乳房發炎 : 我係咪生乳癌?5

Posted by in Symptoms 病徵

乳房發炎 -「發吓炎咋喎,咁都可能係癌?!唔係呀麻~」千真萬確,唔係嚇你!

你可能唔知嘅乳癌五大病徵|改變一生的九分鐘|馬國權醫生
我咁後生,乳癌唔關我事嘅!咁就大錯特錯⋯⋯馬國權醫生

乳房發炎/乳腺炎

何謂發炎?醫學上即係四樣野:紅/腫/熱/痛

通常你都會留意到皮膚發紅同埋嗰個位好痛,至於有冇腫同埋發熱,就人人唔同,視乎程度同埋你有幾細心。

你會話:「喂,我成日都發炎㗎啦,喉嚨又發炎,呢度又發炎,嗰度又發炎,關生癌咩嘢事?」

你要知道發炎只不過係個一個病徵(果),並唔係原因(因)。咁你究竟咩原因發炎先?

可以有好多原因,例如餵人奶時被BB咬損咗,又或者你有糖尿病易啲感染。呢啲通常都有啲明確既原因,而且食消炎藥/抗生素會醫得好。最需要注意既係嗰啲無緣無故/食藥都冇改善/仲要有埋先前講過嘅病徵(腫塊/硬塊/乳頭流血/乳頭凹陷/皮膚下陷/橙皮變化),咁就要即刻睇醫生,因為乳癌可以搞到發炎,仲係要悪嗰隻添。

乳房發炎化膿

圖片來源:改篇自互聯網

一連五集已經將乳癌嘅病徵大致講完,下一集我地跳出學堂,講下如果你懷疑自己有事,應該睇咩科醫生⋯⋯

乳癌醫生 ﹣ 睇咩科先啱 ?

相關醫學專欄:
乳癌警號四:乳房發炎也可大可小?

馬國權醫生

乳房百寶箱六:令媽媽聞風喪膽的乳腺炎

 乳腺炎

封面圖片來源:改篇自互聯網