成功戰勝乳癌的妳
呢度有成功戰勝乳癌的妳所要知嘅野：醫好乳癌之後點跟進？乳癌點check？乳癌復發10大病徵？乳癌復發點算好？乳癌復發治療攻略⋯⋯
之前成個Blog嘅主題都係圍繞住關注乳房健康的妳、同埋面對乳癌挑戰的妳，寫咗68篇，對嗰D急需人幫手嘅困惑病友／家人，希望已作出適當照顧。
同一時間，收到網友要求，話可唔可以寫吓「⋯⋯完成治療後，要定時做咩檢查？做幾密等等⋯⋯」「⋯⋯往後要注意D咩？復發有咩症狀？乳癌點check？」「⋯⋯不過 hope for the best prepare for the worst, 想問復發或轉移咁又點呢？」，我諗呢個時候，都係時間開一個新嘅篇章「成功戰勝乳癌的妳」。呢篇將會成為另一個文章總滙（就好似關注乳房健康的妳、同埋面對乳癌挑戰的妳咁），要bookmark就bookmark埋呢度。
至於寫咩好呢？雖然我心裡有個大致印象，但我都想聽聽妳嘅建議，好讓我地一齊去描繪呢個「成功」篇章，鼓勵吓同路人。
成功戰勝乳癌的妳
「乳癌分類」教你點分自己乳癌係邊類，了解多D自己個病，做好治療同保養：
「乳癌心靈復康」同你一齊面對精神上嘅困擾，幫你重新企返起身：
「乳癌同路人分享」系列，等過來人帶領你越過乳癌幽谷（歡迎投稿，與同路人分享你的喜怒哀樂）：
「乳癌檢查」教你醫好乳癌之後點跟進？乳癌點check？：
「乳癌復發解碼」解開乳癌復發的困擾：
香港乳癌及乳病治療中心 
我有個疑團一直未解開，外國的三陰性乳癌患者很多會食aspirin, 但香港就冇聽過有人食aspirin.
我想知多點，乳癌全切除加重建的個案中，有無可能在同一位覆發？重建後的乳房如何自我檢測有否覆發或轉移？
我想知多d關於五年荷爾蒙藥的詳情？thanks
and 淋巴切除防水腫的方法？many thanks 😉
還有做了矽袋重建應如何定期做檢查？
我想知乳癌復發有咩症狀？又乳癌Her 2 ，有冇話過咗幾多年才算安全呢？
你地D問題全部收到，我會盡量加入將來嘅文章之中，恕我唔遂一回應。
可唔可以分享一些成功抗癌的例子，她們的病情，治療及康復後的保健等，希望可以從中吸取經驗！謝謝！
究竟是看五年或是十年冇復發才算完全康復？
有沒有數據講到不同期數的復發，或復發轉移率是多少。若是轉移，有冇數據講到轉移到什麼器官多。
左乳和右乳的乳癌轉移pattern 是否有分别，如有，可分别說明嗎？
係咪真係咁惡?!
食緊tamoxifen 做左pet ct、仲要唔要做婦科檢查？tamoxifen 的副作用是不是會對子宮有影響？如何避免？
結束了化療半年至今仍冇月經，代表是好是壞？
醫生你好，我在政府做全乳切徐，做之前同醫生講想即時重建，但醫生叫我等電療後先考慮重建，我接受了，（…哭…)但手術後那條巴令我很不舒服，經常拉住拉住的感覺，請問我可否去第二間政府醫院做重建手術的，我害怕再係這裏做手術….。
可以試吓，一間間政府醫院做法唔同，有D肯有D唔肯。
醫生多謝你回覆，如果試的話，是否去想做嗰間醫院問嗎？
公立有整型外科專科嘅醫院得四間，瑪麗醫院、威爾斯醫院、廣華醫院、同屯門醫院，呢D醫院大D機會收你。
謝謝告知，感激
不好意思，有太多問題: 想知道，自己是乳癌病患者，沒有家族遺傳，下一代子女是否必定會受到遺傳嗎？子女年齡多大時才適合做相關檢查呢？
切除淋巴後，游水動作及能力會否受到影響呢？
想知化療，標把，手術，電療，口服荷爾蒙药全部也都有做過後，10年存活率計算好後，是否等如大概已知道自己將余有幾多年壽命？有更長的存活率數據嗎？ 10年後的存活率及確實存活人數能做到參考數字嗎？ 謝謝！
遺傳性乳癌佔整體乳癌百分之五，即係代表9成幾乳癌唔關遺傳事／唔會影響下一代。雖然我地都係覺得子女「相對」高危，可能同生活環境／習慣／污染／輻射／未知嘅基因有關。
一般人平時我地建議40歲開始定期做乳房檢查。而如果你怕子女高危，一個好粗略嘅建議，子女可以在25歲後或你病發年齡減十歲（以較大者為準）開始做乳房檢查。
切除淋巴後，膊頭活動可能冇咁靈活，可能影響某些泳式。相反，亦都唔建議太劇烈的手部運動，例如自由式，怕傷到餘下淋巴。
10年存活率只可以視作統計數據，實際情況人人唔同，其實唔好太上心。情況有如入息統計話你聽平均家庭入息中位數2萬5，同你屋企揾幾多係完全冇關係，你可以揾多過（亦可以少過）呢個數。
冇更長嘅數據（因為太長嘅研究9成爛尾），就算有都冇意思（醫療日新月異，15年已經幾代變化）。打個比喻，冇一個判頭（研究員）會接一個豪華裝修（成個計劃要做15年，中途冇收入），就算完成倒都比人笑過時。所以正確嘅態度係每一日都係最後一日，每一次機會都係最後一次機會，珍惜身邊人，訓醒感恩，真正做到醫生幫你日日賺。
謝謝您的回覆， 如果太大動作會影響餘下的腋下淋巴是會怎樣的？有什麼徵狀可知道？
另外，乳癌理論上是否不會引發子宮部位的病變嗎？ 因我在化療開始後下腹近子宮部位很痛呢! 謝謝!
影響到就怕會引發淋巴水腫。
乳癌本身唔會引發子宮部位的病變，但如果要食抗荷爾蒙藥Tamoxifen，係可以引起子宮內膜增厚，甚至癌症。
明白了， 那麼，食抗荷爾蒙药目的是想醫治乳癌，但又要冒子宮頸癌的風險？
不是子宮頸癌，是子宮內膜癌嘅風險。
明白， 子宮內膜曾厚的徵狀是如何的？是否會有不正常的血塊增加及增多呢？ 唔該晒。
下體唔正常嘅流血，你會覺得有別於正常經血，例如日子／流量等等。
Oh my God! 請問我應該搵邊一科檢查一下呢？ 是婦科嗎？謝謝!
對，婦科。
收到，唔該曬。
經歷化療電療加埋Herceptin此刻食抗荷爾蒙藥Tamoxifen.康復要進食甚麼才好.電視廣告的靈活靈芝可以服食嗎?請指示一下
康復後已經回復正常人生活，平常健康生活應該食咩就食咩。
對於呢D商業產品冇研究，所以不作任何推介。
唔知今日回唔回覆到我呢？因為聽朝要做手術了，仲係心大心細。
我37歲，2年前做了一邊乳房切除，切除左乳頭，做左電療，用矽袋用背脊肌肉立即做埋重建。但我覺得重建那邊既位置高左，同正常那邊不平衡，而且加拿大位凹左落去，醫生話係會向高發展，因為右手會用力，所以醫生話可以幫我再做，換過個袋，整低d同埋凹左果個位可以向肚抽d脂肪打落去。
但問題就來了：
1) 其實可以唔做既手術令到我有d不安，因為家人朋友又擔心，同埋總不明白唔牽涉生命危險既事做黎做乜呢？但都好支持我，只係反而自己唔好意思。
2) 好驚做完比未做之前仲差，肉既顏色會唔會同原來不同? 皮膚會唔會起摺? 抽脂肪(肚)會唔會又多個疤痕呢，同埋會唔會抽一邊令2邊肚會唔對稱呢?
3) 醫生話做完後再過d時間始終都會高番，咁係咪應該遲d先做? 同埋未做重建乳頭手術，因為醫生話要做好晒最後先再重解乳頭，其實係咪做後者就算呢？
因為我有2個小朋友，所以要考慮好多問題，入院又要搵人湊，同埋同醫生傾果時諗唔到咁多問題出黎，而家諗到後想見醫生都見唔到，因為我向公立醫院做，琴日見麻醉師都問唔到。
麻煩晒，謝謝!
1）做黎純粹為咗自己心裡嗰一關。
2）顔色就唔應該有分別，做完初期理論上點都好D，實際襟唔襟用就好難講，始終冇醫生會包靚包生仔。抽脂肪會有個細疤痕，唔對稱就唔會。
3）長遠效果同你幾時做手術冇關係，唔應該影響手術決定。至於淨做乳頭重建，定執靚先做乳頭重建屬個人喜好。
你好，馬醫生。我叫Carmen ,想請教以下的問題。
2014年4月確診右乳癌3A期，做了全乳切除，重整右乳房，化療，電療及服抗荷爾蒙药。2O16年6月確認擴散去骨，由Tamoxifen 轉食femara加打骨針，2O17年7月又再次擴散去肺，医生比左3個方案去選擇:
1. 每月打抗荷爾蒙針+ palbociclib
2. Aromasin+ everolimus+entecavir
3. Xeloda
我係乙肝帶菌者，又我係公務員，不用負擔葯費。
請给我點意見，下是期要决定治療方案。谢谢。
視乎係咪visceral crisis 同有冇病徵，整體我會揀1，palbociclib 係好藥（尢其你唔洗錢），everolimus 只係延長progression free survival，冇咁神奇。Xeloda就兩頭唔到岸，係化療不過又唔夠吊針咁進取，副作用又唔夠荷爾蒙治療少。
請問手術後超過兩個月才安排到做電療會否影響效果？（不用化療）
唔影響，6個月內都OK。
謝謝回覆！另外想問有關復發率的問題。我是屬於一期，lumpectomy with sentinel lymph node biopsy was performed, pathology : Er 290/8, pr 300/8, ki67 32% and HER 2 1 另做了EndoPredict 測試是屬低風險，所以不用化療，現正電療。但又擔心，會否因不做化療較易復發？一期通常5年和10年的復發機會是否相對較低？
睇你有幾信endopredict。
復發機會視乎你同咩比較。
Endopredict 不是可靠的復發指數參考嗎？因我的KI67是32%,故醫生建議我做這個昂貴的測試來決定應否化療。
通常一期加沒有擴散淋巴的復發機會是否較二，三期低的？
謝謝醫生
Endopredict 現階段好難講實係咪可靠，因缺乏一些高質的醫學證據去支持。現階段最多證據支持的是OncotypeDx 同PAM50。
一期復發機會當然比二、三期好。
醫生！你好！
不經不覺，我已經完成化療！
多謝你的鼓勵和支持！
感謝
醫生診斷我患浸潤性導管癌, 我已經完成化療, 手術及正接受Herceptin標靶治療, 請問此乳癌的成因是什麼, 以後如何預防, 例如食物或生活習慣. 我很擔心, 請協助
1）無單一成因的。
2）跟足醫生指示治療，定期檢查。食療／戒口冇強力的科學證據去支持的，就好似信仰咁，信則有不信則冇。
醫生你好。我已於 7 月中尾完成化療及9 月中完成電療。現正服食荷爾蒙藥。最近自己在化驗所驗血，報告話我白血球 index 都 out range:
Haematology – White Blood Cell = 3 (vs normal range of 4 – 11)
Haematology – Monocytes = 12 (vs normal range 2 – 10)
Urinalysis – WBC = 16 (vs normal range < 10)
請問這是否有問题？
白血球好多因素會影響，好易忽高忽低，搵醫生睇完再驗多次先決定下一步點做。
我剛完成化療和電療，之前戒口不吃魚生、未煮的蔬菜（如沙律菜），也停止接受注射（volbella）的美容療程。請問何時可以解禁？
食物除時可以食，volbella 唔識。
謝謝！咁可以打麻疹疫苗嗎？
可以。
母親三陰2b期，二月完成電療，頭髮正在長出，因為母親很注重外表，整頭白髮令她沒有自信，不想見人。假髪亦幫不了很多。
請問她可以染髮嗎？坊間的hena 染髮會否較天然？還是盡可能不染？
可以染髮，個別產品唔識唔評論。
醫生，我去年已完成手術、化療和電療，兩星期前也打了最後一針標靶。請問打新冠病毒滅活疫苗可以嗎？有什麼需要注意？
理論上打得，成效上暫時冇第三期科學數據去支持。
謝謝醫生這麽快回覆！你指的，應該只是對能否預防新冠肺炎的成效存疑吧，對乳癌復發或者已完成的化療和標靶應該沒有影響吧？我明白新病毒新疫苗，成效可能不能確定，但接受疫苗應該無太大的壞影響吧？
第一段對，第二段唔敢妄下判斷。
謝謝醫生的意見！我平衡過，還是覺得應該接受疫苗，希望減低感染新冠肺炎的風險。今日已打了第一針，會留意身體狀況。