一個野孩子的告白

Posted by in 其他

作為支持Breast HK 嘅你,今日,我要同你話別喇。

Breast Cancer HK「香港的乳癌治療資訊」嘅誕生,係源自我希望用工餘時間做一D對社會有貢獻嘅事。

我深知乳癌病友/家人已經受盡癌魔的折磨,大家在逆境之中只感到痛苦、孤單、絕望⋯⋯

呢個時候,雖然第一樣至關重要嘅就係「點樣去醫?」,但如果仲要好嚴肅沉重咁去說教講理,對她們未免太過殘忍喇,所以我選擇以一個比較輕鬆嘅方式去寫呢D乳癌資訊,除咗希望可以帶比大家一D好難得到嘅治療資訊之外,更重要嘅係希望大家在苦難中能感覺到「甜」,在孤單中能感覺到「愛」,係呢度重新搵到「希望」。

Breasthk對於我黎講,就好似我嘅親生仔一樣,由開頭好似對空氣講野,到慢慢大家開始留言/發問,我見住我個仔一日一日長大,見證住一個又一個家庭得到祝福,實在帶比我好大滿足/好多快樂,多謝你地!

我自問breasthk已經盡量保持誠實、中立、持平,但當我個仔日漸長大成人,進入現實社會,我先發覺原來我嘅諗法係「好天真、好傻」,「誠實、中立、持平」並不足夠,呢個社會仲有好多潛規則要遵守、要妥協。

我係好唔捨得同好愛你地嘅,不過呢個童言無忌、不知天高地厚的野孩子,我實在有好多野要幫佢改正,先可以再比佢出黎同大家見面。如果我仲可以返黎嘅話,我會選擇用另一個角色/方式去守護你地。

呢一刻,係我腦裡面響起嘅,係王馨平嘅「別問我是誰」⋯⋯

封面圖片來源:互聯網