香港乳癌醫生 ﹣ 睇公立好?睇私家好?醫生攻略1

Posted by in Doctor 醫生

香港乳癌醫生-你知道要搵既係一個好嘅乳腺科外科專科醫生,下一個問題就係「我應該去公立醫?定係私家醫好呢?」

正所謂三軍未動,糧草先行。行軍打仗,咁你梗係睇下自己幾多銀両先,再睇餸食飯、豐儉由人⋯⋯

你有幾多銀両,冇咩嘢可以討論。不過睇餸食飯呢,就大有學問。首先我哋睇睇個餐牌先:

香港乳癌醫生

你會見到公立醫院等得最耐嘅係步驟一至七(即係初診到手術),一去到輔助治療(即係化療標靶治療荷爾蒙治療),已經過咗嗰樽頸位,唔使點等。

睇完嗰餐牌,可以開始睇餸食飯喇:

1)$0-$40000:全部去公立啦,做正電子掃描好啲嘅化療/好啲嘅荷爾蒙治療,係公立都要比錢㗎。

2)$40000-$100000:步驟一至六去私家,到所有野齊晒,再去公立等手術,咁就係用最少錢,以達到加速嘅效果。

3)$100000-$200000/有保險包嘅:步驟一至七去私家,做埋手術先,咁就咩都唔使等。

伸延閱讀:乳癌手術費用 -手術收費貴唔貴?醫療保險包唔包?

4)$200000-$600000:唔好以為任我行,都要睇吓自己使唔使用標靶藥,因為標靶加化療,淨係藥錢,係公立成本都要$300000

5)$600000以上:足夠彈藥自由行,追求乳癌名醫另計。

當你知道自己可以食啲乜,又代唔代表你真係要食嗰啲嘢呢?10蚊又有餐蛋飯,120蚊都係餐蛋飯,咁我食10蚊定120蚊好呢?

下一篇同你探討值唔值咁貴⋯⋯

香港乳癌醫生 ﹣ 睇公立好?睇私家好?醫生攻略2

封面圖片來源:互聯網