乳癌復發治療攻略 － 求生大作戰

Posted by in Recurrence 復發, Treatment 治療方法

上次講到乳癌復發原來分3大類，治愈率同治療方法都好唔同，究竟乳癌復發仲有冇得醫？為咗生存，你可以去到幾盡？「乳癌復發治療攻略－求生大作戰」開始⋯⋯

乳癌復發，邊一度走出黎？馬國權醫生

1）曾經有事嗰邊乳房／胸口局部復發

個名太長，以下我地簡稱為「局部復發」，即係上次局部割／保留咗嘅乳房，甚至重建出黎嘅乳房，又再生乳癌。或者，上次全乳房切除冇重建嘅，就喺個胸口復發。

呢個仲係有得醫嘅，不過會因應你之前做過嘅治療而有所微調：

局部復發乳癌手術篇

乳癌手術

乳癌手術：開刀我仲有得揀？馬國權醫生
乳癌手術：做咩切我啲淋巴？馬國權醫生
未知點重建乳房前，千祈唔好做全乳切除。馬國權醫生

1）之前局部割嘅，而家一定要全乳房割。因為事實證明保留乳房失敗，同埋以前電過唔可以同一部位電2次。
2）之前全乳房割嘅，而家要睇吓仲可唔可以再割，有可能要植皮／皮瓣先可以刪得埋個傷口。
3）之前有做乳房重建嘅，仲割到嘅就就咁割，但要有心理準備可能要拆咗個重建乳房去。

 

局部復發乳癌化療篇

乳癌化療

乳癌我可唔可以唔化療？馬國權醫生

1）之前有化療嘅，喺化療嘅藥物選擇上，要就住以往用過嘅劑量／種類調節一下，可能用其他第一線化療，或者第二線，甚至第三線化療。另外有D化療藥（例如紅魔鬼）係有劑量頂點嘅（呢D我地叫cumulative dose），你身體呢一生可以打幾多其實係有限制。
2）之前冇化療嘅，而家就要化療返。

 

局部復發乳癌標靶治療篇

乳癌標靶治療

乳癌我可唔可以唔標靶治療？馬國權醫生

要睇返之前做過未，同埋復發腫瘤嘅特性（標靶受體陽性定陰性），先可以決定點做。呢個十分複雜，因為人人唔同，一定要問返自己醫生，2015年大方向就好似以下個表咁（注：醫學發展太快，下一刻可能就更新／變／錯，記緊問返自己醫生最update最貼身嘅方案）：

乳癌治療

局部復發乳癌電療篇

乳癌電療

乳癌我可唔可以唔電療？馬國權醫生

1）之前電過嘅，而家冇得再電。
2）之前冇電療嘅，而家要電返，藉以加強局部控制。

 

局部復發乳癌荷爾蒙治療篇

乳癌荷爾蒙治療

乳癌荷爾蒙治療 - 我可唔可以唔荷爾蒙治療？馬國權醫生

同標靶治療一樣，要睇返之前做過未，同埋復發腫瘤嘅特性（荷爾蒙受體陽性定陰性），先可以決定點做。呢個十分複雜，因為人人唔同，一定要問返自己醫生，2015年大方向就好似以下個表咁（注：醫學發展太快，下一刻可能就更新／變／錯，記緊問返自己醫生最update最貼身嘅方案）：

乳癌復發荷爾蒙治療

2）另一邊冇事嗰邊乳房生乳癌

呢個係最簡單嘅，就係所有野回帶咁黎多次，又係乳癌治療5寶（手術／化療／標靶治療／電療／荷爾蒙治療）出動嘅時候。

唯一有少少分別：
1）如果手術上次原本有事嗰邊，係全乳切除而又冇重整嘅話，咁呢次新呢邊都傾向全乳切除，因為對稱D。除非特別原因，如果唔係嘅話，大部分病友好少可話想／揀保留單邊乳房。
2）之前有化療嘅，就好似上面咁，就住以往用過嘅劑量／種類調節一下化療嘅藥物選擇。
3）標靶治療同荷爾蒙治療：大方向就好似以上兩個表咁。

 

3）遠端復發（即係擴散／轉移）

呢個係最唔開心嘅，去睇睇「乳癌四期治療 － 末期仲有冇得醫？」

 

乳癌復發治療攻略結論

清楚晒乳癌復發應該點面對，心裡嘅不安雖不至一掃而空，但我地可以做嘅已經盡晒力，剩落黎嘅就安然交返比個天啦。

下次我地轉轉話題，講下生BB沖喜吓：「乳癌康復後懷孕 － 我想生BB！」

有唔明？係下面寫低佢，我會盡量解釋你聽⋯⋯

封面圖片來源：互聯網
分段圖片來源：改篇自互聯網