乳房痛楚 ： 我係咪生乳癌？2
「我嘅乳房好痛，係咪生嘢啊？」
其實個題目有點誤導，大部份嘅乳癌係唔痛嘅。不過好多人因為乳房痛楚而去睇醫生，驚自己生嘢，所以我哋今日講吓乳房痛楚呢個問題⋯⋯
我講大部份，你會問「即係有幾大部份啊？」
我會話，一百個女士乳房痛楚嚟睇醫生，九十幾個都無乳癌。其中有五至六個有乳癌，不過痛楚都唔係因為乳癌而起，只不過咁啱得咁橋一齊發生。
咁有幾多人真係因為乳癌搞到痛? 一百人中只有一兩個人，因為乳癌蝕咗出皮膚而搞到痛，不過嗰啲病人就唔會剩係因為痛而睇醫生，通常都一大舊腫塊，什至潰瘍流血⋯⋯
好多醫生都會問你，一邊痛定兩邊都痛？關唔關經期事？係咪經期黎前一星期脹痛？
佢地咁問，係因為醫學院教「拿，如果兩邊痛，關經期事，經期黎前一星期脹痛，通常都係良性，安慰病人就得㗎喇。」
咁現實中係咪咁樣㗎呢？當然唔係。成個重點就係大部份嘅乳癌係唔痛嘅，齋痛同乳癌一齊發生只不過係咁啱得咁橋。
咁即係點？現實中即係有人生癌係唔痛/一邊痛/兩邊痛/經期前痛/經期後痛/收咗經都仲痛/老公掂下都痛。所以話以上問病既方法根本冇用，它的分辨能力根本唔高，問黎都多餘。
嘩，咁兒戲？！又唔係，始終醫生會綜合病徵、臨床檢查、造影檢查、抽組織檢查（乳房檢查三步曲）先下一個定論。
乳房痛楚
講完一大輪，有兩個結論：
1）痛係因為乳房係一個好敏感既器官，好多時都冇得解，治療方法只有一個，就係止痛
2）唔好以為乳癌應該痛，自己唔痛就錯誤地認為自己冇事。再講多一次：大部份嘅乳癌係唔痛嘅。
下一篇講吓⋯⋯
相關醫學專欄：乳癌警號五：乳房痛楚怕不怕？
香港乳癌及乳病治療中心 
hi, 我2014年2月同4月都做過自體脂肪移植，今年年頭我發現胸肋骨痛同腫，照乳房造影冇問題，但超聲波見到我胸肋骨痛的附近有一大堆水泡，抽幼針未出報告，放射師話有可能水泡發炎，但她不知道我曾做自體脂肪。我係網上見到有人做自體引起發炎有膿什至引流流出朱古力奶惜液體，但我問台灣幫我做自體射醫生，佢話個d 係做完一個月內出現，而我做完都已經一年，所以佢話「一定」唔係個d 咁嚴重。請問假如真係脂肪壞死發炎，或是水泡發炎，係咪一樣食抗生素就冇事？點樣知道有冇膿？其實超聲波照不照到膿？還是要開刀才知道？
輕微發炎就食抗生素，嚴重發炎含膿就要抽膿／放膿。
含膿超聲波有提示，不過要確定就要抽針／開刀先知。
noted, 即是抽針結果測試唔到含膿即事實上100%冇含膿？thanks
唔可以話100％咁講，抽唔到膿只可以代表抽針嗰度冇一大泡膿。
仲可以有其他可能性：啱啱開始積膿／其他冇抽針地方有膿等等。
hmmm let me ask this way.
1) 如果fna話冇含膿，我就當事實上真係冇含膿，咁抗生素係咪可以醫好？
2）如果真的含膿，抗生素有沒有幫助？還是只會好d 但唔係醫好晒？
3）假如乳房發炎，會整個乳房都痛？因為我反而係乳房底部的胸肋骨腫痛.
thanks
如果冇膿，要視乎有幾肯定乳房真係發炎？發炎四大病徴：紅、腫、熱、痛有齊未？只係痛唔等如發炎。
我係乳房底部的胸肋骨腫, 腫到成舊野，就算冇腫到成舊野的地方，摸落去d 肋骨都有一粒粒腫起。痛，但唔發覺有熱，至於紅，我發現上述個位置有2達紅印，其他位置冇。
如果冇膿而懷疑乳房發炎，就只可以用抗生素。
唔好意思星期五晚係咁問問題，我知你個網只講關於乳房，但我有另一問題查左5個月，都冇醫生查到原因，唔知你可唔可以係到或者email 俾少少意見/ 指引？
對不起，偏離呢度主旨幫你唔到。
你好，我在2015頭發現有乳房纖維瘤，這時亦抽了針話是良性纖維瘤，當時醫生建議我每半年檢查一次，我也在上年年中也有定期追蹤(照聲波）當時話無變,但我在2016年2月尾去照聲波時，話發現纖維瘤變得有小許不平滑，及大了，要我再抽針，我想問，係唔係纖維瘤會變惡性，我可唔可以直接做手術拎佢出黎?謝謝你
纖維瘤唔會變惡性。
可選擇直接手術切除。
謝謝你的解答，但為何這纖維瘤會變得不平滑，因為我好擔心！謝謝你
纖維瘤本身唔係一定係平滑的。「唔平滑」只係其中一個訊號叫我地去跟進吓，唔等於「一定有事」，當然唔好誤會「一定冇事」。如果有「一定」，咁唔洗跟進啦，都知答案咯。
你好醫生，我在上年發現乳房有硬塊，經抽針証實係(fibroasenosis),在今個月做超聲波時，報告是(left breast,10 O’clock,2cm from nipple,1.5×0.7×1.5cm nodule which has mildly increased in size.this also shows some simewhat irregular borders.The rest of the left breast echotexture is normal.i would suggest ultrasound – guided FNA for the left breast.(4a Low suspicious for malignancy),醫生我應該點做，你可唔可以給我一些建議!謝謝你
寫得BIRADS 4a，我會建議直接抽粗針。
係唔係我的纖維瘤已經病變了?之前抽過針，其實我可唔可以直接做手術，其實半年前我都有check過話無事，點解半年後會變成咁?
纖維瘤本身唔會變癌，不過佢唔係護身符，唔會保證你其他乳腺組織唔會生野。
直接做手術係其中一個選擇，係咪好選擇就視乎有幾可疑。好可疑的話，直接手術唔係好選擇。唔可疑的話，直接手術就冇問題，不過到時你又諗唔明，咁點解一開始要做手術。
本人今年36歲,乳房有時覺得痛,睇左醫生話冇問題,但屋企人之前确診乳癌,甘我這情況要唔要照乳房x光,同超声波?但怕x 光有幅射!
痛本身唔擔心，不過未照過乳房，又唔可以話完成完整檢查，超聲波冇輻射係一個好選擇。
甘以我既情況想知有冇需要照埋X光?謝謝
暫時冇。
我想問我左邊乳雲㩒落去有一粒細嘢突起，而且㩒落去痛，好驚….但右邊完全冇咁？？thanks
睇乳腺科醫生。
你好，
我想問我左液下有D痛，無腫，無生嘢！
唔知關唔關乳房問題。
可以關（例如副乳腺、淋巴），又可以唔關。
請教：我呢兩星期左邊乳頭好痕乳房又有痛，乳雲對出亦有小水泡，破損，但已經結焦。沒有再生小水泡了。另外我本身有濕疹。上網搜尋到「柏哲氏症」，驚！
你好，我右乳房 下方經常痛，今早躺著 摸到 痛處?面有條狀 凸起的東西…請問我可以怎樣做…..?
睇醫生。
我得一邊乳房會痛，不過系經期前，兩邊會腫，但另一邊就會抽住抽住痛。只要下，推下，乳房舊滑滑既野會無咁脹，都無五再痛。經期黎左就五會再痛，可以解答我嗎？
無得憑你隔空講兩句就代替臨床評估的，擔心始終要去睇醫生。
醫生，我經期間，乳房單邊痛。禁落去好似有舊野，但我餵緊人奶，無發燒。
睇醫生檢查清楚。
我想問，我經期差不多來完時左邊乳房周邊覺得扯住扯住，有時訓醒覺起身旭下個身都感覺扯住，但係摸過唔覺得有腫塊，但係摸個時比右邊痛D，想知係咩問題？
好難網上斷症的，要檢查先知。
你好醫生，我30, 最近左邊胸一掂就痛，主要係側邊，即左underarm 下面至胸底，什至左背位置都有點痛，帶住胸圍都痛，因感覺到整個胸腫帳。有懷疑是換了新的胸圍，因帶了新胸圍一個月，但換了舊的亦無改善。有按過胸部但沒有硬塊，只是很腫帳而且很重，感覺比右胸大半號。不是經期，會是什麽原因？
檢查咗先知。
你好，我37，之前頸側一直有啲淋巴核，最近左胸側都摸到有2粒，會唔會有機會都係淋巴核？還是胸部腫瘤？
我低收入，我應該去睇急症？還是去睇咩科醫生適合？
胸側都仲可以係淋巴核，當然亦可以係胸部腫瘤。睇外科專科。
Hello BreastHK，我今年37歲，中學開始做過兩次手術切除乳房纖維瘤，近幾年都有每半年～一年做一次超聲波同造影檢查。最近一次係一個月前，醫生解釋報告都冇乜特別，全部大概10幾粒瘤都係BIRADS 2-3 keep住追蹤就得。
但我尋日突然間覺得右胸有啲痛，摸一摸發現有一粒瘤忽然間大咗好多，好似好脹咁，摸落去好痛，就算唔掂佢都痛，而其他部位係唔痛嘅，只係粒瘤痛。請問同排卵期有冇關係？有冇需要即刻去睇醫生？thx!
可以有可以冇，好難去講實。一個月前先檢查過，大問題就應該冇，睇唔睇醫生就視乎自己有幾擔心。
感謝解答！