香港乳癌及乳病治療中心-一個實踐愛.乳.希望的地方

Posted by in 其他

一個實踐「愛‧乳‧希望」的地方。這裡不止是一所診所,這裡希望成為大家一個可以聚腳的一個家。

由2017年3月起步,一晃便將近三個年頭,承蒙大家的支持及關愛,我地呢個家得以發展擴充,提供更佳的空間及設備去為大家服務。

由未發生運動時簽約,裝修在香港風雨飄搖下進行,歷時四個月,今個星期入伙,係時候等土炮<樓盤傳真>帶大家去睇睇呢個轉變⋯⋯

在過往兩年多的營運中,大家比咗好多好好嘅建議我地,我地一直記在心中,直到現在儲夠能量,決心來一個徹底變革。
香港乳癌及乳病治療中心

一入門口,就要講講部水機,之前部水機顔值係高,不過被投訴率亦高。

香港乳癌及乳病治療中心

因為嘈之外,最主要係要好複雜咁㩒住先出到熱水,莫講話婆婆,連後生都會考起,基本上姑娘要每日教人點樣用佢。但之前一路都唔換,因為佢係東華醫院舊同事送,牽頭嘅係好錫我嘅美琴經理(佢已經返咗天家),所以一路用到而家壞為止。新嘅係一部靜D易用D嘅水機,舊嘅長駐我心中。

香港乳癌及乳病治療中心

等候睇醫生最痛苦莫過於唔知等到幾時,又唔行得開,又未食飯好肚餓。一個唔覺意,又比D面皮厚嘅話趕時間想插隊。為咗令大家等候時可以自由D,可以公平D,可以行吓街醫下肚,特意模仿食肆攞飛排隊,掃一掃個QR code,就知條隊咩狀況,從此等睇醫生變得不再被動。

香港乳癌及乳病治療中心

之前等候區係黑廁黎嘅,冇窗,由早等到晚,又唔知出面點,掟催淚彈都唔知,人都等到抑鬱。

香港乳癌及乳病治療中心

新嘅有窗有差電,扮足cafe,等都冇咁抑鬱,雖然都係抑鬱。我都唔想大家等,不過亦都唔想求求其其咁睇症。

香港乳癌及乳病治療中心

香港乳癌及乳病治療中心

掛喺大廳始終係大聯盟的字畫,冇大聯盟便沒有我。

香港乳癌及乳病治療中心

舊時你地送比我的禮物只可以擺係房,因為個廳冇位。

香港乳癌及乳病治療中心

而家專登做個飾櫃去貼堂,喂,仲唔快D投稿。

香港乳癌及乳病治療中心

D 梳化又要講講,上次張白色Barcelona chair比人投訴到暈,因為窩左落去D婆婆坐得耐發唔到力起身。

香港乳癌及乳病治療中心

今次換張平身D 梳化,希望易D發力,點知短短幾日,已經有人投訴唔好挨,睇黎又要fail 多次。

之前隔音做得差(其實已經加左隔音棉),搞到診症室入面講野出面都聽到D,嗰時只可以開大啲個背景音樂去遮一遮。今次將診症室縮入好多,再加上磚牆加木牆加隔音棉,隔音好好多,你見門框幾厚就知足料。

香港乳癌及乳病治療中心

之前收銀處即係接待處即係等候區,好多病友反映冇私隱,食藥人地又知,做手術人地又知。

香港乳癌及乳病治療中心

今次將收銀處同接待處用個玻璃門乾濕分離,病人私隱level up。

香港乳癌及乳病治療中心

診症室今次多咗兩個,共三個,方便姑娘問症同講解入院程序。

香港乳癌及乳病治療中心

我間房由黑廁變成有窗,有自然光舒服D。色調轉為淺色冇咁沉重。加上射燈改為酒店嵌入式,會比較舒服。X光燈箱亦都移近左病友,方便可以埋D睇片,了解自己病情。

香港乳癌及乳病治療中心

治療室改為三邊落床,盡量個頭唔需要掉來掉去。

香港乳癌及乳病治療中心

同時豪花80萬添置一部頂級超聲波,一於輸人唔輸陣。

香港乳癌及乳病治療中心

上次太空館式投影廣受好評,今次進化連牆都投影埋,照顧埋同行陪診者。

香港乳癌及乳病治療中心

上次治療室冇咩鏡,用落先發覺女士係好需要一面鏡去整理儀容,今次整到周圍都係鏡。

香港乳癌及乳病治療中心

睇完醫生往往家人都要消化資訊同商量,之前冇位傾,傾就要大庭廣眾傾。今次整間玻璃房慢慢傾。

香港乳癌及乳病治療中心

約嫌唔夠私隱就即刻轉磨沙俾你。

香港乳癌及乳病治療中心

有D媽媽乳腺炎睇醫生,最好都係泵咗奶先照超聲波準確D,走廊盡頭暗門後就係育嬰室,泵完奶先檢查。

香港乳癌及乳病治療中心

香港乳癌及乳病治療中心

茶水間係員工福利的地方,姑娘好多時都冇飯食,再唔係度差下電就會劈炮。

香港乳癌及乳病治療中心

咁樣搞一搞,元氣大傷,但只要比到大家更佳的體驗,我相信係值得嘅。

多謝收看今集<樓盤傳真>。係,唔記得咗講最重要嘅地址,由701室搬咗去1705室,其他所有野乜都冇變:

診症時間:(敬請預約)

星期一至五 9:30-18:30

星期六 9:30-13:30

星期日及公眾假期:休息

 

聯絡方法:

電話:27711896 /96824335

傳真:27710398

地址:九龍旺角彌敦道639號雅蘭中心一期17樓1705室

網址:http://www.hkbreast.com