成惡性腫瘤嗎？
要檢查完先知。
你好醫生，我今年24歲，發現右胸有硬塊，前2年已做了超聲波檢查是纖維瘤（沒有抽取組織化驗），之後都沒有再檢查，我自己都有自行留意，亦無發現有變化。前幾天我突然發現腋下有一粒BB彈大少的東西。想請問醫生會否是因爲我胸的硬塊導致我腋下生了一粒東西？謝謝你
如果真係纖維瘤，就同粒野冇關係。
醫生你好，我今年33歲，4月中發現胸有粒野，跟住覺得佢痛，我上年年中做了鼻咽癌治療。之前治療完都唔覺有，咁我又覺得痛同摸落越來越大，5月頭去看了乳線科醫生，做了b超及抽針，結果說是纖維腺瘤,有1.2×0.5cm，醫生話我可以觀察或做手術。我仍有點擔心，有朋友叫我看多個醫生。謝謝！
擔心就睇多個醫生或者做手術。
醫生你好， 我今年35歲，近年兩邊乳房都會痛，左邊痛啲，有時會好痛，特別係經期前10日到，經期完佐有時都依然會覺得陰陰地痛，但摸唔到嘢，一路以為可能係乳腺增生，直至琴晚去照超聲波，醫生話左邊乳房9點鐘方向有粒5mm *6mm既影，係纖維瘤，我問:咁係良性定係惡性呢?醫生話:通常係良性，而且咁細粒，但因為邊界唔清晰，佢都唔可以保證100%係良性，建議我做抽針化驗。唔知係未個醫生見我好擔心/驚/不知所措，所以安慰我，最尾講句:惡性通常唔會痛。（因為果粒瘤係係我會痛果度附近）
依家有啲嘢想問:
1）良性纖維瘤係未一定係邊界清晰，而邊界唔清晰既多數會係惡性呢?
2）上網睇資料話乳癌係唔會痛，但會唔會到佐後期（譬如擴散佐），之後都係會痛呢，因為我都痛佐好耐，驚已經好嚴重，如果係惡性，果粒嘢會唔會比較大粒?
3）去抽針需要等超聲波報告出佐先去嗎?
醫生，你可以比啲意見我嗎?謝謝!
1）良性纖維瘤唔一定係邊界清晰。邊界唔清晰唔可以話多唔多數會係惡性，因為我地係睇成個圖像，唔係睇單一特徴去決定。
2）乳癌後期可以痛，大唔大粒就視乎幾時捉到佢。
3）最好有報告先抽。
醫生，悠好!
我今年25歲，係半年前做左抽針，check到有好多粒粒，醫生都建議做手術，因為粒野都比較大，亦寫左轉介信:
palpable probably benign hypoechoic lesion at R10H 21 x 14 x 24mm 9cm from nipple
other probably benign hypoechoic lesions in both breast may represent fibroadenoma BIRADS3
R10H Bx > fibroadenoma
呢半年發覺粒野大左好多，另外原先細細粒既都變大左
請問醫生我需要再作檢查抽針? 或需作手術? 因為年紀輕，金錢有限。謝謝並期待您既回覆!!
變大咗的話，右邊十點鐘嗰粒就切咗去，因為未大前都已經2.4cm。其他需唔需要抽針就睇最新超聲波個樣可唔可疑。
想問下葉狀良性腫瘤，切除了再返發，已做手術，組織是良性但有邊位未清，醫生建議再做手術切清。想請問種情況普遍嗎？應否再做手術再切除清佢？另，切清後再返發的機會是否都是高，與其這樣，等到返發先切除呢個方案可取嗎？
唔罕見。應再做手術。
切清後翻發機會視乎紙口位有幾闊。
等到翻發先切除的方案不可取，因為可以一發不可收拾。
請問是否切清便不會再翻發
唔係，只係低D機會復發。
想請問一發不可收拾是什麼，會有什麼不良後果及對身體的影響，謝謝請教
翻發可以係惡性葉狀腫瘤，可以擴散，可以攞命。
取出來的組織化驗為良性，想請問有邊位未清的位置如不再做手術，會由良性變惡性嗎？謝謝一直提供的寶貴資料
有咁嘅可能。
Hi 医生，我今年22歲 我自檢的時候摸到左上乳房有一粒球 可以滑動的 同時乳暈也有幾粒小小粒的 我現在是月經期前 請問是因為經期嗎 但是右邊又摸不到
有硬塊就應該睇醫生，唔好亂估。
最近阿媽去做檢查出左報告，發現喺另一邊有一粒良性0.3 M M成0.5M M ×0.5 mm嘅乳腺纖維瘤，請問可以點做？微創喺公立醫院有冇得做？
我諗你寫錯cm做mm，不過就算0.5cm都好，都仲係好細，下一步不外乎觀察或者抽針。微創手術部分公立醫院有，唔係間間有。
我係乳健中心，照左超聲波，姑娘話有2粒實心，7mm*2mm*7mm,我問佢係咩，佢都答唔到，報告係birad3，6個月後再照，其實呢個size算唔算大，可唔可以做微創,其實我都照左點解佢答唔到係咩
唔算大。
做唔做到微創要臨床評估先知。
佢點解答唔到我唔多加評論。
上星期做咗部分切除手術，傷口大概3.5cm 醫生開咗2星期假紙俾我，但覺得拆完線仲痛咗，晚晚瞓唔到，請問如果覆診時仲覺得痛，可唔可以要求延長病假？
你可以要求，佢批唔批就睇佢評估。
你好 我摸到乳房有粒野
之後就覺得驚恐即刻去私家預約做超聲波
個size 1.08×1.01×0.873 cm
醫生就話邊緣位吾清𥇦 建議我再去抽組織(粗針)
結果系 benign fibrosis 良性間質纖維化
但醫生都建議我做手術
因為睇私家我又無保險 手術費都吾平
公立醫院有無得做
所以我想問我咁樣嘅情況係咪應該點做先至好？
去公立慢慢排，抽咗針良性就算考慮做手術都冇咁急。
當時報告岀左良性 但個醫生都同我講
因為個形狀不規則 有可疑 所以建議我做手術切除
但我睇左你啲文章有99%纖維瘤 都吾會變成惡性
同埋粗針結果都系屬於比較准確
甘其實系咪吾做手術都可以
或者選擇做手術既話 排公立都無問題？
多謝解答 感謝
喺咪可疑要睇過片先知，抽針良性排公立無咩問題。
您好，我27歲，上星期五沖涼時摸到右胸1pm方向(近心口位上方,內側的)有硬塊，硬既，唔算太覺佢會移動到。翌日去左醫院乳房保健中心睇，當日只係觸診，醫生同意位置有硬塊，安排星期一去做超聲波同抽幼針。
照超聲波當日，我睇個影象個粒嘢都係黑黑地，唔同角度唔同形態咁，楕圓甘樣的。我當場問醫生護士大唔大粒，護士話大概2cm到，但就無講似係咩(水瘤?纖維瘤?好既唔好既?)，跟住就安排埋抽幼針，我見埋出黎，我遠睇係透明色甘，護士話少少肉肉地啦咁樣。
請問如果感覺佢硬，係未一定不是水瘤？抽針出黎既顏色，可以初步知係咩嗎？謝謝你
係咪水瘤當場醫生已經會知，問返自己醫生，或者睇下佢報告寫乜。既然已經抽咗針，就等報告唔好亂咁估。
多謝您回覆。想問多少少:
1) 其實如果係水瘤，應該無需要抽針？
2) 硬身，不是太移動，超聲波睇，我見係隨圓，有d角度我又不太肯定/識睇，其實係未都得返2個可能性，纖維瘤or衰嘢？
3) 27歲，呢個年紀，可能以年紀排除唔係衰嘢嗎？
再一次謝謝你！
1）水瘤要，水囊唔洗，除非有病徴。
2）唔係。
3）唔可以，不過衰野機會好細。
18歲時發現一纖維瘤
乳暈下開刀割了
現已24歲
乳頭無另一邊咁凸岀
乳暈同乳頭之間好像有個箍 有摺痕咁
正常嗎？應睇什麼醫生?
謝謝！
D描述就最似舊疤痕引致的，未檢查過唔可以輕率話正唔正常。睇乳腺科醫生。
醫生您好，我今年30歲，因早前摸到乳房有腫塊，經超聲波及抽粗針檢查過後，粗針報告回來指「sections show cores of minimally inflamed breast tissue with features of mild fibrocystic changes (fibroadenosis). Adenosis, focal dilatation of ducts and mild fibroadenomatoid hyperplasia are demonstrated. Microcalcifications are not identified here. There is no evidence of suppurative changes, granulomatous inflammation, papillary configurations, significant cytological atypia, in-situ or invasive malignancy seen in this biopsy sample」報告指「符合輕度纖維囊腫變化」，之後自己嘗試對此查看過一些資料後，卻感到有點混亂/淆。故想請問醫生這是指「纖維瘤」的意思嗎？會否變惡性的可能？是否切除掉比較安心？希望得到醫生的解答，謝謝🙏🏻
不是指纖維瘤。病理報告就唔會變惡。切唔切要視乎超聲波影像。
先謝謝醫生回答🙏🏻。但這樣我就有點混亂了，因為超聲波照到一粒低度可疑的像瘤般的東西(0.4cm*0.5cm*0.5cm)，所以再去抽粗針，結果回來指符合輕度纖維囊腫變化。於是上網看過「纖維囊腫變化」相關資訊，指這嚴格來說不是一種疾病，而且很多時沒有明顯邊界。但我的情況是，超聲波明確地照出一粒瘤狀的東西，好像跟所網上資料所描述的不太相符，若不是纖維瘤的話，其實這是甚麼東西？再次感謝醫生的幫忙解答。謝謝🙏🏻
要現場睇片先有初步評估，要知道實實在在係咩黎要做手術。
明白，謝謝醫生解答。
醫生您好!
近排覺得乳房有點不自然感覺, 安排做咗乳房超聲波檢查, 報告結果醫生話左面乳房有粒0.4cm良性纖維瘤, keep住大半年後再檢查便可以, 但由於有家族病例 (媽媽於71歲確診乳癌2期, 同年已做手術), 所以有點擔心…., 想問我還需要做乳房造影檢查嗎? 報告結果節錄如下參考, 謝謝!
EXAMINATION :
U/S Breasts (Both Sides)
FINDINGS :
(Ultrasound of both breasts and bilateral axillary regions were performed.)
A 0.4×0.3×0.4cm well-circumscribed heterogeneous lesion is seen at L2H 4cm from the nipple. No associated abnormal vascular flow is seen. Findings are probably benign and might represent inspissated cyst, focal fibroadenosis of fibroadenoma. Follow up US is useful to assess interval change.
No other focal lesion is noted in both breasts.
No dilated duct is seen.
No skin thickening or nipple retraction is evident.
There is no enlarged axillary lymph node.
COMMENTS :
A small well-circumscribed heterogeneous lesion is seen at L2H. No associated abnormal vascular flow is seen. Findings are probably benign and might represent inspissated cyst, focal fibroadenosis or fibroadenoma. Follow up US is useful to assess interval change.
No other significant findings.
Thank you for your kind referral.
夠40歲就影埋x光造影，未夠就唔洗照。
明白！多謝馬醫生解答🙏🏼
醫生你好，請問如果有不能移動，但邊緣清楚，不痛，鵝蛋形的腫塊(紅豆大小)，可能是甚麼呢？(有一日沖涼突然摸到，突然出現)
紅豆大小咁細唔會不能移動的，睇醫生方為上策。
你好，我今年25歲
本身已經有乳腺增生問題，最近呢三個禮拜發現一邊胸側腫脹，仲會不定時既隱隱作痛
今日去左睇普通科醫生做左檢查，話初步應該係乳腺纖維瘤，下星期會做埋U/S
醫生亦有開止痛藥比我
但點解乳腺瘤會keep住咁痛，有時夜晚會痛醒
呢種情況係咪應該要做微創或手術？
痛唔係一個做手術理由。
我想問做完超聲波睇左報告，醫生建議抽針，我想問抽粗針痛唔痛嫁?報告係寫At R10H 3cm from nipple, a 1.18 x 0859 x 1.10cm oval circumscribed hypoechoic lesion with mild increase Further evaluation with ultrasound guided biopsy could be in vascularity is noted at its periphery.其實係咪可以暫時唔抽針觀察下先呢？
少少痛。抽針係謹慎的選擇，唔抽針要自己承擔低估問題的風險，雖則大機會冇問題。
因為佢寫Bi-rads 4a,所以考慮緊抽唔抽，同埋1cm會唔會好難抽，主要係怕好痛，因為我對痛好敏感
4a最好抽，1cm唔難抽。
想問17歲少女，到診所經檢查發現胸部有6cm硬塊，不痛，會移動，多數是良性纖維瘤？已約星期一見醫生……擔心
是。
我想問一下
五年幾前做過手術 切除良性纖維瘤，疤痕在乳暈，近日有時會好痕，條疤痕，會脫少少皮，但無分泌物的。同時近日在監察下醫生發現一粒約1.x cm的新瘤，已預約4月抽針。我唔知痕癢係因為條疤，還是……乳癌早期病徵？有點擔心。
這個情況都是在一邊胸部，另一邊沒事亦無做過手術亦無痕癢的。
謝謝你！
痕癢不是令人擔心的病徵。
補充一點，今年35歲。謝謝！
知道！謝謝！
醫生你好，本人37歲，我一星期前突然摸到左乳外側有一粒野，好驚之下睇門診，醫生照左超聲波後，話有一粒1.5cm既圓粒，仲有幾粒好細既，已經安排抽粗針，我睇有粗細針之分，係咪一開始用粗針，已經好嚴重，因為要到10多日後先抽針，日日好似等判死，好擔心..
粗針比較準確，不代表嚴重性。
你好！
我今年31歲，2019年10月發現按左邊乳房有血水/血慢慢流出，一直持續到而家。12月時去照了超聲波和給醫生檢查過，都沒有硬塊。後來轉介到公立醫院，拿了流出的血（血水）化驗都沒有壞的細胞。
醫生建議我切掉出血那部份的乳腺。
請問是否就只可切掉，還是有其他治療可做？
謝謝
建議切咗有問題的乳腺管去排除癌症。
醫生你好 我今年33歲 未婚 一年半前 ultrasound 照到 左胸 有一粒水囊 left breast cyst 2 o clock 2 x 4 mm 醫生話keep住一年覆診一排睇下有冇變大細。 一年半後我覆診再照到我而家響共有四粒
Left breast:
Well circumcribed hypoechoic solid lesions, no posterior shadowing, are seen at;
– 1 o clock 3 cm from nipple 2.4 x 5.9 x 6.0 mm
– 2 o clock 2 cm from nipple 1.5 x 3.9 x 4.4 mm
– 2 o clock 3 cm from nipple 5.1 x 16.7 x 13.3 mm. It appears heterogenous with minimal vascularity within.
A well circumscribed anechoic cyst is seen at 10 o clock 1.7 x 3.8 x 4.4 mm. No suspicious internal solid component.
No architectural distortiin.
No ductal dilatation.
No suspicious axillary lymphadenopathy.
Impression:
-left breast solid lesions, suggestive of fibroadenomas.
-left breast cyst, benign.
醫生話睇佢嘅形狀規則則九成九係良性。 但係佢又話而家最好直接開刀攞曬出嚟验準啲 因為遲早都要開刀割出嚟 咁就順便切埋其他水囊。
若果唔開刀都至少都要抽粗針睇下係好定壞 好嘅話再keep住半年覆診睇下佢嘅情況有冇再變壞。
我問醫生其實若果係肉瘤超過幾多cm就需要開刀但係佢講話佢覺得而家呢個情況需要開刀就應該開刀 冇定一定要大多幾 cm先開刀。
我猶疑緊究竟應該直接開刀 抽針睇下係好定壞 定係直接 等半年後再照過睇下佢有冇再變大再決定要抽針或者開刀。
9成9良性就唔存在「遲早都要開刀割出嚟」呢樣野，邏輯上自相矛盾的。良性都一定要割的話，咁唔洗抽針驗唔洗覆照，所有女性都要做手術，呢個做法係好有問題。
你好，
請問今年報告腫瘤1.2cm（13年前抽針得出良性）It has slightly lobulated outline. 這情況需要做切除手術嗎？
難以憑以上資料判斷。
醫生你好！
我今年37歲，照咗超聲波，結果如下
At right 12 o’clock position, 3cm from nipple, there is a lobulated hypoechoic mass lesion measuring 1.3 x 0.8 x 1.1cm in size. Increase in peripheral vascularity is noted. This is of indeterminate in nature. FNA is suggested for further evaluation.
我想問以上點解，係咪睇落似惡，所以見意抽針？FNA係咪細針？我應該抽細針定粗針比較適合？約咗見專科同抽針，諗緊使唔使見完專科醫生先做抽針。
謝謝！
個粒野少少唔靚仔，建議抽針。
FNA即係幼針。
你抽粗針好D。
醫生你好～我今年20歲
幾個星期前摸到右胸約10-11點有硬物，摸落好硬，類橢圓形，但好似痴住底下啲肉咁，可以輕微郁到少少，（照左超聲波醫生話考慮係纖維腺瘤，大小2.2cmX1.1cm）；右乳約9-10點有兩個低回聲小結節（1cm），邊界尚清，醫生考慮增生結節
而左胸約4點有舊摸落去係輕易滑動，類圓形，醫生考慮小囊性灶（1.1cmX0.9cm）
想請問醫生：
1.照完醫生就話冇咩事，亦都冇抽針，就判斷係纖維腺瘤，想問下因為在檢查完後就開始右乳痛（痛點大概係右乳左半邊痛，間斷痛，即6點至12點位置），掂/唔掂都痛，郁下都痛，甚至乳頭都feel到痛，又味黎m，想問下係關纖維瘤事定增生結節事？ 味黎m都痛會唔會好嚴重/屬於惡性？
2.想問下小囊性灶/增生結節/纖維瘤係咪除手術外冇方法？（目前飲用中藥中）
3.想問下小囊性灶係咩，同埋嚴唔嚴重？
感謝醫生～～～～～～～～～～～～～
1）如果你覆述的超聲波的判斷正確，就唔擔心／唔關事。痛楚好多時都係乳房敏感，戒咖啡因會有幫助，包括咖啡、茶、朱古力、可樂。
2）冇。
3）估計意指水囊，香港好少寫中文報告，嚴唔嚴重要臨床評估。
想請問醫生你幾個問題
1）纖維瘤摸下去的手感是怎樣的？我的摸下去像杏仁或者玻璃球一樣超級硬是正常的嗎？
2）纖維瘤有時候會痛嗎（但是壓纖維瘤是不痛的）？是正常的嗎？
3）有時候會在網上看到有些案例，醫生說是良性的纖維瘤，但是穿刺檢驗出來是惡性，那醫生建議我穿刺/做手術切掉嗎？
1）好難描述手感，普遍黎講，越硬越唔好。
2）可以痛可以唔痛。
3）先照造影，有問題就抽針。
本人65歲。每年都有做乳房X-ray 檢查。日前做了X-ray 及超音波。發現一個5mm mass. 現安排抽針檢查。未知是否良性或癌。位置是十時方向，離乳暈邊二指距離。若真的是癌，可否做手術摘除而根治？又抑或會有擴散風險？本人存活率多少？
5mm好細，如果有問題的話，大部分情況下手術可以根治。擴唔擴散同存活率講得太遠，做咗檢查先。
謝謝你的極速回覆。但若確疹為癌。這樣的大小。一般會用什麼方式的手術摘除呢？
局部切除加前哨淋巴切除。
一般來說，切除之後還需要做電療或化療嗎？謝謝！
局部切除後需要電療，5mm通常唔洗化療。
非常感謝您。待biopsy 結果出來後，若有問題會再麻煩你。謝謝。
昨天請教了一位照顧了我三十年的前家庭醫生，他覺得直接做excisions biopsy 較好。因為mass的位置最高危(右乳房十點鐘方向，距離乳頭4cm，ultrasound 結果為Bi-rads4 suspicious ) 雖然是5mmx4mmx3mm的細size. 無論是良性或惡性，留著都是不大好，怕有變化。若有需要，便做電療。方法較簡單直接. 想再請問你意見。再謝謝！亦感恩有你及這網站幫助我們。
聽落去你會覺得好吸引，但呢個唔係一個好方法。因為如果切出黎後，確定係乳癌，你就要做第二次手術（前哨淋巴切除），冇人會想短時間內做兩次全身麻醉手術。先抽針搞清楚再決定手術先係正確做法。
Below is the result of the ultrasound report
“Target ultrasound was performed of the right breast in the 10” o’clock position, approximately 4 cm from the nipple. There is a hypoechoic mass with irregular micro Lou latex margins. Measuring 0.5×0.3×0.4cm. No significant posterior acoustic features. Unclear if this represents a fibroadenoma versus suspicious mass versus plantar fat within fibroglandular tissue.”
Density- C The breasts are heterogeneously dense, which may obscure small mass.
For mammogram result
“The previously seen asymmetry persist on true lateral view and partially disperses on spot compression views. No suspicious micro calcifications or unexplained architectural distortion.”
Comparison with mammogram on Oct 16,2020, Feb 19,2019, Nov 16, 2017, Aug 9, 2016.
Overall Bl-RADS category : 4 Suspicious.
都係建議先抽粗針。
你好，我有問題想請教下醫生。
早兩年發現左胸有幾粒野最（大嗰粒一cm），去咗搵醫生決定照超聲波，最後醫生冇結論只係叫我定期睇吓佢有冇變大。
上個月發現嗰幾粒野黐埋左一堆，會唔會有機會佢哋惡化左呢？
有。
醫生你好，我今年28，啱啱拎報告佢寫「The parenchymal echo textures of both breasts appear normal. A well circumscribed hypoechoic solid nodule is seen in the right breasts, measuring 1.2×1.1×0.4cm (LxWxAP) at 4 o’clock 1cm from nipple. No sign of intramammary duct dilatation is identified. Bilateral axilary lymph nodes are not enlarged」即係點呢？你會建議下一步睇GP定專科？
睇佢描述最似係纖維瘤。睇專科好過GP，GP冇咩可以做到。
以下是抽粗針結果。代表什麼呢？
Final Pathologic Diagnosis
Right breast mass, 10 o’clock, 4 cm from nipple, ultrasound-guided core needle biopsy:
—Fragments of benign breast tissue with usual ductal hyperplasia, columnar cell change, and micro cysts; see comment.
—Calcifications associated with usual ductal hyperplasia.
Comment:
The biopsy consists predominantly of blood with scattered fragments of breast parenchyma for evaluation. However, there are several fragments of breast tissue with abundant epithelium involved by a somewhat monotonous proliferation of ductal epithelium with areas showing central maturation and others showing more rigid architecture. The findings raise the possibility of either usual ductal hyperplasia or atypical ductal hyperplasia. In order to further evaluate these areas, immunohistochemistry for CK5/6 and ER was performed and evaluated on block A1. The proliferative epithelium predominantly shows a mosaic pattern of CK5/6 staining, although small foci are identified with near-absent CK5/6 staining. However, the areas with attenuated CK5/6 staining show near-absent ER expression, arguing against a component of atypical ductal hyperplasia. Ultimately, the finding are best considered to be usual ductal hyperplasia.
Given that this biopsy consists of extensive blood with limited breast parenchyma available fo revaluation, clinical correlation is recommended to determine whether the findings in this biopsy are concordant with the radiologic impression of a mass lesion.
抽粗針結果正常，冇癌症，不過標本本身質量唔好，病理科醫生建議主診醫生要小心去判斷究竟抽唔抽得中。
多謝醫生的回覆。抽針的醫生建議我再做超音波檢查，若mass還在，便重新再做抽針或手術移除。感覺很無奈。這位醫生已經是美國加州大學醫院乳房中心的乳癌專科醫生。未知應否相信他重新再做。感覺很無奈又要有原點出發。請問醫生的意見如何？(費用方面不作考量因為保險會完全付費）
非常感謝醫生的無條件付出，為我們解答疑問。有了你感覺上一路有人陪伴。
用同一方法，只會得出同一結果。上一次抽針個質量唔好，憑乜野認為抽多次針會好過上次？建議用微創vacuum assisted biopsy/excision去處理。
Is it call “ Minimally invasive surgery -vacuum assisted biopsy/excision”? Thanks.
係。
醫生，想清楚一下 究竟“ultrasound-guided core needle biopsy” 與 “ 微創vacuum assisted biopsy/excision”的分別。我明白 needle 只取sample 而excision是全部移除。但手術過程有什麼不同。瞭解多一些，才可以容易及清楚要求乳房腫瘤科醫生。在YouTube上search了一下。有些影片談及vacuum assisted biopsy/excision就跟ultrasound-guided core needle biopsy差不多。所以想瞭解多一些。對不起，一直麻煩你。謝謝。
Core needle biopsy 就係抽粗針。去睇片你就明：
乳房硬塊：我應該抽粗針定幼針？ https://youtu.be/09QIjr003y0
Vacuum assisted biopsy 同vacuum assisted excision係同一樣野，抽得哂抽得清就叫excision，抽唔哂抽唔清就叫biopsy (即係等如core biopsy ，不過準D，因為組織量多過core needle biopsy）。
直撃乳房微創手術現場，傷口究竟可以有幾細？ https://youtu.be/hKVp4u5_UE8
看過影片，完全明白了。謝謝醫生。但是因為我的抽針若抽不中mass。即根本仍然未知是否癌變。按影片上解說。若是癌，並不適合用微創手術的。這樣的話，我的情況可以嗎？
我唔會假設佢抽唔中，最大機會係本身冇事。抽組織抽中目標，呢個係最基本嘅要求。如果連咁基本嘅要求都做唔到，佢又如何確保做手術時會切得中？切得清？你仲有信心將你嘅健康交俾佢手上？
對不起，醫生。剛剛又有到了有關報告的一個addendum comment as below.
“ The case was re- reviewed after the discussion with Dr. Abe, and the findings in the biopsy could represent partial sampling of a fibroadenoma or nodular adenosis, which could correlate with the findings node on imaging.” 那又是什麼意思呢？
麻煩你解釋一下，唔好意思，真的很擔心。謝謝你。
成個個案review 過，抽針同造影報告同良性病變吻合。
Hi Dr,
I noticed the lesion in my left breast grew and I did an ultrasound.
Findings of the ultrasound is:
Left breast has mucocele lesion with BI-RADS 3 at L2H, size 48 x 12 x 33mm, circumscribed, parallel, no vascular flow, separated cystic with debris and comet tail artifact, palpable, enlarged (prior 19x 7 x 12mm in year 2018), prior labelled as L3H (3cm FN)
Impression is probably benign
The Doctor suggested me to have surgery this time. The fine needle aspiration I did back in year 2018, the result is “no evidence of malignancy”
Any advice from your side? Should I be worried about?
4.8cm值得做手術。
醫生你好，
前幾天為手術前做準備，加州大學醫院乳癌中心要求做術前x光及超音波掃描。他們用的是Mammography with tomosynthesis (3D造影？）得出報告由BI-RADS 4 變或 BI-RADS 2.(上次的mammogram & Ultersound 是本地醫院做的）。 結果是No evidence of breast cancer，benign. 只建議每年做mammogram便可。是否Mammography with tomosynthesis 是看得比較淸楚呢？這結果又是否有可能呢？
由於我是較年輕的老人，又已經做了所有術前準備，亦放了”seed” mark. 所以都決定如期明天做手術移除，免得將來變化，那時年纪更大更難承受。
真的多謝你無私的付出及解釋，才依足三步曲，一步步地做了相應的檢查。謝謝你!
Tomosynthesis 即係3D乳房造影，會比較清楚，比較可信。最大機會係根本冇事，之前報告流流地。
醫生你好！
因我幾年前檢查發現乳房有粒野，抽針係atypical cells，建議手術割除完後化驗係良性Fibroadenoma，我最近打算買保險，保險公司話我有過這個Fibroadenoma就永遠不保乳房，原因係根據大數據好大機會復發或者再出現時變惡機會高，我聽完令我好迷惑，當年醫生話良性無事都不用覆診，現在保險公司這說法令本人有點擔心，想請問醫生患過這個Fibroadenoma是不是會因而患乳房惡性瘤機會較高呢？
Fibroadenoma唔會增加患癌風險，但會增加保險公司的賠償風險，所以比個冠冕堂皇嘅原因去唔做你生意。
醫生你好！
我25歲 上年4月右邊乳房有2.9cm大既良性纖維瘤 有做過超聲波 上年11月再做超聲波就發現有3cm 都係良性的 請問係咪都建議做手術割左先會比較好？因為形狀都開始大
但手術後會否影響之後既日常生活？
3cm值得割，手術唔影響日常生活，除咗嗰部份嘅製奶量會少咗。
醫生你好！一個星期前做了移除手術。據手術醫生及病理報告。mass不是癌但是有Atypical ductal hyperplasia. 報告有別於needle biopsy. 據手術醫生說，這不是癌。但有ADH 的話，便有乳癌的機率風險會很高。現在什麼也不用做。但每年要做一次mammogram 及一次MRI. 長期觀察。因為我的細胞很活躍。
這樣結論對嗎？
謝謝再一次為我解釋。
ADH唔需要定期照MRI。
Report as below.
“Sections show extensive columnar cell change and columnar cell hyperplasia with associated cyst formation, as will as foci o usual ductal hyperplasia, associated with prior biopsy site changes. Patchy pseudoangiomatous stroll hyperplasia (PASH) is also present. Focally, a group of ducts and ductules(0.5cm) is mildly expanded by a solid fenestrated to pagetoid proliferation of atypical cells with distinct cell membranes, eosinophilic to vacuolated clear cytoplasm, small uniform rounded to oval nuclei with scattered larger forms, and focal eosinophilic luminal secretions. A few admixed ductules with flattened layers of similar cells are noted. Groups of smaller non-atypical luminal epithelial cells are noted in the background of the proliferation. The following immunohistochemical stains where performed and evaluated (on block A9) to evaluate this focus:
-CK5/6: Negative in atypical cells
-ER: Positive in atypical cells
-E-cadherin: Membranous staining in atypical cells
-SOX10: Negative in atypical cells
-Pan-TrK: No nuclear staining in atypical cells
-p63: Postive myoepithelial cell staububg
-SMM: positive myoepithelial cell staining
The morphologic and immunophenotypic features are consistent with atypical ductal hyperplasia and are considered qualitatively insufficient for ductal carcinoma in situ (DCIS)”
麻煩解釋一下。謝謝
就係你理解咁，ADH，未到原位癌。
馬醫生你好，非常感謝你分享乳房健康資訊。
我今年26歲，5年前做過超聲波及抽針發現有幾粒良性纖維瘤，其中有一粒形狀不太好，醫院其後Close file，我亦未有每年去檢查。
及至最近摸到乳房有新既粒粒，醫院再做超聲波及抽針，發現右邊有3粒 左邊有4粒, 大多都是fibroadenoma。另有一粒形狀為oval 是suspicious lesion 18.2 x 9.6 mm.
醫院醫生之後表示我是黏液纖維瘤，5年前抽針已經刺激令佢變大，手術做得唔清都容易復發，復發機會為3-4成，現階段都不建議手術。
亦都話好罕見，暫時只好觀察，冇咩資訊講到比我聽，都令到我唔知點處理。
請問馬醫生有冇黏液纖維瘤相關資訊分享？網上見到有乳房黏液纖維瘤亦較易有心臟黏液纖維瘤等，又係咪真？
謝謝你。
你所覆述嘅醫生建議好怪，我了解唔到。
第一，抽針係唔會刺激腫瘤，即使係惡性瘤。
第二，病理學上係冇所謂「黏液纖維瘤」，只有「黏液狀乳癌Mucinous carcinoma」同「纖維瘤Fibroadenoma」。
第三，一方面怕復發，但又唔做手術、唔怕一路係身體，呢個係乜嘢邏輯？？
你好醫生, 今日收返報告可以更新你 報告寫住”Suggestive of Fibromatosis”
請問同一般纖維瘤有冇唔同？記起當日個醫生講得好奇怪..仲話好罕見 只要我一抽針就會影響到佢變大
btw我都會再去諮詢多個醫生先
非常感謝你咁有耐心解答問題！
纖維化，良性嘅，都未成瘤，唔洗手術。
如果咁都話罕見的話，只係反映自己經驗。抽針唔會影響佢變大，你所覆述的言論完全錯誤，正正經經搵個乳腺科醫生去睇啦。
醫生，對不起！又要麻煩你。去年年底做了excision surgery 之後。化驗報告證實有ADH, 所以每半年要做一次檢查。今天做了MRI. 左邊乳房又發現有8mm mass.報告如下。我該如何處理呢？
65-year-old asymptomatic woman presenting for high risk screening. History of right breast surgical excisional biopsy in 12/2020 revealing atypical ductal hyperplasia.
Comparison:
Prior examination dated 12/16/2020 (ultrasound) was reviewed for comparison.
MRI Technique:
Bilateral 3T breast MRI without and with contrast was performed with a dedicated breast coil using T1 and T2-weighted sequences including: axial T2-weighted with fat saturation, high resolution T1 fat-suppressed 3D gradient echo pre-, and dynamic post-contrast sequences. Gadolinium based contrast was injected intravenously at a dose of 0.1 millimole per kilogram body weight without adverse reaction.
3D post-processing was performed to optimize interpretation by generating multiplanar reconstructions (MPRs) and maximum intensity projections (MIPs) in 3 dimensions from the dynamic contrast enhanced data set.
MRI Findings:
Overall breast composition: The breasts are composed of heterogeneous fibroglandular tissue. The background parenchymal enhancement is marked and symmetric.
RIGHT Breast:
Post-surgical scarring in the upper outer breast.
No abnormal areas of enhancement or other MRI features of malignancy are identified.
LEFT Breast:
There is a 8 mm oval mass with circumscribed margins, homogeneous internal enhancement and associated T2 hyperintensity in the left outer central breast, posterior third depth (T1 post contrast axial image 179). Kinetic curve assessment demonstrates fast initial and delayed persistent pattern.
OTHER:
The axillae and visualized chest are unremarkable. Incidental 12 mm round T2 hyperintense right hepatic lobe lesion is not fully characterized, but most likely represents a benign cyst or hemangioma.
IMPRESSION:
Left breast: Probably benign (BI-RADS 3).
Right breast: Benign (BI-RADS 2).
Recommendations:
1. An 8 mm oval circumscribed mass in the left outer central breast is considered probably benign, most likely a fibroadenoma. Recommend targeted ultrasound for further evaluation. In the absence of a sonographic correlate, recommend 6 month breast MRI to ensure stability.
2. Recommend annual screening mammography, for which the patient will be due in October 2021.
就係跟返報告的建議，照下超聲波去比對下。
醫生，你好。我跟據建議，在五月底及六月初做了兩次Ultersound. 結果是什麼都看不到。我覺得很困惑，不知該要如何做？請賜教。謝謝。報告如下。
Comparison:
Prior examinations dated 05/18/2021 (MRI) and 12/16/2020 (mammogram) were reviewed for comparison.
Ultrasound Findings:
Targeted left breast ultrasound demonstrates no sonographic correlate for the 8 mm mass at identified on MRI in the outer central breast.
IMPRESSION:
Left breast: Negative (BI-RADS 1).
照唔到咪就係跟返之前報告咁話，半年去照一次MRI去跟進。
你好，今年30歲，近來做了超聲波身體檢查。
報告有一句寫：
A well circumscribed hypoechoic solid nodule is seen in left breast, measuring 0.5×0.6×0.3 cm at 3 o’clock 2cm from nipple
Summary 位置寫：suggest follow up scan
體檢中心註體護士解釋話係結節，好多人有，只需要跟每年至1年照返超聲波觀察
是這樣嗎？
謝謝醫生
報告描述嗰啲特徵都似係良性，可以觀察住先。
本人今年40歲,上月做了超聲波檢查,左邊乳房有一粒2.8CM的纖維瘤,抽針是良性
醫生話纖維瘤太近皮膚, 做唔到微創, 我想問另外有種HiFu技術 用聚焦超聲波來縮小纖維瘤, 但手術後好似只能靠等待,不能保証縮小效果及程度,
我唔想開刀,你認為值得做HiFu嗎?
同埋只在診所做,儀器會不會不及醫院的好?
這個技術效果會不會好依賴操作人員的技術及經驗?
纖維瘤太近皮膚/size 2.8cm 做HiFu 可以嗎?
謝謝!!!
HIFU用係乳房纖維瘤度效果唔好，唔建議。
Dr,感激你回答這個留言區,你的回答很有詳盡,很有用~
我的情況是: 已做完X光和超聲波檢查,有一粒大的約2.7cm(抽了針是良性纖維瘤), 基本上我唔想開刀, 但微創的話, 醫生話一定有碎屑殘留, 我想問:
1. 如我先做一次微創,日後餘下的碎屑如再生長, 再用傳統開刀方法是否就好難清(因太碎) ? 定還是碎屑在有需要時再開刀都可清得乾淨如同一開始就成粒割?
2. 做完微創,日後餘下的碎屑會否影響發現/判斷附近的可疑粒狀/塊狀? (因超聲波個圖變得好花)
Thanks a lot !!!!
1）唔會難清，將來傳統開刀可以切得乾淨。
2）少少，個圖花就唔係好花，但裡面始終有疤痕，會影響少少判斷，不過如果你有心理準備，第時有唔肯定嘅陰影時候，肯做開刀手術／再一次微創嘅話，2.7cm都可以試微創，因為做得好嘅話，其實可以冇碎屑殘留。
Thx,謝謝你咁有深度的回答~
我想問吓點解抽粗針後結果係良性纖維瘤, 都不代表 “百分百確定佢係良性” ? 係咪有d 惡性瘤(或潛在變惡的瘤) 會擁有 fibroadenoma 的成份而咁啱在抽針時抽中了佢地?
請多多指教~
因為抽針只係採樣（sampling），可以有採樣誤差（sampling error），即假陰性嘅情況發生，所以不能百分百確定。要百份百確定，就要百分百移除。
醫生您好, 我十分困惑,有問題想向你求救 :
我有一粒良性乳房纖維瘤, 2.91cm, 我唔想做手術(開刀切除或微創都唔想), 我找過資料話, 人可同纖維瘤共存一輩子, 而停經後纖維瘤會縮小, 我今年41歲,其實係咪可捱埋呢幾年(佢嘅生長期), 唔切除佢都冇問題?
1) 真會妨礙日後做乳癌檢查嗎?
2) 而一直同佢共存仲有何壞處風險 ? (假設佢真良性.期間冇快速生長)
希望你比些”中肯” 嘅意見我🙏🙏
如果真係乳房纖維瘤，唔切除冇問題，問題在於你有幾肯定佢係乳房纖維瘤。
1）唔妨礙。
2）如果真係乳房纖維瘤，冇壞處。
醫生,你好, 可唔可以解釋下咩叫乳突瘤 ? 同乳腺纖維瘤有無分別?
近個幾星期發現乳頭用力擠壓會流出啡紅血色的分泌物，但只有其中一個孔洞會流出，自己摸唔到有硬塊。由於８年前曾有甲狀腺癌病史（零期），已全切除甲狀腺，所以非常擔心是乳癌，究竟呢個機會率大唔大？正在排期檢驗。
乳突狀瘤（intraductal papilloma）係一個良性瘤，不過佢同乳突狀癌（intracystic papillary carcinoma）有時好似，所以如果抽針話係乳突狀瘤，醫生係會建議割除，以排除癌症。
冇得話機會大唔大，都係檢查咗先。
你好呀 Breast HK, 今日收到乳房超聲波報告, 如下
The parenchymal exhotexture of both breasts appear normal.
At least 10 simple cystic lesions are seen in the right breast, size ranging from 0.2 to 0.9cm. The largest cyst measures 0.9 x 0.8 x 0.3 cm at 9 o’clock 2 cm from nipple.
At least 10 simple cystic lesions are seen in the left breast, size ranging from 0.2 to 1.8cm. The largest cyst measures 1.7 x 1.8 x 0.6 cm at 12 o’clock 1 cm from nipple.
Two solid nodules are seen in the left breast, as follow:
2.5 x 2.6 x 0.9cm (L x W x AP) at 12 O’clock 1 cm from nipple, well circumscribed hypoechoic.
0.6 x 0.5 x 0.2cm (L x W x AP) at 12 O’clock 1 cm from nipple, well circumscribed hypoechoic.
No sigh of intramammary duct dilatation is identified.
Bilateral axillary lymph nodes are not enlarged.
請問2.5 x 2.6 x 0.9cm 同 0.6 x 0.5 x 0.2cm 會唔會有機會係乳房纖維瘤呀? 我下一步應該要做咩 ?
有機會係乳房纖維瘤。如果想圓滿個檢查嘅話，就抽2.6 cm果粒針。
乳腺纖維瘤1.2X0.6X1會否日後自己消失？還是一直不大唔需理佢？還是都建議必須切？需要抽針嗎
好多時都唔會自己消失。如果抽完針係良性，一路唔大可以唔需要理佢。抽唔抽針，好睇醫生點評估、同你個人取態。
你好，我在2014年做超聲波話係纖維瘤2.4cm，之後我再冇去理過它。但是現在2022年我31歲，粒野會不會變惡性？我想再去檢查同切除，但好怕會復發。
檢查咗先。
你好，我今年27歲，我呢一兩年覺得左邊乳房有硬塊，今年做左超聲波，見到兩邊都有幾粒，最大嗰粒係2.3cm，就係我摸到嗰粒，之後抽左幼針，番黎嘅結果係atypical。醫生建議做手術切佢出黎，但係我好驚做手術嘅疤痕，同乳房凹陷嘅情況，呢個情況係咪一定要做手術？唔做手術，做粗針如果係良性，可唔可以唔做手術？會唔會變惡性？呢個情況可唔可以做微創？
有非典型細胞就最好做手術。
如果抽粗針係良性，勉強可以凌駕幼針報告，選擇唔做手術，不過要定期照住。
有機會變惡性。
想做微創嘅話，如果技術上許可，最好都抽咗粗針先，證實係良性先好做。唔再抽針嘅話，傳統手術比較好。
你好呀醫生, 本人41歲, 生過2個小朋友, 上星期先第一次做左夾胸XRAY + 超聲波, 有以下REPORT:
the breasts are extremely dense, which lowers the sensitivity of mammography. There is no discrete mass lesion, architectural distortion or asymmetry noted.
no suspicious macrocalcifications seen. several scattered benign punctate macrocalcifications in both breasts and a macrocalcification noted in left breast.
there is no nipple retraction and no skin thickening.
no abnormal axillary lymph nodes detected.
the breasts are of homogeneous background echotexture – fibroglandular
Left Breast: L2H, CMFN: 5, 6X3X7MM, Oval smooth Doppler Positive, Could be intramammary LN – Probably Benign, BIRADS3
Right Brest:
R1H CMFN: 4, 5X2X4 MM – Oval smooth, doppler negative, Probably Benign, BriRADS3
R8H CMFN: 1, 5X3X6MM – Oval Smooth, Doppler Negative, Probably BEnign, BRIRADS3
no focal lesion in the nipple and subareolar region
simple cyst at R9H (4MM)
no focal lesion in the nipple and subareolar region
no abnormal lymph nodes in bilateral axillae
IMpression:
oval hypoechoic lesions. at L2H, R1H, R8H. these are probably benign and could be fibro adenosis or fibroadenomas and the L2H lesion could be an intramammary lymph node as well. BiRADS category 3, suggest short interval follow-up scan in 6 months to establish stability.
Simple Cyst at R9H. Birads category 2.
benign calcifications in both breasts. Bi-rads category 2
no focal lesion in the nipples and subareolar regions. Suggest clinical correlation and early follow up if symptoms persist.
婦產科醫生叫我唔駛太擔心, 半年後再照多次超聲波再觀察就OK, 但係咪真係咩都唔駛做, 唔駛抽針?
想知你的專業意見TOO.
先感謝
半年後再照已經OK，唔洗抽針。
你好醫生 今年31，28號做完超聲波報告話纖維瘤細左小小(2.03×0.40×1.80cm)，對上次檢查已經係2014年當時係(2.4×0.3×1.8)，請問需要切除還是定期觀察？還有一個問題，我係網上看了，好多人本身係纖維瘤，但長大點解形狀係分葉瘤？
8年都穩定，可以選擇觀察。
唔明你咩叫「長大點解形狀係分葉瘤」。
你好，我今年22歲，前兩日係乳暈下面發現一粒綠豆咁細嘅硬粒。我feel到佢癡喺表皮度，完全唔識郁，亦都完全唔痛，想知道大機會係咩？
最想見係粉瘤同纖維瘤。
如果佢keep住唔大，係咪可以唔理佢？？
要睇咗醫生、檢查咗先可以下判斷。
好，謝謝
謝謝你的意見 🙂
本人今年42歲，已經做左三步曲。抽針報告如下，
Benign breast tissue with stromal fibrosis
Negative for atypical hyperplasia , in situ or invasive malignancy.
因為本身粒野得6x4x7mm 。已抽粗針，但曾因為有家人曾有乳癌，因此想問問，好唔好現在做手術切除，還是按醫生建議，半年再照MMG + ultrasound.
如果切除後復發機會高嗎?
多謝解答。
Macroscopic Examination:
7 cores of tan soft tissue which measure from 0.2 to 0.6 cm in length, 0.1 cm in diameter.
Microscopic description:
Sections show cores of benign breast tissue with largely preserved lobular architecture and stromal fibrosis.
No microcyst formation, usual ductal hyperplasia, or finroadrnoma is noted.
All acini and ducts contain two cell population with intact myoepithelial cell layer. There is no evidence of atypical hyperplasia , in situ or invasive malignancy.
以上是報告內容，請問醫生，我有無咩需要額外留意。謝謝。
臨床上冇需要割，割唔割純粹個人喜好。
如果維持良性，冇復發機會，不過唔好誤以為自己唔會生病。
多謝醫生你嘅解答，想問多少少。見報告上寫usual ductal hyperplasia 是否正常？請問我的腫瘤是否良性的纖維瘤？ 因為都見報寫Benign breast tissue with stromal fibrosis. 謝謝醫生你的解答。
Usual ductal hyperplasia 係正常。
你唔係良性纖維瘤。
請問現在由良性轉惡性嘅機會大嘛？謝謝你。
唔會轉。
甘請問良性轉惡性嘅機會大嘛？多謝你嘅解答。🙏🏻🙏🏻🙏🏻
Usual ductal hyperplasia 唔會轉惡性。
是唔會轉惡性？因為怕唔係良性纖維瘤，易轉惡性。
Usual ductal hyperplasia 唔會轉惡性。
你所指嘅係正常，指呢個情況係正常？
甘會唔會由良性轉為惡性？因為我怕唔係良性纖維瘤會較易轉惡。
正常指一般人都可能／可以有，唔需要處理，唔處理亦都唔會構成將來健康風險。
你好醫生, 本人今年43歲，有一頗大纖維瘤(~3.21cm), 已做左三步曲,抽針為良性, 據你説割唔割纖維瘤,純屬個人喜好, 我想問如纖維瘤持續正常速度增大,例如去到4cm等…會否有機會壓住神經線/組織/器官/淋巴之類? 有什麼其他方面的影響? 請賜教🙏Thx…
唔會壓到其他嘢，粒野越大，盲區越大，只係怕抽針遇上盲區，唔係纖維瘤咁簡單，例如葉狀瘤（phyllodes tumor）。
醫生你好。剛剛做了造影檢查同超聲波。報告如下。
超聲波:
Left breast:
Finding: Hypoechoic, Oval, Parallel, Dopper – ve, MMG lesion.
BI-RADS 3
造影報告：
Size:7x9mm
Density:Equal
Shape:Oval
Margin:Circumscribed
Calcification: No
Micro, Scattered, Regional round, microcalcification in left breast outer lower quadrant at posterior depth Benign.
BI-RADS 2
姑娘淨係叫我半年後再照超聲波。因為在乳健中心照。我嘅情況姑娘話唔洗見醫生。只需跟進。
因此想請問馬醫生意見。我的情況只係定係追蹤就可以嘛？
謝謝。
可以。
多謝醫生你的耐心解答。最後想問
，報告寫～
benign breast tissue with stromal fibrosis。
其實係咩瘤？即係良性組織有纖維化？風險高嘛？
🙏🏻🙏🏻🙏🏻
我冇補充。
多謝醫生解答，其實如果唔抽針，單單只係睇呢兩個報告嘅準成度高唔高？
唔可能網上判斷。
如我乳房好瘦,相對地纖維瘤更大, 一樣 “唔會壓到” ? (神經線/組織/器官/淋巴之類)
Thanks….
組織定義太廣泛，其他就唔會。
醫生你好
我老婆今年28歲 有一粒纖維瘤 良性 由中學開始已經有 依家係～1CM
本身諗住唔理佢 但發現因為粒纖維瘤 所以買唔到保險／唔肯保埋乳房
想問應唔應該搵醫生轉介去私家醫院割咗佢？咁就買得返全面保障既醫保？
感謝你！
割完都未必買到保險。如果純粹為買保險，最好都係問清楚保險公司，割完良性有得受保先去割。
以我的情況, 同埋如果纖維瘤生長到4-5cm, 都唔會?
我冇補充。
你好， 我上個月做左個超聲波檢查，給果係BI-RADS 3
A hypoechoic lesions is noted in the left breast, size is 0.91×0.34×0.84cm. A hypoechoic lesion suggestive of an inspissated cyst or fibroadenoma is noted at 12’o clock position of the left breast.
A benign cyst of 0.24cm in size is seen at 9’o clock position of the roght breast.
想問我需要有咩額外注意 or follow-up.🙏
應該良性，可以觀察，半年後再照超聲波。
你好，我因爲摸到硬塊，照了超聲波和Mammogram:
報告中有一粒
Over the acclaimed region of left breast tenderness, at L2H 2 cm from nipple, there is a hypoechoic lesion with irregular margin seen, measuring 1 * 0.49*1.39cm in size. It is of low suspicious and further evaluation with tissue diagnosis is suggested. (BIRADS 4a)
之後做左抽粗針 (四個sample)
Section shows cores of breast tissue with benign breast lobules in an inflamed stroma. Necrotic papillary fragments are found in some dilated ducts with residual fibovascular cores. The viable ductal cells display bland-looking nuclei. Immunostaning shows heterogenous pattern towards ER and CK5/6. The features are compatible with benign papilloma with degeneration. No in-situ or invasive carcinoma is identified.
醫生話呢粒係乳頭狀瘤，叫我做手術成粒切出來化驗， 話怕瘤周圍有惡性細胞。
我想問下呢個係惡性機會大嗎？手術建議做嗎？如果做，建議去排公立醫院（唔知時間要幾耐？）定係去私家快d做左手術去？
我十分擔心。謝謝你。
你好，因為左胸部有纖維瘤，請問建議打第三針或第四針疫苗嗎？
纖維瘤唔影響打針，所以建議跟政府指示打。
上年係診斷中心照ultrasound, 報告寫 a circumscribed ovoid parallel hypoechoic nodule is noted at R12H, 3cm from nipple, measuring 4.3mm x 2.5mm x 5.8mm. it increased in size（in 2015 was 2mm x 2mm x 3mm). it is probably benign
a probably benign R12H lesion could represent island of adenosis or fibrocystic change.
其實即係有乜嘢? 2015年當時醫生無叫我再定期檢查，只係上年做身體檢查順便再check
呢個係咪買醫保會變成不受保？
報告覺得係良性結節。
好多時保險公司都會唔保。
你好，2015年抽過粗針話係良性纖維瘤，醫生話觀察住就可以，2cm左右，之後冇理過，自己keep住摸覺得size冇變化，感覺好似細左，其實粒野超過10年，依家需要再定時抽針檢查嗎？謝謝！
Size同超聲波樣貌冇變化，就唔需要定時抽針。
Hi 我27歲，啱啱做完檢查發現左右各有幾粒纖維瘤，睇完你啲資料知道係良性，所以我唔理。但係右邊仲有一粒2.1*1.9*1.1cm BIRADS 4C. 亦都上網睇咗係懷疑惡性腫瘤，或者係超聲波睇唔清楚需要抽針檢查，我亦都好乖咁預約咗醫生。想請問一下，因為本身我已經係大細胸右邊細半-1cup, 所以比較擔心手術后胸型問題，如果抽針發現係良性，仲做唔做手術好？如果做咗手術係咪會更加細？有冇其他方法可以解決呢粒嘢又能改善胸型問題？thank you
1)傾向做，因為4C影像上高度懷疑有問題，做咗穩陣啲。
2）係會再細啲，覺唔覺眼就睇醫生技術。
3）冇兩全其美嘅方法。
你好~我28歲 2020年超聲波照到有纖維瘤 不過佢只係寫纖維瘤可能 因為粒野係0.6CM
個時報告就寫birads 3 叫我6個月到一年番去CHECK
我今年1月CHECK就去左birads 2
到岩岩10月去CHECK 佢又去番birads 3 但明明報告上同醫生講都係話冇分別冇大到
但又會去左birads 3 既 擔心左好多日因為個人都細膽
如果粒野冇抽過針，通常要穩定兩三年，醫生先會夠膽downgrade 去BIRADS 2。你個報告上返BIRADS 3唔代表有問題，可能只係唔同醫生寫報告嘅差異。
醫生你好，我今年30歲，左邊有一粒3cm既瘤，抽粗針後發現係纖維瘤，黎緊11月會開刀做手術切，請問如果之前照超聲波時可見到有條血管連接該纖維瘤，手術風險和翻發機會會否因此提高？
唔會因此提高。
明白，唔該晒你，另外想問問，如果抽粗針嘅位置，隔左成半個月，摸落去都仲係腫腫痛痛，係正常嗎？
好多可能性：
1）可以係正常
2）可以係正常，但你唔識摸
3）可以係唔正常
抽針係簡單野，理論上就唔會出大問題，一般都係建議觀察下先，有惡化先睇醫生。
另外想問下,月經前纖維瘤位置會痛正常嗎?謝謝你
可以正常、又可以唔正常，痛唔痛唔係判斷粒嘢有冇問題嘅指標。
醫生您好, 早前做身體檢查, 超聲波時發現右胸有結節, 但我一直無痛和摸不到。
已做3D Mammograms 和粗針, 報告如下﹕
1. Being skin calcifications are noted at bilateral periareolar regions. No mammographic evidence of malignancy.
2. Right breast lump (singly ill-defined hypoechoic lesion) at 10’o’clock:
–Focal fibrosis mainly
— No evidence of malignancy
Focal fibrosis 是甚麼來呢? 為甚麼會有?
醫生話可做和可不做手術, 咁我應否做手術呢?
做手術是否安全些? 但會否傷害到胸部其他的組織?
正常乳腺組織變化，根據抽針報告嘅結果就唔使做手術嘅，醫生有冇其他考慮就要問返佢先知。
網上判斷唔到做手術會唔會安全啲，做手術創傷就應該好細嘅。
醫生您好，本人今年36歲，今年份驗身報告好似出左少少問題，希望可以得到你專業意見。
Breasts
The parenchymal echotexture of both breasts appear normal.
A simple cystic lesion is seen in the right breast, measuring 0.4 cm at 9 o’clock 2 cm from nipple.
A few simple cystic lesions are seen in the left breast, size ranging from 0.2 to 0.6 cm. The largest cyst measures 0.6 cm at 4 o’clock 3 cm from nipple.
Three complicated cystic lesions are seen in the breasts, as follow:
• 0.3 x 0.3 x 0.2 cm (LxWxAP) at right 4 o’clock 2 cm from nipple, with thin septations.
• 0.5 x 0.3 x 0.2 cm (LxWxAP) at left 12 o’clock 1 cm from nipple, with thin septations.
• 0.6 x 0.6 x 0.3 cm (LxWxAP) at left 2 o’clock 4 cm from nipple, with thin septations.
Three solid nodules are seen in the breasts, as follow:
• 0.4 x 0.3 x 0.1 cm (LxWxAP) at right 8 o’clock 3 cm from nipple, hypoechoic.
• 0.9 x 0.8 x 0.3 cm (LxWxAP) at left 12 o’clock 2 cm from nipple, hypoechoic.
• 0.4 x 0.3 x 0.2 cm (LxWxAP) at left 10 o’clock 2 cm from nipple, hypoechoic.
No sign of intramammary duct dilatation is identified.
Bilateral axillary lymph nodes are not enlarged.
睇落去描述似良性，可以觀察住半年後再照。
謝謝您的回覆, 感激!
醫生您好，本人今年22歲。之前發現喺右邊乳頭有粒實心好似黃豆大小嘅嘢，睇落皮下好似白白地色，亦都唔痛。因為感覺上可能係纖維瘤，所以我大概一年都冇理佢。但最近喺右邊乳頭嘅另一面又生咗個小泡，好似問題愈來愈多，令我有啲擔心。
想請問喺咁嘅情況下我係要去私家盡快處理，定係仲可以排期去政府睇呢？
謝謝！
22歲有大問題嘅機會唔高，私家定公立視乎個人資源。
醫生您好，我今年30歲，左邊11月份開刀切左有一粒4cm既纖維瘤，但是宜家都隔左超过1个月，之前纖維瘤位置宜家摸落去都仲係有硬塊，我想問下係咪正常？手術後需要一啲時間先會鬆軟返？
都算正常，要幾個月先軟熟返。
你好 醫生 本人今年24。Lt breast 摸到一塊mass。做左biopsy
DIAGNOSIS
1) Breast, left, 11 o’clock, 5 cm from the nipple, US guided biopsy:
-Stromal fibrosis (纖維化）
-No evidence of malignancy(無惡性病變）
請問stromal fibrosis是指什麼？謝謝
纖維化，係良性變化黎，唔會變惡。
醫生，您好。我今年27歲。
最近做咗breast USG+FNA. Breast USG 照到有一粒irregular shape and avascular with internal micro calcification 9×6 mm. BIRADS 4a.
FNA result 就話features are those of a hypocellular aspirate and further comment is not possible.
醫生suggest 一係一個月後再照USG加粗針，一係直接睇乳腺科做手術切咗佢，我依家都好擔心，有無suggestion可以比到我？
直接抽粗針已經可以搞清楚。
醫生您好，我今年34歲
因為左乳頭對上少少12點方向位置有粒邊緣有啲唔圓滑嘅野（一開始發現時係圓滑，過半年追蹤後發現變得無咁圓滑），所以今年5月尾我抽咗粗針，結果係良性，只係纖維癗
大概過咗兩三個星期，我等到傷口附近完全無晒瘀瘀地嘅感覺後先去摸下嗰個位，但係覺得個癗摸落感覺唔同咗好多，size似大咗定分裂咗咁，位置又歪咗少少，類似從12點方向變成11點半，乳頭正下方入面又似多咗啲細粒粒。不過無任何其他異樣情況。
所以我想問下，抽粗針會有可能導致粒纖維癗有尺寸或位置相關嘅影響嗎？
份報告上有寫”appearances are consistent with reactive change”, “consistent with non-proliferative fibrocystic change”, ” focal fibroblastic proliferation involving a few fat lobules”，呢啲描述可唔可以解釋到粒纖維癗可能有我而家咁嘅變化？定係我需要再去搵醫生提早追蹤返呢粒野？謝謝
抽粗針（除咗頭段瘀嗰時之外）唔會令到粒嘢大左或者移位。
你報告啲描述冇講過係纖維瘤，只係話乳腺增生。
原來係咁，醫生簡單同我講咗係良性，解釋時出現過纖維癗同乳腺增生嘅字眼所以我記亂咗
所以我覺得舊野大咗同位置變咗少少係乳腺增生會發生嘅正常情況？
份報告詳細係咁：
Sections (12 levels) show 3 cores of benign breast tissue containing a few slightly dilated ducts lined by one to two layers of cuboidal to columnar luminal cells supported by myoepithelial cells.
Nuclei are bland looking. They are surrounded by abundant dense collagenous fibrous stroma which is hypo to acellular.
Hyalinization of collagen is observed.
Focal adenosis with scanty calcium deposits in the lumens is noted.
Fibroblastic proliferation involving a few fat lobules is present.
The fibroblasts have bland nuclei.
In the background, collagenous fibrous stroma is seen.
Appearances are consistent with reactive change.
No malignancy detected.
醫生叫我無咩特別嘅話半年追蹤一次就ok，佢大舊咗算唔算特別嘅事定其實唔洗擔心？謝謝
係。
咁短時間應該唔會有變化，你覺得大舊咗最有可能係你唔識摸。
好的，謝謝您的回覆
醫生你好！媽咪有過乳癌，現時已好返第4年了，之前有係呢度問過你幾條問題你都好好咁回答，亦都因為你既資訊令我當時無咁驚同埋增加好多乳癌認識幫到媽咪，好感謝你！
我今年33歲，最近係乳健中心做個超聲波檢查，雖然護士話報告無大問題，但話我左右加埋有3粒瘤，文字報告如下：
Left Breast：
S1:site-L11H, cmFN 0, size 9x6x9mm, finding Hypochoic, Oval, Parallel, Doppler -ve, BI-RADS 3
–
Multiple benign anechoic cysts are noted, up to 6mm in size. BI-RADS 2.
Prominent intramammary ducts (up to 1.6mm) with low grade echos are seen in L6H periareolar area, showing no increased vascularity, probably benign such as thick contents. Suggest follow up ultrasound after six months.
No abnormal lymph nodes in left axilla.
–
Right Breast:
S1:site-R12H, cmFN 2, size 8x5x11mm, finding-Hypochoic, Oval, Parallel, Doppler – ve, BI-RADS 3
S2:site-R2H, cmFN 1, size 10x4x6mm, finding-Hypochoic, Oval, Parallel, Doppler – ve, BI-RADS 3
–
Multiple benign anechoic cysts are noted, up to 4mm in size. BI-RADS 2.
No abnormal lymph nodes in right axilla.
護士只係話我知係瘤，同埋話好大機會係良性，叫我唔洗擔心，但要半年後返去做一次超聲波檢查睇下個變化。想問下：
1. 係咪即係纖維瘤？另外話左邊有咩唔知咩腺管，但係無問題既，對嗎？因為無清楚講係咩所以有d擔心。可以話我知係咩或者有無危險呢？
2. 我係咪真係良性keep住做檢查就可以？需唔需要搵多個醫生做多次檢查或者抽針？
3. 我有可能計劃生bb對我會唔會有影響？同埋我係咪應該要35歲前生bb會無咁易有乳癌呢？
4. 媽咪有過乳癌，我而家又有3粒呢d瘤，我有乳癌既機率係咪會比其他人高？
感謝醫生解答🙏🏻
1)可能係。報告覺得觀察都足夠。
2）可以。如果擔心就抽針。
3）冇影響。有D幫助。
4）媽咪有病歷，你會增加少少風險，唔關呢3粒野事。
醫生你好，請問一下你意見。我一邊胸有好多粒水囊，照左幾年超聲波。有一粒特別大，但照左都係冇影，話係水囊。近幾個月果粒野大左，而且硬左啲仲有啲凹凸。佢依家已經接近6cm，家庭醫生建議我搵乳房外科睇下洗唔洗切左佢驗。但睇完呢度cm發現咁大粒條疤會好長同埋胸會凹，本身胸冇乜肉。
請問我應唔應該切？定有冇其他方法建議？
感謝你。
如果係簡單水囊就唔洗切，就咁抽幼針已經可以解決。
補充：我年紀係31歲。家庭醫生話粒野太大同偏硬，抽針唔完全check到全粒野，所以佢建議我搵外科切出黎驗…
如果真係簡單水囊，就算好大／硬，都會抽得晒。
謝謝你，請問抽針可以抽到全部/大部分嘅液體嗎？佢太大舊想佢細返啲。
抽液體就用幼針，可以抽到全部／大部份液體。
醫生您好，早前做了粗針檢查，結果如下：
section shows cores of breast tissue with fibroadenosis. lobules of round to ovoid tubules are lined by a benign epithelium bearing two cell types subtended by fibrius tissue. Mild perilobular chronic inflammation is seen. The stroma is fibrotic. there is no evidence of atypical hyperplasia, carcinoma in situ or invasive malignancy.
請問諗情況有沒有惡性的可能？佢係乳房纖維化還是乳房纖維瘤，網上比較少有關乳房纖維化的資訊可以參考。
乳房纖維化會吾會好似乳房纖維瘤咁樣有機會自然消失？
另外報告講我有輕度小葉發炎，依個會不會也是惡性的訊號？
抽針報告就冇惡性可能，造影報告就唔知。
乳房纖維化，隨着年紀大，可能會好啲。
嗰啲所謂發炎唔係惡性訊號。
醫生您好：
本人26歲，三年前開始打混合荷爾蒙避孕針，連續打了兩年，直至大約五個月前停止。同時，本人於這三年患上強迫症，持續用藥(血清素/舒緩焦慮/鎮靜作用)兩年，近大半年自行停止，期間時不時亦有情緒不穩定的狀態出現。
請問有關停止避孕針及情緒問題，會容易導致乳腺增生/惡性腫瘤的問題嗎？
謝謝！！
(本人近期摸到乳房有4CM mass，很硬，手指按它會稍微左右移動，已照超聲波，放射科醫生說有可能是乳腺增生，但也不能完全排除惡性的可能性，建議我可以考慮抽粗針，或三至六個月後再照超聲波，現時非常擔心，情緒更加不穩)
停止避孕針及情緒問題唔會導致乳腺增生/惡性腫瘤的問題。
醫生你好
我51歲，右胸12點有硬塊，已做 US & MMG ，1.7cm 結果BIRADS 4A，亦已抽粗針，結果良性纖維瘤。專科醫生話粒野唔靚仔，建議手術割除。
現請醫生給予意見！是否粒野唔靚仔就一定要割除？原因何在？攞喺度增加風險？手術後有冇機會原位再生？謝謝醫生
唔靚仔唔一定要割。
擺喺度唯一風險就係抽針遇上盲區，即係假陰性。
手術後都有機會再生。
醫生
我情況是否雖然抽針結果是良性，但都未係最安全？割左再化驗穩陣啲？
謝謝醫生
要睇片先知，抽咗針已經夠安全，切除只係其中一個選擇，唔係唯一選擇。
我本身有BRCA2基因異常，今年40歲
最近照乳房超聲波，照到有5粒3級乳腺結節，最大一粒係22mm，體驗中心的醫生（非專科）就建議抽針。
想請問有沒有其他非入侵檢查可以做左先？還是我的情況都係直接抽針？
可以照埋X光夾胸同磁力共振先決定。
醫生您好，本人38yrs old，早前做了粗針檢查 (抽了３條tissue放入樣本樽)，結果如下：
left breast mass. USG: L9H 1FN 9 x 6 x 12mm lesion with indistinct border, BIRADS 4B.
微鏡檢查 : Section shows cores of breast tissue with fibrocystic changes including microcysts formation, stromal sclerosis and adenosis. There is no atypia or malignancy.
診斷: Fibrocystic changes
1) 以上情況係唔係變惡性機會係唔係好微?
2) 呢個size 係唔係唔值得開刀切？定係可以等大Ｄ先決定?
3) 本人胸部偏小，加上breast mass近乳頭是不是難以用微創?
4) 另外係Ultrasound report 寫 “A prominent lymph node at left axillary region, could be reactive in nature. Suggest follow-up and clinical correlation.”, 我睇開個醫生冇特別提起佢，其實洗唔洗further investigate同有冇咩risk?
1)基本上唔會變，除非遇上盲區。
2）一般用2cm去做分水嶺。
3）近乳頭好多神經血管，一般唔傾向用微創。
4）淋巴似普通發炎，可以就咁觀察定期再覆照，再小心D就可以考慮抽埋幼針。
醫生你好，本人今年69歲。在2020年做身體檢查時發現了右邊乳房有一個5mm mass. 同年年底做了excision biopsy. 發現是ADH. 同時在跟進檢查的時候，發現左邊乳房有一個8mm mass.被認定為良性腫瘤。雖然被認定為患乳癌的高風險人士，但當時醫生並未建議服用Tamoxifen.
經過三年的長期跟進，(每年年初做MRI, 年中做3-D mammogram) 每年的 MRI 報告左右乳房都是BI-BRADS 2 ，而3-D mammogram是左乳BI-RAIDS 1, 右邊乳房是BI-RAIDS 2.
但因為我並非真正是乳癌患者，所以今年剛剛就被轉介到另一位醫生跟進。這位新的醫生則建議我服用三年Baby Tam (5mg Tamoxifen)以減低患上乳癌的風險。他解釋是最新的研究結果，low dose Tamoxifen 的副作用比較少，但卻有同樣的功效。
想請教醫生，按照我的情況是，是否建議服用baby Tam?
可以考慮。
醫生你好,上星期做了乳房超聲波，報告這樣寫:
A mildly lobulated hypoechoic nodule (1.42cm) in L12H 4 FN, Indeterminate features are present. Ultrasound guided biopsy is suggested BI-RADS 4
需要擔心嗎？
需要抽針。
醫生你好，本人43歲，母親於70歲時曾患乳癌，外婆於八十幾歲時亦曾患乳癌。最近超聲波報告指出本人
1 . A well circumscribed hypoechoic solid nodule is seen in the right breast, measuring 0.3*0.3*0.2cm at 9 o’clock 5 cm from nipple.
2. A complicated cystic lesion with internal echoes is seen in the right breast, measuring 0.5*0.5*0.4cm at 10 o’clock 3 cm from nipple.
3. No sign of intramammary duct dilatation is identified.
4. Bilateral axillary lymph nodes are not enlarged.
請問照x-ray造影應該照一般2D X 光還是3D X 光造影？需要抽針嗎？
另想請問一般X光造影流程，照完後當天已經可以知結果，可以與醫生誰行咨詢？還是要等待幾天才有報告，要另約時間與醫生誰行咨詢？
1) 3D 優勝一D。
2）暫時唔需要抽針。
3）加錢應該可以即日出報告，正常要等幾日。