乳房發炎 ： 我係咪生乳癌？5
乳房發炎 －「發吓炎咋喎，咁都可能係癌？！唔係呀麻～」千真萬確，唔係嚇你！
乳房發炎／乳腺炎
何謂發炎？醫學上即係四樣野：紅／腫／熱／痛。
通常你都會留意到皮膚發紅同埋嗰個位好痛，至於有冇腫同埋發熱，就人人唔同，視乎程度同埋你有幾細心。
你會話：「喂，我成日都發炎㗎啦，喉嚨又發炎，呢度又發炎，嗰度又發炎，關生癌咩嘢事？」
你要知道發炎只不過係個一個病徵（果），並唔係原因（因）。咁你究竟咩原因發炎先？
可以有好多原因，例如餵人奶時被BB咬損咗，又或者你有糖尿病易啲感染。呢啲通常都有啲明確既原因，而且食消炎藥／抗生素會醫得好。最需要注意既係嗰啲無緣無故／食藥都冇改善／仲要有埋先前講過嘅病徵（腫塊／硬塊／乳頭流血／乳頭凹陷／皮膚下陷／橙皮變化），咁就要即刻睇醫生，因為乳癌可以搞到發炎，仲係要悪嗰隻添。
圖片來源：改篇自互聯網
一連五集已經將乳癌嘅病徵大致講完，下一集我地跳出學堂，講下如果你懷疑自己有事，應該睇咩科醫生⋯⋯
相關醫學專欄：
乳癌警號四：乳房發炎也可大可小？
香港乳癌及乳病治療中心 
Hello醫生，
我39歲，約一星期前，右乳房上方皮膚（位置在心口肋骨附近），出現了類似橙皮紋！
立即於第二天约了乳腺專科醫生檢查，醫生觸診及超聲波後，告知一切正常。第二天亦到了皮膚科醫生處檢查，醫生診斷為濕疹/毛孔角質化，回家搽咗了兩天類固純但沒有改善！好擔心自己患上發脾氣炎性乳癌..
想問下你的專業意見，及我需要再看多一位乳腺科醫生嗎？謝謝
類固醇都要時間去生效，二至四個星期沒改善才去再看醫生。
謝謝醫生。如沒改善，應再看那一科的醫生，感激你的回覆。呢件事好困擾我，好擔心…
乳腺科，主要拿一些皮膚去驗。
Breast HK 您好，感謝你寫左呢個網頁讓我地可以了解關於乳腺資訊，得著唔少啊..! 有些事想了解多啲..
我今年27歲，7-8年前已經試過一次乳房含膿 (非哺乳期) 嘅情況，當時只係做左引流，引流嘅傷口好返後，醫生話有develop fistula，復原嘅傷口之後一直都相安無事，所以都冇理.. 直至今年又再次急性發炎，出現好大嘅囊腫、含膿，種到有細菌感染，再次做I&D同反覆洗傷口..
醫生話已知原因係食煙，但我並唔食煙嘅，亦都冇其他慢性病.. 已經兩次乳腺炎+含膿，兩次I&D.. 有搵過啲資料，但資訊唔多..
我想問依個情況係咪好易再復發，有冇方法預防？以及如果反覆發炎，或慢性發炎的話，會唔會增加以後患癌嘅機會呢？
想了解多啲.. 麻煩曬.. 謝謝您
有機會復發，易唔易就好難講實，冇方法預防。
反覆發炎唔會增加患乳癌風險。