「醫生，我乳癌咩期數？早期？末期？有冇得醫？」 要打贏呢場硬仗，我地要有一個好好嘅作戰計畫。知己知彼，第一個好重要嘅問題就係「乳癌分期」。 就好似消防員（醫生）救火（醫癌症）咁，第一個問題就係火種源頭（癌症源頭）係邊度？有邊啲通道／樓層（邊啲淋巴／器官）受影響？呢家工業大廈喺幾多級大火（乳癌咩期數）？我地要派幾多人／帶幾多架撐（用咩治療：手術／化療／電療／標靶）入去？淋息啲火先處理火種（術前化療）？定係先處理火種後救火（術後化療）？